Morgunblaðið - 20.07.1991, Blaðsíða 7
7
t(>31 Uin, .02 St.o/ íM!
20. JtJLl 1991
) Kartöfluuppskeran:
Eitt kíló af nýj-
um kartöflum á
139 krónur
GLÆNÝJAR íslenskar kartöflur komu í
verslanir á höfuðborgarsyæðinu í gær. Þær
upplýsingar fengust hjá Ágæti hf. að kílóið
af kartöflum væri selt á 139 kr.
Magnús Sturluson hjá Ágæti hf. sagði að
tekið hefði verið á móti 3-4 tonnum af kartöfl-
um í gærmorgun og þeim strax komið til versl-
anna. Hann sagði að von væri á 6 tonnum um
helgina og kæmu þær kartöflur í búðir strax
eftir helgi. Kartöfluuppskeran er fyrr á ferð-
inni í sumar en vanalega og eru horfur á góðri
uppskeru.
Húsaviðgerðir:
Húseigendur
vandi til
samninga
NEYTENDASAMTÖKIN, Húseig-
endafélagið og Meistara- og verk-
takasamband byggingamanna
hvelja húseigendur til að ganga
tryggilega frá því I skriflegum
samningum við þá aðila sem
fengnir eru til að annast viðgerðir
húsa, hvað nákvæmlega eigi að
gera og hvað það muni kosta.
Einnig komi fram að um öll frá-
vik þurfi að semja sérstaklega, til
dæmis komi í Ijós að viðgerð verði
viðameiri en í upphafi var talið.
í fréttatilkynningu frá þessum
aðilum segir að algengt sé að ekki
sé gengið nógu vel frá því í samning-
um við verktaka hvað gera eigi og
hvað það muni kosta. Þess séu alltof
mörg dæmi að þeir sem bjóði þjón-
ustu sína geri óljós tilboð sem síðar
standist ekki, jafnvel að hlaupist sé
frá óloknu verki. Þá séu of mörg
dæmi um að reikningar séu í engu
samræmi við áður gerðar kostnað-
aráætlanir eða óljós tilboð. Oft skeiki
hundruðum þúsunda á upphaflegri
kostnaðaráætlun og endanlegum-
kostnaði, jafnvel þegar um sé að
ræða viðgerðir á íbúðarhúsum.
Þá eru húseigendur hvattir til að
biðja verktaka að framvísa meistara-
skírteinum frá Meistara- og verktak-
asambandi byggingamanna.
-------------
Landbúnaðar-
ráðherra:
Sparnaðar-
tillögur í lok
næstu viku
Landbúnaðar- og samgöngu-
ráðherra stefnir að því að tillögur
um niðurskurð á fjárlögum næsta
árs í þessum ráðuneytum liggi í
stórum dráttum fyrir í lok næstu
viku.
Gert er ráð fyrir að dregið verði
úr útgjöldum sem nemi hátt á annan
milljarð í landbúnaðarráðuneytinu og
um 1,5 milljarð í samgönguráðuneyt-
inu, annaðhvort með spamaði eða
auknum tekjum.
„Þessar tölur miðast við fjárlaga-
tillögurnar eins og þær lágu fyrir í
ráðuneytunum í vor þegar ég tók
við,“ sagði Halldór Blöndal landbún-
aðar og samgönguráðherra við
Morgunblaðið.
„En þær tillögur voru ekki fullunn-
ar og þar em ýmis álitamál. Til
dæmis var samþykkt landgræðslu-
áætlun sem þingsályktun á síðasta
þingi. Treystum við okkur til að
standa við hana að fullu? Það er tal-
ið að nauðsynleg hafnaraðstaða fyrir
Vestmannaeyjaferju, sem þarf að
vera tilbúin á næsta ári, kosti um
250 milljónir. Það eru fleiri slík fyrir-
heit eða skuldbindingar sem við
stöndum frammi fyrir og þarf að
bregðast við,“ sagði Halldór.
PARADÍS
fyrir alla fjölskylduna
Hótel Örk í Hveragerði er eitt glæsilegasta hótel
landsins í falleg umhverfi
og meö aðstööu sem á sér enga líka.
•
Glæsileg herbergi
Veitinga- og ráðstefnusalir
Þreksalur, gufubað og nudd
Hárgreiðslu- og snyrtistofa
Utisundlaug með vatnsrennibraut
Barnalaug og heitir pottar
Trampólín
Skokkbraut
Tennisvellir
Níu holu golfvöllur
Púttvöllur
•
Umhverfið er upplagt til skoðunar- og gönguferða
að ógleymdu Tívólíi fyrir börnin.
Sæludagar: Sérstakt dvalartilboð
HÓTELÖfX
Nánari upplýsingar veittar í síma 98 - 34700 fax 98 - 34775