Morgunblaðið - 08.10.1988, Page 14

:
14
MORGUNBLAÐIÐ, LAUGARDAGUR 8. OKTÓBER 1988
NORRÆNT TÆKNIÁR1988
Borgarspítallnn í Reykjavík.
Borgarspítalinn
— Opið hús
Helstu verkefiii rannsóknadeildar eru á sviði blóðmeina- og mein-
efiiafræði.
I tilefiii af Norrænu tækniári
verður Borgarspitalinn með „Op-
ið hús“ á morgun, sunnudaginn
9. október, milli klukkan 13—17.
Þá er öllum velkomið að koma
og kynnast starfsemi spítalans í
Fossvogi og einnig gefst gestum
kostur á að kynnast starfsemi
Grensásdeildar. Starfsemi neyð-
arbílsins verður kynnt og ef veð-
ur leyfir, mun þyrla Landhelgis-
gæslunnar sýna björgun úr lofti.
Borgarspítalinn fagnaði 20 ára
starfsafmæli á síðasta ári, en fyrsta
legudeild spítalans var tekin í notk-
un 28. desember 1967. Röntgen-
deildin hafði þá verið starfrækt í
rúmt ár. Síðan hefur hver deildin
af annarri verið tekin í notkun og
er Borgarspítalinn nú ein stærsta
sjúkrastofnun landsins með flöl-
þætta lækninga- og hjúkrunarþjón-
ustu.
Alls eru nú á Borgarspítalanum
441 rúm og 49 dagvistunarpláss.
Upgbyggingu hans er langt frá lok-
ið. Á næsta ári verður þriðja sjúkra-
deildin fyrir aldraða af sex tekin í
notkun í B-álmu Borgarspítalans í
Fossvogi.
Borgarspítalinn markast af
bráðaþjónustu. Hann tekur við
sjúklingum úr bráðaslysum af öllu
landinu og miðunum. í samvinnu
við sjúkra- og björgunarflug Land-
helgisgæslunnar er rekin neyðar-
þjónusta, en sérþjálfaðir læknar eru
ávallt á þyrluvakt ef neyð verður.
Þyrlupallurinn er aðeins 30 m frá
slysa- og sjúkravakt Borgarspítal-
ans. Neyðarbíll Rauða kross íslands
er rekinn frá Slysa- og sjúkravakt
i samvinnu við Slökkvistöð
Reykjavíkur. Slysa- og sjúkravakt
Borgarspítalans er hin fullkomn-
asta hérlendis. í tengslum við slysa-
og sjúkravaktina er rekin endur-
komudeild þar sem sjúklingum er
fylgt eftir.
Tvær af sérdeildum Borgarspítal-
ans; háls-, nef- og eymadeild og
heila- og taugaskurðlækningadeild,
eru þær einu sinnar tegundar á
landinu.
Undir skurðiækningasvið spítal-
ans heyrir skurðstofusvæði og al-
menn skurðlækningadeidl. Aðrar
sérdeildir innan skurðlækninga eru
slysa- og bæklunarlækningadeild
og þvagfæraskurðlækningadeild.
Svæfínga- og gjörgæsludeild
gegnirveigamiklu hlutverki í bráða-
þjónustu spítalans, skurðstofustarf-
semi, sem og annarri starfsemi
hans.
Lyflækningadeild rekur þtjár
bráðadeildir, en þær eru hjartadeild
og tvær almennar lyflækningadeild-
ir með ýmsa sérhæfða þjónustu.
Þjónusta við alnæmissjúklinga á
íslandi hefur að mestu leyti farið
fram á vegum deildarinnar.
Jafnframt rekur lyflækninga-
deild tvær öldrunardeildir í B-álmu
og öldrunardeild á Hvítabandi.
Öldrunardeildimar starfa í nánu
samstarfi við Heimaþjónustu
Reykjavíkurborgar.
Lyflækningadeildin leggur til
aðstoðarlækni á neyðarbílinn og
sinnir læknisfræðiþjónustu fyrir
íbúa Seljahlíðar og Droplaugar-
staða.
Hjúkmnarþjónusta Borgarspítal-
ans er margþætt og skipt eftir sér-
sviðum. Á vegum hjúkmnarstjórnar
starfa fjölmennustu faghópamir,
hjúkmnarfræðingar, sjúkraliðar og
aðstoðarfólk.
Á Borgarspítalanum fer fram
víðtæk rannsóknarstarfsemi. Rönt-
gendeild spítalans tók fyrir rúmri
viku í notkun nýtt tölvusneið-
myndatæki. Tækið mun t.d. auð-
velda til muna allar rannsóknir á
höfði og getur skipt sköpum við
greiningu sjúklegra breytinga.
Auk rannsókna í blóðmeinafræði
og meinefnafræði, fara á rannsókn-
ardeildinni m.a. fram almennar
sýklarannsóknir og sérstakar
áhætturannsóknir vegna alnæmis
og lifrarbólgu. Á vegum deildarinn-
ar fara einnig fram víðtækar
vísindalegar rannsóknir.
Sjúkraþjálfun flutti í nýtt hús-
næði í B-álmu fyrir tveim ámm.
Hefur þjónustugeta sjúkraþjálfunar
aukist til mikilla muna bæði fyrir
inniliggjandi sjúklinga og göngu-
deildarsjúklinga, ekki síst eftir slys.
Þjónustu- og stoðdeildir spítalans
em margar, en Borgarspítalinn rek-
ur m.a. apótek, tæknideild, ræsting-
ardeild, sérhæft eldhús, sauma-
stofu, línlager, innkaupadeild, sótt-
hreinsunardeild, tölvudeild, launa-
deild og sjúklingabókhald. Auk þess
em bamaheimili starfrækt fyrir
böm starfsfólks.
Sjúkrahúsprestur er starfandi við
Borgarspítalann. Sinnir hann eftir
Slökkvilið Reykjavíkur — Opið hús
Sjúkrabifreið með tilheyrandi búnaði.
UtkSII ( Reykjavik 1978—1987
Eins og sést á línuritinu, hefúr þjónusta Slökkvi-
liðsins aukist mikið undanfarin ár.
ÚtkBII f Reykjavfk og nágrennl 1978—1987
Eldsvoði.