Morgunblaðið - 05.01.1984, Side 15

MORGUNBLAÐIÐ, FIMMTUDAGUR 5. JANÚAR 1984
15
MeisUri Hitchcock í mynd sem hann leikstýröi 1929 og nefndi Black-
mail.
Framhaldsmyndajól
Kvíkmyndír
Ólafur M. Jóhannesson
FRAMHALDSMYNDAJÓL
Nafn á frummáli: Psycho II
Sýnd í Laugarásbíói.
Leikstjóri: Richard Franklin.
Handrit: Jiin Holland.
Tónlisl. Jerry Goldsmith.
Myndataka: Dean Cundey.
Óvenju mikið ber á fram-
haldsmyndum á jólavertíð kvik-
myndahúsanna þetta árið. í
Nýja bíói er þriðja stjörnustríðið
háð og Súpermann er þríefldur á
tjaldi Austurbæjarbíós, að ekki
sé talað um James Bond í Tóna-
bíói og uppí Bíóhöll. Ég veit ekki
hvað veldur slíku nema kvik-
myndaframleiðendur séu orðnir
uggandi um sinn hag og tefli
ekki í tvísýnu um val myndefnis.
Bnda virðist næstum óbrigðul
regla að áhorfendur sópist inná
myndir sem hafa unnið sér sess,
hvort sem þær eru fjölfaldaðar í
tveimur eða fleiri eintökum.
Áhorfendur virðast jafn íhalds-
samir í þessu efni og framleið-
endur. Það er engu líkara en
menn vilji vera vissir í sinni sök
áður en þeir kaupa bíómiðann.
Ég held að hér sé sama lögmál
að verki og þegar menn kaupa
þekkt vörumerki í kjörbúðinni.
Merkið tryggir gæðin, eins og
þar stendur.
Samt er það nú einu sinni svo,
að góðar bíómyndir verða oft til
fyrir slysni. Þannig tel ég Súp-
ermann númer þrjú bera af öðr-
um ofurmennismyndum, þrátt
fyrir að hann gleymist jafn-
skjótt og aðrar glansmyndir
hvíta tjaldsins. Annað eintak
hinnar frægu myndar Alfreðs
Hitchcock Psycho eða Psycho II
er hins vegar að mestu rúið þeim
sjarma er fylgdi meistaranum.
Ekki vantar svo sem að leik-
stjórinn, Richard Franklin, leggi
sig allan fram um að magna
óhugnað í kringum Norman Bat-
es sem snýr aftur til mótelsins
fræga eftir tveggja áratuga dvöl
á geðspítala, enda sjöfaldur
morðingi frá hendi Hitchcocks.
Er ég ekki frá því að Franklin
takist oft að kitla magaveggi
áhorfandans með ýmsum brell-
um sem flestar eru velþekktar úr
hryllingsmyndum fyrri ára, en
honum tekst ekki að reisa þessu
meistaraverki Hitchcocks verð-
ugan minnisvarða, fyrst og
fremst vegna þess að söguþráð-
urinn verður full ævintýralegur
og ótrúverðugur er líða tekur á
myndina. Ég átti til dæmis erfitt
með að kyngja því er hinum sjö-
falda morðingja Norman Bates
var sleppt undir lok myndarinn-
ar, en þá lágu að minnsta kosti
fjögur lík sundurstungin í mótel-
inu. En að sjálfsögðu verður að
láta kappann sleppa, svo unnt sé
að hleypa Psycho III af stokkun-
um.
Já, gróðafýsnin lætur ekki að
sér hæða og ég fæ vart skilið að
jafn ágætur leikari og Anthony
Perkins skuli láta teyma sig útí
slíkt, nema gullasninn hafi dreg-
ið hann útí foraðið. Annars eru
þær senur er Anthony Perkins
heiðrar með nærveru sihni vel
þess virði að skoðast með augum
hins einlæga kvikmyndaáhuga-
manns. Perkins býr ekki aðeins
yfir fádæma liðugum líkama
sem fangar augað líkt og cobra-
slanga, heldur er andlitið lista-
verk útaf fyrir sig. Það er barns-
legt ásýndum, búið sjónum sem
ýmist varpa eldingum yfir sviðið
eða breytast í lygnar tjarnir þar
sem hvergi sér til botns. Detta
mér helst í hug til samanburðar
af íslensku leiksviði leikararnir
Benedikt Árnason og Júlíus
Hjörleifsson. En slíkum
mönnum hentar einstaklega vel
að fást við nevrótíska kleyfhuga,
slíka sem bera svipmót Norman
Bates. Ef menn vilja kynnast
einum slíkum, ættu þeir að
skreppa uppá Laugarás eitthvert
síðkveldið. Verst hve mót-
leikurum Anthony Perkins tekst
illa upp, enda njóta þeir ekki
styrkrar leiðsagnar meistara
Hitchcocks, sem sagði eitt sinn
um leikara að þeir væru einsog
börn sem þyrfti að aga, annars
vissu þeir ekki sitt rjúkandi ráð
fyrir framan kvikmyndatöku-
vélina.
ViÓ drögum
lO.janúar
WT 1 V —/-—
Umboðsmenn
í Reykjavík og
nágrenm
Hver þeirra
I er næstur þér?
Aðalumboð, Suðurgötu 10, sími 23130
Umboðið Grettisgötu 26, sími 13665
Sjóbúðin Grandagarði 7, sími 16814
Hreyfill, bensínsala, Fellsmúla 24, sími 85632
Verslunin Straumnes,
Vesturbergi 76, sími 72800
Sparisjóðurinn Seltjarnarnesi, sími 25966
SIBS- deildin Reykjalundi, Mosfellssveit
Borgarbúðin, Hófgerði 30,
Kópavogi, sími 40180
Bókabúðin Gríma, Garðaflöt 16-18,
Garðabæ, sími 42720
Vilborg Sigurjónsdóttir, c/o Bókabúð
Olivers Steins, Strandgötu 31,
Hafnarfirði, sími 50045
Lilja Sörladóttir, Túngötu 13,
Bessastaðahreppi, sími 54163
Happdrætti SIBS 1