Morgunblaðið - 23.03.1986, Page 64
SUNNUDAGUR 23. MARZ 1986
„Mun lækka
allt ef raun-
vextir verða
lækkaðir“
— segir Davíð Scheving
Thorsteinsson
forstjóri Smjörlíkis hf.
„ÉG LÝSI mig hér með reiðubú-
inn til að lækka allar vörur fyrir-
tækisins um umtalsverðar fjár-
hæðir ef raunvextir verða lækk-
aðir á íslandi og er jafnframt
viss um að allir aðrir iðnrekend-
ur myndu gera slikt hið sama,“
sagði Davíð Scheving Thor-
steinsson forstjóri Smjörlíkis hf.
í samtali við Morgunblaðið.
Davíð sagði að háir raunvextir
héldu uppi verðlagi í landinu en það
væri ríkisstjómin sem héldi vöxtun-
um uppi með háum vöxtum á ríkis-
skuldabréfunum. „Ég skora á Þor-
stein Pálsson Qármálaráðherra að
lækka vexti af spariskírteinunum,"
sagði Davíð og sagði að miklar
verðlækkanir myndu koma í kjölfar-
ið. Davíð sagði að raunvextir ríkis-
skuldabréfa hefðu snarlækkað í
Bandaríkjunum í kjölfar olíuverðs-
lækkunarinnar og allt atvinnulífið
tekið vel við sér.
Smjörlíki hf. lækkaði verð á
smjörlíki í lok febrúar. Heildsölu-
verð Sólblóma lækkaði um 7%,
þanm'g að algengt útsöluverð er nú
179 krónur í stað 192 kr. Alpa-
smjörlíkið lækkaði um 6 ‘/2% og er
algengt útsöluverð þess nú 172 kr.
í stað 184 kr. Þá lækkaði hvert
kíló af bakarasmjörlíki úr 82 kr. í
60, eða um 27%.
Mjólkurfræðingar:
Fundurí dag
FUNDUR í kjaradeilu mjólkurfræð-
inga og vinnuveitenda hefst klukkan
þrjú í dag, en aðilar eru ekki bjart-
sýnir á samkomulag. Allar líkur
benda því til að boðað verkfall mjólk-
urfræðinga um miðnætti í nótt komi
til framkvæmda. Takist samningar
ekki fyrir miðja vikuna má búast
við nokkrum mjólkurskorti.
Krakkar í Hólabrekkuskóla létu veðrið ekki hindra sig i gær í að hlaupa í kringum Reykjavík,
eins konar „landnámshlaup", í tilefni 200 ára afmælis Reykjavíkur. Um leið ætluðu nemendurnir
að safna fé til ferðalags.
Veðrunarskemmdir
algengastar í húsum
- segir Hákon Ólafsson forstjóri Rann-
sóknarstofnunar byggingariðnaðarins
AÐ SÖGN Hákons Ólafssonar forstjóra Rannsóknarstofnunar Bygg-
ingariðnaðarins er lítil sem engin hætta á alkalískemmdum i húsum
sem byggð eru eftir 1979. Morgunblaðið talaði við Hákon í gær í
framhaldi af þeim ummælum Ríkharðs Kristjánssonar verkfræðings,
sem blaðið skýrði frá, að skemmdir á stein- og timburhúsum væru
alvarlegra vandamál, en menn hefðu hingað til talið.
Hákon sagði, að veðrunar-
skemmdir væru algengari, oft væri
ekki tekið nægilegt tillit til veðr-
unarþols húsa m.a. með þeim afleið-
ingum að endursteypa þyrfti svalir.
Þau einingahús sem framleidd eru
hér á landi fullnægja settum skil-
yrðum Rannsóknarstofnunarinnar,
innflutt hús hafa farið ílla í veðrum
hér á landi, enda lagðist innflutn-
ingur slíkra húsa niður þar sem þau
stóðust ekki kröfur Rannsóknar-
stofnunarinnar.
„Það á ekki að vera hætta á
alkalískemmdum í húsum í dag ef
ákvæðum sem komu inn í bygging-
arreglugerð árið 1979 er fylgt. Við
höfum eitt dæmi um alkalískemmd-
ir eftir þann tíma, við athugun kom
í ljós að ákvæðum var ekki fylgt.
Alkalískemmdimar byija um 1960,
en þá var Hvalfjarðarefnið mikið
notað og aðal orsökin fyrir þessu.
1979 var farið að nota kísilryk í
sementið og hafði það mikil áhrif
gegn alkalískemmdum, það var
bannað að nota Hvalíjarðarefni, og
þess krafist að allt sjávarefni sem
notað var í byggingariðnaðinum
væri þvegið. Síðan hafa menn slak-
að aðeins á og leyft vissan hluta
af Hvalíjarðarefni með ákveðnum
skilyrðum."
Hákon sagði frostskemmdir tals-
verðar og menn gerðu ekki nægileg-
ar kröfur til veðrunarþols. Hann var
spurður hvað hæft væri í því að
timbureiningarhús færu illa í veðr-
um hér á landi eins og fram kom
í frétt í Morgunblaðinu í gær og
sagði Hákon það eiga við um þau
hús sem flutt voru inn hér á tíma-
bili. „Það var búið að flytja þessi
hús inn um nokkurt skeið áður en
Rannsóknarstofnun Byggingariðn-
aðarins var beðin um að athuga
hvort þau stæðust ákveðnar kröfur,
þegar í ljós kom að svo var ekki
var innflutningi hætt og þau hús
sem byggð eru hér á landi standast
öll kröfur Rannsóknarstofnunarinn-
ar.“
Stórþorskar
í Vogiinum
Fjögurra tonna trilla er rær
frá Vogum með net hefur
fengið ágætan afla að undan-
förnu. Aflinn er aðallega
þorskur, og sl. miðvikudag
kom þessi stórþorskur í netin.
Það er Davíð Eyrbekk sem
heldur á þeim stærsta, en
hann vó 27,5 kg.
E.G.
VERÐ í LAUSASÖLU 40 KR.
Þorsteinn Pálsson:
Ekki tími til
bollalegg-
inga um
nýtt stjórn-
armunstur
„Þetta eru ekki nýjar hug-
myndir hjá Þresti. Þær hafa oft
komið fram áður,“ sagði Þor-
steinn Pálsson formaður Sjálf-
stæðisflokksins í samtali við
Morgunblaðið er hann var inntur
álits á þeim orðum Þrastar Ólafs-
sonar framkvæmdastjóra Dags-
brúnar að þörf væri á nýjum
pólitískum raunveruleika í kjöl-
far nýgerðra kjarasamninga.
Þröstur sagði á fundi í Rotary-
klúbbi Austurbæjar að þessi
raunveruleiki fælist í samstarfi
Alþýðubandalags og Alþýðu-
flokks við Sjálfstæðisflokkinn.
Þorsteinn sagði jafnframt að ekki
væri kominn tími bollalegginga um
nýtt stjómarmunstur. Það yrði ekki
fyrr en að loknum kosningum.
„Við munum ganga til næstu
kosninga með óbundnar hendur um
stjómarsamstarf og viljum ekki úti-
loka neinn möguleika," sagði Þor-
steinn Pálsson að lokum.
Steingrímsfjarðarheiði:
Móðir og börn
í hrakningum
MÓÐIR og fjögur börn hennar
ientu í hrakningum í ófæruveðri
og andskotagangi á Steingríms-
fjarðarheiði i fyrrakvöld. Konan
var á leið í jeppa frá Bolungavik
til Reykjavíkur með börn sin 9-14
ára, þar sem þau ætluðu að dvelja
yfir páskana. Þegar þau eru
komin upp á heiðina skellur á
svartabylur svo nýmokuð heiðin
verður ófær á svipstundu og bUl-
inn festist í skafli.
Það vildi þeim til happs að talstöð
var í bílnum og náði konan sambandi
við ReykjaQörð, sem aftur kallaði
upp dráttarbíll frá Vegagerðinni,
sem svo vildi til að var í grenndinni.
Þegar dráttarbíllinn náði til fólksins
uppi á heiði var jeppinn nærri kom-
inn á kaf í snjó. Dráttarbfllinn fór
með fólkið að Kirkjubóli, og voru
þau komin þangað um eittleytið um
nóttina.
Konan vildi koma á framfæri sér-
stöku þakklæti til bílstjóra dráttar-
bflsins, ReykjaQarðarheimilisins og
heimilisfólksins á Kirkjubóli, þar sem
þau gistu um nóttina.
— Jens í Kaldalóni
Trillan sem fórst:
Mennirnir
ófundnir
LEITIN að mönnunum tveimur,
sem voru um borð í trillunni
Sigurði Þórðarsyni GK 91, sem
fórst aðfaranótt föstudagsins,
hafði enn engan árangur borið
þegar Morgunblaðið fór í prentun
í gærdag.
f gærmorgun var gengið á fjörur
á Akranesi, Seltjamamesi og í
Skeijafirði. Mennimir sem saknað
er heita Jóhann Sveinbjöm Hannes-
son, 29 ára, Víkurbraut 3, Sand-
gerði, og Þorbjöm E. Friðriksson,
32 ára, Sunnubraut 10, Keflavík.
Jóhann Sveinbjöm er kvæntur og á
þijá syni, en Þorbjöm er einhleypur
og bamlaus.
I