Morgunblaðið - 02.10.1983, Page 1

80 SÍÐUR
225. tbl. 70. árg. SUNNUDAGUR 2. OKTÓBER 1983 Prentsmiðja Morgunbladsins
Sýningarmet
á Broadway
VapL 1 aLiáKap ai>
New York, 1. október. AP.
FÖGNUÐUR áhorfendanna
1469 var með eindæmum í
sýningarlok. Uppselt var í
Schubert-leikhúsið á þessa
sérstæðu sýningu, sem og
nær allar hinar fyrri. Og
vissulega markaði umrædd
sýning á söngleiknum „A
Chorus Line“ eftir Marvin
Hamlisch tímamót í sögu
bandarískra leikhúsa.
Ekki aðeins eru þátttakendur í
söngleiknum 330 talsins, heldur
var umrædd sýning nefnilega sú
3.389. í röðinni frá því söngleik-
urinn hóf göngu sína þann 25.
júlí 1975. Það þýðir að verkið
hefur verið sýnt oftar en einu
sinni dag hvern frá því það var
fyrst sett á svið. Gamla sýn-
ingarmetið setti söngleikurinn
„Grease", sem hóf göngu sína á
sjötta áratugnum, 3.338 sýn-
ingar. Sýningum var hætt 1980.
Ekkert lát er á aðsókninni á
„A Chorus Line“. Loks þegar
fagnaðarlátum áhorfenda linnti
á fimmtudagskvöld sté höfundur
verksins á svið og tilkynnti að
því miður myndi sýningum á
söngleiknum ljúka „... eftir
30-40 ár“.
Beðið eftir afgreiðslu í Reykjavíkurapóteki.
MorgunblaðiðFriöþjófur.
HM f bridge:
Hverjir fylgja Banda-
ríkjunum í úrslitin?
Stokkhólmi, 1. október. AP.
ÞEGAR þremur umferðum er ólokið í
undankeppni heimsmeistarakeppninn-
ar í bridge í Stokkhólmi hefur B-sveit
Bandaríkjanna tekið afgerandi forystu
og hefur hlotið 228 stig. Nýsjálend-
ingar hafa skotist í annað sætið með
179 stig og Pakistanar eru í þriðja sæti
með 176 stig. ítalir eru í 4. sæti með
160 stig og Svfar koma á hæla þeirra
með 158,5 stig í 5. sæti.
Pakistanar áttu slæman dag í gær
og töpuðu þá tvívegis. Fyrst gegn
Indónesíu 8—22 og þá fyrir Itölum
11—19. Nýsjálendingar voru hins
vegar í essinu sínu. Unnu Brasilíu
24—6 og Jamaíka 17—13. B-sveit
Bandaríkjanna vann Ítalíu 19—11,
en tapaði 9—21 fyrir Indónesíu. Þá
unnu Svíar Brasilíumenn 16—14, en
töpuðu gegn Jamaíka 8—22.
Bandaríska sveitin er næsta örugg
í fjögurra liða úrslit, en óvíst er
hvaða þjóð fylgir þeim. A-sveit
Bandaríkjamanna og Frakkar hafa
þegar tryggt sér sæti í úrslitakeppn-
Deilan um lögsögumörk milli Jan Mayen og A-Grænlands:
Norðmenn og Danir
hefja nýjar viðræður
Osló, 1. október. Frá Per A. Borg, fréttaritara Mbl.
Forsætisráðherra Noregs og Dan-
merkur, Káre Willoch og Paul
Schliiter, hafa komizt að samkomu-
lagi um að hefja að nýju samninga-
viðræður um lögsögumörk milli Jan
Mayen og A-Grænlands, sem þjóð-
irnar hafa ekki komið sér saman um.
Samningaviðræðurnar hafa ekki
verið tímasettar nánar, en gert er
ráð fyrir að þær hefjist nú í haust-
mánuði.
Norðmenn hafa hingað til viljað
skipta hafsvæðinu með miðlínu
milli Jan Mayen og austurstrandar
Grænlands, en því hafa Danir
lagzt gegn af hörku.
Danir krefjast fullra 200 sjó-
mílna lögsögu við A-Grænland,
þar sem þeir halda því til streitu
að ekki sé hægt að taka tillit til
Jan Mayen vegna smæðar eyjar-
innar og þýðingarleysis, eins og
þeir segja.
Ef gengið yrði að kröfum Dana
yrði efnahagslögsaga Norðmanna
á Jan Mayen-svæðinu skert veru-
lega.
Þrátt fyrir ágreininginn um
skiptingu lögsögunnar hafa leið-
togarnir orðið ásáttir um að hefja
samningaviðræður til þess að kom-
ast hjá landamærastríði, eins og
því sem nú geisar í Kattegat milli
Dana og Svía, útaf danskri smá-
eyju, sem Svíar vilja ekki taka til-
lit til við lögsöguskiptingu.
Óþekkt Grimms-ævin-
týri kemur í leitirnar
New York, 29. september AP.
ÆVINTÝRI um litla stúlku, sem
villtist, úr ævintýrasafni Grimms-
bræðra, hefur nýlega komið í leitirn-
ar og þannig bætzt við þau 210
ævintýri, sem þessir kunnu bræður
söfnuðu fyrir einni og hálfri öld.
Handritið að þessu týnda ævintýri
var skrifað af Wilhelm Grimm 1816
og það byrjar með þessum kunnu
orðum: „Einu sinni var“.
Þetta ævintýri segir frá lítilli
stúlku, sem villist úti í skógi, en
verndarengill hennar leiðir hana
til gamals manns, sem að lokum
reynist vera enginn annar en heil-
agur Jósef. Saga þessi er sögð ein-
föld en fögur og gefa öðrum ævin-
týrum úr safni þeirra bræðra í
engu eftir í áhrifamætti. Það er
bandarískur bókasafnari, sem
keypti handritið 1974 á uppboði í
Marburg í Vestur-Þýzkalandi.
Hvorki hann né aðrir gerðu sér þá
grein fyrir því, að þarna væri á
ferðinni týnt ævintýri úr safni
Grimms-bræðra. Það varð ekki
ljóst fyrr en nýlega og var þá strax
ákveðið að gefa það út. „Þetta
ævintýri hlýtur einnig að vekja
mikinn áhuga á meðal fræði-
manna," sagði Peter Demetz, pró-
fessor í þýzkum bókmenntum við
Yale-háskóla, í dag. „Grimmsbræð-
urnir skipa þýðingarmikinn sess í
menningu 19. aldarinnar."
Keypti köttinn í sekknum:
Málverkið eftir
öndina Pablo
Livcrpool, 1. októbcr. AP.
VÍNKAUPMAÐUR í Liverpool, frú Maureen Gledhill, krefst þess
nú að fá endurgreidd þau 70 sterlingspund, sem hún reiddi nýverið
af hendi við kaup á málverki. Taldi hún málverkið vera eftir einn
listamanna borgarinar, Brian Burgess, en nú hefur komið í Ijós, að
listamaðurinn var önd, Pablo að nafni. Verslunarráð borgarinnar
telur hins vegar ekki sannað, að um ólögmæta viðskiptahætti hafi
verið að ræða.
Sá er seldi frú Gledhill mál-
verkið, myndhöggvarinn Ernest
Cleverley, segist ekki hafa verið
sérlega áfjáður í að selja mynd-
ina, en hafi að lokum látið undan
þrýstingi Gledhill. Cleverley
rekur einnig gæludýrabúð.
Reyndar var hann sjálfur að
dunda við strigann með pensil í
hendi er öndin Pablo kom ark-
andi og gekk þvert yfir mál-
verkið. Honum þótti svo mikið
til mynstursins koma, að hann
lét Pablo ganga nokrum sinnum
yfir strigann með mismunandi
liti á fótum.
Frú Gledhill hafði sýnt mörg-
um kunningja sinna málverkið
ánægð á svip, en það var ekki
fyrr en einn þeirra hafði orð á
því, að engu líkara væri en hæna
hefði gengið yfir málverkið, að
hún fylltist efasemdum. Fæst
bendir hins vegar til þess, að
hún fái peninga sína endur-
greidda.
Þrír geimfar-
ar hætt komnir
Washington, 1. október. AP.
ÞRÍR sovézkir geimfarar voru hætt
komnir er flaug, sem bera átti Soy-
uz-geimfar þeirra á braut um jörðu,
sprakk á því augnabliki er skjóta
átti geimfarinu upp.
Klefa geimfaranna var skotið
frá flauginni með sérstökum bún-
aði og sveif hann til jarðar í fall-
hlíf, að sögn bandarískra leyni-
þjónustumanna.
Þegar kveikt var á flauginni,
sem fyllt var 270 tonnum af stein-
olíu og fljótandi súrefni, sprakk
hún nær samstundis. Þetta er
verulegt áfall fyrir Sovétmenn, en
þeir hafa ekki skýrt frá óhappinu,
sem varð á þriðjudag.
Geimfararnir áttu að leysa af
starfsbræður sína í Salyut-7-
geimstöðinni, sem verið hafa 96
daga á braut.
Hugsanlegt er talið að geimfar-
arnir hafi ekki sloppið ómeiddir úr
þessu óhappi, en vitneskja þar að
lútandi liggur ekki á lausu.