Morgunblaðið - 20.07.1991, Blaðsíða 35

MORGUNBLAÐIÐ IÞROTTIR LAUGARDAGUR 20. JÚLÍ 1991
35
KNATTSPYRNA / 2. DEILD
Markasúpa á Skaganum
SKAGAMENN voru minnugir
ófaranna á Selfossi fyrr í vik-
unni þegar þeirtóku á móti
Haukum í gærkvöldi á Akra-
nesi. Þeir höfðu yfirburði á öll-
um sviðum og þegarflautan
gall f síðasta sinn höfðu þeir
sent knöttinn níu sinnum í
mark mótherjanna og hefði sig-
urinn allt eins getað orðið
stærri.
Ballið byrjaði á 2. mínútu þegar
Haraldur Ingólfsson skoraði
af stuttu færi eftir fyrirgjöf Bjarka
Gunnlaugssonar. Bjarki sendi síðan
Sigþór
Eiríksson
skrifarfrá
Akranesi
á tvíburabróður sinn
Amar á 8. mín sem
skoraði. Bjarki var
enn á ferðinni á 16.
mín þegar hann gaf
á Harald frá endamörkum og enn
og aftur lá boltinn í netinu. Fjórða
mark heimamanna kom á 39. mín
og enn eina ferðina átti Bjarki stór-
an þátt í markinu. Hann lék á íjóra
varnarmenn, gaf á Arnar sem var
í opnu færi og skoraði.
Einni mínútu síðar skoraði Þórð-
ur Guðjónsson fimmta markið.
Hann náði knettinum af varnar-
Bjarki Gunnlaugsson
manni, komst inn fyrir vörnina og
skoraði auðveldlega.
Framan af síðari hálfleik var
meiri ró yfir leiknum en á 63. mín
leiddist Sigursteini Gíslasyni þófið
og skoraði með þrumuskoti af 25
metra færi. Kostic bætti sjöunda
markinu við eftir góðan undirbún-
ing Alexanders Högnasonar og átt-
unda markið gerði Haraldur eftir
að markvörðurinn hafði verið skot
frá Bjarka.
Haraldur hafði ekki sagt sitt
síðasta orð því hann skoraði ijórða
mark sitt 2 mínútum fyrir leikslok
með skalla í stöng og inn eftir háa
fyrirgjöf Karls Þórðarsonar.
Skagamenn hafa tvívegis áður
unnið með níu marka mun. Fyrst
árið 1959 gegn ÍBK, en það ár var
í fyrsta sinn leikið í 1. deild. Skag-
inn vann þá 9:0. Árið 1973 unnu
þeir Breiðablik 10:1 í 1. deild og
þess má geta að Karl Þórðarson lék
með í þeim leik. — eins og í gæi^
kvöldi. Faðir hans, Þórður Jónsson
lék hins vegar með gegn ÍBK árið
1959.
Maður leiksins:
Bjarki Gunnlaugsson, ÍA.
HANDKNATTLEIKUR
Fyrsti
sigur Sauð-
krækinga
TINDASTÓLL vann sinn fyrsta
leik í 2. deildinni í sumar þegar
þeir lögðu Grindvíkinga að velli
4:3 í miklum baráttuleik.
Það voru gestirnir sem skoruðu
fyrst og þar var á ferðinni Ólaf-
ur Ólafsson sem skoraði með skalla
eftir hornspyrnu. Þjálfari Grindvík-
inga, Ómar Torfa-
Bjðm Björnsson son, skoraði annað
skrifarfrá mark gestanna með
Sauðárkróki kollspyrnu.
Guðbrandur Guð-
brandsson minnkaði muninn eftir
mjög vafasaomt úthlaup markvarð-
ar Grindvíkinga.
Einar Daníelsson jók forskot
Grindvíkinga á 26. mínútu með
skalla úr þröngu færi.
Grindvíkingar sóttu meira fyrstu
20 mín síðari hálfleiks en heima-
menn borðust af miklum krafti og
Guðbrandur bætti örðu marki við á
63. mín með gullfallegu skoti frá
vítateigshorni í stöngina fjær og
inn.
Á 83. mín var Guðbrandur enn
á ferðinni og jafnaði metin með
fallegu viðstöðulausu skoti. Ingi Þór
Rúnarsson tryggði heimamönnum
síðan sigur þegar hann braust í
gegnum vörn gestanna og skoraði.
Grindvíkingar reyndu af öllum
kröftum að jafna en allt kom fyrir
ekki.
Maður leiksins:
Guðbrandur Guðbrandsson, UMFT.
Jón Kristjánsson skrifar undir
Jón Kristjánsson, landsliðsmaður í handknattleik, skrifaði í gærkvöldi undir samning við þýska úrvalsdeildarl-
iðið Suhl og leikur því með því að minnsta kosti í eitt ár. Samningurinn er til þess tíma, en gert er ráð fyrir því
að hann verði framlengdur um annað ár að þeim tíma loknum. „Þetta er mjög gott mál, bæði handboltalega séð
og að öðru leyti. Samningurinn er mjög góður og klúbburinn virðist sterkur. Allt bæjarfélagið er á bak við
hann. Þarna er mikill iðnaður og ef til vill er möguleiki á að fá vinnu þarna og öðlast þannig reynslu,“ sagði Jón
við Morgunblaðið í gærkvöldi eftir undirskriftina, en hann útskrifaðist nýlega sem verkfræðingur frá Háskóla
íslands. Á myndinni eru, frá vinstri: Örn Höskuldsson, lögfræðingur Vals, Bernd Domagalla frá Suhl, Lothar
Hueklenbroich frá Suhl, Jón, Jóhann Birgisson frá handknattleiksdeild Vals og Jón Hjaltalín Magnússon, formað-
ur Handknattleikssambands íslands.
Morgunblaðið/Sverrir
Bjarni Sveinbjörnsson í baráttu við Dragan Manojlovic og Theódór Jóhannsson úr Þrótti. Jóhannes Jónsson félagi
þeirra fylgist með.
Gjafmildir Þróttarar
ÞRÓTTARAR voru einstaklega
gestrisnir þegar þeir gáf u
Þórsurum tvö mörk er liðin átt-
ust við i gærkvöldi. Þrjú mikil-
væg stig fóru því til Akureyrar
en Þróttara virðast vera að
missa af lestinni á toppi deild-
arinnar.
alldór Áskelsson átti ekki í
vandræðum með að nýta sér
gestrisni Þróttar. Fyrst skoraði
hann á 11. mínútu eftir að vamar-
■■■■■■ maður lagði knött-
Skúti Unnar inn fyrir hann.
Sveinsson Halldór bmnaði í
skrifar gegn og skoraði af
öryggi.
Síðara markið gerði hann á 77.
mínútu. Þá ætlaði varnarmaður að
gefa á markvörðinn en sendingin
var allt of laus og Halldór náði
knettinum og skoraði aftur.
Leikurinn var hræðilega slakur.
Þórsarar komu greinilega til að ná
í þrjú stig en þeir léku ekki eins
skemmtilega og þeir hafa gert.
Þróttarar voru enn slakari og lítið
sem ekkert var reynt að spila á
þeim bæ.
Heimamenn sóttu þó meira í
síðari hálfelik en sóknimar voru
aðallega í formi háspyrna fram þar
sem vamarmenn Þórsvoru of sterk-
ir fyrir framlínu heimamanna.
Maður leiksins:
Halldór Áskelsson, Þór.
og
Tveir reykvískir flugmenn
með golfdellu tóku óvenju-
legan hring á Strandarvelli á
Hellu fyrr í sumar. Þeir flugu á
lítilli einkavél frá Reykjavík,
lentu á 13. braut golfvallarins,
lögðu vélinni aftan við teiginn
og hófu leik. Fóru síðan allar
18 holurnar, ekki reyndar í réttri
röð — heldur byijuðu á 13. og
luku slætti á 12. braut — stigu
þá aftur upp í relluna og flugu
á brott! Þess má geta að 13.
braut Strandarvallar er líklega
lengsta golfbraut landsins; 542
metrar, og getur því, eins og
dæmið sannar, nýtst ágætlega
sem flugbraut.
Öruggt
hjá IBK
KEFLVÍKINGAR unnu öruggan
sigur 3:1 á Fylki í Árbænum í
gærkvöldi. Þar með eru Suður-
nesjapiltarnirenn ftoppbarát-
tunni í 2. deildinni en Fylkis-
drengirnir geta nánast afskrif-
að 1. deildarsæti að ári.
Fylkir var meira með knöttinn í
leiknum en sóknarleikur þeirra
var alveg bitlaus. Hins vegar voru
framherjar gestanna mjög frískir
■■■■■■ og gerðu hvað eftífW'
Andrés annað mikinn usla i
Pétursson Árbæjarvörninni.
skrifar Marco Tanacic gerði
tvo mörk með stuttu
millibili um miðjan íyrri hálfleik og
þannig var staðan í leikhléi.
í síðari hálfleik fór leikurinn
mest fram a miðju vallarins. Kjart-
an Einarsson gulltryggði þó sigur
Keflvíkinga með ágætu marki eftir
varnarmistök Fylkismanna. Finnur
Kolbeinsson náði reyndar að
minnka muninn fyrir Fylki skömmu
síðar með hörkuskoti en þar við sat
og öruggur og sanngjarn ÍBK-sigur
var staðreynd.
Maður leiksins:
Kjartan Einarsson, ÍBK. W'
Tíumörk
í Mjódd
ÍR-INGAR voru í stuði þegar
þeirtóku á móti Selfyssingum
í gær á heimavelli sínum. Sjö
sinnum skoruðu þeir en fengu
þrjú mörk á sig.
Það voru ekki liðnar nema 3.
mínútur þegar Kjartan Kjart-
ansson skoraði fyrsta mark leiksins
eftir varnarmistök. Kristján Hall-
dórsson skoraði á
ómar 10. mín gullfallegt
Stefánsson mark eftir sendingu
sknfar frá Tryggva Gunn-
arssyni.
Tryggvi skoraði sjálfur þriðja og
fjórða mark ÍR en Páll Guðmunds-
son minnkaði muninn með fallegu
viðstöðulausu skoti rétt utan teigs
eftir aukaspyrnu. Pétur Jónsson
gerði fimmta mark heimamanna á
31. mín eftir fallega sókn ÍR.
Porca minnkaði enn muninn fyrir
gestina eftir að hann fékk boltann
inn fyrir vörn ÍR. Tiyggvi gerði
þriðja mark sitt og sjötta mark ÍR
með fallegu skoti beint úr auka-
spyrnu en Ómar Valdimarsson gerði
þriðja mark Selfoss. Kjartan gerði
síðasta mark þessa mikla marka-
leiks í Mjóddinni.
Maður leiksins:
Tryggvi Gunnarsson, ÍR.