Morgunblaðið - 09.09.1989, Qupperneq 36
Ást er...
. . . margra kossa virði.
TM Reg. U.S. Pat Oft.—all rigíits reserved
• 1989 Los Angeles Times Syndicate
Mamma, sósan er að fara í
steik. Hvað á ég að gera?
Með
morgimkaffrnu
Þú verður sjálfúr að
hreinsa eftir sjálfan þig.
Þjóðin vill öflugt Ríkisútvarp
Til Velvakanda.
Andrés Magnússon lét gamminn
geisa í hugleiðingu um Ríkisútvarp-
ið, sem birtist hér á síðu Velvak-
anda sl. laugardag. í framhjáhlaupi
beindi hann nokkrum spurningum
til undirritaðs, ef spurningar skyldi
kalla, því að bréfritari var fyrirfram
búinn að gefa sér svörin, sem öll
virðast byggjast á ótrúlegum hræri-
graut af hugarórum, rangfærslum
og hleypidómum um stofnunina,
þannig að manni er vandi á höndum
að meta hvað er svaravert af svona
skólablaðaæfingum og hvað leiða
skuli algjörlega hjá sér. Bréfritari
er haldinn þeim ósið, sem talinn er
ljóður á ráði góðra fréttamanna,
að spyija leiðandi spuminga, sem
mengaðar eru af persónulegum
skoðunum og útlistunum hans sjálfs
á málefninu.
Kveður þar við sama tón og við
heyrðum hjá hópi nokkurra sér-
hyggjumanna sem eru óvægnastir
í gagnrýni á dagskrá Ríkisútvarps-
ins i ræðu og riti en þykjast aldrei
sjá hana né heyra nema fyrir tilvilj-
un í leigubílum og á öldurhúsum!
í tilefni af skrifum Andrésar
Magnússonar skal eftirfarandi tekið
fram: 1. Bréfritari nefnir m.a.: „sí-
felldar auglýsingar um ágæti og
lífsnauðsyn þess að stofnunin sé
til“, „sjálfsánægjuhjal“ og að „gíf-
urlegum fjármunum sé varið í
sjálfshól starfsmanna stofnunarinn-
ar“.
Allt er þetta staðhæfulaust full-
yrðingaglamur. Hins vegar er sjálf-
sagt að árétta, að Ríkisútvarpið er
reiðubúið að heyja samkeppni á fjöl-
miðlamarkaði og hefur gert það
undanfarin þrjú ár. Fyrirtæki í sam-
keppnisgreinum þurfa að kynna
þjónustu sína fyrir notendum og
treysta viðskiptasambönd sín, í
þessu tilviki við auglýsendur.
Ríkisútvarpið leggur mikið uppúr
góðum tengslum við fólkið í
landinu, vill hafa þau bein og náin.
Kynningarstarf Ríkisútvarpsins,
sem rekið er með lágmarkstilkostn-
aði og, aðallega í eigin miðlum,
stuðlar að þessu.
Fólkið í landinu metur einnig
mikils slíka viðleitni stofnunarinnar
og þjónustu hennaryfir höfuð. Þjóð-
in vill öflugt Ríkisútvarp í sam-
keppni við einkastöðvar. Þetta má
álykta af fréttum dagbiaða nýverið:
„RÚV talið standa sig bezt ríkis-
stofnana"
(Fyrirsögn i Morgunblaðinu 22.
júní 1989.)
„Ríkisútvarpið langefst á vin-
sældalistanum"
(Fyrirsögn í Tímanum 29. júní
1989.)
í þessum fréttum var vísað til
skoðanakönnunar Félagsvísinda-
stofnunar Háskólans meðal lands-
manna um álit þeirra á ímynd opin-
berra stofnana og hvernig þær
gegndu hlutverki sínu. Töldu 66%
svarenda að Ríkisútvarpið gegndi
hlutverki sínu vel og 27% sæmi-
lega. Ríkisútvarpið var í efsta sæti
og Háskóli íslands i öðru sæti.
2. Bréfritari telur „fréttamatið
stundum vafasamt, þegar starfs-
maður stofnunarinnar má ekki
bregða sér út á land án þess að það
sé talið með mikilvægustu fréttum
dagsins (fréttir kl. 19.00, 31. VIII).“
Þessi athugasemd er jafn ómál-
efnaleg og flest annað í pistli Andr-
ésar Magnússonar. Hann mun eiga
við fréttaviðtal við framkvæmda-
stjóra Útvarpsins í tilefni af upp-
Gamla gufan þarf
andlitslyftingii
Til Velvakanda.
Ekki veit ég hve margir halda
enn tryggð við gömlu Gufurásina
eða rás 1 — Sennilega aðeins hinir
eldri.
En þessi „undirmáls“hópur á þó
rétt á því, að hægt sé með góðu
móti, að ná samband við útsendingu
þessa þ.e.a.s. FM-bylgju. Lang-
bylgjan er þokkaleg, en hver kýs
ekki fremur að nýta sér meiri tón-
gæði últrabylgju?
Tæknimeistarar rásar 1 fullyrða,
að vægur kraftur útsendingar
tryggi meiri tóngæði, einkum er
varðar klassíska tónlist.
Þessi rök á ég erfitt með að
skilja. Það þarf tæpast sérfræðing
til þess að heyra þann gífurlega
mun sem er á tóngæðum t.d. rásar
1 og rásar 2. Gufan fellur á því
prófi.
Svo alls réttlætis sé gætt ber
þess að geta, að plötusafn RUV af
klassík og léttklassík er orðið lúið
af ofnotkun og ef til vill ekki sann-
gjarnt að bera það saman við nýleg-
ar og nýjar hágæða upptökur af
poppmúsík allra þessara fijálsu
stöðva.
En, ágætu valdsmennn, að lokum
hógvær ósk og bæn til ykkar,
sinnið betur minnihlutanum, sem
enn heldur tryggð við gömiu rás-
ina. Dagskrárefni fram að kveldi
er jafnan ágætt, en má ég koma
með tilögu um smá andlitslyftingu.
Popp-músík verði gerð útlæg á
rás 1 (það fer lítið fyrir henni satt
er það). Miðdegissögur hafa margar
verið ágætar, en ekki myndi „bóka-
lýðveldið" missa virðingu sína þótt
öðru hvoru slæddist inn á milli
spennandi reyfarar.
Oddur
Víkverji skrifar
HÖGNI HREKKVÍSI
„ ÚG K'ý'S HELDUR RÚ£>u6e>ANM,
Þak-ica þéfz FyRjc."
Ifylgiriti Morgunblaðsins, Dag-
legu lífi, var í gær fjallað um
ýmis mál er tengjast því að skólar
eru að hefla störf. Meðal þess sem
fram kemur í blaðinu er, að aga-
vandamál verða meiri og erfiðari
viðureignar með hverju árinu sem
líður. Kemur það heim og saman
við reynslu Víkveija. Grunnskóla-
kennari einn sagði Víkveija t.d. að
nær öll starfsorka hans færi í að
fást við agavandamál og æ minni
tími gæfist til _að sinna raunveru-
legri kennslu. I því felst að orka
kennarans fer að stærstum hluta í
að fást við þá nemendur sem slak-
astir eru og erfiðastir í umgengni.
Lítill tími er aflögu til að sinna
þeim nemendum sem skara framúr
fyrir sakir dugnaðar og greindar.
Útkoman er því miður sú að skólinn
dregur þá oftar en ekki niður í
meðalmennsku. Núverandi kerfi
gefur þessum nemendum ekki þann
byr undir vængina sem æskilegt
væri og þvi finnst Víkveija að huga
þurfi að endurbótum á skólakerfinu
með hagsmuni þessara nemenda og
framtíðarinnar að leiðarljósi.
xxx
Arangur Eyjólfs Sverrissonar,
íþróttamanns á Sauðárkróki,
hefur vakið verðskuldaða athygli. í
þessari viku lék hann með landsliði
21 árs og yngri í knattspyrnu og
skoraði öll fjögur mörk Islendinga
í leik gegn Finnum. Tókst honum
þar með að jafna 38 ára gamalt
met Ríkharðs Jónssonar. Hann er
markahæsti leikmaður 2. deildar
íslandsmótsins í knattspyrnu.
Sömuleiðis hefur Eyjólfur einnig
getið sér góðan orðstír sem körfu-
knattleiksmaður. Honum hefur tek-
ist að sanna að hægt er að ná frá-
bærum árangri, þrátt fyrir það að
hann leikur með knattspyrnuliði í
2. deild íslandsmótsins og það úti
á landi. Eyjólfur stendur örugglega
frammi fyrir erfiðu vali á næst-
unni, því öruggt má heita að
Reykjavíkurliðin í 1. deild keppist
um að fá hann til liðs við sig. Valið
stendur þá milli frekari frama og
árangurs annars vegar og tryggðar
við heimabæinn hins vegar. Hvað
sem því líður, þá mega forráðamenn
ungmennafélagsins Tindastóls og
aðrir Sauðkrækingar vera stoltir
af Eyjólfi Sverrissyni.
xxx
Fjöldi þeirra íslendinga sem flutt
hafa til Svþjóðar á síðastliðnum
mánuðum er orðinn óvenju mikill.
Víkveiji ræddi nýlega við fjöl-
skyldumann sem ætlar að flytja
þangað á komandi ári. Höfuðástæð-
una fyrir flutningi af landi brott
kvað hann vera þá miklu kaup-
máttarskerðingu sem hann hefði
orðið fyrir á nýliðnum misserum.
Tekjur hans dygðu hreinlega ekki
lengur til að framfleyta fjölskyld-
unni og greiða afborganir af hús-
næðislánum. Frekar en missa reisn-
ina og lifa fátæktarlífi á íslandi
vildi hann fara þangað þar sem
afkoman væri tryggari.
Flutningur á milli landa vegna
bágs atvinnuástands er síður en svo
einsdæmi á Islandi. Fjöldamargir
Danir hafa t.d. flutt sig yfir Eyrar-
sundið til Svíþjóðar, en þar er mjög
gott og öflugt atvinnulíf um þessar
mundir og eftirspurn eftir vinnuafli
nokkur, öfugt við t.d. ísland og
Danmörku. Á Norðurlöndum er
opinn vinnumarkaður, þannig að
mjög auðvelt er að flytja sig á milli
landa og hefur þetta fyrirkomulag
jafnað að hluta til sveiflur í atvinnu-
lífi þessara fimm landa. Sams kon-
ar fyrirkomulag mun síðan einnig
taka gildi innan Evrópubandalags-
ins árið 1992, sem Danir, einir
Norðurlandaþjóða, eiga aðild að.