Morgunblaðið - 23.12.1983, Blaðsíða 15

MORGUNBLAÐIÐ, FÖSTUDAGUR 23. DESEMBER 1983
15
Sprengjuleit
Lögreglumaður í London rannsakar skjalatösku, sem sprengd
var í loft upp fyrir utan Hilton-hótelið í London þar sem
grunur lék á að í henni fælist tímasprengja. Taskan fannst
yfirgefin við hótelið og var óttast að þar væri um sprengju að
ræða.
Tölvusmygl alþjóðahrings upprætt?
Settu steinsteypuklump
í stað leysitækjanna
Denver, (’olorado, 22. desember. AP.
TOLLVERÐIR hafa við rækilega leit
í fyrirtæki í V-Þýskalandi fundið
skjöl, sem sanna að það tengist al-
þjoðlegri áætlun um að flytja há-
þróaðan bandarískan tæknibúnað á
leynilegan hátt til Sovétríkjanna.
Upp um áætlunina komst er
bandarísk yfirvöld settu 700 kílóa
steypuklump í stað leysigeisla-
tækja í stóran kassa og fylgdust
með flutningum á honum. Hafnaði
kassinn að endingu hjá fyrirtæki í
Miinchen, sem ber nafnið Science-
care. Þaðan átti hann að fara til
Moskvu.
Við yfirheyrslur yfir tveimur
mönnum, sem handteknir voru í
Colorado á þriðjudag og grunaðir
eru um að eiga aðild að umrædd-
um alþjóðasamtökum, kom m.a.
fram, að tollverðir hefðu leikið á
þá er þeir stöðvuðu upprunalegu
sendinguna og sendu þess í stað
steypuklumpinn úr landi.
Verði mennirnir sekir fundnir
eiga þeir yfir höfði sér allt að 7
ára fangelsi og 150.000 dollara
sekt hvor um sig.
Nokkurs konar jólasaga frá Ohio:
Makalaus atburðarás
vegna jólatréskaupa
Kolumbus, Ohio, 22. deæmber. Frá ÓU Erni Andreassen, frétUriUra Mbl.
HÉR ER sagan, sem allir voru að tala um í Newark,
Ohio; nokkurs konar jólasaga.
Hjónin höfðu verið að undirbúa jólin eins og
milljónir annarra hér vestanhafs og keyptu sér
jólatré, sem var þannig frágengið, að greinarnar
voru bundnar upp. Tréð settu þau inn í stofu og á
meðan húsbóndinn brá sér í steypibað tók eigin-
konan til við að losa umbúðirnar af trénu. Þá
gerðist það.
Þegar losna tók um greinarnar vissi eiginkonan
ekki fyrr til en snákur tók að liðast út úr greinun-
um. Eðlilega rak frúin upp skaðræðisöskur og
bóndinn kom æðandi, kviknakinn og rennblautur
úr steypibaðinu, til þess að komast að því hverju
óhljóðin sættu.
Er hann kom í stofuna var eiginkonan á bak og
burt, hafði leitað skjóls í næsta herbergi. Snákur-
inn hafði líkast til ekki orðið síður skelkaður og
skriðið undir sófann. Vopnaður priki og með hand-
klæði um sig miðjan réðst húsbóndinn til atlögu
gegn snáknum.
Sem hann var í miðjum aðgerðum bar heimil-
ishvuttann að. Hefur hann vafalítið talið hús-
bónda sinn hafa bryddað upp á nýjum leik og var
aldeilis til í tuskið. Áður en húsbóndinn varð hans
var náði hvutti að bíta hann í afturendann. Ekki
var að sökum að spyrja: það steinleið yfir heimil-
isföðurinn, sem taldi snákinn hafa verið þarna að
verki.
Þegar hér var komið sögu hafði frúin loks kjark
í sér til að fara aftur inn í stofuna. Er þangað kom
sá hún mann sinn liggjandi á gólfinu og ályktaði,
að hann hefði fengið hjartaáfall. Hringdi sam-
stundis á sjúkrabifreið, sem kom að vörmu spori.
Þegar verið var að bera mannin.. út tóku burðar-
mennirnir skyndilega eftir snáknum á gólfinu.
Þeim brá svo illilega, að þeir misstu börurnar. Við
fallið brotnaði annar handleggur húsbóndans.
Eftir þessa reynslu er víst áreiðanlegt að a.m.k.
ein fjölskylda í Newark lætur það ógert að kaupa
barrtré um næstu jól.
nytsamar
ELECTRIC
GENERAL
Laugavegi 170-172 Slmar 21240-11687

' í' m
I ú WÁ
f i I J
PRISMA