Morgunblaðið - 08.02.1987, Síða 1

Terry Waite rœðir við drúsa-leiðtogann Walid Jumblatt í höll hans í Mukhtara, fjórum dögum
eftir komuna til Líbanon.
Viðbúnaður í Beirút.
^^■ASTA
ÞREKRAUNIN
TERRY WAITE, sendimaður
erkibiskupsins af Kantaraborg, sem
var rænt 20. janúar og hefur verið
tilnefndur til friðarverðlauna Nóbels
fyrir björgun gísla, fór I síðasta
gíslaleiðangur sinn til Líbanons þvert
ofan í ráðleggingar brezka
utanríkisráðuneytisins og sendiherra
Breta í Beirút, John Grays.
Sendiherrann tjáði honum í London fyrir
jól að Vestur-Beirút væri orðin of
hættulegur staður og hann yrði ekkert
óhultari en aðrir Vesturlandabúar.
Gray benti Waite á að
staða hans yrði háska-
legri en í fyrri ferðum
hans m.a. vegna þess
að komið hefði fram í
umfjölluninni um vopnasöluna til
írans að hann hefði staðið í tengsl-
um við Oliver North ofursta og
fleiri Bandaríkjamenn. Yfirmaður
ensku biskupakirkjupnar, dr. Ro-
bert Runcie, erkibiskup af Kantara-
borg, lét einnig í ljós efasemdir, en
taldi ekki rétt að banna Waite að
fara, þótt hann stofnaði öryggi sínu
í hættu. Dr. Runcie hefur verið
sakaður um að bera hluta ábyrgðar-
innar á hvarfi Waites.
Waite var bent á að Hizbollah-
flokkur líbanskra Shíta, sem fylgja
írönum að málum, hefði dregið úr
áhrifum Amal-hreyfmgar hófsamra
Shíta undir forystu Nabih Berri.
Allir erlendir gíslar í Líbanon, 25
að tölu, munu vera á valdi Hiz-
bollah-flokksins og útibús hans,
samtakanna „Heilagt stríð", sem
rændu Waite. Waite var sagt að
Amal gæti ekki lengur vemdað og
hann var á báðum áttum áður en
hann tók þá ákvörðun að virða öll
varnaðarorð að vettugi og fara aft-
ur til Líbanons.
Erindreki erkibiskupsins gerði
sér grein fyrir því að hættumar
hefðu aukizt og kvaðst jafnvel
reiðubúinn að hætta að gegna því
slítandi hlutverki, sem hann hafði
tekið að sér. „Það er sama hvað
ég tek mér nú fyrir hendur: ég
geng vísvitandi inn á sprengju-
svæði,“ sagði hann áður en hann
fór. En hann taldi nauðsynlegt að
fara aftur til Líbanons, þar sem
vopnasölumálið hefði rýrt það
traust, sem hann hafði notið. „Ég
er ennþá eini maðurinn, sem hefur
hitt mannræningjana og rætt við
þá. Ég þekki veikleika þeirra. Ég
get ekki látið aftra mér.“
„Stóri maðurinn"
Arabar hafa kallað Terry Waite,
sem er 1,98 m á hæð, „stóra mann-
inn“ og fólk hefur oft haldið að
hann væri lífvörður dr.Runcies erk-
ibiskups, en ekki samningamaður
hans í viðkvæmum gíslamálum.
Waite, sem er 46 ára að aldri, er
sonur lögregluþjóns í smáþorpi í
Cheshire á Norðvestur-Englandi.
Hann hætti skólagöngu 16 ára
gamall til að ganga í lífvörð drottn-
ingar, því hann hafði alltaf langað
til að ferðast. En hann fékk ofnæmi
fyrir litunarefni, sem er notað í ein-
kennisbúninga, og gekk í Kirkju-
herinn, eins konar hjálpræðisher
ensku þjóðkirkjunnar.
Waite tók próf í guðfræði, en
hafði ekki áhuga á prestsvígslu og
fékk að ferðast mikið á vegum
SJÁ BLAÐSÍÐU
6-7 B
BLAÐ
TERRY WAITE
Waite ásamt drúsunum sem voru lífverðir hans.
SUNNUDAGUR 8. FEBRÚAR 1987
PRENTSMIÐJA MORGUNBLAÐSINS