Morgunblaðið - 29.01.1992, Qupperneq 16

16
MORGUNBLAÐIÐ MIÐVIKUDAGUR 29. JANUAR 1992
Háskóli íslands:
Ráðstefna um at-
vinnumál stúdenta
ATVINNUMÁLARÁÐSTEFNA stúdenta verður haldin föstudag-
inn 31. janúar næstkomandi í Háskólabíói. Ráðstefnan er haldin
á vegum Atvinnumálanefndar Stúdentaráðs, Upplýsingaþjónustu
H.í. og Háskóla íslands og er þetta fyrsta ráðstefnan sinnar teg-
undar sem haldin hefur verið í Háskóla Islands. Að sögn Barkar
Gunnarssonar, framkvæmdastjóra Atvinnumálaráðstefnunnar, er
markmiðið með þessu m.a. að vekja umræðu meðal háskólastúd-
enta um framtíð í atvinnumálum þjóðarinnar.
Ráðstefnan hefst á umræðum
um nýsköpun í atvinnumálum í
aðalsal Háskólabíós kl. 13. Meðal
ræðumanna verða Sveinbjörn
Björnsson, Háskólarektor, Davíð
Scheving Thorsteinsson, iðnrek-
andi, Baldvin Jónsson, forstjóri,
og Birgir Björn Siguijónsson, frá
BHMR.
Pallborðsumræður verða fyrir
viðskipta- og hagfræðisvið, lög-
fræðisvið, verk- og raunvísinda-
svið og félagsvísindasvið og hefj-
ast þær kl. 14.15 í öllum sölum
bíósins. Framsögumenn í pall-
borðsumræðunum eru fengnir úr
þeim greinum atvinnulífsins sem
tengjast hveiju sviði fyrir sig.
Ráðstefnunni lýkur með kynn-
ingu um 40-50 fyrirtækja á hug-
myndum að náms- og lokaverk-
efnum og hefst hún kl. 15.30.
Fulltrúar fyrirtækjanna verða í
anddyri Háskólabíós og kynna á
milli 300 og 500 slík verkefni og
svara fyrirspurnum.
„Nú eru uppi hugmyndir um
að hvert fag innan Háskólans
verði í framtíðinni með reglulega
fundi, þar sem fólk úr svipuðu
námi sem er í störfum þar sem
það nýtir nám sitt, miðlar reynslu
sinni til nemendanna. Auk þess
væri gott að fá fagfélög í sam-
ráði við háskólafélög til að gera
úttekt á því hvaða störf fóik úr
viðkomandi deildum sæki mest í,
en enn sem komið er eru slíkar
upplýsingar ekki til,“ segir Börk-
ur.
Hann segir að nokkuð beri á
því að fólk útskrifist úr Háskólan-
um án þess að hafa velt því alvar-
lega fyrir sér hvað það hafi í
hyggju að gera eftir nám og því
geti ráðstefna sem þessi komið
mörgum að miklu gagni. „Það er
mikið um að eftir að hafa útskrif-
ast fari fólk í störf þar sem mennt-
un þeirra nýtist ekki sem skyldi.
Við vonumst til að koma á lag-
girnar gagnabanka, sem mun
innihalda hugmyndir atvinnulífs-
ins að náms- og lokaverkefnum
Morgunblaðið/Júlíus
Börkur Gunnarsson fram-
kvæmdastjóri Atvinnumálaráð-
stefnunnar.
og slíkt eykur tækifæri fólks til
að kynnast ákveðnum greinum
og komast í samband við fyrir-
tæki úti í atvinnulífinu," segir
Börkur.
Börkur segir að Atvinnumála-
nefnd Stúdentaráðs hafí verið
stofnuð í júlí síðastliðnum að
frumkvæði Bjarna Ármannsson-
ar, sem jafnframt er formaður
nefndarinnar, vegna hins slæma
atvinuástands í þjóðfélaginu.
„Eins og kunnugt er hefur at-
vinnuleysi háskólamenntaðs fólks
sjaldan verið meira en nú. Með
þessu sameiginlega átaki Atvinn-
umálanefndar Stúdentaráðs og
Jóns Erlendssonar hjá Upplýs-
ingaþjónustunni markar þetta að-
eins' upphafið að miklu atvinnu-
málaátaki í Háskólanum," segir
Börkur Gunnarsson.
Mál sjómannsins sem slasaðist
við björgunarstörf:
Fær fullar bætur
þegar gilt mat um
örorku liggur fyrir
- segir Kristján Ragnarsson, formaður LÍÚ
KRISTJÁN Ragnarsson, formaður Landssambands íslenskra útvegs-
manna, segir að Gunnar Kristinsson, sem slasaðist þegar hann bjarg-
aði skipsfélaga sínum úr sjónum skammt frá Surtsey 7. mars 1990,
muni fá greiddar fullar bætur samkvæmt slysatryggingu sjómanna
þegar hann leggi fram gilt mat um varanlega örorku vegna slyssins.
Um sé að ræða 4,4 milljóna kr. eingreiðslu ef örorkan er 75%, en 2,2
milljónjr ef örorkan er 50%. Oskar Vigfússon, formaður Sjómannasam-
bands Islands, sagðist engin gögn hafa séð um þetta tiltekna mál og
því gæti hann ekkert um það sagt.
„Maðurinn hefur enn ekki lagt
fram neitt mat um varanlega ör-
orku, sem tekið er gilt í þessu efni,
vegna þess að það hefur ekki borist
frá tryggingalækni. Þegar það ger-
ist, sem búist er við, mun hann fá
bætur samkvæmt slysatryggingu
sjómanna, sem er tvöföldun á bót-
um Tryggingastofnunar ríkisins.
Þarna er því um að ræða ein-
greiðslu sem er 4,4 milljónir ef ör-
orkan er 75%, og 2,2 milljónir ef
örorkan er 50%. Síðan eru ákveðnar
dagpeningagreiðslur sem við tvö-
földum líka miðað við það sem
Tryggingastofnun greiðir,“ sagði
Kristján í samtali við Morgunblaðið.
Hann sagði að Gunnar hefði
fengið greiddan fullan aflahlut í 20
daga á meðan hann var frá verki
eftir slysið, og allur sjúkrakostnað-
ur og umönnun í sambandi við að-
Málflutningur í Borgardómi Reykjavlkur um mál Jóns Laxdal gegn SIS:
Krafist 1,1% af heildareignum
SÍS til ráðstöfunar fyrir þrotabú
MÁLFLUTNINGUR fór fram í gær í Borgardómi Reykjavíkur í
máli sem Jón Laxdal, fyrrum stjórnarmaður í Kaupfélagi Svalbarðs-
eyrar hefur höfðað, vegna þrotabús kaupfélagsins, gegn Sambandi
íslenskra samvinnufélaga. Hann krefst þess að fá viðurkenndan
með dómi eignarrétt þrotabúsins á 1,1% af raunvirði heildareigna
SÍS, miðað við verðmæti þeirra í ágúst 1986, og að fá þann eignar-
hluta dreginn undir skiptin á þrotabúi Kaupfélags Svalbarðseyrar,
sem tekið var til gjaldþrotaskipta 28. ágúst 1986. Ekki verði látið
við sitja að SÍS greiði til búsins framlag kaupfélagsins í stofnsjóð
Sambandsins. Af hálfu SÍS er krafist sýknu af þessum kröfum.
Mál sitt byggir Jón Laxdal, sem úrskurður um gjaldþrotið var kveð-
tekist hafði á hendur um 40 millj.
króna ábyrgðir vegna kaupfélags-
ins, meðal annars á því að útreikn-
uð hlutdeild kaupfélagsins, sem var
eitt þeirra kaupfélaga sem stóðu
að stofnun Sambandsins, í eigin fé
SÍS, sé eign þrotabúsins og eigi að
dragast undir skiptin sem hver önn-
ur eign. Miða beri við eignastöðu
SÍS 28. ágúst 1986, daginn sem
inn upp, þar sem forsvarsmenn SÍS
og fulltrúar annarra eigenda þess
hafi frá þeim tíma útilokað félags-
aðild Kf. Svalbarðseyrar að SIS.
Frá gjaldþrotinu hafi þeir farið með
eignarhlutdeild kaupfélagsins sem
sína og rekið og stjómað SÍS án
samráðs við forsvarsmenn þrota-
búsins. Virðast forsvarsmenn SIS
telja að þeir hafi heimild til að auka
eignarhlutdeild annarra eigenda
SIS þannig á kostnað þrotabús Kf.
Svalbarðseyrar. Björgvin Jónsson
lögfræðingur, flutti málið fyrir hönd
Jóns sem prófmál til réttinda hér-
aðsdómslögmanns. Málið höfðar
Jón persónulega samkvæmt heimild
í gjaldþrotalögum, en á skiptafundi
var felld tillaga um að þrotabúið
ræki málið.
Jón Finnsson hrl, krafðist fyrir
hönd SÍS sýknu af kröfum Jóns
Laxdals og taldi löglega að uppgjör
á inneign þrotabúsins hjá SIS stað-
ið. Fram kom meðal annars hjá
honum að SÍS hefði lagt mikla
vinnu í að aflétta ábyrgðum af
stjórnarmönnum í Kaupfélaginu og
auk tapaðra krafna í þrotabúið hefði
sambandið aflétt 16,5 milljóna
króna ábyrgðum af stjórnarmönn-
Ráðstefna um stöðu Ríkisútvarps
STARFSMANNASAMTÖK Ríkisútvarpsins gangast fyrir ráðstefnu um
stöðu Ríkisútvarpsins í nútið og hlutverk þess í framtíð, í Útvarpshús-
inu við Efstaleiti 31. janúar næstkomandi. Þar er ætlunin að komi
fram öll helstu sjónarmið, sem varða framtíð þess og hlutverk, þar á
meðal þeirra, sem vilja að það verði Iagt niður eða selt, jafnt sem
þeirra, sem vilja það sem mest óbreytt, segir í frétt frá Starfsmanna-
samtökunum RÚV.
Gestur á ráðstefnunni verður
Bretinn Stephen Milligan, sem er
einn af ritstjórum fréttatímaritsins
Economist. Hann hefur starfað sem
ritstjóri erlendra frétta hjá Sunday
Times og verið Evrópuritstjóri
Economist. Um árabil var hann
fréttamaður hjá breska sjónvarpinu
BBC. Hann hefur sérstaklega kynnt
sér breska rikisútvarpið og skrifað
um það ritið „What shall we do with
the BBC“.
Þorbjöm Broddason, formaður
Útvarpsréttarnefndar, fjallar um
stöðu Ríkisútvarpsins í stjórnkerfmu
og Stefán Olafsson, forstöðumaður
Félagsvísindastofnunar, um stöðu
stofnunarinnar með þjóðinni. Njörð-
ur P. Njarðvík, dósent og fyrrum
formaður útvarpsráðs, fjallar um
hlutverk Ríkisútvarpsins í menning-
arlífi þjóðarinnar og sérstakt hlut-
verk Ríkisútvarpsins á landsbyggð-
inni verður reifað af Ingunni St.
Svavarsdóttur, sálfræðingi, sem er
oddviti á Kópaskeri.
Framlag starfsmanna verður
meðal annars að Hörður Vilhjálms-
son, fjármálastjóri, fjallar um sam-
keppnisaðstöðu Ríkisútvarpsins
gagnvart einkastöðvum og Eyjólfur
Valdimarsson, framkvæmdastjóri
tæknideildar, kynnir hið umfangsm-
ikla dreifikerfi stofnunarinnar.
Bjarni Sigtiyggsson fjallar um þær
sérstöku skyldur, sem Ríkisútvarp-
inu eru lagðar á herðar í fréttaflutn-
ingi og dreifingu frétta, og Vilmar
Pedersen, fulltrúi starfsmanna í
norrænu samstarfí, fjallar um þójn-
ustuhlutverk opinberra stöðva.
Loks verða reifuð rök fyrir því
að afnema einkaleyfí Ríkisútvarps-
ins til að reka útvarp og sjónvarp.
Það gerir Guðmundur H. Garðars-
son, sem fyrstur manna lagði fram
tillögu um það á Alþingi, og Kjartan
Gunnarsson, sem var fyrsti formað-
ur Útvarpsréttamefndar, talar um
rök fyrir því að selja eða einkavæða
Ríkisútvarpið.
Ráðstefnan er öllum opin. Þátt-
taka tilkynnist til Ríkisútvarpsins
eigi síðar en 30. janúar. Ráðstefnu-
stjórar verða Olafur Sigurðsson og
Sigurður G. Tómasson.
um og hlutast til um að Samvinnu-
bankinn tæki á sig tap sem næmi
helmingi þeirrar upphæðar.
Einnig kom fram í málflutningi
hans að kröfur Jóns Laxdal væru '
án nokkurrar lagastoðar rökstuddar
með því að yfirfæra réttarreglur
um sameignarfélög og hlutafélög
yfir á samvinnufélög og samvinnu-
sambönd og krefjast hlutdeildar í
heildareignum Sambandsins miðað
við hundraðshluta félags í stofn-
sjóði þess og að hinu leytinu sé
gert ráð fyrir að unnt sé að krefj-
ast slita á sameign eins og um sam-
eignarfélag væri að ræða. Þessi
kröfugerð eigi sér enga stoð í lögum
um samvinnufélög og fari í bága
við ákvæði þeirra laga, samþykktir
Sambandsins og sambandsfélag-
anna.
Reglur laganna og samþykkta
Sambandsins um stofnsjóð séu
tæmandi og félag sem gangi úr
sambandinu eða verði gjaldþrota
eigi einungis peningalega kröfu til
framlags í stofnsjóð en ekki ávísun
á eignarhlutdeild í hreina eign Sam-
bandsins. Hvorki lög né samþykktir
Sambandsins veiti einstÖkum Sam-
bandsfélögum eða þrotabúum
þeirra rétt til að krefjast skiptá á
eignum SIS með þeim hætti sem
gert sé fyrir hönd Jóns Laxdals.
í málflutningnum deildu lög-
mennimir um túlkun á lögum um
Samvinnufélög hvað ágreiningsefn-
ið varðar og þýðingu þeirra breyt-
inga sem gerðar hefðu verið á þeim
og samþykktum og reikningsskilum
SIS í gegnum árin, svo og hvort
ákvæði Iaganna um það hvern rétt
félagsmenn eigi til eigna félaganna
og samvinnufélög til samvinnusam-
banda stangist á við eignarréttará-
kvæði stjórnarskrárinnar. Að lokn-
um málflutningi tók Auður Þor-
bergsdóttir borgardómari málið til
dóms og er niðurstöðu hennar að
vænta innan þriggja vikna.
gerð á öxlinni á honum hafí verið
greiddur. Eftir það hafi hann svo
komið til starfa á ný hjá útgerðinni
sem hann vann hjá er slysið varð,
en síðan hafi hann sagt upp starfi
sínu. Sagði Kristján að þar með
hefði útgerðinni ekki borið nein
skylda til að greiða honum frekari
laun.
Eins og fram kom í Morgunblað-
inu í gær hefur Jón Oddsson, lög-
maður Gunnars Kristinssonar, gert
12 milljóna króna skaðabótakröfu
á hendur Samábyrgð íslenskra
fiskiskipa, en krafan byggist m.a.
á tekjutapi sem Gunnar hefur orðið
fyrir vegna varanlegrar örorku
sinnar.
„Lögfræðingur hans er að reyna
að koma einhverri sök á útgerðina
í þessu efni, sem hún tryggir sig
fyrir, en á meðan ekki er um neina
sök að ræða þá borgar tryggingin
auðvitað ekki. Flóknara er það nú
ekki, sagði Kristján. Aðspurður um
hvort um brotaiöm sé að ræða í
tryggingakerfinu varðandi bætur
til sjómanna sem slasast við störf
sagðist hann ekki sjá að svo væri.
„Menn fá auðvitað ekki bætur
frá útgerðinni vegna einhvers sem
þeir verða fyrir nema það sé útgerð-
inni að kenna. Þetta tiltekna mál
er hins vegar einstakt að því leyti
til að þarna er maður að leggja sig
fram við að bjarga öðrum manni,
og þess vegna eru allir af vilja gerð-
ir til þess að finna Ieið sem allir
geta unað við,“ sagði hann.
Nýtt helg-
arblað leig-
ir aðstöðu
Þjóðviljans
FJÓRIR starfsmenn Þjóðviljans
hafa gert samning við útgáfu-
stjórn Þjóðviljans um leigu á
húsnæði og tækjum óg aðstöðu
blaðsins til þess að gefa út nýtt
helgarblað, en tekin hefur verið
ákvörðun um að Þjóðviljinn hætti
að koma út um mánaðamótin.
Blaðið verður sent öllum áskrif-
endum Þjóðviljans og í fréttatil-
kynningu segir að markmiðið
með útgáfunni sé að brúa það
bil sem fyrrisjáanlega verður frá
því Þjóðviljinn hættir að koma
út og þar til nýtt blað hefur
göngu sína.
I fréttatilkynningunni segir enn-
fremur að stefnt sé að því að blað-
ið verði með svipuðu sniði og Nýtt
helgarblað Þjóðviljans hefur verið,
en þó talsvert stærra og fjölbreytt-
ara. Ritstjórnarstefnan muni taka
mið af því að veija velferðarkerfið,
baráttu fyrir bættum lífskjörum og
hagsmunum þeirra sem minna
mega sín í samfélaginu. Blaðið
muni fylgja sjálfstæðri ritstjórnar-
stefnu og verða ekki í beinum
tengslum við stjórnmálasamtök eða
hagsmunaaðila.
Arni Þór Sigurðsson, Guðmundur
Rúnar Hreiðarsson, Sigurður Á.
Friðþjófsson og Sævar Guðbjörns-
son standa að útgáfunni.