Morgunblaðið - 05.01.1992, Qupperneq 6

6 FRÉTTIR/INNLEIMT
MORGUNBLAÐIÐ SUNNUDAGUR 5. JANtÍAR 1992
Morgunblaðið/Jón Gunnlaugsson
Fyrst kvenna í rótarýklúbb
Sigrún Pálsdóttir vélaverkfræðingur er fyrsta
konan sem gengur í rótarýklúbb á íslandi. Sig-
rún vinnur hjá Jámblendiverksmiðjunni á
Grundartanga og er hér með Þorsteini Hannes-
syni, forseta Rótarýklúbbs Akraness, á fyrsta
fundinum sem hún sótti í klúbbnum sl. fimmtu-
dag.
Borgarráð:
Hækkun á gjaldskrá
íþróttamannvirkja
BORGARRÁÐ hefur samþykkt með þremur samhljóða atkvæðum
eftirfarandi breytingar á gjaldskrá íþróttamannvirkja í Reykjavík,
og tóku þær gildi 1. janúar 1992.
í Laugardalshöll hækkar gjald
fyrir æfingar í aðalsal úr 3.800
krónum í 4.400 krónúr eða um
15,78%, í borðtennissal er hækkun-
in úr 1.100 krónum í 1.300 krónur
eða um 18,18%. Fyrir sýningar
hækkar gjald á hvem fermetra úr
58 krónum í 67 krónur eða um
15,52%, fyrir tónleika er greitt 20%.
Lágmarksgjald fyrir tónleika og
fyrir fundi hækkar úr 110 þúsund
krónum í 127 þúsund krónur eða
um 15,45%.
Gjald fyrir íþróttasali á Laugar-
dalsvelli hækkar úr 2.100 krónum
í 2.400 krónur eða um 14,25% og
í leikfimisal hækkar gjaldið úr
1.100 krónum í 1.300 krónur eða
um 18,18%. Á gervigrasvelli, án
ljósa hækkar gjaldið úr 3.000 krón-
um í 3.400 krónur eða um 13,33%
og með Ijósum úr 4.000 krónum í
4.600 krónur eða um 15%. Leiga á
skautasvellinu án ljósa hækkar úr
5.000 krónum í 5.500 krónur eða
um 10% og með ljósum úr 6.000
krónum í 6.500 krónur éða um
8,33%.
Leiga í Hagaskóla fyrir æfingar
hækkar úr 2.100 krónum í 2.400
krónur eða 14,28% og leiga vegna
keppni er 10% af gjaldinu. Leiga í
Seljaskóla fyrir æfingar hækkar úr
3.000 krónum í 3.400 krónur eða
um 13,33% en leiga vegna keppni
er 10% af gjaldinu.
Leiga fyrir aðra íþróttasali
hækka úr 1.100 krónum í 1.300
krónur eða um 18,18% fyrir sal sem
er 10x20 metrar. Fyrir sal sem er
15x27 metrar hækkar leigan úr
1.800 krónum í 2.100 krónur eða
um 16,66% og í 18x33 metra sal
hækkar leigan úr 2.100 krónum í
2.400 krónur eða um 14,28% og
fyrir sal sem er 27x45 metrar
hækkar leigan úr 3.000 krónum í
3.400 krónur eða um 13,33%.
Hafrannsóknastofnun:
Starfsmenn ósammála fjármála-
ráðuneyti um sj ómannaafslátt
Rannsóknarmenn hjá Hafrannsóknastofnun eru ósammála þeirri
túlkun fjármálaráðuneytisins að þeir eigi ekki lengur rétt á sjó-
mannaafslætti á meðan þeir eru við fiskirannsóknir á skipum stofn-
unarinnar.
Ákvæðum laga um sjómanna-
afslátt á tekjuskatti var breytt á
Alþingi í tengslum við ijárlagagerð-
ina fyrir jólin og túlkar fjármála-
ráðuneytið lögin nú þannig, að hér
eftir eigi þeir einungis rétt á afslátt-
inum, sem ráðnir séu til sjómanns-
starfa og aðeins í þá daga sem þeir
séu lögskráðir. I yfirlitsgrein í
Morgunblaðinu um fjárlögin fyrir
áramót kom einnig fram sú túlkun
ráðuneytisins að rannsóknarmenn
Hafrannsóknastofnunar ættu ekki
lengur rétt á afslættinum í rannsókn-
arferðum, og höfðu rannsóknar-
mennirnir ekki áður vitað af því.
Bjöm Ævar Steinarsson líffræð-
ingur sagði við Morgunblaðið, að á
föstudag hefðu rannsóknarmenn far-
ið yfir málið á fundum og fengið
aðstoð við að túlka nýju lögin og
greinargerð með þeim. I lögum um
lögskráningu segði að skylt væri að
lögskrá skipveija, og í sjómannalög-
um væri skipverji skilgreindur sem
aðili sem útgerðaraðili ræður til að
sjómannsstarfa og/eða sérhæfðra
starfa.
„Okkur finnst að okkar störf á sjó
hljóti að falla undir þessi sérhæfðu
störf og við teljum að útgerðaraðili
sé í þessu tilfelli Hafrannsóknastofn-
un. Þar með séum við skipveijar og
þar með sé skylt að lögskrá okkur
eins og alltaf hefur verið gert. Þá
teljum við okkur vera í áhöfn ha-
frannsóknarskipa þar sem rannsókn-
arskip stundi rannsóknir og til þess
þarf áhöfnin að vera skipuð vísinda-
mönnum, og sjómenn hljóta að vera
þeir sem starfa á sjó. Því er okkur
hulið hvemig hægt er að komast að
þessari niðurstöðu," sagði Bjöm
Ævar.
Hann sagði að rannsóknarmenn-
imir væru mismunandi marga daga
á sjó á ári, frá nokkrum dögum upp
í 100 daga. Samkvæmt því geta þeir
fengið allt að 100 þúsund krónur á
ári í sjómannaafslátt.
Rannsóknaskip Hafrannsókna-
stofnunar fóru í leiðangur á föstu-
Hreppsnefnd Skútustaðahrepps:
Minnkandi silungsveiði í
Mývatni verði rannsökuð
SVEITARSTJÓRN Skútustaðahrepps hefur samþykkt erindi til ríkis-
sljórnarinnar þar sem þess er farið á Ieit að ríkisvaldið beiti sér
fyrir sérstökum rannsóknum á bleikju- og urriðastofni Mývatns með
það að markmiði að leiða í ljós hver sé orsök eða orsakir minnk-
andi silungsveiði í Mývatni á síðari árum.
Erindið er rökstutt með greinar-
gerð þar sem segir að nytjar veiði-
hlunninda í Mývatni séu veiðiréttar-
hafa mikilvæg og að samdráttur í
venjulegum landbúnaði auki enn
mikilvægi þessara hlunninda. Þá
hafi aldalöng hefð silungsveiða í
vatninu skapað einn þátt atvinnu-
menningar sem beri að viðhalda auk
þess sem óvissa um orsakir minnk-
andi veiði valdi spennu og hafi
óæskileg áhrif á svæðinu.
Hreppsnefndin telur verkefnið
vera svo viðamikið að hreppurinn
ráði ekki við það einn. Því sé eðli-
legt að Veiðimálastofnun sé falið
verkefnið í samvinnu við veiðirétt-
arhafa og e.t.v. fleiri. Þar sem Al-
þingi hafi með lagasetningu sett
skorður við nýtingu lands og mögu-
leikum atvinnuuppbyggingar í Mý-
vatnssveit hljóti það að hafa skyld-
um að gegna að þessu leyti.
Akranes:
Afmælis-
ár gengið
í garð
Akranesi.
NÚ ER gengið í garð af-
mælisár á Akranesi, en lið-
in eru 50 ár frá því bærinn
fékk kaupstaðaréttindi árið
1942. Á nýársdag var
fáninn því víða við hún,
bæði hinn íslenski og eins
bæjarfáninn.
Á árinu mun hver viðburð-
urinn reka annan og má segja
að heimamenn hafí ekki lengi
þurft að bíða eftir þeim fyrsta
eftir að val á íþróttamanni
ársins var kunngert. Gert er
ráð fyrir að í þessum mánuði
verði fyrsti hluti nýrrar bygg-
ingar Fjölbrautaskóla Vestur-
iands formlega tekinn í notk-
un og sömuleiðis fyrsti hluti
heilsugæslustöðvar. Þá mun
bæjarstjórn Akraness halda
hátíðarfund 25. janúar n.k.
Margt fleira er á dagskrá,
sem gert verður skil síðar.
En byijunin lofar góðu.
- J.G.
dagskyöld samkvæmt áætlun, en
fyrr um daginn höfðu komu fram
uppástungur frá rannsóknarmönn-
unum um að hefja þegar aðgerðir
til að mótmæla fyrirhuguðu afnámi
afsláttarins. Björn Ævar sagði að
þeir myndu ekki gefa þennan rétt
sinn eftir, og ef til þess kæmi yrði
þrýst á með þeim hætti sem hægt
væri. En beðið yrði átekta þar til
lokið hefði verið við að semja reglu-
gerð í fjármálaráðuneytinu, þar sem
nánar verður kveðið á um fram-
kvæmd sjómannaafsláttarins.
Misheppnaða ránið
við ÁTVR;
Maðurinn
ófundinn
ENN HEFUR ekki tekist að
hafa hendur í hári hettu-
klædda mannsins, sem
reyndi að ræna útibússtjóra
ÁTVR í Hafnarfirði föstu-
dagskvöldið 20. desember sl.
Rannsóknarlögregla ríkis-
ins vinnur að rannsókn
þessa máls en engar fréttir
eru af henni.
Sem kunnugt er réðst mað-
urinn, vopnaður stöng, að úti-
bússtjóranum um klukkan 20
á föstudagskvöldi og reyndi
að ræna af honum andvirði
dagsölu útibúsins sem er við
Lækjargötu í Hafnarfirði. Tii
átaka kom er útibússtjórinn
varðist af hörku og lagði árás-
armaðurinn við svo búið á
flótta. Andvirði * dagsölunnar,
sem útibússtjórinn hafði í
tösku, nam rúmlega 8 milljón-
um króna.
Alþingi tekur til
starfa á morgun
ALÞINGI íslendinga kemur saman til fundarhalda að afloknu jóla-
leyfi á morgun, mánudag, og er það tveimur vikum fyrr en hafði
verið ráðgert í upphaflegri starfsáætlun þingsins. Það er þó ljóst
að þörf er á því að gera þinghlé þótt síðar verði.
í næstu viku verður það verk-
efni þjóðþingsins að ræða og af-
greiða þau frumvörp sem eru
nauðsynleg til þess að forsendur
samþykktra fjárlaga standist en
ákveðið var fyrir jól að fresta af-
greiðslu þessara mála fram yfir
áramótin. Hér er um að ræða
frumvarp til lánsfjárlaga árið
1992, frumvarp um ráðstafanir í
ríkisíjármálum á árinu 1992 og
einnig varð samkomulag um að
fresta afgreiðslu á frumvarpi um
breytingar á lögum um Hagræð-
ingarsjóð sjávarútvegsins. Fram-
sóknarmenn hafa þessu til viðbót-
ar óskað eftir umræðum utan dag-
skrár um GATT-viðræðurnar.
Þessi utandagskrárumræða verður
e.t.v. næstkomandi þriðjudag.
í upphaflegri starfsáætlun Al-
þingis var áformað að Alþingi
kæmi ekki saman fyrr en 21. dag
janúarmánaðar en vegna hinna
mikilvægu mála sem enn eru óaf-
greidd varð það sammæli að hefj-
ast fyrr handa. Að sögn Salome
Þorkelsdóttur forseta Alþingis
hafði verið gert ráð fyrir því að
endurskoða starfsáætlunina um
áramótin. Það liggur þó fyrir að
þörf er á því að gera nokkurt hlé
á störfum þingsins bæði til þess
að þingmönnum gefist kostur að
ræða landsmálin við kjósendur
sína og ýmsa hagsmunaaðila og
ekki síður til þess að veita starfsl-
iði Alþingis nokkurt ráðrúm til að
ganga frá nauðsynlegri vinnu og
skrásetningu sem óhjákvæmilega
hlýtur að leiða af störfum þings-
ins, t.a.m. er auðheyrt að umræð-
ur desembermánaðar með ítrekuð-
um kvöld- og næturfundum eru
meira en nóg verkefni fyrir ræðu-
ritun þingsins næstu þijár vikum-
ar, þó ekki bætist við ítarlegar eða
langar umræður í þessum mánuði.