Morgunblaðið - 11.04.1991, Blaðsíða 20

20
MORGUNBLAÐIÐ FIMMTUDAGUR 11. APRÍL 1991
Nýr flugvöUur á grynn-
ingum við Alftanes
eftir Þórberg
Olafsson
Fyrir rúmu ári birtist í Morgun-
blaðinu grein sem ég skrifaði og
fj'allaði um að gerð yrði ítarleg
könnun á því hvort hagkvæmt
mundi vera, m.a. af öryggisástæð-
um, að gera flugvöll á grynningun-
um við Álftanes. Þetta mál hefur
mikið verið rætt við mig og ég
hefi verið hvattur til að vekja það
til frekari umræðu.
Reyndir flugmenn hafa tjáð mér
þá skoðun sína að flugvöllur á
þessum stað mundi verða til mikils
öryggis fyrir allt flug, innanlands
sem utan. Stundum hafi slík óveð-
ur geisað að hvorki hafí verið lend-
andi á Keflavíkur- eða Akureyrar-
flugvelíi og hafi þá flugvélar orðið
að fljúga til Skotlands, en elds-
neytisskortur gæti hindrað slíkt
flug.
Ef flugvöllurinn væri rétt ofan
við yfirborð sjávar væri loftið þétt-
ara og burðargeta þess meiri en á
flugvöllum sem stæðu hærra yfir
sjó og jafnvindi mundi vera mun
meira við Álftanes en á Reykjavík-
urflugvelli vegna hæða umhverfis
völlinn.
Heyrt hefi ég þá skoðun setta
fram að í stað Reykjavíkurflugvall-
ar eða flugvallar við Áíftanes komi
til greina að leggja hraðbraut á
milli höfuðborgarsvæðisins og
Keflavíkurflugvallar, en jafnframt
er mér sagt að hraðbraut muni
verða það dýr að byggðin væri
raunar of fámenn til að standa
undir þeim gífurlega kostnaði.
Einnig er það álit margra að vin-
sælla verði að flugvöllur yrði við
Álftanes, sérstaklega hvað varðar
fólk á höfuðborgarsvæðinu. Þá
vaknar líka sú spurning hvort
Keflavíkurflugvöllur, sem jafn-
framt er herstöð, er nægilega ör-
uggur ef ófriðartímar ganga yfir
á ný og íslendingar gætu tengst,
sem aðilar að Sameinuðu þjóðun-
um.
Nýtt byggingarsvæði fyrir
miðborg Reykjavíkur
Þá vil ég lítillega geta nokkurra
atriða sem ég skýrði frá í grein
er kom í Morgunblaðinu 4. janúar
1990 varðandi tilfærslu Reykjavík-
urflugvallar.
Samkomulag yrði að nást við
eigendurjarðannaHliðsnes, Lamb-
haga og Hliðs sem tengjast þessu
svæði og sæi ég ekki ástæðu til
að hætta við byggingu flugvallar-
ins á nefndu svæði þó að tilflutn-
ingur fólks kæmi til með að kosta
nokkuð. Með tilfærslu flugvallarins
mundi skapast stórt byggingar-
svæði til viðbótar við miðborg
Reykjavíkur og mundi það spara
borginni hundruð milljóna vegna
þenslu og stækkunar borgarinnar.
Augljóst er að Kvosin og nágrenni
hennar í miðborginni er ailtof
þröngt og aðalumferðargötur of
þröngar til þess að geta gegnt
miðborgarhlutverki framtíðarinn-
ar. Fjölgun ökutækja og aukin
umferð hlýtur að verða samfara
fjölgun stórbygginga í miðborg-
inni.
Talið er að bifreiðum hafi fjölg-
að í Reykjavík úr 24.000 árið 1970
í 64.000 árið 1986. Sú þróun mun
vafaiaust halda áfram. Hin mikla
þensla sem virðist í sjónmáli er
m.a. ástæðan fyrir því að ég legg
til að gerð verði ítarleg könnun á
hvort til greina komi að byggja
flugvöil við Álftanes. Það er álit
verkfræðinga sem ég hefi rætt við
að feikna miklu sorpi mætti koma
fyrir í uppfyllingu á tilgreindu
svæði þó að fylla yrði með gijóti
og möl undir aðalflugbrautir út og
inn tjörnina, en þverbrautir yrðu
yfir Hliðsnes og út á grynningarn-
ar sem ná langt út/ í fjörð.
Flutningskostnaður sparast
Nú, þegar farið er að fjalla um
að leggja sorpeyðingargjald á íbúa
höfuðborgarsvæðisins vegna
kostnaðarsamrar vinnu við sor-
peyðingu, finnst mér sjálfsagt að
kanna hvort ekki sé hægt að spara
tugi milljóna með því að koma fyr-
ir sorpi á umræddu flugvallarsvæði
sem væri þá uppfylling innan við
brimbijóta og þurrlendið yrði
þannig stækkað. Þetta svæði virð-
ist ekki minna að stærð en Reykja-
víkurflugvöllur eða jafnvel stærra.
Höfuðborg landsins fengi þá
mikið og gott miðborgarsvæði til
viðbótar þar sem nú er Reykja-
víkurflugvöllur. Jafn gott mið-
borgarsvæði er að mínu áliti ekki
annars staðar sjáanlegt, stórt, slétt
og hagkvæmt fyrir allan_ gróður
borginni til yndisauka. Ég hefi
ekki hrifist af hugmyndum þeirra
sem vilja stækka miðborgina með
T I L B 0 Ð Á R S 1 N S
VEGNA HAGSTÆÐRAINNKAUPA
GETUM VIÐ BOÐIÐ
UM 47.000,- KR. VERÐLÆKKUN
Rubin ljós eik, 160 x 200 cm, með náttborðum og dýnum
(spring- eða latexdýnur).
Verð kr. 102.457,- stgr. og lánaverð kr. 109.457,-
Áður kr. 146.355,- stgr. og lánaverð kr. 156.529,-
_____________________Dæmi um greiðslumáta:_______________________
l)Visa/Euro raðgreiðslur í _ 2) Munalán í 30 mánuði.
11 mánuði, ca. 10.888,- Útborgun 27.364,-, afborgun
hvern mánuð. á mánuði ca. 3.500,-
Umboðsmenn: Austurland: Hólmar hf., Reyðarfirði.
Norðurland: Vörubær, Akureyri. Vestfirðir: Húsgagnaloftið, ísafirði.
Þórbergur Ólafsson
„Ef flugvöllurinn væri
rétt ofan við yfirborð
sjávar væri loftið þétt-
ara og burðargeta þess
meiri en á flugvöllum
sem stæðu hærra yfir
sjo.“
því að fylla upp Reykjavíkurhöfn
eða Reykjavíkurtjörn.
Skerjafjarðarbrú
frekar enjarðgöng
Það mundi greiðast úr gífurleg-
um umferðarþunga að og frá mið-
borginni ef brú kæmi yfir Skeija-
fjörð yfir á Álftanes frá núverandi
flugvailarsvæði. Gæti sá vegur
tengst vegi að og frá flugvelli á
Álftanesi um Gálgahraun, Engidal
og upp á Keflavíkurveg og þaðan
í ýmsar áttir.
Þá vil ég greina frá því að mér
hefur ítrekað verið bent á að koma
því á framfæri að komi brú yfír
Skeijafjörð þá mundi það spara
þann mikla kostnað sem færi í að
grafa jarðgöng undir Kópavog.
Mér virðist framsettar hugmyndir
vera líklegar til að bæta alla um-
ferð um höfuðborgarsvæðið.
Nú þegar reisa á nýja flugstjórn-
armiðstöð við Reykjavíkurflugvöll
er ástæða til að hugieiða reglur
Aiþjóða flugmálastofnunarinnar. Á
Reykjavíkurflugvelli er öryggi ekki
í samræmi við öryggiskröfur eins
og ég hefi séð þeim lýst. Miklar
tálmarnir eru þar uþp taldar af
hæðum og háum byggingum um-
hverfis völlinn.
Helstu hindranir eru: Sjómanna-
skóiinn (86 metrar), Borgarsjúkra-
hús (85 m), Digranesháls (84 m),
reykháfur á Kletti (83 m), Háa-
leitishverfi (71 m), Öskjuhlíð +
veitingahús (68 m), Laugarás-
hverfi (75 m) og Hallgrímskirkja
(110 m).
Ef til vill er full ástæða til að
taka til athugunar hvort til greina
kæmi að hafa atkvæðagreiðslu á
Stór-Reykjavík,ursvæðinu um þetta
mál.
Höfundur er skipasmíðameistari
og fyrrverandi forstjóri
skipasmíðastöðvarinnar Bátalóns
hf.
Bréf til ritstjórnar
Morgunblaðsins
eftir Hauk
Eggertsson
Reykjavíkurbréf Morgunblaðsins
7. október sl. er helgað málefnum
kommúnismans. Þar eru dregnar
fram margar hliðar þessarar hel-
og ógnarstefnu, og hinar hrikalegu
afleiðingar hennar. Svartprentaður
útdráttur bréfsins hljóðar svo:
„Það er meira en tímabært, að
samið sé aðgengilegt yfirlit yfír
skoðanir og ummæli ýmissa ís-
lenskra vinstrisinna og kommúnista
á liðnum áratugum, til að fólk geti
séð þar svart á hvítu, hveiju hefur
verið haldið á loft í umræðum hér
og hveiju hefur verið spáð um fram-
tíð lands og þjóðar, m.a. af stjórn-
málamönnum, sem hafa notið tölu-
verðs fylgis."
Ég hugsaði sem svo: „Loksins,
loksins" (K.A.) ætlar Morgunblaðið
að láta „íslenska vinstrisinna og
kommúnista“ svara fyrir þjónkun
sína við þessa ógnarstefnu, sem
hálfur heimurinn hefur stunið og
stynur enn undan. Þeir þykjast
gleðjast yfir frelsi undan kommún-
ismanum, þar sem það gefst, en
halda þó sinni stefnu. Ég hef al-
mennt ekki séð að þeir hafi breytt_
um hugarfar, né heldur hvers konar
stjórnarfar þeir bjóða okkur íslend-
ingum, ef þeir kæmust til þeirra
áhrifa að geta ráðið þar um. En
það eru til heiðarlegar undantekn-
ingar. Einn af dyggustu kommún-
istum liðinna áratuga, Örn Erlends-
son, sjálfur formaður „Vináttufé-
lags við Austur-Þýzkaland“, lýsir
yfir í viðtali við DV 17. desember
sl. eftirfarandi:
„Við ákváðum á fundi í síðustu
viku að leggja félagið formlega nið-
ur eftir 37 ára starf. Um það voru
allir sammála. Eflaust munu marg-
ir ganga til liðs við Germaníu en
sjálfur ætla ég aðeins að jafna mig
eftir fortíðina. Sjálfsagt er ég sá
Islendingur sem hef oftast farið í
gegn um Berlínarmúrinn og óneit-
anlega er ég miður mín út af því
hvernig fór fyrir draumsýninni. Mér
líður eins og ég hafi Svartapétur á
hendi og öngul í rassi.“
Haukur Eggertsson
„Ég hef almennt ekki
séð að þeir hafi breytt
um hugarfar, né heldur
hvers konar stjórnarfar
þeir bjóða okkur íslend-
ingum, ef þeir kæmust
til þeirra áhrifa.“
Hann segist hafa bundið miklar
vonir við þá þjóðfélagstilraun, sem
var gerð í austantjaldsríkjunum, en
játar,
„að í upphafi hefur verið vitlaust
gefið í því spili. Því hafi farið eins
og fór: Kerfið át sig sjálft upp inn-
an frá og hrundi."
Þetta er drengileg yfirlýsing Arn-
ar, hann skilur við hreint borð og
má vera stoltur af því. Ég hefði
viljað sjá fleiri slíkar. Þetta finnst
mér mikil og góð frétt, sem allur
landslýður hafi þurft að sjá og heyra
— en hún birtist ekki í Morgunblað-
inu svo að mér sé kunnugt. Og mér
finnst, að Morgunblaðið hafí ekki
enn fylgt eftir þeirri ætlan sinni
(heiti sínu?), sem sett var fratn í
Reykjavíkurbréfinu 7. október sl.,
eða hefur það farið fram hjá mér?
Höfundur cr forstjóri í Reykjavík.