Morgunblaðið - 17.08.1984, Qupperneq 24

24
MORGUNBLAÐIÐ, FÖSTUDAGUR 17. ÁGÚST 1984
Ung grafík
Myndlíst
Valtýr Pétursson
í Austursal að Kjarvalsstöð-
um er lítil og snotur sýning á
grafík eftir hóp ungra myndlist-
arnema, sem nýlega hafa út-
skrifast úr Handíða- og mynd-
listarskólanum hér í borg. Þessir
ungu grafíkerar hafa sameigin-
lega vinnustofu og hafa því hald-
ið hópinn, eftir að úr skóla var
komið. Þetta er ekki sérlega for-
vitnileg sýning, en hún er þokka-
leg og vel þess virði, að hún sé
skoðuð. Það er nú samt auðséð,
að kennarar eiga gjarna drjúgan
þátt í hlutunum, og raunveru-
lega er ekkert við því að segja.
Það eru fimm, er þarna sýna,
og af þeim er aðeins einn karl-
maður, hitt eru konur. Það er því
ekki undarlegt, að manni finnst
kvenfólkið sækja heldur betur á
brattann, eins og stendur að
Kjarvalsstöðum, en í Vestursal
eru það hvorki meira né minna
en níu konur, sem sýna. Þetta er
ánægjulegt í sjálfu sér, en nú er
þetta orðinn útúrdúr og mál að
linni.
Allir þeir, sem sýna á þessari
sýningu, eru svo nýlega lausir
við skólann, að það blasir við, að
enginn þeirra hefur enn mótast
það ákveðið í list sinni, að nokk-
ur dómur verði lagður á listgildi
verka hans. Þetta er í sannleika
mjög þokkaleg skólavinna, og
varla verður meira sagt að sinni.
Samt er það áberandi, hve ein-
asti karlmaðurinn í þessum hópi
er miklu ákveðnari í myndgerð
sinni en þær vinkonur hans.
Hann heitir Sigurbjörn Jónsson.
Hildigunnur Gunnarsdóttir,
Lára Gunnarsdóttir, Svala
Jónsdóttir og Aðalheiður Val-
geirsdóttir eiga allar mjög
þokkaleg verk á þessari sýningu,
en mér virðist dálítið erfitt að
dæma um, hvort hæfileikar eru
þarna á ferð. Á það hefur ekki
reynt enn sem komið er hjá
þessu ágæta fólki. En bíðum
bara og sjáum, hvað setur. Það
koma tímar og koma ráð.
Sú spurning vaknar þó ósjálf-
rátt, hvort þessi sýning hafi ver-
ið tímabær. Nú má enginn skilja
þessar línur svo, að þarna hafi
verið eitthvað ómögulegt á ferð.
langt frá því, en þarna er heldur
ekki stór biti að narta í. Því
sannast orða er langur vegur frá
þvi að gera þokkalegar myndir í
það að taka verulega listrænt á.
Ég er allur af vilja gerður að
vekja athygli á þessu framtaki
hjá hópnum. Og mér er nær að
halda, að þessi litla og snotra
sýning falli mörgum í geð og því
sé óhætt að hvetja fólk til að sjá
þessa sýningu; hún er fáguð og
hefur notalegt yfirbragð og er
hópnum til gagns og sóma.
Valtýr Pétursson
SPARISJÓÐUR
HAFNARFJARÐAR
kynnir ný vaxtakjör
Frá og meö 17. ágúst taka gildi vaxtahækkanir
á inn- og útlánum okkar, sem hér segir:
INNLAN: Vextir Árs-
alls ávöxtun
1) Sparisjóösbækur á ari 17,0%
2) Sparireikningar meö 3ja mánaöa uppsögn 20,0%
3) Sparireikningar meö 6 mánaöa uppsögn 23,5% 24,9%
4) Heimilislán, sparnaöur tengdur lántöku
Sparnaður 3—5 mánuöi 20,0%
Sparnaður yfir 6 mánuöi 23,0%
5) Verðtryggðir sparireikningar
6 mánaöa binding 5,0%
3ja mánaöa binding 0,0%
6) Ávísana- og hlaupareikningar 12,0%
7) Sparisjóösskírteini, 6 mánaöa 23,0% 24,3%
8) Innlendir gjaldeyrisreikningar:
a) innstæöur í Bandaríkjadollurum 9,5%
b) innstæöur í sterlingspundum 9,5%
c) innstæður í vestur-þýskum mörkum 4,0%
d) innstæöur í dönskum krónum 9,5%
ÚTLÁN:
1) Víxlar (forvextir) 23,0%
2) Hlaupareikningar 22,0%
3) Endurseljanleg lán: a) lán vegna framleiöslu fyrir innlendan
markaö 18,0%
b) lán í SDR (sérstökum dráttarréttindum)
vegna útflutningsframleiðslu 10,0%
4) Skuldabréfalán og afborgunarlán 25,5%
5) Lán meö verðtryggingu miöað vlö lánskjaravéitölu
a) lánstími allt aö 2’/2 ár 8,0%
b) lánstími yfir 2Vt ár 9,0%
KynniÖ ykkur nýju ávöxtunarkjörin á sparifé.
Allt starfsfólk Sparísjóösins er þér innan hand-
ar hvaö varöar ráögjöf í fjármálum.
Vextirnir eru breytilegir samkvæmt ákvöröun
stjórnar Sparisjóösins.
5PARI5JÚÐUR
HAFNARFJARÐAR
Hagur heimamanna
Strandgötu 8—10. Reykjavíkurvegi 66.
Hörður Áskelsson
son og Jón Hlöðver Áskelsson,
fallega unnar og vel sungnar.
Margrét Bóasdóttir söng Vertu
Guð faðir, faðir minn, eftir Jón
Leifs, við undirleik Marteins H.
Friðrikssonar. Margrét söng
einnig í verki eftir stjórnandann
og smá strófur í verki eftir Þor-
kel Sigurbjörnsson og í síðasta
verkinu, „Festival Te Deum“,
eftir Britten. Margrét er vel
menntuð söngkona og söng
ágætlega vel. Sálmur 84 er nýtt
verk eftir Hörð og var það frum-
flutt á þessum tónleikum. Verkið
er á köflum vel samið og
skemmtilegt áheyrnar. Eftir að
syngja Exultate Deo, eftir Scarl-
atti eldri, söng kórinn Herr, nun
Mótettukór
Hallgrímskirkju
Tónlíst
Jón Ásgeirsson
Mótettukór Hallgrimskirkju
er nýstofnaður kór, hefur þegar
haldið nokkra tónleika og er nú
að leggja upp í ferðalag til
Þýskalands undir stjórn Harðar
Áskelssonar orgelleikara. Kór
verður ekki til með því að kalla
saman söngfólk og ekki góður
kór, þó vel sé sungið einu sinni.
Góður kór verður til í ströngu og
langvarandi samstarfi góðra
söngmanna undir stjórn góðs
tónlistarmanns. Þó ekki sé langt
um liðið síðan kórinn tók til
starfa, hefur sú hugmynd orðið
sífellt áleitnari að hér sé að
verða til góður kór. Tónleikarnir
í Kristskirkju sl. miðviku-
dagskvöld voru eins konar þol-
raun og hér eftir verða gerðar
strangari kröfur til kórsins. Það
er athyglisvert hve sterka til-
finningu Hörður hefur fyrir
túlkun og tekst, með ekki stærri
kór, að ná fram sterkum and-
stæðum í styrk, hljóðfalli og
blæbrigðum. Tónleikarnir hófust
á þjóðsöngnum og ekki hefur
undirritaður heyrt hann fallegar
sunginn. Þjóðsöngurinn er í raun
smá mótetta, vel samin og frá-
bærlega vel sungin undir lifandi
stjórn Harðar Áskelssonar.
Næstu tvö verkefnin voru út-
setningar eftir Róbert A. Ottós-
lássest du, eftir Mendelssohn.
Margt í því verki var frábærlega
vel sungið og einnig í Cristus
factus est, eftir Bruckner. Þrjár
stuttar og hljómfallegar mótett-
ur eftir Duruflé voru mjög vel
fluttar af kórnum. Maurice Dur-
uflé (1902) er franskur orgelleik-
ari og tónskáld, nemandi Vierne
og Dukas. Eftir hann liggja ekki
mörg verk, aðallega orgelverk,
kammerverk og hljómsveitar-
tónlist og ein sálumessa. Tónstíll
hans er undir áhrifum af tónlist
Faure og katólskum „sléttsöng"
(cantus planus). Þrjú vers kvöld-
bæna eftir Hallgrím Pétursson
voru sungin tónsett af Þorkeli
Sigurbjörnssyni. Fyrsta kvöld-
bænin er sérlega þýð og falleg
tónsmíð og önnur bænin sér-
kennileg í blæ en sú þriðja síst
sem samsöngsverk. Síðasta
verkið á efnisskránni var svo
bráðfallegt verk eftir Britten, er
heitir Festival Te Deum. Mót-
ettukór Hallgrímskirkju, undir
stjórn Harðar Áskelssonar, er
orðinn góður kór og voru tónleik-
arnir í Kristskirkju í alla staði
góðir. Vonandi tekst söngfólki og
stjórnanda eins vel upp á fyrir-
huguðum tónleikum sínum í
Þýskalandi og að heiman fylgja
þeim kveðjur og ósk um gott
gengi og góða söngferð.
Jón Ásgeirsson
Trompett- og
orgelleikur
Sumartónleikum i Skálholti
lauk um síðustu helgi og fluttu
Ásgeir Steingrímsson og Orthulf
Prunner verk eftir Torelli, Viv-
aldi, Hándel, Bach og Purcell,
allt víðkunna barokksnillinga.
Fyrsta verkið var trompettsón-
ata eftir Torelli. í höndum Tor-
elli varð konsert-formið í raun
til, eða það form sem einkennir
einleikskonserta allt til þess er
Liszt gerði breytingar á kon-
sertforminu. Ásgeir lék þetta
erfiða verk mjög glæsilega en
það sem vantaði á var að orgelið
og trompettinn náðu ekki að
•„intónera" sig saman, sem bæði
er vegna sterkra „dvergmála" í
kirkjunni og ólíkrar hljómunar
orgels og trompetts. Næsta
verkið var svo orgelútfærsla
Bachs á konsert í a-moll eftir
Vivaldi. Prunner er góður orgel-
leikari og lék konsertinn á köfl-
um fallega. Fimm kaflar úr
Vatnasvítutnni, eftir Hándel,
var næsta verkefni. Vatnasvítan
er glæsilegt verk en ekki til í því
leikformi sem talið er að verkið
hafi verið flutt í undir stjórn
höfundar. Fyrir nútímamenn er
verkið flutt í seinni tíma út-
færslum og svo sem allt í lagi að
búa til einleikssvítu úr verkinu.
Besti kaflinn var forleikurinn en
þrátt fyrir að verkið setti nokk-
uð ofan við þessa ótilgreindu
umskrift, var það vel leikið bæði
af trompettleikara og orgelleik-
ara. Eftir Bach lék Orthulf
Prunner orgelfúgu yfir stef eftir
Corelli (BMV 579). Þetta verk
ásamt fúgu yfir stef eftir Legr-
enzi (BMV 574) er talið bera
sterk einkenni sem rekja má til
Pachelbels, sem eldri bróðir J.S.
Bach lærði hjá. Um þessi verk
eru efasemdir, bæði hversu
snemma verkin eru samin og svo
að þau séu yfirleitt eftir J.S.
Bach. Prunner lék Corelli-fúg-
una á köflum vel og lauk tónleik-
unum með Trompet Voluntary
eftir Purcell, er allir þekkja sem
einkennislag Evrópu-sjónvarps-
ins. í heild voru þetta góðir tón-
leikar og reisn yfir leik þeirra
Ásgeirs og Prunners, enda ágæt-
ir hljóðfæraleikarar. Það verður
spennandi að fylgjast með því
hvernig skipulagið á Skálholts-
tónleikunum verður næsta ár,
þvi þá eiga Bach, Hándel og
Scarlatti yngri þrjú hundruð ára
afmæli.
Jón Ásgeirsson