Morgunblaðið - 16.03.1984, Blaðsíða 16
16
MORGUNBLAÐIÐ, FÖSTUDAGUR 16. MARZ 1984
SiÖumúla 33
símar81722 og 38125
[▼ VARTA
_ OFURKRAFTUR -
“ ÓTRÚLEG EIMDING
FRAMLEIÐENDUR
BETRI BÍLA í EVRÓPU
VELJA
VARTA RAFGEYMA
í BÍLA SÍNA
Þaö segir meira en mörg orð.
Framleiðendur Mercedes Benz, BMW, Volkswagen
og fleiri, velja VARTA rafgeyma,
enda hefur reynslan sýnt að VARTA rafgeymum
má treysta. Þeir bjóða upp á meira kaldræsiþol,
eru viðhaldsfríir og einnig ódýrir.
60 AMP-stundir kr. 1.494.00.
70 AMP-stundir kr. 1.788.00.
Hentar flestum gerðum bifreiða.
Á OLÍS stöðvum færðu VARTA rafgeymi,
og ísetningu á staðnum.
VARTA GÆÐIÁ GÓÐU VERÐI
ávallt í leiðinni
KGB lætur falsa vest-
ræn stjórnarskjöl
Stra.sbourg, 14. mars. AP.
FYRRUM foringi í sovósku öryggis-
lögreglunni (KGB), Stanislav Lev-
chenko aö nafni, sem flúði til
Bandarfkjanna árið 1979, sagði í dag
að KGB og alþjóðadeild miöstjórnar
sovéska kommúnistaflokksins létu
semja gífurlegan fjölda falsaðra
skjala og dreifðu þeim síðan til að sá
fræjum sundurþykkju meðal Vestur-
velda.
„Þeir hafa sérstakan áhuga á
því að falsa NATO-skjöl,“ sagði
hann, „og það er gert til að rugla
ráðamenn í ríminu og byggja upp
vantraust stjórna á milli."
Levchenko dvelst á leynilegum
stað í nágrenni Washington, en
ræddi við fréttamenn með aðstoð
fjarskiptahnattar, sem banda-
ríska upplýsingaþjónustan ber
kostnað af.
Stanislav Levchenko
Hann sagði að sér hefði á sínum
tíma m.a. verið falið að fylgjast
með breskum kjarnorkukafbátum
í höfninni í Liverpool og gefa
skýrslu um þá til Moskvu. Lev-
chenko sagði að alþjóðadeild mið-
stjórnar sovéska kommúnista
flokksins og „deild A“ innan KGB
hefðu á sínum snærum fjölmarga
sérfræðinga til að falsa skjöl af
öllu tagi. Hann sagði að sér væri
kunnugt um að á áttunda áratugn-
um hefði KGB komið á framfæri í
Japan hundruðum falsaðra skjala.
Levchenko sagði fréttamönnum
að hann væri nú að semja bók um
reynslu sína af njósnastarfi fyrir
sovésku öryggislögregluna.
Heimilisfangi hans er haldið
leyndu vegna þess að í ágúst 1981
dæmdi sovéskur dómstóll hann til
dauða.
Der Spiegel í útistöðum við kínversk stjórnyöld:
Saka fréttaritarann
um listmunasmygl
Hamborg. AP.
FYRRUM fréttaritari þýska tímaritsins Der Spiegel í
Peking, ítalinn Titiano Terzani, harðneitar í síðasta
hefti blaðsins þeim ásökunum kínverskra stjórnvalda,
að hann hafi staðið fyrir smygli á kínvcrskum listmun-
um úr landinu.
Terzani var formlega vísað frá Kína vegna „al-
varlegra glæpa" eins og það var orðað í skjali, sem
honum var afhent um leið og honum var tilkynnt,
að þess væri óskað að hann hefði sig á brott.
Eftir að tímaritið hafði staðið í ströngu tókst því
loks að fá framlengingu atvinnuleyfis Terzani í
Kína í tvö ár, þann 17. febrúar. Það hafðist þó ekki
fyrr en sendiráð V-Þjóðverja í Peking blandaði sér
í málið.
Terzani var handtekinn þann 1. febrúar af kín-
verskum landamæravörðum reyndist reyndist vera
með eftirlíkingu af Búdda-líkneski í fórum sínum.
Blaðamaðurinn bar því við, að eiginkona sín hefði
gefið sér líkneskið sem verndargrip, en þá skýringu
tóku verðirnir ekki gilda.
í húsleitarheimild fra lögregluyfirvöldum, dag-
settri 20. janúar, voru 64 afbrot, sem Terzani átti
að hafa framið, þ.m.t. meint smygl á listmunum.
Vekur athygli að húsleitarheimildin er dagsett 11
dögum fyrir handtökuna.
Við húsleitina voru 24 hlutir gerðir upptækir,
þar á meðal listmunir, sem kínversk yfirvöld segja
frá tímabili Ming-keisara. Terzani segir ásakan-
irnar fásinnu og alla listmunina eftirlíkingar,
keyptar af bændum á mörkuðum.
Kínverjar hafa boðið tímaritinu að senda annan
fréttaritara til Peking í stað Terzani.
Þingið í Sviss
vill aðild að SÞ
Bern, 15. mars. Frá Önnu Bjarnadóttur,
Fréttaritara Mbl.
Meirihluti fulltrúadeildar svissn-
eska þingsins samþykkti í dag tillög-
ur ríkisstjórnarinnar um aðild Sviss
að Sameinuðu þjóðunum með 112
atkvæðum gegn 78.
Tillaga um að seinka atkvæða-
greiðslunni var felld. Hún var lögð
fram þar sem talið er að meiri-
hluti landsmanna sé á móti aðild
að SÞ og muni fella tillöguna í
þjóðaratkvæðagreiðslu ef hún
verður haldin á næstunni. Öld-
ungadeild þingsins á enn eftir að
ræða og greiða atkvæði um tillög-
una.
Andstæðingar aðildar óttast
helst að Svisslendingar muni
missa hlutleysi sitt við að ganga í
SÞ. Pierre Aubert, utanríkisráð-
herra, sagði hins vegar að hlut-
leysið yrði tryggt og myndi eflast
við aðild. Hann sagði að spurning-
in um aðild snerist ekki um það
hvort SÞ væri góð stofnun eða
ekki, heldur hvort Sviss myndi
hafa gagn af fullri aðild. Hann
kvað svo vera.
Vinstriflokkarnir greiddu at-
kvæði með tillögunni. Frjálslyndi
flokkurinn skiptist nokkuð jafnt
með og á móti, en gamli Bænda-
flokkurinn og nokkrir minni
hægriflokkar greiddu atkvæði
gegn tillögunni.
Sviss, Liechtenstein, Mónakó og
San Marino eru einu sjálfstæðu
þjóðirnar í heiminum, sem hafa
kosið af frjálsum vilja að vera
ekki aðilar að SÞ. Hlutleysisstefna
Svisslendinga kom í veg fyrir að
þeir yrðu aðilar að stofnuninni
þegar sigurvegarar seinni heims-
styrjaldarinnar komu henni á fót í
október 1945. Svíar (1946), Finnar
og Austurríkismenn (1955), sem
einnig eru hlutlausir, hafa síðan
gerst aðilar og nú eru alls 158 að-
ildarþjóðir. Svisslendingar eru að-
ilar að langflestum undirstofnun-
um SÞ og hafa áheyrnarfulltrúa í
New York og sendiherra í Genf.
Stór hluti starfsemi Sþ fer fram í
Genf. Borgin var valin af því að
höfuðstöðvar þjóðabandalagsins
voru þar á sínum tíma.
Svissneska ríkisstjórnin álítur
að Svisslendingar eigi að gerast
aðilar svo að þeir geti greitt at-
kvæði og haft einhver áhrif á sam-
þykktir, sem SÞ gera og þeir verða
að fara eftir, eins og t.d. sáttmál-
um um kjarnorkutilraunir, efna-
vopn og hafréttarmál. Hún álítur
allt alþjóðasamstarf mikilvægt og
telur aðild að SÞ aðeins geta kom-
ið þjóðinni að gagni. Kostnaðurinn
við fulla aðild er ekki sagður
miklu meiri en hann er nú þegar
og ríkisstjórnin fullyrðir að hlut-
ieysi Svisslendinga breytist ekki
þótt þeir gerist aðilar.
Vinstri flokkarnir eru hlynntir
aðild og leggja áherslu á að SÞ er
eini staðurinn þar sem langflestar
þjóðir heims koma saman og
reyna að standa vörð um frið og
efla velferð í heiminum.' Gamli
Bændaflokkurinn (SVP) er á móti.
Þingmaður hans sagði í morgun
að SÞ kæmu sér varla nokkurn
tíma saman um gagnlegan hlut,
þær væru eitt allsherjar bákn þar
sem skriffinnska og ræðuhöld
sitja í fyrirrúmi. En hann sagði að
aðalatriðið væri það að hlutleysi
þjóðarinnar yrði aldrei hið sama
aftur ef hún gerist aðili. Skoðanir
eru skiptar í Kristilega flokknum
(CDP) og Frjálslyndi flokkurinn
(FDP) vill helst að þingið fresti
enn umræðum og atkvæðagreiðslu
um málið svo að Svisslendingar
fái ekki óorð á sig í SÞ með því að
neita að gerast aðilar.
Perez de Cuellar, aðalritari SÞ,
hefur sagt að Sameinuðu þjóðirn-
ar þurfi á aðild Svisslendinga að
halda. Haft hefur verið eftir
ónefndum sendiherra í New York,
að Svisslendingum hafi áður fyrr
verið Iíkt við skarpskyggna uglu,
sem sat utan stofnunarinnar og
fylgdist vel með, en nú er þeim líkt
við þröst sem flögrar um og þreyt-
ist í vængjunum. Skoðanakönnun
hefur bent til að Svisslendingar
hafi almennt heldur lítið álit á SÞ
og séu á móti aðild — og aðildar
þeirra er varla oft saknað í salar-
kynnum höfuðstöðvanna í New
York.