Morgunblaðið - 06.12.1987, Síða 9

MORGUNBLAÐIÐ, SUNNUDAGUR 6. DESEMBER 1987
9
HUGVEKJA
GÆTTU ÞÍN
eftir sr. HALLDÓR GUNNARSSON
■ 2. sd. í aðventu
Mk. 13; 32.-37.
Um daginn gekk ég annars
hugar út á umferðargötu í
Reykjavík og bjóst við umferð
frá vinstri og leit þangað og
sá engan bíl. Allt í einu var
kallað, passaðu þig og ég snar-
stoppaði en í því straukst bíl
við hlið mér frá hægri. Bíllinn
hafði beygt út á vinstri ak-
grein vegna gangandi ungl-
inga hægra megin. Mér brá
verulega og leit í áttina þang-
að sem kallað hafði verið, en
þar var aðeins fólk á ferð.
Bíllinn hélt áfram sína leið og
allt virtist með felldu. Það var
aðeins hugur minn sem var í
uppnámi og hjartað sem sló
hratt. Það varð ekki séð af
öðrum. Ef til vill var ég eillítið
fölari, en annað var það ekki.
Þetta atvik varð mér tilefni
íhugunar. Eitt örstutt andar-
tak sem öllu gat breytt í lífí
mínu. Óþekkt rödd hafði kall-
að: Passaðu þig og ég átti
þessari rödd svo mikið að
þakka.
Hefur þessi rödd ekki hljóm-
að í lífí okkar frá upphafí:
Gættu þín, varaðu þig, pass-
aðu þig? Var þetta ekki fyrsta
röddin sem heyrðist í lífí okkar
fyrstu forfeðra, sem sagði að
allt mættu þau gera nema eitt,
að borða af skilningstré góðs
og ills, og það varð á þeirri
stundu einmitt það sem þau
langaði mest til að gera. Að-
vörun foreldra og ættingja í
orðum varð svo oft tilefni
mestu löngunarinnar og þurft-
um við ekki aftur og aftur að
reka okkur sjálf á. Reyna það,
að aðvörunin var rétt. Og
síðan erum við ef til vill orðin
foreldrar og horfumst í augu
við að þessi sama saga endur-
tekur sig. Við vörum bömin
okkar við ýmsum hættum og
freistingum, sem við reyndum
í lífí okkar að varð til tjóns á
sál og líkama: Bamið mitt,
gættu þín. Stúlkan mín, var-
aðu þig. Drengurinn minn,
passaðu þig.
Og allt virðist það til einsk-
is. Þannig heldur lífssagan
áfram. En þegar við með ein-
um eða öðmm hætti horfumst
í augu við lífsskilin sjálf, hvort
sem við sleppum með skrekk-
inn eða mætum siysinu sjálfu,
þá hlýtur það að verða okkur
tilefni alvarlegrar íhugunar.
Aðventan, þessir fyrstu
sunnudagar kirkjuársins em
einmitt þessi tími íhugunar og
ögunar. Guðspjall þessa dags
flytur þessa sömu aðvömn og
segir: „Gætið yðar vakið og
biðjið, því að þér vitið ekki,
hvenær tíminn er kominn. Svo
sem maður, er dvelst erlendis,
hefír yfirgefíð hús sitt og falið
þjónum sínum umráðin, hveij-
um sitt verk, og hefír lagt
fyrir dyravörðinn að vaka, svo
skuluð þér og vaka, því að þér
vitið ekki, hvenær húsbóndinn
kemur, hvort að kveldi eða
miðnætti, eða um hanagal, eða
að morgni, að hann hitti yður
ekki sofandi, er hann kemur
skyndilega. En það sem ég
segir yður, það segi ég öllum:
Vakið."
Mér fínnst að hér sé verið
að ræða um þessa miklu stund
sem verður í lífí okkar allra
þegar við emm kölluð héðan.
Við vitum ekki hvenær sá tími
kemur og sannarlega hefur
okkur öllum verið falið að
vinna verk. Við hljótum að
geta skilið þegar við lítum til
hins liðna, að líf okkar hefur
haft tilgang og að við þurfum
að hlúa að því sem okkur er
heilagt, sem er einmitt það
sama, tilgangurinn. Hann
tengist lífí ástvina okkar og
hvemig við komum fram við
þá. Hvemig við sýnum tryggð
og heilindi, hvemig við hlúum
að og breiðum yfír, hvemig
við orðum tilfínningar okkar
og ekki síður hvemig svipmót
okkar er og umgengni. Það
er svo margt annað sem kallar
á okkur, kallar okkur burt frá
fjölskyldunni, burt frá heimil-
inu, sem okkur fínnst ef til vill
í tímaleysi daganna að við
getum vanrækt eða þá látið
vanann um að móta dagfar
okkar þar. Og þegar við höfum
stofnað okkar eigið heimili, þá
virðist svo oft ekki vera tími
lengur til að rækta tengs! við
bemskuheimilið, við foreldr-
ana og meira að segja koma
þá oft upp ágreiningsefni, sem
særa svo djúpt og aðskilja.
Hversu margir einstaklingar
em það ekki sem eiga böm
og bamaböm, en em þó einir
mitt í fjöldanum og hversu
mörg dæmi em ekki um full-
orðna einstaklinga sem eiga
íbúð í fjölbýlishúsi og ná-
grannar þekkja varla, enginn
vitjar um og fáir ef nokkrir
sýna kærleika gagnvart?
Þetta er að hafa sofnað á
verðinum, týnt því dýrmæt-
asta innan um það einskis
nýta. Eða hvers virði er eignin
þér þegar þú leggur upp í þína
síðustu ferð? Þú hafðir ef til
vill á sínum tíma engan tíma
aflögu fyrir bömin þín og núna
hafa þau engan tíma fyrir þig.
Þannig er þetta miskunnar-
lausa lögmál orsaka og afleið-
inga, sem hittir okkur sjálf
fyrir. Við getum ekki keypt
okkur vináttu og tryggð eða
ást og kærleika, hversu mikla
peninga sem við eigum. Því
eiga þessi vamaðarorð Heil-
agrar ritningar við: „Gætið
yðar, vakið og biðjð, því að
þér vitið ekki hvenær tíminn
er kominn."
HÉR ERU UPPLÝSINGAR SEM SKILA HAGNAÐI
Sérfræðingar Fjárfestingarfélagsins hafa
ávallt kappkostað að gefa sem gleggstar upp-
lýsingar um alla möguleika varðandi
spamað.
Til marks um það höfum við getið út marga
veglega bæklinga. í öllum þessum bækling-
um eru haldgóðar upplýsingar um sparnað-
arkosti sem skila þérhagnaði þegar á reynir.
FiÁRFESTINCARFÉlAGÐ
Hafnarstræti 7 101 Reykjavík s: (91) 28566
Kringlunni 103 Reykjavík s: (91) 6897Ö0
Allt frá árinu 1976 hefur Fjárfestingarfélagið
verið í fararbroddi í öflugri upplýsingastarf-
semi og faglegri ráðgjöf. Komdu við á verð-
bréfamarkaði okkar í Kringlunni og Hafnar-
Stræti 7 og ræddu við ráðgjafa okkar. Fáðu
þér upplýsingabæklinga í leiðinni.
Þú getur einnig hringt eða sent okkur svar-
seðilinn og við senduni þér bæklingana um
hæl.
Símsvari ALLAN SÓLARHRINGINN í síma 28506. Upplýsingar um daglegt gengi Kjarabréfa, Markbréfa, Fjölþjóðabréfa og Tekjubréfa
Gengi: 4. des. 1987: Kjarabréf 2,487 - Tekjubréf 1,304 - Markbréf 1,268 - Fjölþjóðabréf 1,060

SVARSEÐILL
Vinsamlegast sendið mér neðangreinda bæklinga:
□ Kjarabréf □ Verðbréfamarkaðurinn
| □ Tekjubréf □ Fjármálareikningur
£ □ Markbréf □ Frjálsi lífeyrissjóðurinn
Na£n:
Nafiinr.
Heimili:
Staður: