Morgunblaðið - 30.07.1989, Side 26

í 26 C
MORGUNBLAÐIÐ. SAMSAFfUIÐ fejJNNlfPAWR m UÚLÍ 1989
ÆSKUMYNDIN...
ERAFLAUFEYJUJAKOBSDÓTTUR, ÖMMU.
Skapstór
þáogskap-
stór nú
„Nokkur sumur vorum við saman á bænum
Snotrunesi í Borgarfirði eystra þar sem
Laufey bjó hjá móðurbróður sinum, Andrési
Björnssyni bóndaþar. Laufey var fjörugur
og kraftmikill krakki og vei gefin. Hún sýndi
fljótlega nokkra forystuhæfileika, en hún
var líka elst í krakkahópnum," sagði Ár-
mann Halldórsson, kennari á Egilsstöðum,
en hann bjó í nábýli við Laufey tvö sumur.
Eg bjó þama á næsta bæ; þetta
var hálfgert sambýli því húsin
voru sambyggð," sagði Ármann. „Ég
man alltaf eftir einu atviki sem átti
sér stað þama eitt sumarið. Þá höfð-
um við krakkamir verið að leika okk-
ur uppi í fjárhúsi og sáum hvar fugl
hafði lokast inni og komst ekki út.
Við hættum náttúrulega ekki fyrr en
við náðum honum og Laufey hélt á
honum í lófunum. Þá hljóp einhver
púki í okkur strákana og við vildum
drepa fuglinn. Laufey tók bara vel í
það og við röltum með hann niður
með læknum. Við strákarnir vorum
að líta eftir lontum þarna í læknum
á leiðinni og þegar við litum af henni
og ofan í lækinn þykist Laufey missa
fuglinn og hann flaug í burtu. Við
vissum að hún skrökvaði þessu, hún
missti hann ekki heldur sleppti honum
bara því hún vildi alls ekki drepa
hann. Svona var hún klók.“
í bemsku Laufeyjar hafa skipst á
skin og skúrir og hefur það kannski
mótað hana í því starfi sem hún er
nú þekkt fyrir. Um margra ára skeið
hefur hún leitast við að hjálpa börnum
og unglingum sem hafa átt í erfiðleik-
um og er hún núna þekkt sem „Amma
á Planinu". Hún hefur líka látið til
sín taka með Kvennalistakonum og
er nokkuð virk í þeim störfum þó
aldurinn sé orðinn hár.
Laufey Jakobsdóttir fæddist 25.
Laufey, 5 ára, með fjórum
alsystkinum sínum.
Þau eru, talin frá vinstri: Jakob Skafti, Lauf-
ey, Gróa, Sigurður og Elín Björg, sem stend-
ur fyrir aftan.
september 1915 á Bóndastöðum í
Seyðisfirði. Hún var dóttir hjónanna
Þuríðar Björnsdóttur frá Snotrunesi
og Jakobs Sigurðssonar, sem kenndi
sig við Unaós, og var Laufey næst
yngst fimm systkina. Þegar Laufey
var fimm ára slitu Þuríður og Jakob
samvistir og lenti hún þá hálfgerðum
flækingi á milli skyldmenna, þó var
hun mest hjá ömmu sinni og afa á
Snotrunesi. Átta ára gömul fór hún
að Neistastöðum í Flóa með móður
sinni sem gerðist ráðskona hjá Sæ-
mundi Jónssyni frá Skeggjastöðum
og varð síðar sambýliskona hans og
átti með honum þrjú börn.
Á æskuárum Laufeyjar tíðkaðist
ekki löng skólaganga hjá almenn-
ingi, en farkennarar komu og kenndu
börnum það sem nauðsynlegast var
og hlaut hún slíka kennslu í einn og
hálfan vetur. Hún var mjög metnað-
argjörn og að eigin sögn kveðst hún
hafa reiðst svo er hún var bara næst
efst á fullnaðarprófinu, að hún hljóp
upp í kletta og' „grenjaði þar i
vonsku“.
Tvítug giftist Laufey Magnúsi
Finnbogasyni frá Hóli á Eskifirði sem
þá var nemi í iðnskóla. Bræður Lauf-
eyjar voru eitthvað að stríða henni
og sögðu að hún ætti ekkert að vera
að hugsa um þessa iðnskólanema því
þeir væru tómir aular og ekkert á
þá að stóla. Spá þeirra rættist þó
ekki, enda tók Laufey ekkert mark
á því og núna hafa þau Magnús ver-
ið gift í 54 ár og eiga 8 börn, 26
barnabörn og bíða eftir 16. barna-
barnabarninu.
Laufey var mjög fljótt hagmælt
vel og liggur eftir hana fjöldinn allur
af vísum og kvæðum. Fyrstu vísuna
orti hún þegar hún var 7 eða 8 ára
og er hún svona:
Elsku, hjartans afí minn,
alltaf ertu bestur.
Þú ert eins og andskotinn,
þú ert eins og prestur.
ÚR MYNDASAFNINU
ÓLAFSK. MAGNÚSSONAR
Stúdentar ’67
Fyrir rúmum tuttugu árum var
jafnan útskrifað úr framhalds-
skólunum í kringum 17. júní og
árið 1967 útskrifuðust
35 stúdentar úr Versl-
unarskóla íslands, 24
úr Menntaskólanum við
Laugarvatn, 104 úr
Menntaskólanum á Ak-
ureyri, og loks 239
stúdentar úr Mennta-
skólanum í Reykjavík.
Líkt og nú þótti þetta merkilegur
viðburður og gerðu fjölmiðlarnir
þessu vegleg skil. Ólafur K. Magn-
ússon lét sig ekki vanta við útskrift-
irnar og eru meðfylgjandi myndir
teknar eftir 121. skólaslit Mennta-
skólans í Reykjavík þann 15. júní.
I Morgunblaðinu degi síðar segir:
„Er verðlaunaafhendingu var lokið
beindi Einar Magnússon, rektor
Menntaskólans í Reykjavík, máli
sínu til nýstúdenta og
lagði m.a. út af orðum
spámannsins Jesaja:
„Gangið út, gangið út,
leggið, leggið braut,
ryðjið burtu grjótinu,
reisið merki fyrir þjóð-
ina.“.“ Gripið er niður
á öðrum stað í ræð-
unni: „ ... eitt er þó víst að margv-
íslegur vandi mun verða á höndum
ykkur. Til þess að verða færir að
mæta þeim vanda þarf óeigingimi
og hugsjón um manngildi og meiri
kærleika og fórnfúst starf sem ekki
krefst fullra launa fyrir hvert við-
vik.“
Semídúx og
inspector.
Kolbrún Har-
aldsdóttir með
verðlaun sín og
Baldur Guð-
laugsson, fráfar-
andiInspector
scholae. Kolbrún
er cand. mag. í
íslensku, nú bú-
sett í Múnchen í
Þýskalandi, en
var síðasta vetur
lektor í islensku
við háskólann í
Bergen, Noregi.
Baldur er hæsta-
réttarlögmaður í
Reykjavík.

STARFIÐ
ÁRNJ KÓPSSON, KAFARl
Árni Kópsson, kafari
Með320
amperí
höndunum
Köfún er iðja sem er líklega ekki
mikið stunduð hér á landi og
ósjálfrátt tengir fólk hana við
suðlægari slóðir og hlýrra lofts-
lag. Árni Kópsson, er einn fárra
Islendinga sem hafa atvinnu af
köíun hér á landi.
*
Eg fékk snemma áhuga á köf-
un,“ sagði Árni er hann var innt-
ur nánar um starfið. „Það var engin
sérstök ástæða fyrir því að ég bytj-
aði á þessu, ég er frekar róttækur
í því sem ég tek mér fyrir hendur
og þetta æxlaðist bara svona. Ég
geri bara það sem þarf að gera og
er ekkert að hugsa nánar út í það.“
Árni er trúlega sá eini hérlendis
sem vinnur við neðansjávarrafsuðu
og er starfið bæði erfitt og hættu-
legt. Hann kafar aldrei einn og seg-
ir að • það sé betra að vera varkár
því hann sé með allt að 320 amper
í höndunum við vinnuna. Verkefnin
eru mismunandi, allt frá nokkrum
klukkutímum og upp í margra vikna
verk. Hann þarf að koma upp annað
slagið og skipta um súrefniskúta,
en það fer eftir verkinu hversu ört
það er, því eins og gefur að skilja
þarf hann meira súrefni við erfiðari
störf.
ÞETTA SÖGDU
ÞAU ÞÁ...
Davíð Oddson,
borgarfulltrúi
Sjálfstæöis-
flokksins í um-
ræöum um fjár-
hagsáætlun
Reykjavíkur-
borgar1979,
Morgunblaöiö
1. mars 1979.
Það er alltaf þannig með
Guðrúnu Helgadóttur þegar
hún kemur í ræðustól borgar-
stjórnar, hún talar ætíð eins og
hún sé á námskeiði í ræðu-
mennsku. Hún talar nefnilega
fyrst á móti málinu, síðan með
því, þá á móti og svo fram-
vegis. Þetta er mjög sérkenni-
legur ræðustíll.“
BÓKIN
Á NÁTTBORÐINU
Dr. Sigrún
Klara Hann-
esdóttir.
Eg er bókasafnsfræðingur og
flestar bækur sem ég les eru
tengdar starfi mínu á einhvern hátt.
Núna síðast leit ég í bók sem heitir
Introduction To The Theory Of
Knowledge. Það eru þó aðallega
barnabækur sem ég les, en það er
til þess að fylgjast með útgáfu
þeirra sem ég þarf að vita um starfs
míns vegna.
Gyða Guð-
varðardótt-
ir, starfsmað-
ur á Borg-
arspítalanum.
*
Eg er alltaf að lesa og er yfir-
leitt með hrúgu af bókum á
náttborðinu hjá mér. Ég les allt sem
að kjafti kemur, svo sem ástarsögur
og skáldsögur. Mig minnir að bókin
sem ég er með í takinu núna heiti
Ástir piparsveinsins; ég man ekki
eftir hvern hún er, en hún er mjög
’ skemmtileg. Svo les ég alltaf ís-
fólkið og fínnst það frábærar bæk-
ur. Svo hef ég alveg sérstakt dá-
læti á bókum Margit Ravn.
PLATAN
ÁFÓNINUM
Stefán Jó-
hannsson,
deildarstjóri.
Núna síðast hlustaði ég á Simply
Red af geisladiski. Það var
nýjasta plata þeirrar hljómsveitar.
Svo hef ég líka verið að hlusta á
The Fine Young Cannibals, en ég
á líka nýjasta geisladiskinn frá
þeim. Annars verð ég að viðurkenna
að ég hlusta ekki mikið á plötur.
Stundum, þegar ég er í skapi til
þess, hlusta ég á klassíska tónlist.
Bárður
Daníels-
son,arkitekt.
Síðast hlustaði ég á Mozart, Eine
kleine Nachtmusik. Ég er sér-
stakur aðdáandi hans og Bach, þótt
þeir séu ólíkir. Eiginlega hlusta ég
eingöngu á sígilda tónlist, á gömlu
meistarana, en hef gaman af
Bítlunum og djass, ef það er vel
spilað.
MYNDIN
ÍTÆKINU
Rósa
Kristín
Marinós-
dóttir, skrif-
stofutæknir.
Eg horfði um daginn á hryllings-
mynd sem heitir Fright Night
og fannst nokkuð góð. Aðallega horfi
ég á Stöð 2 þó mér finnist hún hafa
dalað mjög mikið. Ég horfði á mynd
ekki alls fyrir löngu sem heitir Death
Trap með Michael Caine og Kristop-
her Reeve í aðalhlutverkum. Fyrir
nokkrum árum horfði ég mynd sem
byggir á svipaðri sögu, en hún heitir
Sleuth og er einhver besta mynd sem
ég hef séð.
Eyrún
María Ing-
ólfsdóttir,
nemi.
Mér finnst gaman að horfa á
góðar myndin en ég á ekki
myndbandstæki heima. Eg passa
stundum börn á kvöldin og þá nota
ég tækifærið og horfi á eina góða
ef aðstæður leyfa. Síðast horfði ég
á Wali Street með Michael Dou-
glas, Charlie Sheen og Daryl
Hannah í aðalhlutverkum. Mér
fannst hún bara mjög góð.