Morgunblaðið - 11.04.1991, Síða 18

18
MORGUNBLAÐIÐ FIMMTUDAGUR 11. APRIL 1991
Ný lög fyrir grunnskóla
eftir Sigrúnu
Gísladóttur
Á síðasta degi þingsins stóðu
allir flokkar að samþykkkt nýrra
grunnskólalaga. Áður höfðu sjálf-
stæðismenn gert tillögur um ýmsar
veigamiklar breytingar á frumvarp-
inu sem allar voru samþykktar og
bætti það frumvarpið til muna.
Stærstu ágaliar frumvarpsins
voru, eins og sjálfstæðismenn höfðu
ítrekað bent á, að stjórn Sambands
íslenskra sveitarfélaga var andsnú-
in frumvarpinu eins og það lá fyrir.
Samkvæmt nýjum verkaskiptalög-
um ríkis og sveitarfélaga er upp-
bygging skólahúsnæðis alfarið á
kostnað sveitarfélaga. Þess vegna
var frumskilyrði að hafa samráð
við sveitarfélögin ef framgangur
markmiða frumvarpsins átti að vera
tryggður. En það hafði flytjendum
frumvarpsins láðst að gera.
Helstu stefnumarkandi atriði
frumvarpsins fyrir framtíðarmótun
grunnskólans eru atriði eins og ein-
setinn skóli, fækkun nemenda í
bekkjum og lengdur skólatími. Þessi
atriði vógu þungt að mati sjálfstæð-
ismanna enda í samræmi við þeirra
fyrri tillögur um grunnskólann. Það
var ástæðan fyrir því að þeir töldu
rétt að styðja frumvarpið með
áorðnum breytingum þrátt fyrir
ýmsa smærri vankanta þess.
Ljóst var að hefði grunnskóla-
frumvarpið ekki náð fram nú, hefðu
liðið amk. tvö ár þar til hægt yrði
að leggja fram nýtt frumvarp á
Alþingi. Grunnskólinn eins og hann
er í dag er ekki í takt við það samfé-
lag sem við búum í og skólinn á
að þjóna. Þess vegna voru menn
sammála um að tíminn væri of
dýrmætur til þess að láta árin líða
án þess að framtíðarstefna í mál-
efnum grunnskólans væri mörkuð.
Sjálfstæðismenn fengu breytt
ýmsum mikilvægum atriðum í með-
förum þingsins og skal hér getið
sérstaklega þriggja atriða. í fyrsta
lagi það að orðið „heildstæður skóli“
var tekið út. í frumvarpinu stóð að
hver grunnskóli ætti að vera heild-
stæður (þ.e. rúmi allt grunnskóla-
„Grunnskólinn eins og
hann er í dag er ekki í
takt við það samfélag
sem við búum í og skól-
inn á að þjóna. Þess
vegna voru menn sam-
mála um að tíminn væri
of dýrmætur til þess að
láta árin líða án þess
að framtíðarstefna í
málefnum grunnskól-
ans væri mörkuð.“
Sigrún Gísladóttir

KJARAKAUP!
........ ■ . . . ■ ' -'T ' - •
386T TOLVA A AÐEINS
KR. 299.000.1!
Nú bjóðum við þessa öflugu HYUNDAI
tölvu á einstöku verði I
Tæknilýsing:
• Super VGA iitaskjár (1024x768 línur).
• 4 Mb vinnsluminni.
• 52 Mb harður diskur, 17 ms miðsóknartími.
• 33 MHz vinnsluhraði, 64 Kb „Cache" minni.
Staögrelösluafsláttur er 10%
STÆKNIVAL
SKEIFUNNI 17 • 108R. • S. 681665
stigið frá 6-16 ára). Víða er grunn-
skólastiginu skipt milli skóla í barn-
astigs- og unglingastigsskóla með
góðum árangri. Því er engin ástæða
til að meina sveitarfélögum slíkt
fyrirkomulag. Eftir stendur: „Stefnt
skal að því að hver grunnskóli sé
einsetinn."
Önnur breyting var enn frekari
lenging á daglegum skólatíma nem-
enda og var það fært til samræmis
við tillögur Kennarasambands ís-
lands.
Þriðja breytingin varðar nemend-
aflölda í bekk. I frumvarpinu var
gert ráð fyrir 22 nemendum í 1.-3.
bekk (6-8 ára). Sjálfstæðismenn
'lögðu fram tillögu um enn færri
nemendur í 1. bekk, þ.e. 6 ára. í
ljósi þess að í leikskóla eru þijár
fóstrur með 22 barna hóp, er óraun-
hæft að þegar í skólann er komið
væri einn kennari með þennan sama
fjölda. í nýju lögunum er þess
vegna, samkvæmt tillögu sjálfstæð-
ismanna, gert ráð fyrir 18 nemend-
um í 1. bekk. Upphaf tíu ára skóla-
göngu einstaklingsins er eitt mikil-
vægasta skólaárið og því er aug-
ljóst gildi þessarar breytingar.
Það sem eftir stendur er að óska
þess að unnið verði markvisst bæði
af hálfu ríkis og sveitarfélaga að
framgangi markmiða nýrra grunn-
skólalaga. Ef rétt er að staðið verð-
ur grunnskólanum okkar gert kleift
að standa undir nafni og uppfylla
þær kröfur sem til hans eru gerðar.
Höfundur er skólastjóri og
bæjarfulltrúi í Garðabæ.
Jónas Sen
á EPTA
tónleikum
FIMMTU píanótónleikar á veg-
um EPTA (Evrópusambands
píanókennara) verða haldnir
laugardaginn 13. apríl 1991 í
Kirkjuhvoli, Garðabæ kl. 17.00.
Sömu tónleikar verða síðan end-
urteknir mánudaginn 22. apríl í
íslensku óperunni.
Jónas Sem er fæddur 1962. Hann
lauk einleikaraprófi frá Tónlistar-
skólanum í Reykjavík aðeins 17 ára
gamall og var þá yngsti nemandinn
í sögu skólans sem slíkt jjróf hafði
tekið. Kennari hans var Árni Krist-
jánsson. 14 ára hélt hann sína
fyrstu tónleika með hljómsveit óg
á námsárum sínum hér kom hann
oft fram sem einleikari, m.a. með
Sinfóníuhljómsveit íslands, Fíl-
harmóníuhljómsveitinni i Bergen,
Sinfóníuhljómsveit æskunnar í Lon-
don og víðar. Að loknu stúdents-
prófi fór Jónas í framháldsnám til
Parísar og var þá styrkþegi franska
ríkisins í 4 ár. Kennarar hans þar
voru þau Pierre Sancan og Monique
Deschausseés. Vorið 1988 hélt Jón-
as sínu fyrstu sjálfstæðu tónleika
Jónas Sen, píanóleikari.
hér á landi og vöktu þeir mikla
athygli. í London í júlí næstkom-
andi mun Jónas koma fram sem
fulltrúi íslands á tónleikum alþjóð-
legrar ráðstefnu Evrópusambands
píanókennara, en um þessar mund-
ir stundar hann einmitt nám þar í
borg. Síðar leikur hann þar verk
eftir Brahms, Skrjabín og Liszt.
Á efnisskrá Jónasar að þessu
sinni eru sex fantasíur op. 116 eft-
ir Brahms, Kreisleríana Schum-
anns, Grónar götur eftir Janacek
og 7. sónata Skrjabíns, Hvíta mess-
an svokallaða.
Má fjölga atvinnutækifærum í dreifbýlinu?
NAVOLLUM
10 til 17
Fjallað verður um þörf á nýjum atvinnutækifærum
til sveita, starf atvinnumálafulltrúa,
staðbundin átaksverkefni, hlutverk sveitarfélaga
í atvinnulífinu, nýsköpunarvinnubrögð,
stofn- og rekstraráætlanir,
Ferðaþjónustu bænda, minjagripagerð o.fl.
Skráning í © 95-24981 fyrir 13. apríl
ekkert þátttökugjald