Morgunblaðið - 24.08.1984, Blaðsíða 7
MORGUNBLAÐIÐ, FÖSTUDAGUR 24. ÁGÚST1984
7
Kristinn syngur Don
Giovanni í Tívolí
KRISTINN Sigmundsson, söngv-
ari, syngur aðaihlutverk í kons-
ertuppfærslu á óperunni Don Gio-
vanni, eftir Mozart, með Tívolí-
hljómsveitinni í Kaupmannahöfn
á þriðjudaginn í næstu viku. Hóp-
ur sem Kristinn söng með í Vín-
arborg, var boðið að taka þátt í
uppfærslunni.
Kristinn sagði í samtali við
Morgnunblaðið, að það væri
mikill heiður fyrir sig að fá að
taka þátt í þessari uppfærslu.
Fleiri tónleikar verða í Tívolí á
næstunni og má þar nefna tón-
leika meö söngkonunni Christu
Ludwig og pianóleikaranum
Eric Werba, en til stóð að þau
héldu tónleika á Listahátíð nú í
vor.
í haust heldur Kristinn til
Washington til söngnáms.
Hann verður í einkatímum hjá
kennara Williams Parker, John
Bullock. William Parker hefur
haldið tónleika og námskeið
hér og var Kristinn á nám-
skeiði hjá honum fyrir tveimur
árum.
Kristinn hefur haft í mörgu
að snúast undanfarið. Hann
hefur nýlega lokið upptökum á
plötu ásamt Jónasi Ingimund-
arsyni. Á plötunni syngur
Kristinn bæði erlend og inn-
lend sönglög. Platan er vænt-
anleg á markað nú í haust.
Kristinn er einnig nýlega kom-
inn heim úr söngferðalagi frá
Þýskalandi.
Kristinn Sigmundsson
Ekki kvaðst Kristinn vera
búinn að gera það upp við sig
hvort hann vildi heldur helga
sig ljóðasöng eða óperusöng.
„Mér líkar óskaplega vel að
syngja óperur, þar reynir á
sviðshæfileika og samvinnu við
marga aðila og enginn óperu-
sýning er eins. Óperan gefur
hins vegar söngvurum ekki eins
mikla möguleika til túlkunar og
ljóðasöngurinn, þá getur maður
meira farið sínar eigin leiðir í
samvinnu við undirleikarann.
Textinn er yfirleitt miklu dýpri
í ljóðasöngnum en í óperum.
Þetta eru mjög ólík viðfangs-
efni. Það sem getur skipt miklu
máli er að það er erfitt að lifa
af ljóðasöngnum, hann höfðar
til mun færri hlustenda en
óperutónlistin.” sagði Kristinn.
Landhelgisgæzlan kynnir sér bandarísku strandgæslunæ
íslenzkur stýri-
maður í leiðangri
með Northwind
ÞORVALDUR Axelsson, stýrimaður
hjá Landhelgisgæzlunni, er nú um
borð í Northwind, ísbrjóti banda-
rísku strandgæzlunnar. Tekur hann
þátt í 6 vikna leiðangri skipverja í
norðurhöfum til að kynnast starf-
seminni og notkun þyrlu frá skipinu.
Gunnar Bergsteinsson, forstjóri
Landhelgisgæzlunnar, sagði í
samtali við Morgunblaðið, að þeg-
ar Northwind hefði verið hér fyrir
um viku, hefði komið upp sú
hugmynd að Gæzlan fengi að hafa
mann um borð í þessum leiðangri í
fyrrgreindum tilgangi. Hefði
þeirri hugmynd verið tekið mjög
vel af bandarísku strandgæzlunni
og hún boðið þeim að hafa tvo
menn um borð, stýrimann og
þyrluflugmann. Hins vegar hefði
ekki getað orðið af því að þyrlu-
flugmaður færi með og því hefði
niðurstaðan orðið sú, að Þorvaldur
Axelsson, stýrimaður, hefði farið í
leiðangurinn.
Um leiðangurinn sagði Gunnar,
Þorvaldur Axelsson
að hann stæði í um 6 vikur og
helgaðist rannsóknum í norður-
höfum, allt norður fyrir 81° norð-
lægrar breiddar. Leiðangrinum
lyki svo 23. september næstkom-
andi, er skipið kæmi til Skotlands.
Vantar rigningu
fyrir gróðurinn
— segir Katrín Ás-
grímsdóttir hjá Skóg-
rækt ríkisins á
Hallormsstað
GRÓÐRARSTÖÐ Skógræktar rfk-
isins á Hallormsstað í Fljótsdal er
í fallegu umhverfi og í góðu veðri
er gaman að heimsækja staðinn og
skoða sig um. Katrín Ásgríms-
dóttir, frá Höfn í Hornafirði, er ein
þeirra sem vinna í gróðrarstöðinni
í sumar.
— Hvernig er að vinna hér?
„Það er mjög gaman. Veðrið
hefur verið mjög gott, alltaf
hlýtt. Ég kom hingað 24. apríl og
þá var um 17 stiga hiti."
— Hefur þú unnið við svona
störf áður?
„Já, ég er garðyrkjulærð og
vann til dæmis hér í hitteðfyrra.
Starfið er mjög skemmtilegt,
sérstaklega vegna þess hve það
er fjölbreytt."
— Hvenær er mesti annatím-
inn hjá ykkur?
„Það er mest að gera í júní. Þá
er verið að planta og einnig er þá
mikið selt af trjám .“
— Hvert seljið þið aðallega?
„Við seljum mikið niður á
firði, en einnig töluvert til
Reykjavíkur. Mest er um pant-
anir. Það er sjaldgæft að fólk
Katrfn Ásgrímsdóttir
komi hingað til að kaupa plönt-
ur.“
— Svona í lokin, hefur þetta
góða veður haft einhver slæm
áhrif?
„Já, það vantar rigningu fyrir
gróðurinn. Hann er orðinn mjög
þurr. Einnig höfum við orðið vör
við afar fjölskrúðugt skordýralíf
hér í sumar.“
Eftir hina stórkostlegu 35% verðlækkun á lambalifur er vart hægt
að gera betri matarkaup á íslandi. Til dæmis kostar allt hráefni í þennan
Ijúffenga franska rétt aðeins um 33 krónur.
(200 g lifur á um 18 kr. og allt meðlæti á um 15 kr.)
Lambdifur
a'la fíersillade
Fyrir einn
Matreiðslumaöur
Francois Fons, Grillið Hótel Saga
Hvers vegm
lifur?
Dr. Jón Öttar Ragnarsson, dósent
Skáskerið tvær til þrjár þunnar sneiðar af
lambalifur og veltiö uppúr hveiti. Bræðið
smjör á vel heitri pönnu, kryddið lifrina á
báðum hliðum með salti og pipar og steikiö
létt beggja vegna.
Færið síðan lifrina á fat. Bætið smjöri á
pönnuna ásamt steinselju og hvítlauk. Hellið
siðan ediki á pönnuna og heyrist þá
yndislegur söngur. Eftir því sem hann er
fegurri hefur betur tekist til með réttinn.
Bragðbætið sósuna eftir smekk með salti og
pipar og hellið henni síðan yfir lifrina á
diskinum. Berið fram með soðnum
kartöflum og e.t.v. öðru grænmeti.
Þennan óvenjulega og Ijúffenga rétt tekur
aðeins nokkrar minútur að laga.
Lifur er ein þessara afurða úr lífríkinu sem
næringarfræðingar telja svo holla aö hún er
oft - ásamt nokkrum öðrum - sett í
sérstakan flokk sem kallast hollustuvörur
eða bætiefnagjafar.
En hvers vegna er lifur holl? Vegna þess að
hún er að jafnaöi bætiefnaríkari en flestar ef
ekki allar aðrar algengar matvörur sem á
boðstólum eru.
Lifur er t.d. frábær uppspretta járns og
kopars, fólasíns og Bia, A, og D-vítamíns.
Hún er einnig fremur fitusnauð og því mikið
notuð í megrunarfæði.
Fððu uppskriftabækling í næstu verslun
Framleiðendur
Stórkostleg verðlækkun
á lambalifur!