Morgunblaðið - 08.02.1987, Qupperneq 20

20 B
MORGUNBLAÐIÐ, SUNNUDAGUR 8. FEBRÚAR 1987
T1
Söngleikur settur
upp á Bfldudal
Leikfélagið Baldur á Bíldudal
hefur starfað með miklum
blóma í vetur. í nóvemberlok
var frumsýndur söngleikurinn Pjár-
sjóður Franklíns greifa í samkomu-
húsinu þar og var hann sýndur
þrisvar sinnum fyrir fullu húsi. Þá
var leikurinn settur upp í Birkimel
á Barðaströnd og á Patreksfírði,
einu sinni á hvorum stað og nú ligg-
ur leiðin til ísafjarðar. Höfundur
texta er Hafliði Magnússon en tón-
listin er eftir Bergstein Ómar
Oskarsson, leikstjóri er Oddur
Bjömsson.
Að sögn höfundarins er söngleik-
urinn saminn upp úr smásögu, sem
hann gerði að viðbættum söngvun-
um. Leikurinn er í þrem þáttum og
fjallar um breskan greifa, sem varð
skipreika við íslandsstrendur fyrir
öld síðan og bjargast með flársjóð
í poka í óviðri miklu. Hann grefur
sjóðinn niður og gerir kort af því
hvar hann er að fínna. Greifinn
deyr en kortið fínnst. Þá hefst mik-
il leit að fjársjóðnum en þar sem
hann er falinn er komin byggð, svo
málið er orðið nokkuð flókið. Inn í
söguþráðinn blandast ástir og ævin-
týri eins og höfundurinn orðar það.
Hafliði, sem kallaður er þúsund-
þjalasmiður er enginn nýgræðingur
í faginu því hann hefur samið ijölda
leikþátta. Hann hefur einnig samið
gamanvísur fyrir skemmtikvöld og
kom sú samantekt út í bókinni
Bíldudals grænar baunir. Af leikrit-
um og söngleikjum, sem Hafliði
hefur samið má nefna leikritið
Paradísarbær, sem frumflutt var á
Bfldudal, Gísli Súrsson, sem
Menntaskólinn á Isafírði sýndi á
ísafírði, Akureyri og Laugarvatni
og leikritið Sabína, sem frumflutt
var af Litla Leikklúbbnum á ísafirði
og síðan hjá Leikfélagi Akureyrar.
Það leikrit var valið úr verkum
áhugaleikhúsa til sýningar á lista-
hátíð í Bergen.
Eins og áður segir er tónlistin
eftir Bergstein Ómar Oskarsson.
En Bergsteinn Omar lék eitt sinn
með hljómsveitinni Pelikan, sem
hann starfaði með á árunum
1973-75 og átti þá þátt í útgáfu
hljómplatna þeirrar sveitar auk þess
sem hann gaf sjálfur út plötu á
þessum árum. Ómar hefur búið á
Bfldudal síðan 1983 og hefur lagt
ýmislegt fyrir sig m.a. rekið fyrir-
tækið Hellusteypuna. Hann hefur
dvalið í Danmörku í vetur en er
væntanlegur til Bfldudals aftur með
vorinu.
Það eru tíu leikarar, sem koma
fram í söngleiknum og með aðal-
hlutverk fer formaður Leikfélagsins
Baldurs, Hannes Friðriksson. Leik-
félagið hefur látið gera myndarlega
leikskrá og þar er meðal annars að
finna alla sögntexta leiksins.
Hafliði Magnússon.
ISLANDSMEISTARAKEPPNI
í SAMKVÆMISDÖNSUM
Keppt verður í öllum aldurs-
flokkum í suðuramerískum
dönsum og standard-dönsum
í DÓMNEFND ERU MEÐAL ANNARRA
LAXHOLM-DANSPARIÐ SEM ERU
HEIMSMEISTARAR í STANDARD-FLOKKI
SKRÁNING KEPPENDA FER
FRAM í DANNSKÓLUM OG
STENDURTIL 15. FEBR.
ÞETTA ER DAIMSVIÐBURÐUR SEM ENGINN UNNANDI
SAMKVÆMISDANSA ÆTTIAÐ MISSA AF!
Glæsilegir verðlaunagrípir,
gull, silfur og brons
íóilumftokkum DAIVISRÁÐ ÍSLANDS I
4