Morgunblaðið - 26.01.1984, Blaðsíða 25

24
MORGUNBLAÐIÐ, FIMMTUDAGUR 26. JANÚAR 1984
MORGUNBLAÐIÐ, FIMMTUDAGUR 26. JANÚAR 1984
25

Utgefandi
Framkvæmdastjóri
Ritstjórar
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar: Aö-
alstræti 6, sími 22480. Afgreiðsla: Skeifunni 19, sími 83033. Áskrift-
argjald 250 kr. á mánuöi innanlands. í lausasölu 20 kr. eintakið.
Æ'
Alver
vid Eyjafjörð
Vinstri meirihlutinn í bæj-
arstjórn Akureyrar klofn-
aði í fyrradag í afstöðu til
orkufreks iðnaðar, þ.e. álvers
við Eyjafjörð. Meirihluti
atvinnumálanefndar bæjarins
hafði sett fram eindregna af-
stöðu, þessefnis, að „næsta
stóriðjuveri, sem byggt verður
á íslandi, verði valinn staður
við Eyjafjörð, enda verði talið
tryggt að rekstur versins
stefni lífríki fjarðarins ekki í
hættu". Bæjarstjórn gerði
þessa stefnumótun atvinnu-
málanefndar að sinni með 8 at-
kvæðum gegn 3. Mótatkvæði
komu frá Alþýðubandalagi og
Kvennaframboði. Samkvæmt
frétt vikublaðsins íslendings
er ekki einhugur meðal liðs-
manna Kvennaframboðs um
þessa andstöðu.
Alþingismennirnir Halldór
Blöndal og Lárus Jónsson
hreyfðu þessu máli fyrst á
þingi fyrir tíu árum og sjálf-
stæðismenn fylgdu því eftir
með stóriðjuráðstefnu á Akur-
eyri. Halldór segir í blaðavið-
tali að „síðasta ríkisstjórn hafi
ætlað að ganga fram hjá Eyja-
firði" varðandi hugsanlegan
orkuiðnað. í svari við ítrekuð-
um fyrirspurnum sínum á Al-
þingi um þetta mál hafi fyrr-
verandi iðnaðarráðherra talið
að heimamenn væru á móti
því. Gegn þessari staðhæfingu
hafi verið hart brugðizt. Nú-
verandi iðnaðarráðherra hafi
hinsvegar lýst þeirri skoðun
sinni að álver skuli rísa við
Eyjafjörð, að undangenginni
stækkun álversins við
Straumsvík.
Fjórðungssamband Norð-
lendinga hefur á þremur síð-
ustu þingum tekið einarða af-
stöðu með stóriðnaði og virkj-
un Blöndu. í tilkynningu frá
FSN segir: „Fjórðungssam-
bandið er fyrstu heildarsam-
tök á Norðurlandi sem tóku
einarða afstöðu með stóriðju í
Eyjafirði, m.a. fyrir frum-
kvæði áhrifamanna í bæjar-
stjórn Akureyrar og atvinnu-
lífi staðarins. Fjórðungssam-
bandið telur það skyldu sína að
standa vörð bæði um einbeitta
stefnu um stórvirkjanir og
uppbyggingu orkufreks iðnað-
ar.“
Samþykkt bæjarstjórnar
Akureyrar um álver við Eyja-
fjörð vekur athygli fyrir
þrennt: 1) hve margir bæj-
arbúar vóru viðstaddir um-
ræðu og afgreiðslu, sem sýnir
áhuga á málinu, 2) að vinstri
meirihlutinn, sem þar ræður
ríkjum, er klofinn í afstöðu til
málsins, 3) að nú liggur fyrir
stefnumótandi samþykkt bæj-
aryfirvalda um orkuiðnað í
Eyiafirði.
íslendingar sitja nú í efna-
hagslegum öldudal. Minnkandi
stofnar nytjafiska og afla-
samdráttur hafa sagt til sín í
atvinnuleysi og skertum þjóð-
artekjum. Þessi staðreynd hef-
ur, ásamt skuldastöðu þjóðar-
innar og langvarandi tap-
rekstri í framleiðslugreinum,
skekkt kjarastöðu fólks og at-
vinnuöryggi, sem við höfum
búið við í hálfan annan áratug.
Það er því nauðsynlegt að
huga að nýjum leiðum til að
tryggja atvinnuöryggi og
hliðstæð lífskjör hér á landi og
bezt þekkjast annarstaðar. Ef
það á að takast þarf að flétta
saman þau tækifæri margs
konar, sem við höfum í hendi.
• í fyrsta lagi þarf að skapa
skilyrði fyrir innlendum
sparnaði.
• í annan stað þarf að stýra
sparnaði til þátttöku í at-
vinnulífi, m.a. með því að gera
sparnað, sem hætt er í at-
vinnurekstri, skattalega jafn-
réttháan öðrum sparnaði.
• í þriðja lagi þarf að njörva
niður þann árangur í hjöðnun
verðbólgu, sem náðst hefur, og
tryggja stöðugleika í efna-
hagslífi, sem er nauðsynlegur
undanfari grósku í atvinnulífi
þjóðarinnar.
• í fjórða lagi þarf að setja
fleiri stoðir undir atvinnu og
afkomu þjóðarinnar. Þar má
nefna stóraukið fiskeldi og efl-
ingu fjölbreytts iðnaðar, þar á
meðal orkufreks iðnaðar, en án
hans verður orku fallvatna
okkar ekki breytt að ráði í at-
vinnu, verðmæti og betri lífs-
kjör.
Ef framsýni hefði ráðið ferð
í stjórnvaldsstýringu
1978—1983, í stað þröngsýni og
einangrunarstefnu Alþýðu-
bandalagsins, værum við nú
betur settir um orkuiðnað og
betur í stakk búnir til að tak-
ast á við þann efnahagsvanda,
sem við er að etja. Þessi
þröngsýni hefur tafið lífs-
kjarasókn þjóðarinnar um
nokkur ár.
Vinstri meirihlutinn í bæj-
arstjórn Akureyrar er klofinn
í afstöðu til mikils hagsmuna-
máls norðlenzkra byggða.
Þessi atburður sýnir, enn og
aftur, að Alþýðubandalagið er
einangraður sérvizkuhópur,
sem er Þrándur í Götu eðli-
legrar framvindu í þjóðar-
búskapnum. Þessi sérvizku-
hópur taiar títt um kjarabæt-
ur en bregst aldrei verri við en
þegar bent er á leiðir til að
gera þær að veruleika. Hann
hefur asklok fyrir himin í
flestum málum. Það er kominn
tími til að setja þennan forn?
eskjuflokk í hæfilegan skamm-
arkrók í íslenzkum stjórnmál-
um.
Arne Treholt á íslandi fyrir ári:
Hlýddi á fyrirlestra og
skoðaði varnarstöðina
á Keflavíkurflugvelli
Upplýsingarnar sem
veittar voru skaða
ekki varnarstöðina
eða NATO, segir
Bill Clyde, blaða-
fulltrúi Varnar-
liðsins
ARNE TREHOLT, fyrrum skrifstofu-
stjóri norska utanríkisráðuneytisins, sem
nú hefur verið afhjúpaður sem njósnari
Sovétríkjanna, kom hingað til lands
þann 26. janúar á síðasta ári, en Treholt
heimsótti fsland með varnarmálaháskóla
norska hersins. Daginn eftir hlýddu
Norðmennirnir á erindi Hannesar Haf-
stein, þáverandi skrifstofustjóra utanrik-
isráðuneytisins, um utanríkisstefnu ís-
lands og öryggismál, á erindi Helga
Agústssonar, deildarstjóra varnarmála-
deildar, um varnarstöðina á Keflavíkur-
flugvelli og einnig voru haldnir fyrirlestr-
ar um íslensk efnahagsmál. Einnig heim-
sóttu Norðmennirnir Keflavíkurflugvöll.
Sigríður Snævarr, blaðafulltrúi ut-
anríkisráðuneytisins, sagði i samtali
við Mbl. í gær að Norðmennirnir hefðu
ekki fengið neinar upplýsingar á fund-
inum sem skaðað gætu íslenska hags-
muni, eða hagsmuni varnarstöðvar-
innar á Keflavíkurflugvelli. Norð-
mönnunum hefðu aðeins verið veittar
almennar upplýsingar, sem fram
komu í fyrirlestrum, þar sem fjallað
var almenns eðlis um málin.
„Samkvæmt öryggiskröfum aðildar-
ríkja Atlantshafsbandalagsins hefð-
um við getað gefið Norðmönnum upp-
lýsingar um leyndarmál bandalagsins.
En að þvi er ég best veit fengu þeir
mjög litlar upplýsingar af þessu tagi,“
sagði Bill Clyde, blaðafulltrúi varnar-
liðsins á Keflavíkurflugvelli, þegar
hann var spurður um heimsókn Norð-
mannanna þangað.
Sagði hann að upplýsingar sem væru
leyndarmál af hæstu gráðu væru ekki
gefin, hins vegar væri hugsanlegt að
hershöfðinginn sem í hópnum var, R.
Torp, hefði getað fengiö slíkar upplýs-
ingar í einkasamræðum við aðmírál-
inn á Keflavíkurflugvelli, en aðrir ekki.
Taldi Clyde að þær upplýsingar sem
veittar voru gætu ekki skaðað varnar-
FOHSVARETS H0GSKOLE
sr.cunmr c:.xa*ahcs orrrrrTCATx
tt:t» l* so oojft tty that the Mr«er.lR« Ss»X£ ht th»
Kational («(•««« i.).«<;<'. Ncrwny, and th» studen**
<>tt*ndi n<j í.t * iti.h PrioGlpa.l '.ourm* hdv*
for *cc<t*a to olatKifiaú auttaríal up tc arvi
RAÍO TO* 5KCPRT.
Thi* 1» vallJ witil 2!ít.h April, i»SJ.
< inxxxrrtxiAúiri' r
H»rv»d ar. Ur*r»tkb*a v*M! ío<ov«*■*»-* h«<jskol«
aknr»d«l!.iik»rn* »'>» d* lt»r i KovoJkurs r.r ti *r
*r«u íor adian:: til kl*«aif!**tt tll
Md «T*K1WT HEkMBtt-: KATO TOP 3ECPET.
Kla>:«ri::::<s:; «r 4yMif til 2i> apcii 1*83.
Thd NKiSMl 0ní«nc* C»1 : Oetchnr :*íi
rcravarots h*-)»k»l«, : oktjcimr •«<
Xn<\>»ií4: !.i«r. of Cir«cti»9 St»f? <tnU sf.vlon:.*
V«U1í.J.ai* cvtr Ía*:»««t4b 04 kur*d«likV.«ro
Bréf R. Thorp, yfirmanns norska
herskólans, þar sem Arne Treholt er
veitt heimild til að skoða og kynna
sér leynilegar upplýsingar.
stöðina á Keflavíkurflugvelli eða Atl-
antshafsbandalagið á neinn hátt.
I vottorði sem fylgdi með Norð-
mönnunum í heimsókn þeirra á Kefla-
víkurflugvöll, segir að vottað sé að við-
komandi aðilar njóti trausts til að-
gangs að leyndarmálum, að og með
gráðunni „NATO top secret".
Heimildin er undirrituð af norska
hershöfðingjanum R. Torp, sem er
fyrrverandi yfirmaður leyniþjónustu
norska hersins.
Kjartan Gunnarsson, framkvæmda-
stjóri Sjálfstæðisflokksins, sem er eini
íslendingurinn sem stundað hefur nám
við varnarmálaháskóla norska hers-
ins, sagði í samtali við Mbl., að val
nemenda í skólann færi fram í hinum
ýmsu stofnunum norska hersins og í
þeim ráðuneytum sem tengdust alls-
herjarvörnum Noregs. Á hverjum vetri
stunduðu 24 nemendur nám við skól-
ann, helmingur þeirra væru hermenn
og helmingur borgaralegir embættis-
menn.
Kjartan sagði að i handbók skólans
kæmi fram, að markmið skólahaldsins
væri að undirbúa sérstaklega valda
herforingja og embættismenn, til þess
að gegna trúnaðar- og leiðtogastörfum
innan allsherjar varnarkerfisins, en
það er kerfi, þar sem samræmd eru
störf á milli hers og borgaralegra
stofnana um allan varnarviðbúnað
landsins.
Kjartan sagði að flestir nemendurn-
ir væru í kringum fertugt, en þó væri
það ekki einhlítt, og þeir sem útskrif-
ast úr skólanum væru yfirleitt sendir
til starfa á ýmsum sviðum í norska
hernum eða í stjórnkerfinu; þeir störf-
uðu á vegum NATO, væru hernaðar-
fulltrúar í sendiráðum Noregs erlendis
og svo framvegis. Hins vegar sagði
Kjartan að skólinn væri einkum hug-
saður fyrir fólk sem þá þegar gegndi
mikilvægum trúnaðarstörfum innan
stjórnkerfisins og hersins, tii þess að
veita því breiðari yfirsýn yfir alla
þætti varnar- og öryggismálanna,
bæði í Noregi og Noregi sem hluta af
Atlantshafsbandalaginu.
Varðandi kröfur til væntanlegra
nemenda, sagði Kjartan, að til þess að
fá skólavist þyrftu nemendur að fá ör-
yggisvottorð sem heitir Cosmic Top
Secret, en það væri á meðal allra
hæstu Oryggiskrafna sem gerðar væru
hjá Atlantshafsbandalaginu, enda
væru í skólanum veittar ýtrustu trún-
aðarupplýsingar. Nefndi Kjartan að í
skólanum hefðu verið veittar upplýs-
ingar um ísland og um hernaðarstöð-
una hvað ísland varðar.
Kjartan sagði að á meðan hann var
í skólanum hefði bandariski aðmíráll-
inn á Keflavíkurflugveili komið í skól-
ann og haldið þar mjög opinskáan fyr-
irlestur, enda allt talað í ýtrasta trún-
aði og t.d. oft á tíðum bannað að taka
nótur undir fyrirlestrum sem haldnir
væru í skólanum.
Sigríður Snævarr, blaðafulltrúi ut-
anríkisráðuneytisins, sagði í gær að
hún hefði tekið þátt í skipulagningu
dvaiar Norðmannanna í Reykjavík. í
kvöldverðarboði, sem haldið var Norð-
mönnunum hér, sat hún við sama borð
og Treholt og sagði Sigríður að skóla-
bræður Treholts hefðu haldið honum
mjög fram, eins og hann væri fjöðrin í
hatti hópsins og dæmi um það hve
menn gætu fengiö skjótan frama í ut-
anríkisþjónustu Norðmanna.
Sagði Sigríður að Treholt hefði
komið mjög vel fyrir, en hann hefði
virst standa á vissan hátt utan og ofan
við hópinn en þó hafi hann notið hylli
þeirra sem í kringum hann voru.
Niðurbrotinn gengur Jens Evensen niöur landgöngustigann á Fornebu-
fiugvelli við heimkomuna frá Dar es Salaam.
Treholt eyðilagði
framtíð Evensens
JENS Evensen, sendiherra og fyrrver-
andi hafréttarráðherra Noregs, kemur
ekki lengur til greina sem frambjóð-
andi Norðurlanda í dómaraembætti
það, sem nú er laust við alþjóðadóm-
stólinn í Haag. Skýrði Dagbladet f
Osló frá þessu í gær og segir, að í stað
þess að halda áfram ferðalagi sínu um
Afríkulönd, til þess að afla sér stuðn-
ings þeirra til þessa embættis, verði
Evensen nú að vera til reiðu til þess að
koma fyrir rétt sem eitt helzta vitnið
við rannsókn Treholts-njósnamálsins.
Evensen var staddur í Dar es
Salaam í Tanzaníu á ferðalagi sínu,
er flett var ofan af njósnastarfsemi
Treholts. Ákvað Evensen þá að
binda strax endi á ferðalag sitt og
snúa heim til Noregs. Þannig hefur
Evensen mátt færa þungar fórnir
vegna njósnastarfsemi Treholts. Er
það þeim mun biturra fyrir hann,
þar sem hann er sá maður sem Tre-
holt átti mest að þakka skjótan
frama sinn í norskum stjórnmálum.
Enginn efast um mikla hæfileika
Evensens á sviði þjóðaréttarins, en
hann gat sér fyrst mikinn orðstír á
þeim vettvangi sem saksóknari í
málinu gegn herstjórninni í Grikk-
landi. En það var einmitt þá sem
samvinna hans og Treholts hófst.
„Ég vil ekki tjá mig á neinn hátt
um það, sem gerzt hefur. Ég hef
ekki þrek til þess.“ Meira fékkst Ev-
ensen ekki til þess að segja er hann
kom heim til Osló á mánudagskvöld
eftir tveggja daga nær samfellt
ferðalag frá Dar es Salaam. Mátti
glöggt greina af yfirbragði Even-
sens, að hann var harmi sleginn og
nær bugaður maður yfir því sem
gerzt hafði í njósnamálinu.
Þrír fulltrúar íslands á allsherjarþinginu:
Frásögn af hádegisverðarfundí
með Arne Treholt í New York
FIMMTÁNDA desember 1971 efndu
fulltrúar þriggja vinstri flokka frá ís-
landi til hádegisverðarfundar með
þremur norskum fulltrúum á allsherj-
arþingi Sameinuðu þjóðanna f New
York. íslensku fulltrúarnir höfðu á
allsherjarþinginu barist undir merkj-
ura „sjálfstæðrar utanríkisstefnu"
ríkisstjórnar Ólafs Jóhannessonar,
sem mynduð var í júlí 1971 og ætlaði
að reka varnarliðiö úr landi í áfongum
og færa fiskveiðilögsöguna út f 50 sjó-
mflur. Þessi mál voru því einkum á
dagskrá þegar þessir sex fulltrúar frá
íslandi og Noregi hittust og snæddu
saman. Aðeins einn sexmenninganna
skal nafgreindur að svo stöddu, Arne
Treholt, sem nú hefur verið ákærður í
Noregi fyrir að hafa, síðan fyrir 1970,
stundað njósnir og verið útsenda:i
KGB, sovésku leyniþjónustunnar.
íslendingarnir sendu Einari Ág-
ústssyni, þáverandi utanríkisráð-
herra, skýrslu um störf sín á alls-
herjarþingi Sameinuðu þjóðanna.
Henni lýkur á kafla sem heitir: Um
viðræður við Norðmenn og fer hann
hér á eftir í heild, en þó er nöfnum
samlanda Treholts sleppt:
„Fimmtánda desember buðum við
þremenningarnir norskum þing-
fulltrúum á allsherjarþinginu í há-
degisverð, þeim ... , Árne Treholt,
formanni Sambands ungra jafn-
aðarmanna, og ... , en allir þessir
menn höfðu látið í ljós stuðning við
málstað íslands í landhelgismálinu.
Tilgangur okkar var fyrst og fremst
að ræða við þá um leiðir til þess að
við fengjum yfirlýsingar um stuðn-
ing stjórnmálasamtaka og stéttar-
samtaka í Noregi við stefnu okkar.
Auk þess hafði Treholt sagt berlega,
og látið fylgja með að við mættum
bera sig fyrir því, að Samtök ungra
jafnaðarmanna í Noregi myndu fús-
lega styðja þá fyrirætlan okkar að
losna við ameríska herinn, enda
væri stefna íslands nú í her-
setumálinu í algjöru samræmi við
stefnu ungra jafnaðarmanna í Nor-
egi og Svíþjóð.
Allir þessir Norðmenn hafa tekið
virkan þátt í baráttunni gegn aðild
Noregs að Efnahagsbandalagi Evr-
ópu og ... hefur beitt sér mjög fyrir
því, að Norðmenn færi landhelgina
út á landgrunnsbrún.
Þingmennirnir telja að fiskveiði-
mörkin muni ráða úrslitum varð-
andi aðild Noregs að Efnahags-
bandalaginu, og töldu að Norðmenn
væru í þakkarskuld við íslendinga
fyrir útfærsluna.
Allir töldu þeir að ísland ætti
mjög marga stuðningsmenn í land-
helgismálinu í öllum þingflokkum
Noregs, og auðvelt ætti að vera að
ná til þeirra og fá þá til að kveða
upp úr um stuðning sinn þannig að
fram kæmi í blöðum, útvarpi og
sjónvarpi í Noregi.
Allir sögðust þeir líka hafa samúð
með afstöðu vinstristjórnarinnar til
herstöðvarinnar. ... sagði: Eigi að
síður óska ég þess, af mjög eigin-
gjörnum ástæðum, að þið rekið Am-
eríkanann ekki burtu, því að af því
mun leiða að aukinn verður þrýst-
ingur á okkur um herbækistöð í
Noregi. Heima er afstaða almenn-
ings þannig að norsku stjórninni
héldist aldrei uppi að leyfa erlend-
um her setu í landi á friðartímum.
Bódö er auk þess svo nærri sovézku
landamærunum, að slíkt yrði túlkað
sem árásarundirbúningur. Megin-
ástæðan fyrir andstöðu almennings
í Noregi gegn erlendri hersetu er
náttúrlega þjóðarstolt og þar næst
óttinn við það að Noregi væri ekki
vörn í slíkri herstöð, heldur stafaði
nokkur hætta af henni.
Arne Treholt sagði, að nær helzt
sem við óskuðum myndu ungir jafn-
aðarmenn í Noregi kveða upp úr um
stuðning sinn við okkur, bæði í her-
setumálinu og landhelgismálinu.
Hann sagði, að eftir því sem hann
best vissi myndu ungir jafnaðar-
menn í Danmörku, og áreiðanlega í
Svíþjóð og Finnlandi hafa sams
konar afstöðu.
Hann taldi að áhrifaríkast yrði að
skipuleggja undirbúning að aðgerð-
unum með aðstoð islenzka sendi-
ráðsins í Osló, og e.t.v. með því að
senda menn til Noregs tii þess að
undirbúa sameiginlegar aðgerðir i
málinu.
Loks má geta þess, að Arne Tre-
holt var boðinn í stutta heimsókn til
Washington á vegum bandaríska
utanríkisráðuneytisins, að hlýða á
fyrirlestra um heimsmálin. Þar
kvað hann ísland hafa borið mjög á
góma, og verið nefnt sem eitt af
þremur vandræðabörnum Banda-
ríkjanna, hin voru Malta og Kýpur,
en ísland verst. Hann kvaðst hafa
spurt fulltrúa þann, sem mest ræddi
um ísland, hvort Bandaríkjamenn
hygðust nota „þrýsting" (pressure)
til þess að knýja fram stefnuskipti á
Islandi. Það kvað fulltrúinn varla
myndu gert, heldur notaðir allir
þeir „fortðluhæfileikar" sem Banda-
ríkjastjórn hefði yfir að ráða að fá
íslendinga til að hætta við brott-
rekstur hersins."
Maöurinn á bak við nafnið Arne Treholt:
Heimsborgari,
sem naut þess
að berast mikið á
Hver er maðurinn Arne Tre-
holt? Svarið er: greindur,
framagjarn og geðþekkur
stjórnmálamaður, sem hafði
einstakt lag á að kynnast fólki
og koma sér vel við alla án
þess þó nokkru sinni að vera
smeðjulegur. Samstarfsfólki
hans ber saman um að hann
hafi hreinlega verið fæddur í
starfíð og gat vart hugsað sér
betri mann en hann.
I einkalífi barst Treholt mikið á.
Hann klæddist ætíð fínum fötum,
stundaði bestu veitingastaði og
næturklúbba, var sannkallaður
heimsborgari. Þrátt fyrir að hann
sinnti starfi sínu af alúð gaf hann
sér oftast tíma til að stunda úti-
veru í einhverjum mæli og þau
voru ófá kvöldin, sem nágrann-
arnir sáu hann skokka, jafnvel
þótt komið væri niðamyrkur.
Treholt er tvíkvæntur maður.
Núverandi kona hans er Kari
Storækre, 33 ára, kunnur sjón-
varpsfréttamaður, sem m.a. sér
um reglulegan þátt með yfir-
skriftinni „Her er dit liv“. Þau
hjón búa í 200 fermetra glæsilegri
íbúð við Oscarsgate, einhverju eft-
irsóttasta íbúðarhverfinu við kon-
ungshöllina í miðborg Oslóar.
Þótt öllum beri saman um að
Treholt hafi verið hinn fullkomni
diplómat hafði hann sínar veiku
hliðar. Hann var mikið gefinn
fyrir fjárhættuspil og veðmál
hvers konar og naut þess að um-
gangast fagrar konur og aka dýr-
um bílum. Hann stundaði veðmál
á kappreiðabrautum í Osló og New
York á meðan hann bjó þar og
greip tækifærið og lagði undir á
veðreiðabrautum í Genf er hann
var þar á ferð.
Því hefur ekki verið svarað enn
hvernig Treholt flæktist í neti
KGB. Sovéska leyniþjónustan hóf
mikla herferð í leit að framtíð-
arnjósnurum í lok sjöunda áratug-
arins. Sér í lagi sóttist KGB eftir
ungum og vel gefnum mönnum,
sem voru metnaðargjarnir og lík-
legir til að feta sig hratt upp eftir
metorðastiganum. Treholt var
eins og sniðinn í þann stakk. Lík-
legast hafa kynnin byrjað með
dæmigerðum vodka-veislum í
sendiráðinu og í kjölfarið fylgdu
boðsferðir til Austur-Evrópu.
Sögusagnir eru um að í einni slíkri
ferð til Tékkóslóvakíu hafi Treholt
getið barn við tékkneskri stúlku.
Samkvæmt því sem segir í norsk-
um blöðum er líklegast að sam-
neyti við sovéska sendiráðsmenn,
veislur á stúdentsárum og hug-
sjónaeldur, en Treholt hefur jafn-
an verið í nöp við vestræna sam-
vinnu, hafi leitt til samstarfs hans
við KGB.
Strax á uppvaxtarárum sínum
komst Treholt í snertingu við
stjórnmálin því faðir hans, Tor-
stein Treholt, var einn frammá-
manna norska Verkamanna-
flokksins og varð síðar
landbúnaðrráðherra. Feðgarnir
höfðu ólíkar skoðanir þótt báðir
störfuðu í sama flokki. Var sonur-
inn mun róttækari til vinstri en
faðirinn, sem var annálaður fyrir
hófsemi.
Á árunum 1961—1966 nam Tre-
holt við Oslóarháskóla. Að loknu
námi gerðist hann blaðamaður við
Arbeiderbladet, málgagn Verka-
mannaflokksins, og vann þar fram
til ársins 1971. Á árunum
1971—1973 vann hann að hluta við
rannsóknir í norsku
utanríkismálastofnuninni. 1972
gegndi hann starfi ráðunauts við
utanríkisráðuneytið.
Árið 1973 sótti hann námskeið
fyrir verðandi starfsmenn utan-
ríkisþjónustunnar, en lauk því
ekki. 1973—1974 var hann per-
sónulegur ritari viðskiptaráð-
herra. Á árunum 1974—1976 var
hann persónulegur ritari
hafréttarráðherrans og
1976—1979 gegndi hann stöðu
ráðherraritara hjá haf-
réttarráðherra.
Arne Treholt hætti í því starfi
þegar embætti hafréttarráðherra
var lagt niður 1979 og gerðist
sendiráðunautur við sendinefnd
Norðmanna hjá Sameinuðu þjóð-
unum. Hann sótti norska varn-
armálaskólann 1982—1983. Enn
hækkaði hann í tign og á síðasta
ári voru honum falin ýmis sérstök
verkefni á vegum efnahagsdeildar
utanríkisráðuneytisins. Þeim
sinnti hann þar til 16. desember á
nýliðnu ári er hann var skipaður
skrifstofustjóri upplýsingadeildar
utanríkisráðunevtisins.
Arne Treholt í góðum félagsskap á veitingahúsi í Briissel snemma á síðasta áratug.