Morgunblaðið - 11.08.1989, Blaðsíða 21

I
MORGUNBLAÐIÐ f’ÖSTUDAGUR íl. ÁGÚST 1989' 21
Susse Wold og Bent Mejding.
Matador-
leikarar á
Hundadögum
DÖNSKU leikaramir Susse
Wold og Bent Mejding sýna
„H.C. Andersen — manneskj-
an og ævintýraskáldið“ í Iðnó
í kvöld og annað kvöld. Leik-
urinn er liður í dagskránni
Hundadagar 89. Sýninguna
hafa þau leikið nú á þriðja ár
víðs vegar um heiminn. Verk-
ið fjallar um H.C. Andersen,
líf hans og starf og bregður
upp þjóðlífsmynd af Dan-
mörku fyrr og nú.
Leikararnir eiga langan feril
að baki og komust þau meðal
annars í Heimsmetabókina fyrir
sýningu sína á Einkalífi eftir
Noel Coward. Þá sýningu léku
þau 724 sinnum fyrir 556 þús-
und áhorfendur. íslendingar
þekkja þau eflaust best úr
Matador-þáttunum, sem voru á
dagskrá ríkissjónvarpsins
síðasta vetur. Þar fór Bent með
hlutverk Jörgens Varnæs lög-
fræðings og Susse lék Gitte
Grav, sem var hið dýra viðhald
hans.
Leikararnir sýna hér á landi
í boði starfsmannafélaga Flug-
leiða. Miðasala er í íslensku
óperunni daglega frá kk 14-17.
Sýningar hefjast kl. 20.30.
Árlegt landsmót
votta Jehóva
ÁRLEGT landsmót votta Je-
hóva á Islandi hefst í Kópa-
vogi í dag. Mótið ber einkunn-
arorðið „Guðrækni" og er
haldið í íþróttahúsinu Digra-
nesi í Kópavogi.
Vottar Jehóva reka biblíu-
fræðslu í 212 löndum og er mót
þetta liður í því starfi. Mörg mót
undir sama einkunnarorði hafa
verið haldin nú í sumar á norður-
hveli jarðar og hafa hundruð
þúsunda manna sótt þau. Búist
er við að hátt í 400 manns muni
sækja mótið í Kópavogi.
Á dagskrá mótsins eru liðlega
30 erindi og eitt leikrit. Auk
þess er fléttað inn í dagskrána
umræðum og viðtölum. Dag-
skráin í heild mun leggja á það
áherslu hvernig guðrækni hefur
áhrif á líferni kristins manns og
benda á hvernig hún sé hagnýt
fyrir nútímamenn.
Dagskráin stendur sem hér
segir: Á föstudag kl. 9.20 til
12.30 og 14.10 til 17.10, álaug-
ardag kl. 9.30 til 12.00 og 13.40
til 16.55 og á sunnudag kl. 9.30
til 12.00 og 13.45 til 16.00.
Mótið er öllum opið.
(Fréttatilkynning)
Heyrnar- og talmeina-
stöð:
Móttaka á
Húsavík
Móttaka verður á vegum
Heyrnar- og talmeinastöðvar
Islands í Heilsugæslustöð
Húsavíkur dagana 25. og 26.
ágúst nk. Þar verður heyrnar-
tækjum úthlutað auk þess sem
fram fer greining heyrnar- og
talmeina.
Sömu daga að lokinni mót-
töku verður almenn lækninga-
móttaka sérfræðings í háls-,
nef- og eyrnalækningum. Tekið
er á móti viðtalsbeiðnum á Heil-
sugæslustöð Húsavíkur.
Eitt verkanna á sýningunni.
Myndlist frá
Moldavíu
Myndlistarsýning frá
Moldavíu verður opnuð í
Hafharborg, menningar- og
listastofnun HafiiarQarðar á
morgun kl. 15.
Sýning þessi er liður í dag-
skrá Sovéskra daga MÍR 1989,
en dagarnir eru að þessu sinni
sérstaklega helgaðir kynningu á
þjóðlífi og menningu moldavíska
sovétlýðveldisins. Verða þeir
opnaðir formlega á tónleikum
listafólks frá Moldavíu í Hafnar-
borg mánudagskvöldið 21. ágúst
kl. 20.30.
Á sýningunni í Hafnarborg
eru 39 myndverk af ýmsu tagi:
12 olíumálverk, 12 svartlistar-
myndir og 15 listmunir, aðallega
ofin teppi og klæði, svo og kven-
búningur og þjóðlegur molda-
vískur fatnaður.
Sýningin „Myndlist í
Moldavíu“ verður opin í Hafnar-
borg næstu vikur, daglega nema
á þriðjudögum kl. 14—19. Að-
gangur er ókeypis og öllum
heimill.
Tríó Óskars í
V etrarbrautinni
Vetrarbrautin í Þórscafé
hefúr opnað á ný eftir sum-
arfrí og næstu tvær helgar
leikur þar Tríó Óskars Guð-
mundssonar frá Selfossi ásamt
söngkonunni Kolbrúnu Svein-
björnsdóttur.
Óskar hefur lengi verið virkur
í skemmtanalífinu fyrir austan
fjall. Hann dvaldi einnig nokkur
ár í Svíþjóð þar sem hann spil-
aði með ýmsum hljómsveitum.
(Fréttatilkynning)
Námskeið í
skyndihjálp
Reykjavíkurdeild RKÍ held-
ur 6 kvölda námskeið í skyndi-
hjálp og hefst það 15. ágúst
kl. 20 í Ármúla 34. Leiðbein-
endur verða Guðlaugur Leós-
son leiðbeinandi í skyndihjálp
og Herdís Storegaard hjúkr-
unarfræðingur.
Guðlaugur fjallar m.a. um
endurlífgun, stöðvun blæðinga,
viðbrögð við bruna, kali, ofkæl-
ingu, og skyndihjálp við bein-
brotum. Herdís fjallar um fyrir-
byggjandi aðgerðirgegn slysum,
óhöpp sem tengjast íþróttum og
slys á börnum auk margra ann-
arra hagnýtra atriða sem tengj-
ast skyndihjálp.
I fréttatilkynningu frá
Reykjavíkurdeild RKÍ segir:
„Það hefur sannast oft í sumar
og þá sérstaklega nú um versl-
unarmannahelgina að sú skyndi-
hjálp sem nærstaddir veita getur
haft afgerandi þýðingu þegar
mikið liggur við. Það er oft ein-
föld og auðlærð hjálp sem þarf
til að gera mikið gagn.“
Skráning þátttakenda er hjá
Reykjavíkurdeild RKÍ. Fjöldi
þátttakenda á námskeiðið verð-
ur takmarkaður.
Tónleikar á veit-
ingahúsinu 22
Listamannahópur er kallar
sig Inferno 5 heldur tónleika í
kvöld á veitingahúsinu 22 við
Laugaveg 22 í Reykjavík.
Tónleikarnir heijast klukkan
23.30 og verða á efri hæð veit-
ingastaðarins. Húsið opnar klukk-
an 22 og eru gestir velkomnir á
meðan húsrúm leyfir.
Vandals í
Casablanca
BANDARÍSKA hljómsveitin
Vandals heldur tónleika á
veitingastaðnum Casablanca í
dag.
Hljómsveitin er á leið til Evr-
ópu þar sem hún mun fylgja
■eftir þriðju breiðskífu sinni
„Slippery when ill.“
Vandáls leikur tónlist sem
kennd hefur verið við Oow-rokk,
í svipuðum stíl og tónlist Mojo
Nixon og Skid Roper.
Auk Vandals leikur íslenska
hljómsveitin Brak á tónleiktin-
um.
Tríó Óskars Guðmundssonar ásamt söngkonunni Kolbrúnu Svein-
björnsdóttur.
Fiskverð á uppboðsmörkuðum 10. ágúst
FISKMARKAÐUR hf. í Hafnarfirði
Hæsta Lægsta Meðal- Magn Heildar-
verð verð verð (lestir) verð(kr.)
Þorskur 52,00 40,00 45,36 17,124 776.677 '
Þorskur(smár) 20,00 20,00 20,00 0,041 820 '
Ýsa 100,00 80,00 87,27 4,015 350.421
Karfi 34,50 20,00 31,89 58,472 1.864.448
Utsi 28,00 26,50 27,25 88,975 2.424.901
Ufsi(smár) 12,00 12,00 12,00 0,133 1.596
Steinbítur 58,00 58,00 58,00 1,010 58.606
Langa 32,00 30,00 31,14 2,306 71.791
Lúða 210,00 80,00 120,49 0,793 95.561
Samtals 32,65 172,869 5.644.821
Selt var úr Víði HF, Stálvík Sl og bátum. í dag verður selt óá-
kveðið magn úr bátum.
FAXAMARKAÐUR hf. í Reykjavík
Þorskur 76,00 30,00 36,20 51,478 1.863.321
Ýsa 69,00 30,00 48,53 4,360 211.619
Ýsa(umál) 34,00 34,00 34,00 0,245 8.330
Karfi 37,00 31,00 34,04 50,153 1.707.315
Ufsi 30,00 15,00 20,78 16,253 337.734
Ufsi(umál) 10,00 10,00 10,00 0,385 3.850
Steinbítur 45,00 38,00 39,91 0,202 8.061
Hlýri+steinb. 15,00 15,00 15,00 0,224 3.360
Langa 27,00 27,00 27,00 0,094 2.538
Lúða(stór) 160,00 160,00 160,00 0,043 6.880
Lúða(smá) 200,00 200,00 200,00 0,016 3.200
Skarkoli 28,00 28,00 28,00 0,014 392
Skata 70,00 70,00 70,00 0,034 2.380
Skötuselur 350,00 350,00 350,00 0,066 23.100
Samtals 33,84 123,567 4.182.080
Selt var úr Sigurey BA, Jóni Vídalín ÁR og Runólfi SH og fleirum.
[ dag verða meðal annars seld 140 tonn af þorski, 15 tonn af
karfa og 50 tonn af ufsa úr Viðey RE, Jóni Baldvinssyni RE og
fleirum.
FISKMARKAÐUR SUÐURNESJA hf.
Þorskur 51,00 42,00 45,04 0,835 37.587
Ýsa 35,00 35,00 35,00 0,063 2.205
Karfi 25,50 15,00 21,19 0,353 7.479
Ufsi 18,00 15,00 16,05 0,920 14.769
Hlýri 22,50 22,50 22,50 0,043 1.103
Grálúða 20,00 20,00 20,00 0,086 1.720
Lax 195,00 195,00 195,00 0,029 5.655
Samtals 30,21 2,335 70.518
í dag verða seld 300 kg af humri og óákveðið magn af blönduð-
um afla.
Alþj óðavinnumálaþingið:
-----1-
Fjallað um meðferð hættu-
legra efina á vinnustöðum
Á ÞINGI Alþjóðavinnumálastofh-
unarinnar (ILO) fyrr í sumar var
m.a. unnið að alþjóðasamþykktum
um meðferð iiættulegra efna á
vinnustöðum og um næturvinnu.
Einnig var afgreidd ný alþjóða-
samþykkt um réttindi frumbyggja
og þjóðarbrota sem búa innan
sjálfstæðra rikja. Alþjóðavinnu-
málaþingið, sem var hið 76. í röð-
inni, stóð í 3 vikur. Að venju var
þingið haldið í Genf í Sviss.
A þinginu lauk fyrri umræðu um
drög að tveimur nýjum alþjóðasam-
þykktum. Önnur er um meðferð
hættulegra efna á vinnustöðum.
Markmið hennar er að fækka slysum
og draga úr atvinnusjúkdómum af
þeirra völdum á vinnustöðum. Hin
nýja samþykkt á einnig að tryggja
rétta meðferð hættulegra efna á
vinnustöðum, að ljóst sé hver hættan
af þeim sé og að starfsmenn fái
fræðslu um hættuleg efni á vinnu-
stað. I fréttatilkynningu frá félags-
málaráðuneytinu segir að nokkur
ágreiningur hafi verið á milli atvinnu-
rekenda og launafólks um drög að
samþykkt vegna næturvinnu. Vildu
atvinnurekendur að texti samþykkt-
arinnnar væri almennur og aðilum
vinnumarkaðarins yrði látið eftir að
semja um einstök atriði en launþegar
voru andvígir því.
Alþjóðasamþykkt um réttindi
frumbyggja og þjóðarbrota kemur í
stað eldri samþykktar frá 1957. í
hinni nýju eru ákvæði um rétt þess-
ara minnihlutahópa til varðveislu og
viðhalds menningararfs, til kennslu á
móðurmáli og til þess að hefðir og
siðir séu virtir.
Jóhanna Sigurðardóttir félags-
málaráðherra var í sendinefnd Islands
á þinginu. Hún tók þátt í almennum
umræðum um efnahagsbata og at-
vinnu. í ræðu sinni vék ráðherra að
niðurstöðu nefndar Alþjóðavinnu-
málastofnunarinnar um félagafrelsi
vegna kæru ASÍ þegar sett voru
bráðabirgðalög um efnahagsráðstaf-
anir í maí 1988. Lagði hún áherslu
á að við mat á framkvæmd alþjóða-
samþykkta ILO yrði að taka tillit til
aðstæðna aðildarríkjanna í efnahags-
og atvinnumálum.
Operukjallar-
inn opnar í kvöld
Breytingar á veitingastaðnum Arnarhóli
NÝR veitinga- og skemmtistaður, Óperukjallarinn, verður opnaður í
kvöld, föstudag, á neðri hæð veitingastaðarins Arnarhóls. í Óperukjall-
aranum verður píanóbar og danssalur.
Veitingahúsið Arnarhóll er nú á
fyrstu hæð hússins við Hverfisgötu
8-10 og gengið þar inn frá Ingólfs-
stræti. Breytingar hafa verið gerðar
á innréttingum staðarins og er hann
nú frjálslegri en áður að sögn Skúla
Hansens veitingamanns. Ástæðurnar
fyrir því að farið var út í breytingar
á Ámarhóli sagði Skúli vera þær að
það væri ekki lengur í tísku að fara
á staði eins og Amarhóll var áður.
Flestir hafi komið í sínum betri fötum
og margir af sérstöku tilefni, en slíkt
væri ekki eins vinsælt og áður. Þá
nýttist húsnæðið betur með þessu
fyrirkomulagi.
„Matseðill Arnarhóls er nú fjöl-
breyttari sagði Skúli og verðið á rétt-
unum sveigjanlegra. Ekkeit liefur
þó verið slakað á kröfunum um gæði
matarins né þjónustunnar.“
Matargestir á Arnarhóli hafa að-
gang að Óperukjallaranum sem
skiptist í tvo sali. Annarsvegar er
píanóbarinn með lifandi tónlist og
síðan danssalurinn sem aðeins verður
opinn á föstudags- og laugardags-
kvöldum. Ríó tríóið skemmtir gestum
Ópemkjallarans fyrstu vikuna nema
á föstudags- og laugardagskvöld, en
þá leikur Hljómsveit Eddu Borg fyr-
ir gesti.
Öperukjallarinn verður opinn öll
kvöld vikunnar, til kl. 1.00 á virkum
dögum og til 3.00 á föstudögum og
laugardögum. Inngangur í Óperu-
kjallarann verður frá Hverfisgötu.