Morgunblaðið - 07.12.1989, Blaðsíða 57

tMflRgl/jfl3LAÐjÐ
fáílegar vörur frá
fallegri verslun
fyrir falleg heimili
Álfabakka 14 • Mjódd • sími 76622
Templarasundi 3 • simi 19935
SKÚTUVOGI16 SÍMI 687700
Ætla menn aldrei að sættast?
efitir Guðmund
Jóhannsson
Átök tveggja fylkinga á nýliðn-
um aðalfundi Heimdallar, félags
ungra sjálfstæðismanna í
Reykjavík, vekja upp þá spurn-
ingu, hvort ungir sjálfstæðismenn
ætli aldrei að sættast. Verður óein-
ingin viðvarandi eða munu menn
taka höndum saman í þeirri bar-
áttu, sem framundan er? Þannig
spyija margir þessa dagana og ég
get ekki orða bundizt vegna þessa
máls.
Allt frá því að þeir ágætu menn,
Árni Sigfússon og Sigurbjörn
Magnússon, leiddu saman hesta
sína í kjöri til formanns Sambands
ungra sjálfstæðismanna haustið
1987, hafa þær tvær fylkingar,
er þá mynduðust, sífellt átt í eijum
sín á milli og enn sér ekki fyrir
endann á þeim deilum. _Um hvað
er svo verið að deila? í raun og
veru ekkert sem máli skiptir. Eng-
inn raunverulegur málefnaágrein-
ingur er milli þessara fylkinga,
heldur er það persónuleg úlfúð,
sem mestu hefur valdið og dregið
ungt sjálfstæðisfólk í dilka.
Átökin í Heimdalli
Eftir SUS-þingið ‘ 1987 hafa
átökin einkum speglast í form-
annskosningum í Heimdalli í fyrra
og í ár. í bæði skiptin voru átökin
heiftúðleg. Fylkingamar smöluðu
saman liði, jafnt flokksmanna sem
annarra, til að kjósa sinn mann
og því fylgdi tilheyrandi baktal og
rógur um mótaðilann.
Ég átti bágt með að trúa eigin
augum á nýliðnum aðalfundi.
Þangað hrúgaðist fólk, sem sumt
hvert þekkti nær ekkert til fram-
bjóðendanna og það þurfti ekki
að sýna nein skilríki eða sýna fram
á að það væri sjálfstæðisfólk, til
að fá að kjósa. Þegar kosningar í
félagi fara fram með þessum hætti
er eitthvað meira en lítið að.
Skrípaleikur sögðu fjölmargir
fundarmenn hver við annan,
skrípaleikur sögðu fulltrúar fylk-
inganna beggja og skrípaleikur
segi ég.
Svona uppákomur eru til van-
sæmdar og sjást vonandi ekki oft-
ar meðal ungra sjálfstæðismanna.
Réttast væri að einungis þeir fé-
lagsmenn í Heimdalli, sem greitt
hafa árgjald liðins starfsárs, fái
að kjósa á aðalfundi. Einnig ætti
síðasti frestur til að skrá sig í fé-
lagið til að öðlast kosningarétt á
aðalfund að vera mánuði fyrir
fundinn.
En það er ekki nóg að breyta
fyrirkomulagi kosninga í ákveðnu
félagi. Hugarfarið þarf að breyt-
ast. Ég hef starfað mikið með fólki
úr báðum fylkingum og eignast
„Deilurnar fara að
minna óhugnanlega á
átökin innan Alþýðu-
bandalagsins en það er
sú stjórnmálahreyfíng,
sem ungt sjálfstæðis-
fólk hefiir hvað sízt vilj-
að hafa að fyrirmynd
hingað til.“
marga góða vini í þeirra hópi.
Þess vegna finnst mér þáð hryggi-
legt að heyra menn sífellt vera að
agnúast út í samherja sína, nánast
fyrir það eitt, hvað þeir kusu á
SUS-þingi fyrir tveimur árum.
Hver verður fi*amtíðin?
Óeiningin er ekki sízt alvarleg
fyrir þær sakir, að eftir nokkur
ár verða þeir ungu menn, sem eiga
svo erfitt með að umgangast hver
annan, burðarásinn í Sjálfstæðis-
flokknum. Ósættið meðal ungs
sjálfstæðisfólks er því að mínum
dómi mesta ógnunin, sem flokkur-
inn glímir við nú. Takist mönnum
ekki að sættast nú, kann það að
hafa ófyrirsjáanlegar afleiðingar í
framtíðinni.
Deilurnar fara að minna óhugn-
anlega á átökin innan Alþýðu-
bandalagsins en það er sú stjórn-
málahreyfing, sem ungt sjálfstæð-
isfólk hefur hvað sízt viljað hafa
að fyrirmynd hingað til.
Auk þess verður Sjálfstæðis-
flokkurinn ekki beinlínis trúverð-
ugur kostur í augum ungra kjós-
enda, ef allt logar í illdeilum með_-
al jafnaldra þeirra í flokknum. Á
meðan sú ríkisstjórn, sem nú sit-
ur, þenur sífellt út ríkisbáknið, og
skattpínir þjóðina, ertími til harðr-
ar andstöðu við stefnu en ekki til
tilgangslausra bræðravíga. í bar-
áttunni framundan þurfa ungir
sjálfstæðismenn að vera heilir og
samhuga.
Höfundur er háskólanemi og
fyrrverandi formaður
Stúdentaráðs.
Guðmundur Jóhannsson
Jólatilboð
Húsasmiðjuimar
Brauðrist
kr. 2.965,-
Holz-her hleðsluborvél
kr. 16.079,-
Ljóskastarar
kr. 3.343,-
í verslun Húsasmiðjunnar fást nytsamar jólagjafir við
allra hæfi og á jólamarkaði á 2. hæð er mikið úrval
skrauts og gjafavara. í Húsasmiðjunni fæst
einnig allur húsbúnaður og heimilistæki, öll
áhöld og efni sem þarf til að fegra og prýða
heimilið fyrir jólin.
Fondusett
fyrir 6 manns
kr. 6.224,-
Peugeot
juðari/pússivél
kr. 4.894,-