Morgunblaðið - 06.03.1984, Blaðsíða 39

MORGUNBLAÐIÐ, ÞRIÐJUDAGUR 6. MARS 1984
47
„SÝNING á um 30 verkum mínum
verður opnuð í Drian Gallcry við
Marble Arch í London á afmælis-
daginn minn 12. mars og ég hef að
undanfbrnu einbeitt mér að því að
mála fyrir þessa sýningu," sagði
Karólína Lárusdóttur listmálari í
samtali við blm. Mbl. Karólína,
sem í mörg ár hefur verið búsett í
Knglandi, vakti mikla athygli hér á
landi þegar hún sýndi á Kjarvals-
stöðum í nóvember 1982 og seldi á
fáum dögum flest þeirra 176 verka
sem á sýningunni voru.
„Það hittist svo skemmtilega
á,“ sagði Karólína, „að konan
sem rekur þetta gallerí, sem er
eitt af hinum virðulegri í Lon-
don, var ágætur kunningi Nínu
heitinnar Tryggvadóttur, en
Nína sýndi þar tvisvar sinnum
Karólína Lárusdóttir listmálari.
Karólína Lárusdóttir
sýnir í Drian Gallery
og ég held að maður hennar hafi
líka haldið þar sýningu."
Karólína sagðist hafa haldið
einkasýningu í Chenil Gallery í
King’s Road sl. haust og í fram-
haldi af því hefðu forstöðumenn
sýningarsalarins boðið henni að
taka þátt í International Art
Festival í London fyrir nokkrum
vikum. „Ég er með ýmis spenn-
andi sýningarboð í athugun sem
ég vil ekki tala um núna, en með-
al þess sem frá er gengið er sýn-
ing í Kaupmannahöfn haustið
1986,“ sagði Karólína. „Jú,
myndirnar hafa selst mjög vel
og ég hef ærinn starfa við að
mála hérna á vinnustofu minni
heima í Bishop’s Stortford. Ég
byrja að mála strax klukkan
átta á morgnana og er að fram á
kvöld, en auðvitað taka börnin
mín tvö talsverðan tíma þar á
milli.“
Karólína Lárusdóttir er fædd í
Reykjavík 1944 og lauk stúd-
entsprófi frá Menntaskólanum í
Reykjavík 1964. Hún stundaði
listnám í Sir John Cass College
frá 1964—65; í Ruskin School of
Art í Oxford frá 1965—67 og síð-
an í Barking College of Art 1977.
„Ég hlakka óskaplega mikið til
að koma aftur heim til íslands,
og kannski set ég þá upp sýn-
ingu, en ég hef satt að segja eng-
an tíma haft til að hugleiða
hvenær af því gæti orðið. Von-
andi verður þess ekki langt að
bíða,“ sagði Karólína Lárusdótt-
ir að lokum.
Luxemborg:
Framkvæmdastjóri Tím-
ans kaupir „Cockpit-Inn“
GÍSLI Sigurðsson, framkvæmda-
stjóri Tímans, hefur fest kaup á veit-
ingastaðnum „Cockpit lnn“ í Lux-
cmborg og tekur við rekstrinum 1.
júlí í sumar. Gfsli lætur af störfum
framkvæmdastjóra Tímans 1. apríl
næstkomandi, þegar hlutafélagið
Nútíminn tekur við rekstri blaðsins.
Annar Islendingur, Valgeir T.
Sigurðsson, stofnaði „Cockpit Inn“
fyrir þremur árum og hefur rekið
síðan. Hann hyggst nú snúa sér
frekar að rekstri fyrirtækis, sem
hann á með fleirum í Bandaríkj-
unum og annast m.a. þjálfun
flugáhafna og útvegun áhafna í
leiguflug.
Gísli sagðist flytja út með fjöl-
skyldu sína þegar kæmi fram á
sumarið og myndi hann reka veit-
ingahúsið áfram með svipuðu
sniði og verið hefði. Þó yrði sú
breyting á, að á næstunni yrði
opnað út í garð við húsið og gætu
þar setið um 100 manns þegar
hlýtt væri í veðri.
Félag áhugamanna
um réttarsögu:
Fræðifund-
ur í kvöld
FRÆÐAFUNDUR í Félagi áhuga
manna um réttarsögu verður haldinn í
kvöld, í stofu 103 í Lögbergi, húsi laga-
deildar HÍ og hefst hann kl. 20.30.
I tilkynningu sem Mbl. hefur bor-
ist frá félaginu segir að Jón Gíslason
flytji erindi sem hann nefnir „Hin
fornu mörk — elstu sjónarmið land-
eigenda á Islandi", og að á eftir er-
indinu verði almennar umræður.
Ennfremur segir að fundurinn sé öll-
um opinn og félagsmenn og aðrir
áhugamenn um sagnfræðileg efni og
staðfræði séu hvattir til að mæta.
Ekkert lát á snjó-
komu á Snæfellsnesi
Hore. Miklahollshreppi. S. inarz.
EKKI virðist neitt lát á snjókomu hér á
Snæfellsnesi. Flesta daga er einhver
úrkoma eða skafrenningur. Lítið varð
af þíðunnu, sem kom hér í góubyrjun,
snjórinn blotnaði nokkuð, en síðan
fraus allt.
Nú er krapagaddur undir snjólag-
inu, allt flatlendi er þannig undir
svellgaddi. Haldi slíkt ástand enn
um sinn, þá er hætt við að miklar
kalskemmdir verði í túnum. Ekki er
það ábætandi ofan á allt sem kalið
var á siðastliðnu vori. Vandræða-
ástand ríkir hér í samgöngumálum.
Kerlingarskarð hefur ekki verið far-
ið síðan fyrir jól. Einstöku sinnum
hefur verið farið um Fróðarheiði.
Þar er mikil fönn, enda heiðin sjald-
an fær nema einn og einn dag.
Við sem þurfum að sækja okkar
læknisþarfir í Stykkishólm, bæði
fyrir menn og skepnur, erum illa
settir að þurfa að fara þá leið um
Heydal. Dýralæknirinn okkar, sem
býr í Stykkishólmi, hefur oft þurft
að mæta hörðu í þessum óveðurs-
köflum, þvf að hann er maður sam-
vizkusamur og sinnir sinu starfi af
miklum dugnaði. Töluvert hefur bor-
ið á krankieika í kúm á þessum vetri,
enda kannski ekki ástæöulaust eftir
sólarlaust sumar og hrakin og trén-
uð hey til fóðurs.
Bráðum er komin mið góa, sól
hækkar á lofti og er margur því orð-
inn þreyttur á þessum langa óveð-
urskafla, sem staðið hefur hér frá
þvi á aðfangadag.
I 'm 1 2 3 4 5 6

K
GLÆSILEGT, EINFALT
OGÖRUGCT
LK 2000 raflagnaefnið er óvenjulega
vel hannað. Mjúkar línur og mlldir
litir gera það að verkum að það
fellur mjög vel að umhverfinu.
LK 2000 hefur ótæmandi
samsetningarmöguleika og ýmis
konar aukabúnað s.s. gaumljós,
snertiljósdeyfa, snertirofa og
merkingar á slökkvara. Tenglar
og rofar eru innfelldir eða utaná-
liggjandi, einfaldir eða margfaldir.
LK 2000 raflagnaefnið er einstaklega
þægilegt i uppsetningu. Það er
byggt úr einingum og smellur eða
klemmur koma viða í staðinn
fyrir skrúfur.
LK 2000 er framleitt samkvæmt
ströngustu kröfum danskra
öryggisyfirvalda og viður-
kennt um allan heim.
Þú tryggir öryggi barnanna
með öryggistenglum frá LK.
<8>
Heimilistæki hf
SÆTÚNi 8-15655
•H KOMATSU
Vinnuvélar
Kraftur — Öryggi — Ending
Við getum nú afgreitt margar mismunandi
gerðir af vökvagröfum af lager KOMASTU í
Belgíu með tveggja vikna fyrirvara og á
einstöku veröi.
Allar gerðir eru með vönduðu hljóðeinangruðu húsi og ýmiskonar
aukabúnaður er fáanlegur. Undirvagn er nú annað hvort „standard"
eða „long track“ og „pilot system“ er á stjórnbúnaði.
Margar skóflustærðir og armlengdir eru fáanlegar.
Fullkomin varahluta og viðhaldsþjónusta.
Hafið samband við sölumann
véladeildar, sem veitir fúslega KOMATSU á íslandi
allar nánari upplýsingar. BÍLABORG HF.
Véladeild Smiðshöföa 23 Sími: 81299
- Páll.