Morgunblaðið - 06.01.1990, Blaðsíða 21

MORGUNBLAÐIÐ LAUGARDAGUR 6. JANÚAR 1990
21
Krossanesbruninn:
Nánast búið að af-
skrifa að brætt verði
á þessari vertíð
Stjórnherbergi Krossanes-
verksmiðjunnar hefur verið
dæmt ónýtt og í gær var byijað
að fjarlæga þaðan tæki. Þá er
lýsishúsið einnig mjög illa farið
og þ'óst að mikil vinna verður
við að koma verksmiðjunni aftur
í gang. Áfram er þó stefht að því
að koma hjólum verksmiðjunnar
í gang að nýju eftir stórbrunann
sem þar varð á gamlársdag, en
menn eru svartsýnni en áður um
að takist að bræða loðnu í verk-
smiðjunni á þessari vertíð.
Auk þess sem verið er að fjar-
læga ónýt tæki úr verksmiðjunni
hafa þakplötur verið festar og hús-
ið þétt til að fyrirbyggja fokhættu.
Mikill hugur er í iðnaðarmönnum á
Akureyri að byggja verksmiðjuna
upp aftur og hafa þeir látið hann
í ljós við forráðamenn hennar.
Tjón hefur enn ekki endanlega
verið metið né heldur eru eldsupp-
tök kunn, en grunur manna beinist
enn að olíubrennara sem staðsettur
var í miðri verksmiðjunni.
Morgunblaðið/Rúnar Þór
Stjórnherbergi Krossanesverksmiðjunnar var rifið í gær, en það hefúr verið dæmt ónýtt. Starfsmenn
frá Vör hf. sjá um þá vinnu ásamt nokkrum af starfsmönnum verksmiðjunnar. Menn eru svartsýnni nú
en áður um að takist að ná í skottið á vertíðinni, en áfram er stefiit að uppbyggingu verksmiðjunnar.
Eigendur Hótels Stefaníu hafa
gert tilboð í Hótel Akureyri
EITT tilboð hefúr borist í Hótel Akureyri, sem Byggðastofnun hefúr
auglýst til sölu og er það frá eigendum Hótels Stefaníu á Akureyri.
Tilboðið var lagt inn til Byggðastofnunar áður en eignin var aug-
lýst, en ekki hefúr verið um það fjallað af hálfu stjórnar stofnunar-
innar. Fundur stjórnar Byggðastofnunar verður haldinn á Akureyri
16. janúar næstkomandi og þar verður m.a. fjallað um þau tilboð
sem berast í nokkrar eignir sem stofnunin hefur auglýst til sölu.
Geir Zoéga framkvæmdastjóri
Krossanes sagði að starfsmenn frá
Vör hf. sæu um að rífa það sem
þyrfti ásamt nokkrum starfsmönn-
um verksmiðjunnar. Mjög mikil
vinna verður við að ko'ma verk-
smiðjunni í rétt horf og mun taka
langan tíma, þar sem ýmis þau
tæki sem til þarf skemmdust í eldin-
um, en ný tæki hafa langan af-
greiðslufrest. Stjómherbergi verk-
smiðjunnar er algjörlega ónýtt og
öll tæki sem þar vom og var hafist
handa við að rífa það í gær. Lýsis-
húsið er einnig afar illa farið og
öll tæki sem þar voru inni.
„Við munum halda okkar striki
og það er stefnt að því að koma
verksmiðjunni í gang, við látum
engan bilbug á okkur finna varð-
andi það. Það má hins vegar segja
að við erum svo til búnir að af-
skrifa að nokkuð verði brætt á þess-
ari vertíð, en þó ekki alveg,“ sagði
Geir.
Byggðastofnun keypti Hótel Ak-
ureyri á 11 milljónir á nauðungar-
uppboði í maí á síðasta ári. Ólafur
Laufdal veitingamaður hefur haft
hótelið á leigu síðustu ár, en leigu-
samningur milli hans og fyrri eig-
enda er til 10 ára. Hótel Akureyri
stendur í miðbæ Akureyrar, við
Hafnarstræti númer 98 og er þar
um að ræða um 625 fermetrar hús
með 18 herbergjum.
Valtýr Sigurbjarnarson forstöðu-
maður Byggðastofnunar á Akureyri
sagði að nokkrar af eignum stofn-
unarinnar hefðu verið auglýstar til
sölu og væri ætlunin að sjá hvað
út úr því kæmi. Hann sagði að til-
boð eigenda Hótels Stefaníu í Hótel
Akureyri hefði verið skoðað, en
væntanlega yrði um það fjallað
ásamt hugsanlegum tilboðum öðr-
um í eignina á fundi stjórnar stofn-
unarinnar sem verður á Akureyri
um miðjan þennan mánuð.
Stefán Sigurðsson einn eigenda
Hótels Stefaníu sagði tilboði hefði
verið skilað inn til Byggðastofnunar
í nóverhber, það hefði ekki þótt við-
unandi og því hefði tilboðið verið
hækkað. Engin svör hefðu borist
um hvort hótelið yrði selt eigendum
Stefaníu. „Okkar hugmynd er að
nýta hótelið sem mest í tengslum
við Hótel Stefaníu og renna þar
með styrkari stoðum undir starf-
semi okkar þar. Við erum vongá^.
um að gengið verði að okkar tilboði
þar sem við teljum okkur uppfylla
allar þær kröfur sem gerðar hafa
verið,“ sagði Stefán en hann kvað
bjart framundan í ferðamálum og
sífellt fleiri ferðamenn koma til
Akureyrar.
Morgunblaðið/Rúnar Þór
Þórunn Krisljánsdóttir með syni sínum sem fæddist fyrstur
barna á fæðingardeild FSA á þessu ári, en óvenjurólegt var á
deildinni í kringum áramótin og þar fæddist ekki barn í 6 daga,
frá 29. desember til 4. janúar.
FSA:
Fyrsta barn ársins
FYRSTA barnið sem fæðst hefúr á fæðingardeild FSA á þessu
ári kom í heiminn í fyrradag, 4. janúar. Ekki hafði þá fæðst barn
á deildinni í 6 daga og þótti það tíðindum sæta, þar sem að
jafnaði eru ein til tvær fæðingar á deildinni á degi hverjum.
Það var drengur sem fyrstur
kom í heiminn á Akureyri á þessu
ári og var hann 13 merkur og 50
sentímetra. langur. Drengurinn
var tekinn með keisaraskurði og
eru foreldrar hans Þórunn Krist-
insdóttir og Þórmundur Aðal-
steinsson, en þau eru búsett á
Húsavík. Móður og syni heilsast
vel.
„Það hefur verið óvenjurólegt
hjá okkur í kringum áramótin, en
það kemur ábyggilega hviða á
eftir þessu. Okkur veitir enda
ekki af að fjölgi hér í bænum,“
sagði Margrét Þórhallsdóttir Ijós-
móðir á FSA.
Bæjarfógetaembættið:
Nauðung’aruppboð á fast-
eignum aldrei verið fleiri
Greiðslustöðvunum hefiir fjölgað um meir en helming
SALA fasteigna á nauðungar-
uppboðum hefúr aukist mjög á
milli áranna 1988 og 1989. Á
síðasta ári voru seldar 28 fast-
eignir á nauðungaruppboði hjá
bæjarfógetanum á Akureyri, en
þær voru 16 árið þar á undan
og hafði þá fjölgað um helming
frá árinu 1987, þegar seldar voru
8 fasteignir á uppboði. Þá hafa
mun fleiri gjaldþrotabeiðnir
komið inn á borð skiptaráðanda
bæjarfógetaembættisins á
siðasta ári en var árið þar á und-
an, auk þess sem mun meiri sala
hafa orðið á lausafjármunum á
uppboðum.
Elías I. Elíasson bæjarfógeti á
Akureyri sagði að sala fasteigna á
nauðungaruppboðum hefði aukist
verulega á síðustu árum, en árið
1980 voru tvær fasteignir seldar
nauðasölu og hefur þeim fjölgað
jafnt og þétt síðan. Árið 1987 voru
8 fasteignir seldar, 16 árið 1988
og á síðasta ári voru þær 28.
Á síðasta ári kom fram 72 gjald-
þrotabeiðnir, 53 vegna einstaklinga
og 19 vegna fyrirtækja. Á árinu
þar á undan komu fram 59 gjald-
þrotabeiðnir. Alls voru felldir 25
úrskurðir um gjaldþrot á síðasta
ári og sagði Arnar Sigfússon skipta-
ráðandi að enn væri töluvert af
málum sem bárust embættinu á
árinu óafgreidd vegna anna á skrif-
stofu bæjarfógeta, einnig kæmu
stundum fleiri en ein beiðni vegna
sama aðilans.
Greiðslustöðvanir urðu meira en
helmingi fleiri á árinu 1989 en ár-
inu á undan, eða 9 á móti 4. Af 9
beiðnum um greiðslustöðvanir voru
8 samþykktar. Engir nauðasamn-
ingar voru staðfestir hjá embættinu
á síðasta ári, en tveir slíkir komu
þar til meðferðar, öðrum var hafnað
en hinn kemur til meðferðar á þessu
ári.
Fram kom beiðni um 342 uppboð
á lausafjármunum á síðasta ári og
fóru fram 72 sölur, sem er veruleg
fjölgun frá árinu á undan, þegar
fram komu 293 beiðnir og 30 sölur
fóru fram.
Skautar
á börn og fullorðna
íshockey
vörur
Mesta úrval
landsins
Heildsala- smásala
H stöðin v/Leiruveg.
Sími 96-21440 -> 600 Akureyri - Fax 96-26476