Morgunblaðið - 06.09.1986, Blaðsíða 7

/
^•'foÖÍÍÖÍÍftgÍaöIÐ, #.l‘áÉÍ^EtíBfE!fi »1986
n 7
Ráðstefna ræðismanna
Islands erlendis:
„Mikilvægt
upplýsinga og
kymiingarstarf ‘ ‘
— segir Sigríður Snævarr, einn af
skipuleggjendum ráðstefnunnar
RÁÐSTEFNA ræðismanna ís-
lands erlendis lauk i Reykjavík
síðastiiðinn miðvikudag. Undir-
búningur, skipulagsvinna að
dagskrá ráðstefnunnar hvildi
meðal annarra á herðum
Sigríðar Snævarr, blaðafull-
trúa utanríkisráðuneytisins og
deildarstjóra í upplýsinga- og
kynningardeild ráðuneytisins,
en ráðstefnustjóri var Kornelí-
us Sigmundsson. Morgunblaðið
náði tali af Sigríði eftir að ráð-
stefnunni lauk og innti hana
álits á hvemig til hefði tekist
og jafnframt hvert markmið
og tilgangur- væri með ráð-
stefnuhaldi sem þessu.
„Þetta er í þriðja sinn, sem
ráðstefna af þessu tagi er haldin,
sú fyrsta var 1971, þá árið 1977
og svo nú,“ sagði Sigríður. „Til-
gangurinn með ráðstefnuhaldi
sem þessu er fyrst og fremst sá
að upplýsa og kynna fyrir ræðis-
mönnunum það sem efst er á
baugi hér á landi, hvort heldur er
í menningarmálum, á sviði við-
skipta eða efnahags- og utanríkis-
mála. Markmiðið er að þeir eigi
þess kost að koma hingað til lands
og sjá með eigin augum það sem
hér er að gerast. Þá er auðvitað
ekki síður þýðingarmikið fyrir þá
að kynnast innbyrðis, skiptast á
skoðunum og bera saman bækur
sínar um störf sín. Ég held að
ekki fari á milli mála að svona
ráðstefnur eru afar gagnlegar
fyrir alla aðila, bæði ræðismenn-
ina sjálfa og svo okkur hér heima,
sem höfum með höndum utan-
ríkismál og kynningarstarf fyrir
Islands hönd.“
Sigríður sagði að þátttakendur
hefðu almennt lýst ánægju sinni
með ráðstefnuna og talið hana
afar gagnlega fyrir utan þá
ánægju sem menn hefðu þaft af
heimsókninni til íslands. „Ég varð
Frá lokahófi ræðismannaráðstefnunnar í veitingahúsinu Broadway síðastliðið fimmtudagskvöld

líka vör við að ræðismönnunum
fannst ekki síst ánægjulegt að
kynnast kollegum sínum í öðrum
löndum og ýmislegt gagnlegt kom
út úr þeim kynnum. Til dæmis
ákváðu ræðismenn íslands í Norð-
ur-Ameríku að halda árlegan fund
sín á milli.“
Ræðismennimir komu flestir til
Islands sunnudaginn 31. ágúst og
bjuggu á Hótel Loftleiðum, þar
sem ráðstefnan var haldin. Ráð-
stefnan hófst síðan á mánudaginn
með ávarpi Matthíasar Á. Matt-
hiesen utanríkisráðherra. Fluttir
voru fyrirlestrar um hin ýmsu
mál er varða utanríkis- og út-
flutningsmál og hádegisverður
var í boði aðila í ferða- og út-
flutningsiðnaði. Um kvöldið var
veisla á Hótel Sögu með forseta
Morgunblaðið/Þorkell
Ingvi S. Ingvarsson var fundarstjóri, en hér eru þau Kornelíus Sig-
mundsson ráðstefnustjóri og Sigríður Snævarr.
íslands, Vigdísi Finnbogadóttur,
og ríkisstjóminni og var veislu-
stjóri þar Sigríður Snævarr.
Á þriðjudag var ferð um Suður-
landsundirlendið, komið við í
Hveragerði, Skálholti og á Flúð-
um, þar sem snæddur var
hádegisverður. Þá var farið á
Gullfoss og Geysi, þar sem „sá
gamli" sýndi listir sínar fyrir gest-
ina. Um kvöldið var ferð í
Regnbogann, þar sem sýnd var
kvikmyndin „Reykjavík,
Reylg'avík“.
Síðasti dagur ráðstefnunnar
var á miðvikudag og um morgun-
inn hlýddu ræðismennirnir á
fyrirlestra um íslenska menningu
og ferðamál og þáðu að því búnu
hádegisverðarboð hjá borgar-
stjóm Reykjavíkur. Síðdegis var
farið í skoðunarferð um Reykjavík
og á Bessastöðum hafði forsetinn
móttöku fyrir ræðismennina. Var
þar tekin mynd af hveijum og
einum með forsetanum og að sögn
Sigríðar Snævarr þótti ræðis-
mönnunum mikið til þess koma
að fá slíkt tækifæri.
Um kvöldið var skemmtikvöld
í veitingastaðnum Broadway í
boði útflutningsaðila og bauð
Ragnar Halldórsson, forstjóri ÍS-
AL, gesti velkomna fyrir hönd
útflutnings- og ferðamálaaðila.
Sigríður annaðist undirbúning og
framkvæmd skemmtikvöldsins.
„Ákveðið var að hafa þetta kvöld
með öðru og léttara yfirbragði en
fyrsta kvöldið. í þeirri veislu var
hátíðlegt yfirbragð og menningar-
legt, Kammersveitin lék og Sigrún
Hjálmtýsdóttir söng. Mig langaði
til að lokahófið sýndi aðra hlið á
íslandi, þannig að ræðismennimir
sæju allar hliðar á mannlífmu
hér. Það má því segja að lokahóf-
ið hafi verið hugsað út frá for-
skriftinni „Unga ísland“.“
Skemmtunin hófst með kvöld-
verði þar sem Ingimar Eydal lék
undir borðum. Nigel Thomson,
ræðismaður íslands, flutti frum-
saminn brag, „The honorary
consul", sem var saminn sérstak-
lega af þessu tilefni. Hamrahlíð-
arkórinn söng nokkur lög,
Magnús Magnússon, sem var
veislustjóri, las Auðunar þátt vest-
fírska. Pétur Jónasson gítarleikari
lék og Stuðmenn komu fram í
kínversku búningunum. Hólm-
fríður Karlsdóttir, fegurðar-
drottning, aðstoðaði síðan við að
draga í happdrætti, þar sem vinn-
ingurinn var postulínsbrúða í
íslenskum þjóðbúningi með ekta
skartgripum. Ingibjörg Ólafsdótt-
ir, eiginkona Jens Guðjónssonar
gullsmiðs, annaðist gerð brúðunn-
ar.
„Lokaatriðið kom mjög á óvart
þegar utanríkisráðherra lék lag
eftir sjálfan sig, „Nótt í júní“, við
mjög góðar undirtektir við-
staddra. Það var sérstaklega til
þess tekið hversu fallegt þetta lag
var.“ „Miðpunktur ráðstefnunnar
var þó ekki glens og gaman, held-
ur hinir þungu efnisþættir, hinn
beini fræðandi þáttur t.d. um
ímynd íslensks viðskiptalífs og
nýjungar í ferðamálum. Það var
mjög gagnlegt að heyra spuming-
ar ræðismannanna og fylgjast
með lifandi umræðum sem spunn-
ust út frá framsöguerindum um
ferðamál hjá Birgi Þorgilssyni
ferðamálastjóra og fleirum. í kjöl-
far þeirra voru svo umræður í
„panel" sem í sátu framámenn í
ferðamálum. Öll framsöguerindin
og þá ekki síst erindi Matthíasar
Johannessen um menningarmál
vöktu mikinn áhuga ræðismann-
anna og fjölmargar spumingar.
Það er hreint ótrúlegt hversu
áhugasamir ræðismenn Islands
eru og hve mikill hlutur þeirra er
í þágu landsins," sagði Sigríður
Snævarr að lokum.
VERDLÆKKUN!
Nú líður að hausti og þess vegna lækkum við verðið á ýmsum golfbúnaði.
Dæmi um verð:
Verö áöur kr. Verð nú kr.
Adidas leðurgolfskór 3.500 1.000
Sett af McGregor járnum (9 stk. ) 40.500 3 viðarkylfur virði 13.000 kr. fylgja
Heilt unglingasett 8.500 6.800
Jan Stephenson kvennasett 31.200 Poki virði 6.000 kr. fylgir
Foot Joy skór 8.500 6.375
Turfglide kerrur 5.200 3.900
Ace kerrur 6.200 4.650
Stórlækkað verð á ýmsum öðrum vörum og flestum fatnaði.
Notið þetta einstaka tækifæri til að eignast 1. flokks búnað á góðu verði.
Opið virka daga frá kl. 12—20, um helgar 9—18.
ÍGolfverslun
/\ John Drummond
Golfskálanum Grafarholti sími:82815