Morgunblaðið - 11.08.1989, Blaðsíða 28

28
MORGUNBLAÐIÐ FÖSTUDAGUR 11. ÁGÚST 1989
--HH--;-rr--i-5--—----• : " ------:--
fclk í
fréttum
Lisa Marie ásamt eiginmanni sínum Danny Keough
PRESLEY
Dóttur Lisu Marie berast
veglegar gjafir
FÍKNIEFNI
Anthony
Perkins
vísað frá
Bretlandi
Anthony Perkins, sem þekktur
er fyrir leik sinn í kvikmynd-
inni Psycho, var nýlega vísað frá
Bretlandi fyrir að hafa fíkniefni
undir höndum. Hassið sem fannst
á honum sagði hann að hefði ein-
ungis átt að vera til einkanota en
það stoðaði lítið. Þetta var í annað
sinn sem leikaranum var vísað frá
Bretlandi og auk þess var hann
dæmdur til að greiða tuttugu þús-
und króna sekt. Anthony lét þó
brottvísunina lítið á sig fá og hélt
í staðinn með ungri eiginkonu sinni
til Ítalíu þar sem vinir hans tóku
vel á móti þeim.
að vakti mikla-athygli þegar
Lisa Marie Presley eignaðist
dóttur fyrr í sumar. Litla stúlkan
sem hlotið hefur nafnið Danielle
ar fyrsta barnabarn Elvis heitins
Presley. Henni hefur borist fjöld-
inn allur af gjöfum víðs vegar að
úr heiminum, bæði frá fólki í
skemmtanaiðnaðinum og Pres-
ley-aðdáendum.
Söngvarinn Frank Sinatra
sendi forláta skírnarkjól og silfur-
hringlu skrýdda gimsteinum.
Leikkonan Mary Tyler Moore gaf
Danielle gamaldags enskan
bamavagn og Larry Hagman sem
leikur J.R. í Dallas-þáttunum
sendi silfurramma.
Þeir sem þekkja til fjölskyldu
Lisu Marie em margir hræddir
um að erfitt muni reynast að ala
litlu stúlkuna upp á eðlilegan hátt
vegna þeirrar athygli sem hún
mun njóta í uppvextinum. Foreldr-
ar hennar em auk þess dauð-
hrædd um að baminu verði rænt
og því fylgja öryggisverðir þeim
hvert fótmál. Danielle á því líklega
ekki eftir að kynnast því lífi sem
venjuleg böm lifa en henni munu
í staðinn standa margar dyr opnar
vegna þess hve ástsæll söngvari
afi hennar var.
BÖRN
Leiðinleg skyldustörf
Það er ekki alltaf tekið út með sældinni að vera prins eða prinsessa.
Lítil börn verða oft þreytt þegar þau þurfa að vera við langar opin-
berar athafnir þar sem ætlast er til að þau sitji stillt í sætum sínum.
Magðalena litla, dóttir konungshjónanna í Svíþjóð, iðaði í sætinu og geifl-
aði sig við athöfn á afmælisdegi stóru systur sinnar Viktoríu, en 6000
manns komu þá saman á íþróttaleikvangi til að óska krónprinsessunni
til hamingju með afmælið. Magðalena gat hins vegar ekki beðið eftir að
komast heim.
Bresku prinsarnir Hinrik, fimm ára, og Vilhjálmur, sjö ára, þurftu ásamt
föður sínum Karli Bretaprins að taka á móti Beatrix Hollandsdrottningu
þegar hún var í opinberri heimsókn í Bretlandi á dögunum. Þeim leiddist
óskaplega og Hinrik átti bágt með að sitja kyrr. Eitthvað fannst Vil-
hjálmi tíminn vera lengi að líða og á meðfylgjandi mynd sést hann kíkja á
úr föður síns til að vita hvort þessum ósköpum fari nú ekki að Ijúka.
SUÐUREYRI
Gömlu brýnin í léttum leik
VÍÐA eru til svokölluð „old bo-
ys“-knattspyrnulið. í þessum
liðum eru saman komnir karlmenn
um og yfir 40 ára. Misjafnt er hvað
menn nenna að spila oft en annað
veifið eru strigaskórnir teknir í
notkun og karlarnir bregða sér þá
út á völl til að svala knatt-
spymufíkninni sem blundar í þeim
frá því þeir voru upp á sitt besta.
Einn sunnudag sást til nokkurra
karla í boltaleik á vellinum á Suður-
eyri. Þar voru komnar saman gaml-
ar kempur úr knattspyrnuliði
Stefnis, þeir Sveinbjörn Jónsson
oddviti, Magnús Jónsson skóla-
stjóri, Elvar J. Friðbertsson tré-
smiður.'Ágúst Þórðarson vélsmiður,
Grétar og Ágúst Schmidt og Ólafur
og Steingrímur Guðmundssynir.
Tilþrifin og tæknin skein úr
hverri hreyfíngu og það var dúndr-
að og skallað í allar áttir. Húmorinn
í þessum körlum var ólýsanlega
skemmtilegur enda slógu þeir oft á
létta strengi í leiknum. Það mátti
greinilega sjá á þessum klukkutíma
sem þeir léku að þarna voru kappar
sem áður höfðu snert bolta. Knatt-
spymulið Stefnis var mjög sterkt
hér á árum áður þegar þessir menn
voru ungir. Þeir unnu hvern leikinn
af öðram víða um Vestfirðina og
voru orðnir vel þekktir. Síðan liðu
árin og menn fóru að stofna fjöl-
skyldur og þar með týndust margir'
úr liðinu og ungir og nýir menn
komu i staðinn.
Þessj félagsskapur er mjög svo
ánægjulegur og ekki veitir mönnum
af hreyfingunni þegar menn eru
hættir að sprikla fyrir alvöru.
Leiknum lauk senn hjá köppunum
og gengu þeir af velli all sveittir
og þreyttir eftir strembinn leik.
Leiðin lá í sundlaugina að sjálf-
sögðu þar sem menn reyna að eyða
mestu harðsperrunum fyrir mánu-
daginn. Þeir sögðu að landsliðið
væri ekki í neinni veralegri hættu
þar sem þeir sjálfir væru ekki bún-
ir að ná í lið enn, svo sá leikur
verður að bíða betri tíma.
- R.Schmidt
Morgunblaðið/Róbert Schmidt
„Old boys“ á Suðureyri komu saman fyrir skömmu til að leika knattspymu og riQa upp gamla
takta.