Morgunblaðið - 14.08.1992, Blaðsíða 24

24
MORGUNBLAÐIÐ FÖSTUDAGUR 14. ÁGÚST 1992
■ar
Framtíð skóiðnaðar á Akureyri:
Sérhæfð framleiðsla
a kuldaskóm ráðgerð
KYNNT hafa verið drög að niðurstöðum athugunar Iðnþróunarfélags
Eyjafjarðar um framtíð skóiðnaðar á Akureyri. Líklegt er að stefnt
verði að því að á Akureyri verði sérhæfð kuldaskógerð og framleiðsl-
an verði smærri í sniðum en hjá Strikinu. Leggi Akureyrarbær fram
vélakost Striksins sem hlutafé er næsta skrefið að fá athafnasama einka-
aðila til að koma rekstrinum á legg.
Atvinnumálanefnd fól Iðnþróunar-
félaginu að fara í saumana á skóiðn-
aðarmálum í kjölfar gjaldþrots
Striksins og athuga hvort fyndist
flötur á að þessi iðnaður gæti geng-
ið við nýjar og endurskoðaðar að-
stæður. Að sögn Heimis Ingimars-
sonar, formanns atvinnumálanefnd-
ar, eru ekki komnar endanlegar til-
lögur frá Iðnþróunarfélaginu. Þó
hafa verið kynntar líklegar niður-
stöður sem benda til þess að hægt
verði að finna rekstrinum grundvöll.
Ein af forsendum þess er að vélakost-
urinn, sem að líkindum verður eign
bæjarins þegar upp verður staðið þar
sem bærinn átti fyrsta veðrétt í hon-
um, verði lagður fram sem hlutafé
'* reksturinn. Heimir taldi líkur á að
bæjarráð styddi aðgerðir af þessu
tagi, í það minnsta yrði athugunum
haldið áfram í þessu ljósi.
Heimir sagði að enda þótt mestöll
skógerð hafi flust frá Norður-Evrópu
til suðlægari og austlægari landa,
þar sem framleiðslan væri hagkvæm-
ari végna lágra vinnulauna, væru enn
allnokkur dæmi um sérhæfða skó-
gerð í Evrópulöndum. Þar væri um
að ræða sérstök verkefni eins og
sterka og endingargóða skó, vinn-
uskó til dæmis, svo og heilsuskóbún-
að, vörur sem ekki fylgdu ört breytt-
um tískusveiflum. Hjá Strikinu hefði
hins vegar verið leitast við að spanna
allan skalann í skóframleiðslu.
Samkvæmt hugmyndum Iðnþró-
unarfélagsins væri gert ráð fyrir að
í skóverksmiðju á Akureyri yrði í
framtíðinni ekki reynt að framleiða
tískuvöru heldur yrði þar sérhæfð
framleiðsla á vönduðum og endingar-
góðum kuldaskóm, sem gætu sómt
sér vel á markaði bæði innanlands
og erlendis. í þessari sérhæfðu verk-
smiðju yrðu minni umsvif en verið
hefði, þetta yrði vinnustaður fyrir
10 til 15 manns í stað 25 til 30 eins
og verið hefði, en þar mætti síðar
bæta við eftir því sem starfsemi yndi
fram.
t
Morgunblaðið/Rúnar Þór
Stálið rekið stinnt í botn
í gær hófust framkvæmdir við Tangabryggju á
Oddeyrartanga á Akureyri, norðan gömlu Sverris-
bryggju. Þar verður rekið niður 70 meta langt
stálþil úr 14-15 metra löngum stálskúffum. Guð-
mundur Sigurbjörnsson hafnarstjóri sagði að þetta
væri hluti vöruhafnar og hús og eignir á svæðinu
hefðu verið keypt til að þar gæti orðið athafna-
svæði. Á þessu ári væri ætlunin að koma þilinu
fyrir, staga það og fylla að því en unnið yrði að
frágangi á næsta ári.
Fundur útvegsmanna og þingmanna á Norðurlandi:
Raunveruleg skerðing nieiri
en Byggðastofnun hefur talið
■ SÖNGVARINN Richard
Scobie kemur fram á skemmtistaðn-
um 1929 á Akureyri á föstudags-
kvöld ásamt hljómsveit sem hlotið
hefur vinnsluheitið „Rottueitrið“,
en hana skipa Sigurður Gröndal
(gítar), Ingólfur Guðjónsson
(hljómborð), Bjarni Bragi (bassi) og
Þorsteinn Gunnarsson (trommur).
Scobie og „Rottueitrið" verða aftur
á ferðinni á laugardagskvöldið ásamt
-hljómsveitinni Jet Black Joe. Hljom-
sveitina skipa Páll Rósinkrans Osk-
arsson (söngur), Gunnar Bjarni
Ragnarsson (gítar), Starri Sigurðs-
son (bassi), Hrafn Thorarensen
(orgel) og Jón Arnarson (trommur).
--------♦ ♦..♦-------
I MAGNÚS og Jóhann og JET-
bandið leika í Sjallanum á Akureyri
föstudagskvöldið 14. ágúst. JET-
bandið skipa Jóhann Helgason, Ein-
ar Jónsson og Torfi Olafsson og
• leika þeir félagar almenna danstóni-
ist með þeim tilbrigðum sem til-
heyra. Magnús og Jóhann koma fram
fyrr um kvöldið með efni af splunku-
nýrri plötu með eldra efni í bland.
SVERRIR Leósson, formaður Út-
vegsmannafélags Norðurlands,
sagði að loknum fundinum með
alþingismönnum á miðvikudag að
skipting þess afla sem til Hagræð-
ingarsjóðs telst væri ekki nema
lítill hluti af vanda útgerðarinnar.
Afkoma greinarinnar væri eftir
sem áður í mikilli óvissu. Þess
vegna legðu útvegsmenn á Norð-
urlandi mikla áherslu á að fundin
yrði viðunandi víðtæk lausn á
vanda sjávarútvegsins. Þeir væru
hins vegar óánægðir með að selja
ætti Hagræðingarsjóðinn, taka
peninga úr einum vasa og setja í
annan. Hagræðingarsjóð ætti að
nota endurgjaldslaust til að milda
höggið sem af skerðingunni hlyt-
ist. Þess væri að gæta að norður-
svæðið yrði fyrir 28,5% þorsk-
skerðingu og það væri gífurlegt.
Sverrir sagði að oft hefði verið
þörf en nú væri nauðsyn að skapa
þessari atvinnugrein viðunandi
rekstrarumhverfí. Það væri forsenda
fyrir lífí atvinnugreinarinnar og
raunar þjóðarinnar allrar, því á þessu
lifði hún.
Tómas Ingi Olrich alþingismaður
sagði að á fundinum hefðu komið
fram viðbrögð útvegsmanna við hug-
myndum Byggðastofnunar sem til
athugunar eru hjá ríkisstjórninni.
Tómas sagði ljóst að á þessum hug-
myndum væru verulegir annmarkar,
meðal annars í því fólgnir að þegar
skerðingin sé reiknuð út sé rækjuk-
vótinn tekinn inn í og þær útgerðir
sem hér á þessu svæði séu og byggi
afkomu sína á rækju og þorski fái
aukinn rækjukvóta og þar af leiðandi
sé skerðing þeirra á þorskkvóta talin
minnka. Við þessa útreikninga sé
stuðst við það mat að rækjan sé 0,95
þorskígildi, 1.000 tonn af rækju sam-
svari 950 tonnum af þorski, Það sé
allt of hátt mat miðað við það verð
sem fæst fyrir rækjuna. „Því er ljóst
að ef stuðst verður við útreikninga
af þessu tagi,“ sagði Tómas, „þá
verður hin raunverðulega skerðing
Útgerðarinnar, einkum á þessu svæði
hér, miklu meiri en hugmyndir
Byggðastofnunar gera ráð fyrir.
Þetta er atriði sem erfitt er að sætta
sig við að verði látið óbreytt."
Tómas ítrekaði hins vegar að þessi
mál væru öll til meðferðar hjá ríkis-
stjóminni og því ekki unnt á þessu
stigi að segja frekar til um lausn á
vanda sjávarútvegsins, en hann væri
afar mikill á Norðurlandi.
Stefán Guðmundsson, þingmaður
Norðurlandskjördæmis eystra og
fulltrúi í sjávarútvegsnefnd og stjóm
Byggðastofnunar, sagði að sér hefði
þótt þetta góður fundur og vel til
fundið hjá útvegsmönnum að boða
til hans og hann vænti þess að hitta
þá aftur síðar í haust, þegar að því
kæmi að íjalla um stjórnun fisk-
veiða. Það sem upp úr stæði væri
sú samstaða sem meðal manna væri
um nauðsyn þess að koma fótunum
undir þessa atvinnugrein. Meðan
fískvinnsla væri rekin með 8—10%
tapi væri Hagræðingarsjóðsmálið
hins vegar smáatriði.
Stefán sagði að sér þætti ógæfu-
legt hvernig að samráði hefði verið
staðið við sjávarútvegsnefnd, sam-
starf við tvíhöfða nefndina sem átti
að gera tillögur um rekstrarvanda
sjávarútvegsins og endurskoða lög
um fiskveiðistjómun hefði brugðist.
Magnús Gunnarsson og Þröstur Ól-
afsson hefðu tvívegis komið á fund
sjávarútvegsnefndar og ekki að eigin
frumkvæði. Það boðaði ekki gott því
um þetta yrði að vera breið og góð
samstaða. Þá væri einnig ógæfulegt
að stjórn Byggðastofnunar hefði ekki
haft hugmynd um þær tillögur sem
starfsmenn stofnunarinnar hafa unn-
ið að og liggja fyrir ríkisstjórn og
vissi ekkert hvað þar stæði?
Halldór Blöndal, landbúnaðarráð-
herra, sagði að fundurinn hefði verið
gagnlegur og á honum og í ályktun
hans væri lýst áhyggjum yfir stöðu
sjávarútvegsins, sem væri viðfangs-
efni stjórnvalda og forystumanna
sjávarútvegs á hveijum tíma. Nú
lægju á borðum ríkisstjórnar tillögur
um ráðstafanir til að tryggja að afia-
skerðing hjá einstökum skipum færi
ekki yfír 5% milli ára. Mikilvægt
væri að það tækist. Undanfarin ár
hefðu ekki verið sett slík mörk og
dæmi væru um að einstök skip hefðu
orðið fyrir miklu meiri áföllum milli
ára. Alvarlegast væri nú að við vær-
um ekki og hefðum aldrei verið und-
ir það búin að þorskstofninn hryndi.
Halldór sagði að á næsta ríkis-
stjórnarfundi yrði málið tekið fyrir á
nýjan leik. Hann sagðist ekki þora
að lofa að þá yrðu teknar ákvarðan-
ir, menn væru að athuga ýmsa mögu-
leika. Halldór sagðist líka vilja Ieggja
áherslu á það sem væri jákvætt á
þessum tímum. „Verðbólga er minni
en ég man dæmi til og ef okkur tekst
að halda þeim sáttum sem nú eru á
vinnumarkaði má búast við að verð-
bólga verði minni hér á landi én er-
lendis á næsta ári og það hefur í för
með sér lítilsháttar lækkun á gengi
krónunnar, sem kemur útflutnings-
atvinnuvegunum til styrktar."
------♦ ♦ ♦------
■ NORÐURLANDSMÓT í golfí
fer fram á Akureyri á laugardag og
sunnudag. Golfklúbbur Ólafsfjarð-
ar heldur mótið, en það fer fram á
Jaðarsvelli. I tilefni fimmtugsaf-
mælis Golfsambands íslands verður
opið hús í Golfskálanum að Jaðri í
dag.
RÚVAK 10 ára í dag
RIKISUT VARPIÐ á Akureyri er
tíu ára í dag. í tilefni dagsins
heldur útvarpsráð fund sinn á
Akureyri og síðari hluta dags
verður afmælissamkoma i sal
útvarpsins. Útvarp Norðurlands
sendir út frá klukkan 16 til 19
sérstaka afmælisdagskrá. Inn í
hana verður skotið atriðum úr
afmælishófinu.
Deild Ríkisútvarpsins var stofn-
uð á Akureyri 14. ágúst 1982,
fyrsta útibú útvarps utan Reykja-
víkur. Höfuðstöðvar RÚVAK voru
fyrst um sinn í Reykhúsinu gamla
við Norðurgötu, en aðstæður voru
ekki fullkomnar, hljóðstofan undir
ijáfri reykhússins og stöðva þurfti
upptökur ef flugvél flaug yfír eða
hávaðasöm bifreið ók hjá.
Fyrsti forstöðumaður RÚVAK
var Jónas Jónasson. Undir stjóm
hans jókst starfsemi deildarinnar
smátt og smátt. Fréttamenn og
dagskrárgerðarmenn voru ráðnir
til starfa og námskeið haldin fyrir
starfsfólk, fastráðið og lausráðið.
Árið 1984 flutti RÚVAK í vel búið
útvarpshús við Pjölnisgötu þar sem
það er enn. Þar er einnig starfandi
Morgunblaðið/Rúnar Þór
Deildarstjórar Ríkisútvarpsins funduðu á Akureyri í gær.
aUglýsingadeild með þjónustu fyrir
allar deildir Ríkisútvarpsins, bæði
útvarp og sjónvarp.
Starfsmenn Útvarps Norður-
Iands eru 11 auk fréttamanns Sjón-
varpsins, sem einnig hefur aðstöðu
í Útvarpshúsinu á Akureyri. Auk
þess eru allmargir lausráðnir í
smærri störfum fyrir útvarpið.
Deildarstjóri Ríkisútvarpsins á
Akureyri og Útvarps Norðurlands
er Arnar Páll Hauksson.