Morgunblaðið - 05.08.1983, Blaðsíða 26

Morgunblaðið - 05.08.1983, Blaðsíða 26
26 MORGUNBLAÐIÐ, FÖSTUDAGUR 5. ÁGÚST 1983 Beina flugið á milli Akureyrar og Kaupmannahafnar: Hugsum um það í alvöru að halda þessu flugi áfram — segir Hans Indriðason svæðisstjóri „Þetta hefur ekki gengið eins vel og við vonuðum, þannig að við fækkuðum ferðunum niður í þrjár og hafa þær ferðir sem farnar hafa verið, gengið all vel," sagði Hans Indriðason, svæðisstjóri hjá Flugleiðum, í samtali við Morgun- blaðið, en hann var inntur eftir því hvernig beint áætlunarflug á milli Akureyrar og Kaupmanna- hafnar hafi gengið það sem af er sumri. I upphafi stóð til að fljúga á milli staðanna vikulega, en síoan var ferðunum fækkað niður í eina í mánuði. „Hins vegar sýnir reynslan það að þarna er ákveðinn markaður sem taka verður mið af og við verðum að hugsa um það í alvöru að halda þessu flugi áfram, þó svo að það hafi ekki gengið eins vel og við vonuðumst eftir. Það er alltaf erfitt að byrja á svona ferðum, en þetta er svæði sem taka verður til- lit til. Norðlendingar verða að geta komist til útlanda frá sínum flugvelli," sagði Hans. „Það sem fólk hafði nokkrar áhyggjur af í upphafi var það, að ekki er fríhöfn á Akureyri. Það var eflaust ekki nægilega vel kynnt að þarna var ekkert vanda- mál á ferðinni, því bæði gat fólk verslað í fríhöfninni á Kastrup- flugvelli og um borð í vélunum. Nú hefur því verið lýst yfir að Kast- rup eigi að verða ódýrasta fríhöfn í veröldinni, það er yfirlýsing Hans Indriðason þeirra aðila sem tekið hafa við rekstrinum og ég trúi því að það eigi eftir að gerast," sagði Hans. „Við teljum markaðslíkurnar það góðar þarna, að við viljum endilega halda þessu áfram og verðum að taka þessa leið alvar- lega til athugunar, þegar við ákveðum sumaráætlunina fyrir næsta sumar," sagði Hans. Varðandi það, hvernig Flugleið- um hefur tekist að fá farþega frá Danmörku til þess að fljúga til ís- lands með þessum hætti, þ.e. beint til Akureyrar, sagði Hans „að lít- ilsháttar fækkun væri á heildar- ferðamannastrauminum til lands- ins í ár, þannig að menn hefðu kannski ekki byrjað með þetta nýja flug á „þægilegu ári", en þetta flug hefði staðið sig hlut- fallslega miðað við hin. Þetta beina Akureyrarflug var töluvert kynnt í Danmörku, m.a. í starfs- mannablöðum og Norrænum fé- lögum sem við erum aðilar að og það var vel að þeirri kynningu staðið. En það var bara samdrátt- ur á danska markaðnum og hlut- fallslega stóð þetta flug sig ekki verr en annað. Mývatn er mjög vel þekkt og Akureyri er þekkt úti, þannig að ferðir á milli þessara staða er flug framtíðarinnar," sagði Hans. „Við hittum á slæmt ár. Hér er óskapleg samkeppni og líka sam- dráttur á sama tíma og ekki síst á Akureyri, þannig að við höfum kannski byrjað á vitlausu ári, ef svo má segja, en einhvers staðar verður að byrja og þarna tel ég vera markað sem á tilverurétt," sagði Hans og kvaðst telja að sú fjárfesting sem lagt hefði verið í vegna flugsins myndi skila arði síðar, en hins vegar tæki tíma að vinna þessar ferðir upp. „Það var mjög vel tekið undir þessar ferðir á danska markaðn- um og töldu menn að þarna væri um nýjung að ræða. Akureyri og Mývatn og raunar Norðurland allt var mjög vel kynnt og vissu menn alveg hvað var uppi á teningnum," sagði Hans Indriðason. FráTítoIÍ. Bátarnir era alltaf vinsalir hjáyngstu kynslóðinni. Frá Víkinga- safninu í Hró- arskeldu, en það er einn við- komustaðurinn í rútuferðun- Frá dómkirkjunni í Hróarskeldu. Beint áætlunarflug á milli Kaupmannahafnar og Akureyrar: Ferðaskrifstofa Akureyrar býður upp á fjölmarga ferðamöguleika Flugleiðir hafa í sumar staðið fyrir beinu flugi á milli Kaupmannahafn- ar og Akureyrar, og er þetta gert í samvinnu við Ferðaskrifstofu Akur- eyrar. Fór fyrsta vélin frá Akureyri til Kaupmannahafnar þann 16. júní sl., en áformað er að þetta beina flug standi yfir til 1. september. Fjölmargir ferðamöguleikar Þetta er í fyrsta skipti sem beint áætlunarflug er á milli þess- ara staða og hefur Ferðaskrifstofa Akureyrar skipulagt ferðir í Danmörku fyrir fslendinga, auk þess sem boðið er upp á pakka- ferðir, t.d. flug og bíll í 1 til 4 vikur. Samkvæmt upplýsingum forsvarsmanna Ferðaskrifstofu Akureyrar eru fjölmargir ferða- möguleikar fyrir hendi sem ferða- skrifstofan býður upp á og einnig má þar nefna að ferðaskrifstofan er umboðsaðili fyrir ferðaskrif- stofuna Spies í Danmörku, sem hefur á boðstólum ferðir til allra helstu sólarstaða í heimi. Sumarhús Ferðaskrifstofa Akureyrar hef- ur gert samninga um sumarhús í Danmörku og er úr 800 húsum að velja um allt landið og eru húsin af öllum stærðum og gerðum og í mörgum verðflokkum. Hægt er að fá allt frá þokkalegum sumarbú- stöðum upp í stórar „villur" með sundlaug og allri aðstöðu. Sem dæmi um ferðamöguleika fyrir farþega frá Akureyri er 14 daga ferð til Danmerkur, sem gæti skipst í viku dvöl i sumarhúsi og aðra á hóteli í Kaupamannahöfn og síðan gæti fólk haft bílaleigubíl til umráða og ferðast að lyst sinni. Sumarhúsin sem á boðstólum eru, eru víða um Danmörku, m.a. er völ á húsum við sjávarsíðuna. Þá eru ferðamöguleikar miklir, ekki er langt að fara yfir til Sví- þjóðar eða Þýskalands og geta ferðalangar ekið þar á milli. Segja má að ekkert sé því til fyrirstöðu að aka um alla Evrópu frá Dan- mörku, standi hugur fólks til þess. Umboðsaðilar Spies Ferðaskrifstofa Akureyrar býð- ur farþegum sínum upp á gistingu í Kaupmannahöfn, á Hótel West- end, sem er gott og þrifalegt hótel í miðbænum. Margir möguleikar eru á dægrastyttingu í Kaup- mannahöfn og má þar m.a. nefna Tívolí, dýragarðinn og Dyrehavs- bakken. Ef hugur manna stendur til lengri ferðalaga en til Danmerkur býður Ferðaskrifstofa Akureyrar upp á ferðir með dönsku ferða- skrifstofunni Spies, en FA er um- boðsaðili fyrir Spies. Þar er um afar marga ferðamöguleika að ræða, en þar á meðal eru helstu „íslensku" ferðamannastaðirnir, s.s. Costa del Sol, Mallorka, Rhod- os, Ibiza og fleiri. Rútuferðir Sá ferðamöguleiki í Danmörku, sem Ferðaskrifstofa Norðurlands býður sérstaklega upp á, eru rútu- ferðir. Eru þær hugsaðar sem fjöl- skylduferðir, og standa þær í 14 daga. Hefst hver ferð með 3ja daga dvöl í Kaupmannahöfn og eru farnar skoðunarferðir í Tívolí og Dyrehavsbakken, siglt er um höfnina og farið í sirkus. Að Kaupmannahafnardvölinni lok- inni er ekið norður Sjáland og komið við í Girselfeld-höllinni á Sjálandi, en þar er hluti af þjóð- minjasafni Dana. Þá er farið á Mön og komið á Manarklett, en þar eru sérkennileg náttúrufyr- irbrigði. Síðan verður ekið til Kruthenborg, en það er dýragarð- ur, þar sem dýrin ganga laus í sínu eiginlega umhverfi. Næsta dag er ekið til Svend- borgar og Óðinsvéa á Fjóni. Farið verður á fæðingarstað ævintýra- skáldsins H.C. Andersen og ná- grennið skoðað. Þá verður farið í Legoland, sem er búið til úr kubb- um. Síðan er farið í skoðunarferð um Jótland og m.a. er farið í „fjallgöngu" og gengið upp á topp á einu hæsta fjalli Dana, Himmel- Gísli Jónsson, forstjóri Ferðaskrif- stofu Akureyrar, og Arnar Guð- mundsson, sölustjóri, við eina Boeing-flugvél Flugleiða. bjerget, en það er alls 172 metra hátt! Þá verður m.a. farið í vinabæ Akureyrar, Randers, og siglt á Randersfirði. Frá Randers verður haldið til Ebeltoft og siglt yfir Stórabelti og þaðan ekið til Hróarskeldu. Þar er dómkirkjan skoðuð og Víkinga- safnið og þaðan er haldið til Kaup- mannahafnar.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.