Morgunblaðið - 01.02.1991, Blaðsíða 19

MORGUNBLAÐIÐ FÖSTUDAGUR 1. FEBRÚAR 1991
19
Nú rofar í austri
10. júlí 1990 voru 175 ár liðin frá stofnun Hins ísl. biblíufélags. Það
var Skotinn Ebenezer Henderson, er dvaldi hér 1814-1815, og ferðað-
ist um landið með nýja útgáfu Biblíunnar á íslensku (útg. 1813) og
dreifði henni og Nýja testamentinu, sem átti frumkvæðið að stofnun
félagsins í samvinnu við hérlenda lærða og leika framámenn. I til-
efni þessa afmælis, og að tilhlutan stjórnar HÍB, fór sendiherra ís-
lands í London, Helgi Ágústsson, og þáverandi sendiráðsprestur
þar, sr. Jón Þorsteinsson, að gröf Hendersons í kirkjugarði í Lond-
on, og lögðu á leiðið heiðurskrans og höfðu þar helgistund til að
þakka og minnast þessa mæta velgjörðarmanns Islands. Athöfnin
var ljósmynduð og á legsteininum má m.a. lesa um Henderson: .......
for many years agent of the British and foreign Bible Society in
ICELAND, RUSSIA ...“ Biblíufélagið hér á landi hefur lifað og starf-
að í 175 ár, en Biblíufélagið, sem Henderson og félagi hans, Pater-
son, stofnuðu í Rússlandi, blómstraði vel í byrjun, en starf þess var
síðar stöðvað, því miður, en nú rofar aftur til.
eftir Hermann
Þorsteinsson
Biblían, hin „hættulega" trúarbók
okkar kristinna manna, hefur átt
erfitt uppdráttar í Sovétríkjunum í
70 ár og í Austur-Evrópulöndunum
í 40 ár. Þessi Bók bókanna hefur
verið fáséð í þessum fjölmennu og
víðlendu ríkjum á þessum tímaskeið-
um. Kynslóðir hafa komið og farið
án þess að eiga þess kost að kynn-
ast boðskap þessarar einstæðu bók-
ar. Einstaka kristnir ofurhugar
(bróðir Andrés o.fl.) hafa á liðnum
áratug oftlega sett sig í mikla hættu
við að laumast undir eða gegnum
„teppið" með biblíubækur, sem þeir
hafa fært kristnum einstaklingum
allt austur til Síberíu. Vestræn bibl-
iufélög hafa endrum og sinnum
fengið leyfi yfirvalda austan Tjalds-
ins til að senda þangað lítil upplög
biblíubóka,.Með því átti að staðfesta
trúfrelsið í þessum löndum. Þetta
var sem dropi í hafið. —
En Orð Guðs verður ekki fjötrað.
Nú standa allar austurdyr skyndi-
lega opnar fyrir Biblíunni. Hvers
vegna? Ein af ástæðunum er þessi:
Árið 1988 er kirkja Rússlands
minntist 1000 ára afmælisins, eða
þess að það ár voru 1000 ár liðin
frá fyrstu kristnu skírninni þar í
landi, þá ákváðu norrænu biblíufé-
lögin að láta á það reyna, hvort hin
1000 ára gamla kirkja fengi leyfi
til að taka á móti afmælisgjöf frá
Norðurlöndunum, þ.e. 150 þús. sett-
um af 3ja binda útg. Biblíunnar á
rússnesku með skýringum, alls 450
þúsund bækur. Stjórnvöld þar eystra
töldu ekki fært að neita afmælis-
barninu um að taka á móti slíkri
gjöf á þessum tímamótum. Og leyfið
var veitt og ís hins langa vetrar
þannig brotinn svo um munaði. Þess-
ar 450 þús. biblíubækur hafa undan-
farin 2 ár stöðugt streymt til Moskvu
og þaðan áfram út um ríkið til rúss-
neskumælandi manna, aðallega
presta og guðfræðinema, sem mest
hafa gagnið af skýringunum.
Hermann Þorsteinsson
í sambandi við þessa framkvæmd
hafa skapast víðtæk og góð kynni
og tengsl milli kristinna leiðtoga —
lærðra og leikra — í Rússlandi og á
Norðurlöndum. Og áhrifin hafa ekki
látið á sér standa. Með stuðningi að
vestan hafa Rússar nú — þrátt fyrir
ótrúlega örðugleika í samskiptum
við stjórnvöld, útvegun pappírs,
prentunarmöguleika og fjármuna —
tekist að koma út Biblíunni á rúss-
nesku í nokkuð endurskoðaðri og
endurbættri útgáfu. Biblíufélag hef-
ur m.a. verið stofnað í Moskvu í
samstarfi leikra og lærðra, sem hef-
ur á að skipa starfsglöðum, þróttm-
iklum og reyndum ungum mönnum,
sem nú eru að fá nokkra starfsað-
stöðu í gömlu múrsteinshúsi í mið-
börginni sem þeir hafa verið að end-
urnýja. Þeir voru spurðir nú í des-
ember sl.: Hver er þörf ykkar í Sov-
ét fyrir biblíur? „_Enormous“ (óskap-
leg) var svarið. „íbúar Sovétríkjanna
eru um 300 milljónir. Við höfum
þörf fyrir a.m.k. 100 milljón biblíur,
svo verkefnin eru stór sem bíða okk-
ar.“ —
Til að létta heimamönnum róður-
inn og til að byrja að mæta þörf
ungu kynslóðarinnar, þá hafa biblíu-
félögin á Norðurlöndum ákveðið að
gefa til Sovét í ár 1A milljón mynd-
skreyttra barnabiblía a 12 tungu-
málum _ m.a. Eystrasaltslandanna.
Hlutur íslands þyrfti að verða a.m.k.
400 bækur sem kosta munu í fram-
leiðslu 2 milljónir íslenskra króna.
Þá upphæð höfum við djörfung til
að biðja íslensku þjóðina um að gefa
á Biblíudaginn sunnudaginn 3. fe-
brúar; við guðsþjónusturnar í kirkj-
um landsins og á samkomum trúfé-
laga — eða með því að senda fram-
lögin til Biblíufélagsins í Hallgr-
íinskirkju í Reykjavík.
Aldrei hefur sem nú verið eins
mikið og flölbreytt úrval af Biblíunni
og Nýja testamentinu á íslensku á
verði við allra hæfi. Við búum við
nægtir og ættum því með gleði að
geta gefið eitthvað til þeirra mörgu,
sem ekkert hafa. Látum verða af
því á Biblíudaginn í ár.
í frábærum þætti um jólasöngva
í Prag nú fyrir síðustu jól, sem
RÚV-sjónvarpið sýndi strax eftir
biskupsmessuna á aðfangadags-
kvöld, þar ræðir Sally Magnusson
(dóttir hins þekkta BBC-sjónvarps-
manns Magnúsar Magnússonar) við
aldraðan, trúaðan tónlistarmann,
sem hafði dapurlega sögu að segja
af kjörum hinna kristnu á yfirráða-
tímum nazista og kommúnista í
landinu. En maðurinn var ekki dap-
ur. Sally spurði hann: „Hvernig brást
kristið tónskáld við þessum aðstæð-
um?“ Hann svaraði: „Við lærum að
Guð veitir blessun með því að
reyna okkur." Og það er mikil
blessun fyrir okkur að kynnast þessu
þrautreynda kristna fólki. Það hefur
mikið að gefa okkur af hinum and-
lega styrk sínum. Við höfum eitt-
hvað af efnislegum gæðum til að
gefa því. Og blessun var. að sjá
Havel forseta í Prag — í sjónvarpinu
hér — taka undir gleðisöng síðustu
jóla í Jakobskirkjunni þar í borg. I
því var fólgið fyrirheit og góð von
fyrir framtíðina í álfu okkar. Gleði
fólksins yfir endurheimtu frelsi —
einnig til að tilbiðja og lofsyngja lif-
anda Guði — leyndi sér ekki. Frelsið
er oft dýru verði keypt. Það má
ekki glatast aftur.
Höfundur er framkvæmdastjóri
Hins íslenska biblíufélags.
EINSTAKT TILBOÐ! afsláttur 7 l l /o
Seljum næstu
daga skápa og
húsgögná
stórlækkuðu
verði.
Lítið
útlitsgallaðir
fataskápar
með miklum
afslætti.
Landsbyggðarþjónusta:
Tökum við símapöntunum og
sendum um land allt
V/SA
Opið: 9-18 virka daga
10-16 laugardaga
GÓÐ GREIÐSLUKJÖR
Dæmi um einstök tilbod:
Aður Nú
Bókahillur: b. 50 h. 160
b. 90 h. 150
Hjónarúm
Svefnbekkur
Einstaklingsrúm
Vegghilla
Hrmgborð 130 x 130 cm
Fataskápur 80 x 210 cm
Baðskápur 40 x 210 cm
cm
cm 447600;-
-46.000,-
-4&400r-
^400,-
n nnn
- íf. JUU,-
-25t560^
-25r797-r-
-22H4r*
2.900, -
4.290,-
23.000,-
11.500,-
9.900, -
4.950,-
7.660,-
16.546,-
11.500,-
AXIS
AXIS HÚSGÖGN HF.
SMIÐJUVEGI 9, KÓPAVOGI
SÍMI: 43500
i
i
i
i
i
i
i
i
i
i
i
i
i
i
■
I
■
I
i
i
i
i
i
i
B
I
i
■
I
i
■
I
..i