Morgunblaðið - 29.01.1992, Blaðsíða 37

MORGUNBLAÐIÐ MIÐVIKUDAGUR 29. JANUAR 1992
37
VELVAKANDI
SVARAR í SÍMA
S91282 KL. 10-12
FRÁ MÁNUDEGI
TIL FÖSTUDAGS
Fagnaðarboðskapur friðarins
Þegar ég var 16 ára drakk ég
mig fullan. En Kristur Jesús, sem
amma mín var búin að segja mér
frá í barnæsku, kom mér til hjálpar
svo aldrei var um neitt áframhald
að ræða. Jesús kann bæði, vill og
getur frelsað frá þessu sem öðru
sem þjakar mannfólkið í dag. Skrif-
að stendur: „Hann kom til eignar
sinnar en hans eigin menn tóku
ekki við honum, en öllum þeim sem
tóku við honum gaf hann rétt til
þess að verða Guðs börn“. Hugleið-
um þetta aðeins nánar. Hann kom
til að frelsa synduga menn frá því
að lenda fyrir utan Guðsríki, þegar
að leiðarlokum kemur.
Hverjir eru svo þessir syndaselir,
sem hann vill frelsa. Skrifað stend-
ur: „Allir hafa syndgað og skortir
Guðs dýrð“. Samkvæmt þessum
orðum verða allir að frelsast. Sum-
ir hafa spurt: Hvaða synd. Orð
Guðs segir: „Allt ranglæti er synd.“
Hver getur sagt: Ég hef aldrei gert
neitt rangt. Um leið og við göngum
til móts við Jesú og biðjum hann
að fyrirgefa okkur syndirnar þá er
hann trúr og réttlátur og hreinsar
okkur af öllu ranglæti. Þetta er
fagnaðarboðskapur friðarins. Hann
er friðarhöfðinginn sem gefur him-
neskan frið í hjartað. Þegar engill-
inn kom til hirðanna á Betlehem-
svöllum ljómaði í kringum þá him-
nesk byrta svo að þeir urðu mjög
svo hræddir. Þá segir engillinn:
„Verið óhræddir því sjá ég boða
ykkur mikinn fögnuð sem veitast
mun öllum lýðnum, því yður er í
dag frelsari fæddur, sem er kristur
Drottinn í borg Davíðs“. Hann kom
til að frelsa alla menn. En það virð-
ist vera til fólk, sem vill fara alit
aðra leið sem ekki er grundvöllur
fyrir.
Þegar ég var 16 ára fór ég á
ball og drakk mig fullan. Eftir á
leið mér ekki vel, eitthvað var að
naga mig. Stuttu seinna dreymdi
mig að ég var á gangi í landi sem
ég kannaðist ekki við og teymdi
hest á eftir mér. Gerði ég mér enga
grein fyrir því hvert ég var að fara,
alveg stefnulaus. Svo allt í einu tek
ég eftir manni, sem kemur á móti
mér. Þegar hann er kominn það
nálægt að ég geti greint hann, þekki
ég að þetta er frelsarinn. Hann lít-
ur til mín og réttirjram hségri hendi
sína og segir: Réttu mér tauminn.
Draumurinn var ekki lengri. Nokkr-
um árum seinna heyi’ði ég frelsis-
boðskapinn umbúðalausan og þá
afhenti ég honum minn lífstaum.
Síðan hefur hann verið minn frels-
ari og staðfest það mörgum sinnum
að hann er sá sem hann segist vera.
Ég bið ykkur vinir mínir að íhuga
þetta vandlega ykkur til margfaldr-
ar blessunar um tíma og eilífð. Ég
vil hvetja alla sem trúa, að biðja
Guð um vaknmgu yfír íslensku þjóð-
ina.
Magnús Guðnason
------».......—..
Góður þáttur
Ég vil gjarnan koma að þökkum
fyrir mjög góðan þátt á Aðalstöð-
inni 17. janúar. Þátturinn, sem var
í umsjón Sambands ungra sjálf-
stæðismanna, var í tilefni þess að
100 ár voru liðin frá fæðingu Ólafs
Thors, formanns Sjálfstæðisflokks-
ins og forsætisráðherra.
í þættinum spjallaði Inga Jóna
Þórðardóttir, fyrrum formaður út-
varpsráðs Ríkisútvarpsins, við ýmsa
menn, m.a. fræðimenn úr Háskóla
íslands og ýmsa aðila er þekktu vel
til Ólafsl
Þetta var vel gerður þáttur og
fræðandi. Hann sýndi glögglega að
einkaaðilar í útvarpsrekstri geta
gert jafn vel og Ríkisútvarpið. Þar
hefur Aðalstöðin sannað sig.
Tvennu vil ég þó koma að. í
fyrsta lagi þá var kynningin í dag-
skrárblaði Morgunblaðsins röng.
Þar var sagt að umræddur þáttur
yrði sendur út 24. janúar. Það var
í raun fyrir tilviljun að ég rakst á
þáttinn á þessum tíma. Ég vil koma
þeirri spurningu á framfæri til
þeirra sem stjórna á Aðalstöðinni
hvort ekki sé hægt að endurflytja
þáttinn á næstunni? Hin spurningin
er hvort ekki sé kominn tími til að
ísland eignist aftur slíkan foringja
sem Ólafur Thors var?
Útvarpshlustandi
Týnd læða
Gulbröndótt læða tapaðist frá
Barðaströnd 14, Seltjamarnesi, sl.
föstudag, 24. janúar. Hún heitir
Elísabet er ómerkt og sér illa. Vin-
samlegast látið vita ef sést hefur
til hennar í símum 616727 eða
611343.
Foreldrar: Látið börnin bera endurskinsmerki. Notkun þeirra
tryggir öryggi bamanna í umferðinni.
Kennarar: Brýnið fyrir börnunum að fara varlega í umferðinni
og gefið þeim góð ráð í þeim efnum.
Vegfarendur: Hvert fótmál í umferðinni krefst umhugsunar og
aðgæslu.
Okumenn: Ljósker bifreiðanna verða að vera hrein og ljósin
rétt stillt til þess að ljósmagnið nýtist sem best við aksturinn.
Rétt notkun stefnuljósa auðveldar alla umferð.
NDING
ITALSKIR
LEBIIRSXÓR
Teg. 901
Svart rúskinn
Stærðir: 36-41
Verð: 3.500,-

MILANO
LAUGAVEQl 61S. 10655
Teg. 902
, Svart rúskinn
Stærðir: 36-41
Verð: 3.500,-
KMHQLAN 8-12 SÍMI 889345
Póstsendum / Staðgreiðsluafsláttur
UEKKIÐ BYGGINGAKOSTNADINN
Við sérpöntum fró Engiandi þak- og klæðingarstól, stutt-
ur afgreiðslufrestur. Margar gerðir, margir litir.
Frábært verð.
Bjóðum einnig af lager vinsæla stallaða Plannja
þokstálið með tíulsteinsmunstri, og S8BA stól
þakrennumar með litaðri plastisol-vörn.
ÍSVÖR
BYGGINGAREFNI
Dalvegur 20. Box 435 202 Kóp. Sfmi 641255, Fax 641266
Kompudót óskast!

Við viljum fjölga seljendum með notaða muni í Kolaportinu
og bjóðum þeim helmings afslátt af leigu sölubása
á sunnudögum í febrúar.
Litlir sölubásar á aðeins 1.650,- kr. og stórir á 2.150,- kr.
Pantið pláss í síma 687063 virka daga frá kl. 16-18
KOLAPORTH)
MrfR KaÐStORT
- nú líka á sunnudögum -