Morgunblaðið - 26.01.1984, Blaðsíða 26
26
MORGUNBLAÐIÐ, FIMMTUDAGUR 26. JANÚAR 1984
Grímsyatnahlaupin minnkandi
Rannsóknastöðin sendir frá Grímsfjalli
Jöklarannsóknafélag íslands
heldur í kvöld, fimmtudaginn 26.
janúar, fund á Hótel Hofi við Rauð-
arárstíg, þar sem fjallað verður um
Vatnajökul og Grímsvötn. Jón
Sveinsson segir þar frá rannsókna-
stöðinni á Grímsfjalli, sem gengur
sjálfvirk í vetur og sendir upplýs-
ingar niður í Skaftafell. M.a. komu
fram á þeim mælum hræringar þeg-
ar íshettan var að springa í nýlegu
Grímsvatnahlaupi. Björn Rúriksson
býður með myndum í flugferö yfir
jökla, þ.á m. yfir maígosiö í Gríms-
vötnum og Valdemar Valdemarsson
og Vilhelm Andersen segja frá
skíöagöngu yfir Vatnajökul á sl.
sumri.
í fréttabréfi félagsins skrifar
formaðurinn, Sigurjón Rist, grein
undir fyrirsögninni: „Vesælu
Grímsvatnahlaupi lokið". Hlaupið
hófst í október 1983 og Ragnar í
Skaftafelli gaf út dánarvottorðið
3. janúar sl. Komst rennslið í
Skeiðará hæst í 60 teningsmetra á
sek. Hlaupvatnið varð alls röskur
'h rúmkm. Til skýringar er þess
getið að vatnsmagnið í Skeiðará
var í fyrri Grímsvatnahlaupum
var 1972 3,2 rúmkm, 1976 2,4
rúmkm, 1982 1,3 rúmkm og nú 0,55
rúmkm. Hlaupin eru alltaf að
minnka, bæði er stytrra á milli
þeirra og eins gæti vatnið verið
búið að finna sér farveg úr enda
Grímsvatna. Grimsvötnin sjálf
eru nálega 20 ferkm að flatarmáli
og segir Sigurjón Rist að eftir því
ætti íshellan að hafa sigið í síð-
asta hlaupi um 25—30 m.
Gallerí Langbrók:
Kynning á verkum Sig-
urlaugar Jóhannesdóttur
í GALLERI Lamgbrók stendur nú
yfir kynning á verkum Sigurlaugar
Jóhannesdóttur, vefara. Á kynning-
unni eru verk sem Sigurlaug vann
úr hrosshári á árunum 1980—1982.
Sigurlaug lauk vefnaðarkenn-
araprófi frá Myndlista- og hand-
íðaskóla íslands árið 1967. Síðar
var hún við nám í Mexikó. Hún
hefur tekið þátt í samsýningum
utan lands sem innan.
Sýningin í Galleri Langbrók
stendur til 3. febrúar, en hún
hófst þann 24. janúar sl. Opið er á
venjulegum opnunartíma Galler-
ísins, alla virka daga frá kl.
12.00-18.00.
flr frétUtilkjnningu
Athugasemd
VEGNA fréttar um bruna að
Fitjamýri undir Eyjafjöllum í
blaðinu sl. þriðjudag hefur Mark-
ús Jónsson fréttaritari á Borgar-
eyrum óskað eftir að taka fram, að
fréttin er ekki frá honum komin.
„Ekki má
glata trú
á bata“
KARNABÆR heldur áfram með
batamerkin á nýju ári. Bata-
merki janúarmánaðar er „Ekki
má glata trú á bata“, og er höf-
undurinn Gunnhildur Gunnars-
dóttir, Hringbraut 98, Reykja-
vík.
Áfram verður haldið með
batamerkin og í frétt frá fyrir-
tækinu er hvatt til bjartsýni í
svartasta skammdeginu. Enn-
fremur er óskað eftir fleiri til-
lögum að batamerkjum, sem
gjarnan mega tengjast hækk-
andi sól.
Síðbúin frétt
um Búseta
I MORGUNBLAÐINU í gær var
síðbúin frétt þar sem höfð voru
eftir Reyni Ingibjartssyni, fram-
kvæmdastjóra húsnæðissam-
vinnufélagsins Búseta og Alex-
ander Stefánssyni, félagsmála-
ráðherra, ummæli varðandi það
hvort Búseti ætti rétt á lánum úr
Byggingarsjóði verkamanna eða
ekki. Var fréttin skrifuð mánu-
daginn 16. janúar og miðuð við
birtingu daginn eftir, en birtist
óbreytt rúmri viku síðar. Eru við-
komandi beðnir velvirðingar á
þessum drætti.
Þorgilsson en
ekki Þorgeirsson
í VIÐTALI við Grænlendinginn
Kelly Nicolaisen í blaðinu í gær,
var sagt að hann hefði átt samtal
við Birgi Þorgeirsson hjá Ferða-
málaráði. Það er rétt að Nicolai-
sen ræddi við Birgi hjá
Ferðamálaráði, en sá Birgir er
Þorgilsson en ekki Þorgeirsson.
Morgunblaðið biður Birgi afsök-
unar á þessum mistökum.
(Ljósm. Mbl. RAX)
Svipmynd frá Alþingi: Ingvar Gíslason, forseti nedri deildar, hlustar gaumgæfinn á Karvel Pálmason (A).
Orva þarf eiginfjármyndun
og fjárfestingu í atvinnulífi
Pingtíöindi í stuttu máli
— sagði fjármálaráðherra
Albert Guðmundsson, fjármála-
ráðherra, mælti sl. miðvikudag fyrir
stjórnarfrumvarpi til að örva fjár-
festingu og eiginfjármyndun í at-
vinnulífinu. Frumvarpið, sem þing-
síða Mbl. hefur áður gert grein fyrir,
gcrir ráð fyrir að arður af hlutafjár-
eign verði frádráttarbær til skatts
(allt að 10% af nafnverði, þó mun
hámark vera kr. 25.000.— hjá ein-
staklíngi); heimilt verði að draga frá
tekjum hluta af framlögðu áhættufé
í atvinnurekstri (20.000.— hjá ein-
staklingi); að af hlutabréfa- og stofn-
fjárreikningseign verði heimilt að
draga frá eignaskattsstofni (allt að
250.000.—).
••
Alexander Stefánsson,
félagsmálaráðherra, mælti fyrir
stjórnarfrumvarpi um tekjustofna
sveitarfélaga. Verðlagning þjón-
ustu, sem sveitarfélög láta í té,
blandaðist inn í þá umræðu. Svav-
ar Gestsson (Abl.) gagnrýndi m.a.
verðlagningu Hitaveitu Reykja-
víkur, væntanlega 25% hækkun.
Sverrir Hermannson, iðnaðar-
ráðherra, taldi vísitöluleik fyrri
stjórnar hafa leikið þetta fyrir-
tæki grátt og neytt það til tap-
rekstrar og skuldasöfnunar, sem
tafið hafi viðhald og nýfram-
kvæmdir og aukið á skuldakostnað
og hækkunarþörf. Með 25% hækk-
un heitavatnsverðs verði það 27%
af verði óniðurgreiddrar olíu en
heitavatnsverð í landinu sé víðast
mun hærra, allt upp í 78%.
Ragnhildur Helgadóttir, mennta-
málaráðherra, mælti fyrir stjórn-
arfumvarpi sem gerir ráð fyrir að
því að létta skemmtanaskatti af
kvikmyndasýningum í sveitarfé-
lögum. Þessi skattskylda nær ekki
í dag til sveitarfélaga með undir
1.500 íbúa. Ef frumvarpið verður
samþykkt verða mörkin færð upp í
2.500 íbúa. Þá fellur skatturinn
niður af kvikmyndahúsum í Borg-
arnesi, Sauðarárkróki, Siglufirði
og Neskaupstað. Kvikmyndahúsa-
rekstur hefur átt mjög undir högg
að sækja í fámenni næstliðin ár.
Miklar umræður urðu um þetta
mál og vóru þingmenn alls ekki á
einu máli.
••
Jón Helgason, dómsmála-
ráðherra, mælti fyrir stjórnar-
frumvarpi um íslenskan ríkisborg-
ararétt til 26 einstaklinga.
Svavar Gestsson (Abl.) mælti
fyrir frumvarpi sem hann flytur
um þrengri skilyrði en nú er veit-
ingu heimilda til verslunar-
rekstrar. Samkvæmt frumvarpi
skal leyfi til smásöluverslunar
gilda í 5 ár en til milliríkja-
verslunar í 3 ár. Leyfi verði ekki
endurnýjuð nema með meðmælum
Verðlagsstofnunar í fyrra til-
fellinu og gjaldeyriseftirlits Seðla-
bankans í því síðara.
Kjartan Jóhannsson (A) mælti
fyrir frumvarpi að orkulögum,
sem m.a. kveður á um að djúphiti
á háhitasvæðum verði almenn-
ingseign. Jarðvarmi á lághita-
svæðum og yfirborðshiti verði
áfram undir eignarrétti landeig-
enda.
Tuttugu og sex
nýir íslendingar?
FRAM hefur verið lagt stjórnar-
frumvarp um veitingu ríkisborgara-
réttar til 26 einstaklinga. Verði
frumvarpið samþykkt óbreytt fjölgar
íslendingum á einu bretti um þessa
tölu. Frumvarpið nær til eftirtalinna
einstaklinga:
1. Anna Björg Michaelsdóttir,
verkakona í Reykjavík, f. 21.
ágúst 1957 á íslandi.
2. Araujo de Souza, Ruben, raf-
suðumaður í Reykjavík, f. 17.
febrúar 1953 í Brasilíu.
3. Arnþórsson, Joan, (f. Lewis),
starfsþjálfari á Akureyri, f. 9.
nóvember 1946 á Englandi.
4. Assmann, Wolfgang, verka-
maður í Reykjavík, f. 25. maí
1940 í Þýskalandi.
5. Bang, Ánne Lise, húsmóðir í
Reykjavík, f. 14. október 1942
á íslandi.
6. Campbell, Duncan Wilson,
tónlistarmaður í Reykjavík, f.
5. nóvember 1950 í Skotlandi.
7. Chinotti, Gérard Marcel Fer-
nard Henri, kennari í Reykja-
vík, f. 13. júní 1941 í Frakk-
landi.
8. Christiansen, Johan Sophus
Dahl, nemi í Reykjavík, f. 6.
mars 1955 á íslandi.
9. Coenca, Carol, húsmóðir í
Reykjavík, f. 20. janúar 1953 í
Frakklandi.
10. David, Marie Ivy Doris, nemi á
Akureyri, f. 7. apríl 1960 í Afr-
íku.
11. Fougler, Gillian Rose, jarðeðl-
isfræðingur í Reykjavík, f. 9.
desember 1952 í Englandi.
12. Huijbens, Hermanus Henric-
us, matreiðslumeistari á Ak-
ureyri, f. 18. ágúst 1948 í Hol-
landi.
13. Hwang, Jin Soon, húsmóðir í
Reykjavík, f. 12. október 1954 í
Suður-Kóreu.
14. Ilec, Dusan, vörubílstjóri í
Reykjavík, f. 28. júní 1955 í
Júgóslavíu.
15. Knútsson, Hope Nancy, (f.
Loeweinstein), iðjuþjálfi í
Reykjavík, f. 8. september
1943 í Bandaríkjunum.
16. Lareau, Jean Noel, flugvirki í
Reykjavík, f. 28. maí 1956 á
íslandi.
17. Marth, Ulrike Elenore, fóstra í
Djúpárhreppi, f. 12. mars 1955
í Þýskalandi.
18. Miljevié, Stanko, aðstoðar-
maður í brauðgerð í Kópavogi,
f. 28. september 1952 í Júgó-
slavíu.
19. Nilssen, Julianne Marie, hús-
móðir í Keflavík, f. 2. október
1949 á íslandi.
20. Pescia, Enrico Emanuel,
verkamaður í Njarðvík, f. 18.
september 1954 í Bandaríkjun-
um.
21. Renner, Margo Jeanne, lista-
maður í Vestmannaeyjum, f.
29. desember 1953 í Bandaríkj-
unum.
22. Scobie, William James, verka-
maður í Reykjavík, f. 27. apríl
1962 á íslandi.
23. Vestergaard, Ingibjörg, mat-
ráðskona í Garðakaupstað, f.
24. apríl 1938 í Færeyjum.
24. Webster, Decarsta Unsont,
verkamaður í Hafnarfirði, f. 7.
maí 1955 í Bandaríkjunum.
25. Zak, Marjan, verkamaður í
Kópavogi, f. 18. júlí 1953 í
Júgóslavíu.
26. Zarioh, Mohamed Hammadi,
rafsuðumaður á Akureyri, f.
17. október 1950 í Marokkó.
íslenzkir aðalverktakar:
Beiðni um skýrslu
frá utanríkisráðherra
TÍU ÞINGMENN úr Alþýðufiokki
og Bandalagi jafnaðarmanna, með
Jóhönnu Sigurðardóttur (A) í broddi
fylkingar, hafa lagt fram beiðni um
skýrslu frá utanrfkisráðherra um
starfsemi íslenzkra aðalverktaka,
með tilvísan til 31. gr. laga um þing-
sköp Alþingis. Skýrslan nái til „mál-
efna íslenzkra aðalverktaka svo og
tollfrjáls innflutnings vegna varnar-
liðsframkvæmda og annars innflutn-
ings tengdum varnarliðinu'*.
Tilgreind eru sextán atriði, sem
skýrslan skuli ná til, m.a. eignar-
aðila, eiginfjárstöðu, fjármögnun
húseignarinnar Höfðabakka 9,
heildarveltu, árlegan hagnað,
tekjur íslenzka ríkisins og eigna-
aukningu hjá fyrirtækinu, stofn-
fjárframlag íslenzka ríkisins,
gjaldeyrisskil, verðmæti tollfrjáls
innflutnings, eftirgjöf ríkisins I
tollum, innflutning tækja og véla,
kaupgreiðslur og fyrirkomulag
verkútboða á vegum varnarliðsins.