Morgunblaðið - 13.09.1983, Blaðsíða 3

MORGUNBLAÐIÐ, ÞRIÐJUDAGUR 13. SEPTEMBER 1983
3
Hræ af kind, sem festist í netum í skreiðarhjöllunum.
Grindavíkurhraun:
Sauðfé í stórhættu
við skreiðarhjalla
Vogum, 5. september.
ÞESS ERU dæmi frá f sumar, að
sauðfé og fuglar kveljist af sárum, er
þau hljóta eftir að hafa fest í netum
og svelti til bana við skreiðarhjalla í
Grindavíkurhrauni. Samkvæmt upp-
lýsingum frá lögreglunni f Keflavík
höfðu þeir afskipti af kind sem
drapst með þessum hætti 22. ágúst
sl. Laugardaginn 3. september fór
blm. Mbl. um skreiðarhjallana, og
kom þá að kindarhræi, sem greini-
lega hafði fest í neti og legið lengi.
Þá voru fuglshræ föst í netum og
skiptu þau tugum.
Eigendur hjallanna setja net yf-
ir og meðfram hjöllunum til að
verjast ágangi vargs. Þegar blm.
fór um svæðið var Teodór Guð-
laugsson, gæslumaður Land-
græðslugirðingarinnar, með og
benti á þann mun sem er á, eftir
því hvaða net eru notuð. Áberandi
var hve þorskanet voru slæm, en
þéttriðnari og grófari net miklu
betri.
Þá sagðist Teodór hafa bjargað
þremur lömbum úr netum. Eitt
lambanna hefði verið illa farið og
þurfti langan tfma til að jafna sig.
Annað lamb fannst fyrir algera
tilviljun. Þá hefði hann verið að
reka fé er hundur hans, sem er
mjög fundvís á fé, týndist. Fór
hann til baka og fann hundinn i
hrauninu yfir ósjálfbjarga lambi,
sem var flækt í nælonnet. Taldi
hann líklegt að lambið hefði
flækst í netið við hjallana.
E.G.
Hættulegar netadræsur við hjallana.
Morgunbladid/E.KG.
Bráðabirgðaverð á lambakjöti:
Lærissneiðar kosta
168,75 kr.
FRAMLEIÐSLURÁÐ landbúnaðar
ins hefur birt nýtt verð, bráðabirgða-
verð, á lambakjöti, sem gilda á til 1.
október. Verð á hverju kflói í
stjörnuflokki er kr. 122,50, í 1.
flokki er verðið kr. 116,90, í 2. flokki
110,70 krónur og í 3. flokki kostar
hvert kg 93,35. Framangreint verð er
miðað við heila skrokka.
Verð á frampörtum er 108,65 kr.
hvert kg, læri og hryggir kosta
hvert kg
145,95 kr., kótilettur 155,90, súpu-
kjöt 123,75, lærissneiðar 168,75,
framhryggur 166,90, og bringur og
hálsar 51,70 krónur hvert kíló-
gramm. Lifur kostar 91,40 kr.,
hjörtu 90,15, mör 17,45 og sviðnir
hausar eru á 61,50 krónur hvert
kg. Heilt slátur, með sviðnum
haus og mör, kostar 103,40 krónur.
Allar framangreindar tölur eru
smásöluverð.
Vel aflast af karfa
AFLABRÓGÐ hafa verið góð á
karfa aö undanfornu og togarar
komið með fullfermi til hafnar,
til að mynda Akureyrartogararn-
ir í tveimur síðustu túrum.
Þá hafa togarar suðvestan ands
einnig aflað mjög vel af karfa.
Hins vegar er mjög lítið um þorsk
á miðunum, einkum eru það Vest-
fjarðatogarar sem eitthvað hafa
aflað af þorski.
Aukning í millilandaflugi Arnar-
flugs en 1% samdráttur innanlands
ARNARFLUG flutti samtals 13.177
farþega á áætlunarleiðum félagsins
innanlands fyrstu átta mánuði þessa
árs, samkvæmt upplýsingum er
blaðamaður Morgunblaðsins fékk
hjá Agnari Friðrikssyni, fram-
kvæmdastjóra Arnarflugs. Agnar
sagði, að á sama tíma í fyrra hefði
félagið flutt 13.344 farþega á áætlun-
arleiðum innanlands, og væri sam-
drátturinn því um 1%, sem allur
hefði orðið í júlímánuði.
Það sem af er þessu ári hefur
Arnarflug flutt 10.400 manns í
sólarlandaflugferðum og farþegar
á millilandaáætlunarflugleiðum
eru 16.741 frá 1. janúar til 31.
ágúst 1983. Erfiðara er með
samanburð á millilandafluginu
milli ára en innanlandsfluginu,
þar sem það hófst ekki fyrr en um
mitt ár í fyrra. Agnar Friðriksson
kvaðst þó hafa tölur um farþega-
fjölda t júlí og ágúst. I júlí 1982
voru farþegar 2.070 talsins, en í
júlí í ár voru farþegarnir 5.260. í
ágúst í fyrra voru farþegarnir
2.810, en í ár 4.900 talsins. Auk-
ningin í júlí milli ára er 154% en í
ágúst 74%. — Sem áður segir
verður í þessum samanburði að
hafa í huga að millilandaáætlun-
arflug Arnarflugs hófst fyrst í júlí
í fyrra.
er dagsatt...
. . . AÐ VIÐ TÖKUM FRAM nyjar vörur
daglega i allar deiIclir
Á HINN EINA OG SANNA
INA r
útsölunmrkað
SEM ER í HÚSGAGNAHÖLLINNI BÍLDSHÖFÐA
Opiö frá kl. 13—18 daglega,
nema föstudaga kl. 13—19
og laugardaga kl. 10—16.
Einstakt tækifeeri
☆ Karnabær ☆ Belgjagerðin ☆ Steinar
☆ Hummel ☆ Z-brautir og gluggatjöld
☆ Skóverslun Axels 0. o.fl.