Morgunblaðið - 23.03.1986, Side 9
HUGVEKJA
Pálma-
sunnndagur
eftir EINARJ. GÍSLASON
I„Jesú var þeirra vitjun. Jesú er vitjun
heimsins í dag. Jerúsalem þekkti ekki
sinn vitjunartíma. Þeirsnerust til and-
stööu og höfnuöu Jesú. “
Til eru margar tegundir pálma.
Flestir hugsa sér döðlupálmann.
Heimalönd hans eru Arabía,
Sínaískaginn og Egyptalandi.
Hæð pálmans getur orðið 40
metrar og aldur allt að 200 ár.
Latneska nafn hans er Phoenix
dactylfera. í krónu hans vaxa allt
að því 80 greinar sem geta orðið
4 metra langar og lifa áratugum
saman. Blómsturtími pálmans er
febrúar, og er hann fullblómstrað-
ur í apríl. Þar frá eftir 4—5 mán-
uði gefur pálminn uppskeru sína
í sætum döðlum. Þjóðsögn telur
að notagildi pálmans sé á 360
vegu. Sé stofn trésins opnaður
rennur pálmamjólk frá trénu ca.
4 lítrar pálmamjólk á dag í 3—5
mánuði.
Debórapálminn var talinn heib
agur, Dómarabók 4. kap. 5.v. A
laufskálahátíðinni, jólum gamla-
testamentisins, 3. Mós. 23. 40,
þá áttu menn að prýða heimili sín
með pálmaviðargreinum. Það eru
fyrstu rætur, sem við finnum um
jólatré. Tamar var mjög vinsælt
konunafn, en það þýðir pálmi.
Pálmablöð voru tákn sigurs og
fagnaðar. Voru þau notuð, þegar
konungar og fyrirmenn héldu
innreiðir sínar í borgir og bæi.
Þegar Jesús hélt innreið sína í
Jerúsalem, þá var honum fagnað
sem konungi. Mattheus guð-
spjallamaður greinir frá fögnuði
þessa dags. Þegar mannfjöldinn
sem fór á undan honum fylgdi
einnig á eftir: Hrópaði og sagði:
Blessaður sé konungurinn, sem
kemur í Nafni Drottins. Hóseanna
Davíðs syni. Blessaður er sá sem
kemur í Nafni Drottins. Hóseanna
í hæstum hæðum.
Miðpunktur heimsóknar Jesú
til Jerúsalem, síðustu helgina sem
hann lifði, var helgidómurinn.
Vonbrigðin urðu afskapleg. Þar
var ekki lofsöngur og fögnuður
sem undir berum himni Guðs. Þar
var sprang og veðmöngun, víxlar-
ar og dúfnasalar.
Jesús gjörði sér svipur úr köðl-
um og hratt um borðum víxlar-
anna og rak þá út. Vitnaði hann
til Jesaja spádómsbókar: „Hús
mitt á að nefnast bænahús, en
þér hafið gert það að ræningja-
bæli.“ Eftir það hófst til veldis
fögnuður pálmasunnudagsins,
með því að blindir og haltir komu
til Hans og Hann læknaði þá.
Börnin hrópuðu nú: Hósíanna sé
Davíðssyni. Sagt var þá við Jesú
í gremjutón: Heyrir þú hvað þessir
segja? Svar Jesú var: „Hafið þið
aldrei lesið þetta: Af munni barna
og bijóstmylkinga hefir þú tilbúið
þér lof.“ Lofgerðina þoldu ekki
allir og Jesús var beðinn um að
þagga niður í þeim er lofuðu Guð.
Svar Hans var: „Ef þessir þegja
þá munu steinarnir hrópa."
Það var ekki aðeins fögnuður,
sem var undirtónn lýðsins er hróp-
aði á pálmasunnudag. Jesú vissi
að fimm dögum síðar mundi verða
hrópað: „Burt, burt með Hann.“
Það var kannski þessvegna,
sem Lúkas læknir leggur áherslu
á að Jesú grét þegar Hann kom
til borgarinnar í hinsta sinn. Við
lesum það einungis þrisvar sinn-
um á síðum Nýjatestamentisins,
að Jesú hafi grátið. Fyrst við gröf
Lasarusar í kirkjugarðinum í
Betaníu. Næst hér yfir Jerúsal-
emsborg og síðast í grasagarðin-
um Getsemane, þegar Jesús bar
fram fyrir Guð bænir og auðmjúk
andvörp, með sárum táraföllum.
Gleði og sorg eru vissulega and-
stæður en hversu skammt er ekki
oft þar á milli. Jesús grét. Hvers
vegna? „Ef einnig þú hefðir á
þessum degi vitað hvað til friðar
heyrir. Nú er það hulið sjónum
þínum.“ Grátur og sorg Jesú
tengist nú einum alvarlegasta
spádómi Nýjatestamentisins, sem
nú brast fram af vörum Jesú:
„Þeir dagar munu koma yfir þig.
Ovinir þínir munu gjöra hernrki
um þig. Setjast um þig og þröngva
þér á alla vegu. Þeir munu leggja
þig að velli. Börn þín, sem í þér
eru og ekki skilja eftir stein yfir
steini í þér. Vegna þess að þú
þekkir ekki þinn vitjunartíma."
Jesús var þeirra vitjun. Jesús
er vitjun heimsins í dag. Jerúsal-
em þekkti ekki sinn vitjunartíma.
Þeir snerust til andstöðu og höfn-
uðu Jesú. Þeir gerðu það miklu
oftar en á föstudaginn langa.
„Jerúsalem, Jerúsalem, hversu oft
hefi ég viljað safna þér, sem hæna
safnar ungum sínum undir vængj-
um sér. En þér hafið ekki viljað
það.“ Einar Sigurðsson skáld í
Heydölum segir í jólasálminum:
„Það er nú heimsins þrautarmein,
að þekkja Hann eins og bæri. Með
vísnasöng ég vögguna þína
hræri."
íslensk þjóð, sem nú í dag
heldur pálmasunnudag heilagan.
Sjáum Konunginn Krist. Hann
kemur til þín. Fögnum Honum,
lifum Honum, þjónum Honum.
Heiðrum Hann öll þjóðin. Þá mun
blessun búa í landi okkar og sér-
hvað það er við tökum okkur fyrir
hendur skal okkur lánast. Hug-
leiiðum þetta nú í kyrru viku og
tökum öll jákvæða afstöðu með
Jesú.
Höfundur er forstöðumaður Fílad-
elfíu.
1
^ FJÁRFESTINGARFÉIACIÐ
VERBBREFAMARKAÐURINN
Fjárfestingarfélag íslands hf., Hafnarstræti 7,101 Reykjavík. © (91) 28566, S (91) 28506 símsvari allan sólarhringinn