Morgunblaðið - 26.08.1988, Blaðsíða 16
16
MORGUNBLAÐIÐ, FÖSTUDAGUR 26. ÁGÚST 1988
Stærsta flugkoman
á Islandi til þessa
Flugáhugamenn víða af landinu
fjölmenntu á Heliuflugvöll laug-
ardaginn 20. ágúst sl. en þá var
haldin fyrsta „Piper-strigaflug-
koman“ á íslandi og var þetta
að öllum líkindum stærsta flug-
mót sem haldið hefur verið hér-
lendis. Alls höfðu yfir sjötíu flug-
vélar viðkomu á Hellu þann dag-
inn og var þátttakan mun betri
en bjartsýnustu vonir aðstand-
enda gerðu ráð fyrir. Blíðskapar-
veður, sól og heiðríkja, gerði
daginn ennþá eftirminnilegri
fyrir viðstadda.
Stjömur dagsins voru óneitan-
iega hinar fimm Piper J-3 Cub flug-
vélar sem voru þar samankomnar.
Það eru liðin mörg ár frá þvi að
slíkur flöldi Piper Cub-véla hefur
verið saman í hóp, en það er von
aðstandenda mótsins, að fleiri
„Cubbar" verði til sýnis á næstu
flugkomu Piper-vinafélagsins. Ein
þeirra Cub-flugvéla sem voru á
Hellu hafði aðeins örfáum dögum
áður en flugkoman fór fram fengið
loft undir vængina á nýjan leik eft-
ir tæplega tuttugu og fjögurra ára
hlé. Þetta var J-3 Cub, TF-DYR,
sem Jón Guðbrandsson dýralæknir
og Gísli Sigurðsson kennari á Sel-
fossi endursmíðuðu. Flugvél þessi
var á árum áður í eigu Tryggva
Helgasonar á Akureyri og var þá
skrásett TF-JMA. Hún stór-
skemmdist í óhappi síðla árs 1964
og lá lengi vel sundurtekin og illa
skemmd í flugskýli nyrðra. Það liðu
tíu ár og þrír dagar frá því þeir
félagamir, Jón og Gísli, hófust
handa við að endursmíða vélina þar
til hún flaug á ný og er ógjömingur
fyrir leikmann að gera sér grein
fyrir handtökunum sem liggja að
baki.
Alls mættu nítján Piper-striga-
vélar á Hellu og er það mjög góð
þátttaka að áliti mótsstjómar. Auk
þeirra fimm Cub-véla, sem áður er
getið, voru mættar allar þrjár PA-
12 Super Cruiser landsmanna, þijár
PA-18 Super Cub, sex PA-22 Tri-
Pacer og báðar PA-22 Colt. Hver
hópur Piper-flugvéla fór í samflug
yfír svæðið og gáfust áhugamönn-
um mörg góð tækifæri til að mynda
gömlu strigavélamar á lofti.
Flugmódelamenn létu ekki sitt eftir
liggja því tveir þeirra mættu með
skalamódel af Piper-vélum og flugu
samflug með fyrirmyndunum. Var
oft á tíðum erfítt að gera sér grein
fyrir hvor væri stóra flugvélin og
hvor væri sú litla.
Auk Piper-flugvélanna gömlu
voru margar aðrar skemmtilegar
Samflug þriggja Piper Super Cub-véla.
Morgunblaðið/PPJ
i'onngi Piper-vinafélagsins, Ottó Tynes, ásamt syni sínum. Ottó er
klæddur einkennisfatnaði félagsins.
Endursmíði Piper J-3 Cup, TF-DYR, lauk skömmu áður en flugkoma
Piper-vinafélagsins var haldin.
C
>ijár Super Cub-vélar og J-3 Cup, TF-KAO, á
. ón Guðbrandsson dýralæknir fékk viðurkenningu Piper-vinafélagsins fyrir fallegustu flugvél af gerð-
inni J-3 Cub.
Stoltur Super Cruise-eigandi,
Ómar Ragnarsson.
og sjaldséðar flugvélar saman-
komnar á Hellu, má þar nefna ald-
ursforseta flugflotans, Fleet Finch-
tvíþekjuna TF-KAN þeirra Áma
Guðmundssonar og Erlings Jóhann-
essonar. Einnig vakti athygli koma
gömlu Ercoupe-vélarinnar TF-EHA
frá Sauðárkróki, sem ekki hefur
sést sunnan heiða í áraraðir, en
þessi flugvél er í eigu þeirra Bryn-
leifs Tóbíassonar og Alberts Bald-
urssonar.
Listflugunnendur fengu líka sinn
skammt því Magnús Norðdahl flug-
stjóri var meðal viðstaddra og var
duglegur við að sýna listir sínar á
CAP.lO-vélinni TF-UFO öllum við-
stöddum til mikillar ánægju. Af
öðrum sýningaratriðum má nefna
samflug þeirra Ómars Ragnarsson-
ar og Haraids Snæhólms á Dom-
ier-flugvélum sínum TF-FRU og
TF-DOV, en þessar flugvélar hafa
ótrúlega hægflugseiginleika, fyrir
utan hvað þær þurfa stuttar vega-
lengdir til flugtaks og lendingar.
Margir fóm um langan veg til
að mæta á Hellu, en lengsta ferða-
lagið fór Öm Ingólfsson, sem kom
alla leið frá ísafírði á Avid Flyer
TF-AGN. Þessi heimasmíðaða flug-
vél hefur hingað til ekki sést utan
Vestfjarðakjálkans og þyrptust for-
vitnir í kringum hana að skoða og
spyija. Fjölmargir íhuga nú smíði
samskonar flygildis og hafði Öm
varla undan að svara spurningum
þeirra.
í lok dagskrárinnar voru veittar
viðurkenningar fyrir fallegustu og
best hirtu flugvélamar af hverri
tegund Piper-strigaflugvéla. Meðal
J-3 Cub-véla var TF-DYR talin fal-
legust að áliti dómnefndar, en af
PA-12 Super Cruiser-vélum var það
TF-AKK, af PA-18 Super Cub-
vélum var það TF-LEO og meðal
PA-22 Tri-Pacer og Colt var það
TF-SWP.
Hátíðinni var slitið með því að
viðstaddir hylltu stjórnanda flug-
komunnar, Ottó Tynes, sjálfkjörinn
foringja Piper-vinafélagsins, en
skipulagning og framkvæmd móts-
ins var öll í hans höndum. Þannig
lauk ánægjulegum degi flugáhuga-
manna á Helluflugvelli.
- PPJ