Morgunblaðið - 03.08.1984, Blaðsíða 12

12
MORGTJNBLADIÐ, FÖSTUDAGUR 3. ÁGÚST 1984
Rúmlega tvítugur brezkur flugliði, Paul Davies, var nýlega sýknað-
ur af ákærum um að hafa útvegað ungverskættaðri konu upplýs-
ingar, sem voru hernaðarleyndarmál, þegar hann var í brezka
flughernum á Kýpur (eins og skýrt hefur verið frá í blaðinu). Því
var haldið fram að konan, sem var kölluð „Mata Hari", hefði staðið
í tengslum við sýrlenzku leyniþjónustuna, en Davies neitaði þeirri
ásökun. Myndin var tekin fyrir utan Old Bailey þegar réttarhöldun-
um lauk.
Enginn bilbugur á
Margaret Thatcher
London, 2. ágúst. AP.
Margaret Thatcher, forsætisráðherra Breta, sem stundum er sökuð um
að vera miskunnarlaus og einstrengingsleg, sagði í viðtali, sem haft var
við hana í dag, að hún væri enginn „veikgeðja vingull".
,Ég hlýt að
itanda við
jtefnu mína
og reyni ekki
að vera neitt
annað en ég
er. I mínu
starfi þarf að
stjórna af
skörungsskap,
þar eiga ekki heima veikgeðja
vinglar," sagði Thatcher í viðtali
við óháðu sjónvarpsstöðina bresku
nokkru eftir þinglausnir í dag.
Kemur þingið ekki saman aftur
fyrr en 22. október.
í augum margra hefur síðara
kjörtímabil íhaldsflokksins ein-
kennst af erfiðleikum og ósigrum
fyrir Thatcher og stjórnina. Þar
ber hæst verkfall kolanáma-
manna, sem staðið hefur í 20 vik-
ur, og einnig árangursrík barátta
sjö hverfastjórna í London gegn
þeim fyrirætlunum stjórnarinnar
að leggja þær af árið 1986. Þessar
hverfastjórnir eru allar í höndum
Verkamannaflokksins og í dag
sögðu fjórir hverfastjórnar-
fulltrúar af sér embætti til þess
eins að knýja fram kosningar þar
sem aðallega yrði tekist á um
ákvörðun stjórnarinnar. Stjórn-
völd halda því fram, að stjórnar-
farslegar séu margar hverfa-
stjórnir í London úreltar auk þess
sem gífurlegur kostnaður sé við
þær.
Engar líkur eru taldar á að
verkfall námamanna ljúki í bráð
og er hugsanlegur kolaskortur far-
inn að valda mönnum áhyggjum.
Yfirmenn bresku ríkisrafveitn-
anna hafa af þessum sökum tekið
upp olíubrennslu í stað kola í
mörgum raforkuverum og hafa
þau skipti nú þegar kostað þær um
20 milljónir punda. Síðustu at-
vinnuleysistölur benda svo til
þess, að atvinnuleysið hafi aukist
og séu nú 12,7% af vinnufærum
mönnum atvinnulaus.
ERLENT,
Sovézka sendiráðið á
Sakharov-torgi 1?
Washington, 2. ágúst AP.
LAGT HEFUR verið fram frumvarp
í bandarísku öldungadeildinni um
að svæðið, sem sovézka sendiráðið í
borginni tekur yfir, verði skírt upp
og kallað í höfuðið á andófsmannin-
um og Nóbelsverðlaunahafanum
Andrei Sakharov.
„Þetta verður Sovétmönnum
stöðug áminning um að banda-
ríska þjóðin fylgist með málum
Sakharovs og hefur áhyggjur af
hver hefur orðið framvindan í
því,“ sagði Alfonse D’Amato öld-
ungadeildarþingmaður frá New
York, sem á sæti í umhverfis- og
bygginganefnd þeirri sem lagði til
að frumvarpið yrði samþykkt.
Fari svo verður sovézka sendi-
ráðið að breyta heimilisfanginu úr
1125 16th St. Northwest í Andrei
Sakharov-torg númer 1.
Á TVEIMUR TÍMUM