Morgunblaðið - 26.06.1993, Blaðsíða 18
18
MORGUNBLAÐIÐ LAUGARDAGUR 26. JÚNÍ 1993
Akureyrarbær tekur við stöðumæla-
vörslu og eftirliti með stöðubrotum
Greiðsluhlutfall ístöðu-
mæla allt niður í 10%
STEFNT er að því að Akureyrarbær taki við stöðumælavörslu og eftir-
liti með stöðubrotum ökutælq'a 1. ágúst næstkomandi. Bæjarráð hefur
heimilað að samið verði við Securitas um eftirlitið til reynslu, en tak-
ist ekki slíkur samningur verði ráðnir stöðumælaverðir. Greiðsluhlut-
fall í stöðumæla á Akureyri er mjög lágt, eða allt niður í 10%.
A fundi bæjarráðs á fimmtudag
skýrði Gunnar H. Jóhannesson verk-
fræðingur greinargerð tæknideildar
um þetta mál, en lagt er til í greinar-
gerðinni að Akureyrarbær annist
eftirlit með stöðumælum og stöðu-
brotum ökutækja á Miðbæjarsvæð-
inu frá og með 1. ágúst næstkom-
andi á þeim tíma sem gjaldskylda er
í stöðumæla, þ.e. frá kl. 10 til 17.30
alla virka daga.
Bæjarráð lagði einnig til á fundi sín-
um á fímmtudaginn að heimilað verði
að taka upp samninga við Securitas
hf. til 6 mánaða tii reynslu, um að
fyrirtækið sinni þessu eftirliti í um-
boði bæjarins. Takist ekki samningar
við Securitas er lagt til að ráðnir
verði tveir stöðuverðir, hvor í hálft
starf til að sinna eftirlitinu.
Gunnar sagði að fram hefði komið
nokkur óánægja með eftirlitið fram
til þessa og mikil brögð að því í kjöl-
farið að fólk hirti ekki um að greiða
í stöðumæla. í könnun sem gerð
hefur verið kom í ljós að greiðsluhlut-
fall í mælana er afar lágt, eða á bil-
inu frá 10 til 60%.
Morgunblaðið/Ama Georgsdóttir
Sælgæti úr sjónum er yfirskrift siglingar um Eyjafjörð með Níelsi Jónssyni EA frá Hauganesi, en
þátttakendur í slíkri ferð geta reynt fyrir sér við sjóstangaveiði á milli þess sem þeir gæða sér á
margvíslegum sjávarréttum af hlaðborði.
Morgunblaðið Rúnar Þór
Bifreiðastjórar
Hafið bílbænina í bílnum
og orð hennar hugföst
þegar þið akið
Fæst í Kirkjuhúsinu,
Kirkjutorgi 4, í verslun-
inni Jötu, Hátúni 2,
Reykjavík og í Hljómveri,
Akureyri.
Verð kr. 200.
% Orð dagsins, Akureyri.
*
Ovenjulegur
farkostur
ÓVENJULEGA útbúin Dornier-
flugvél með þýska leiðangursmenn
lenti á Akureyrarflugvelli í fyrra-
kvöld, en ferð hennar er heitið til
Constable Point á Grænlandi þar
sem önnur slík vél er nú þegar. Að
sögn leiðangursstjórans, Peters
Vogel, eru í allt um 20 manns í leið-
angrinum sem meðal annars vinnur
að þykktarmælingum á ís Grænland-
sjökuls og segulsviðsmælingum, auk
þess að taka sýni úr borkjömum.
Þá er einnig verið að æfa meðferð
þessara sérútbúnu flugvéla á heims-
skautssvæðum, en þær eru í eigu
Alfred Wiegner-stofnunarinnar í
Bremerhaven í Þýskalandi. Á mynd-
inni eru talið frá vinstri: T. Wede
og H.J. Bern, flugmenn, þá vélvir-
kjarnir R. Ziegler og O. Kruger og
leiðangurstjórinn, Peter Vogel.
Til sölu eða leigu er nýlegt fiskverkunarhús
á Norðurlandi. Hentar vel til saltfiskverkun-
ar, en mætti breyta í frystihús. Vel kæmi til
greina samstarf (hlutafélag) við útflutnings-
aðila eða annan rekstraraðija.
Áhugasamir leggi inn svör á auglýsingadeild
Mbl., merkt: „Fiskverkun - 4729“.
Átthaodmút Jtrnaneshremis
verður haldið laugardaginn 3. júlí og hefst að
Freyjulundi kl. 15.00.
Um kvöldið verður dansleikur í Hlíðabæ.
Allir búsettir og brottfluttir Arnaneshreppsbú-
ar eru velkomnir og mega taka með sér gesti.
Sjáumst í stuði.
Nefndin.
Nýjungar hjá ferðaþjónustunni að Ytri-Vík á Árskógsströnd
Sjávarréttahlaðborð
hvalaskoðun og köfun
SÆLGÆTI úr sjónum, er yfir-
skrift á sjóferðum sem ferðaþjón-
ustubændur í Ytri-Vík á Árskógs-
strönd bjóða upp á í sumar. Farið
er frá Hauganesi og er um að
ræða siglingu um Eyjafjörð þar
sem boðið er upp á hlaðborð fisk-
rétta sem þátttakendur geta notið
á milli þess sem þeir reyna sjálfir
fyrir sér við veiðar. Ferðaþjón-
usta hefur verið rekin að Ytri-Vík
um árabil og er þar rými fyrir
16 manns í uppbúnum rúmum auk
þess sem þar er nýtt sumarhús
fyrir 6-12 manns.
Marinó Sveinsson, framkvæmda-
stjóri ferðaþjónustunnar að Ytri-Vík,
sagði að þrír bátar væru til umráða
og færi það eftir fjölda þátttakenda
hvaða bátur væri notaður. Fyrirhug-
að er að nota 30 tonna netabát,
Níels Jónsson EA, í hlaðborðsferð-
irnar, en þær eru nýjung í ferðaþjón-
ustunni.
Farið verður í slíkar ferðir kl. 18
á hveijum fímmtudegi í sumar, en
Marinó sagði að ef útlit væri fyrir
miðnætursól yrði ferðinni ef til vill
frestað til kl. 21 um kvöldið. „Þessar
ferðir eru sniðnar fyrir hópa, við
förum með minnst 10 manns og ég
býst við að þær geti orðið vinsælar
hjá starfsfélögum, saumaklúbbum
eða slíkum hópum, sem geta þá
pantað sérstaka ferð,“ sagði Marinó.
Á hlaðborðinu Sælgæti úr sjónum
er fjöldi rétta, síldartegundir, harð-
fískur, rækjusnittur, kvaíarpönnu-
kökur, laxahlaup, steiktur siiungur,
gellur í ijómasósu og fiskibollur í
lauksósu svo eitthvað sé nefnt, en
hráefnið er allt fengið frá fiskvinnsl-
unni Ektafiski á Hauganesi.
Um borð í Níelsi Jónssyni EA eru
15 veiðistangir sem fólk getur notað
til að renna fýrir físk, en auk hlað-
borðsferðanna býður ferðaþjónustan
nú tíunda árið í röð upp á sérstakar
sjóstangaveiðiferðir, sem notið hafa
vinsælda.
Köfun og hvalaferðir
Fleiri nýjungar verða í boði í sum-
ar, fyrirhugað er að bjóða upp á
ferðir til Kolbeinseyjar og Grímseyj-
ar með káfara og síðar í sumar verða
famar hvalaskoðunarferðir, en Mar-
inó sagði að hnísur og smáhveli
hefðu í auknum mæli sést í fírðinum
upg á síðkastið.
Ýmsir möguleikar til afþreyingar
bjóðast einnig í landi, hestaleiga er
á staðnum og bjóðast bæði lengri
og styttri ferðir, en m.a. er í boði
sólarhringsferð upp í Þorvaldsdal
með gistingu í tjaldi og sagði Marinó
slíka ferð falla vel í kramið hjá yngri
kynslóðinni. Bekkjarfélagar, félaga-
samtök og starfsfélagar hefðu tekið
sig saman um að fara í slíkar ferðir.
Þá má einnig nefna að möguleiki
er á að renna fyrir lax og silung í
Þorvaldsdalsá, gönguleiðir um fjöll
og fjöru er fjölmargar og þeir sem
dvelja heima við geta notað fótbolta-
völlinn sem þar er til staðar, brugð-
ið sér í billjardstofuna eða látið fara
vel um sig í gufubaðinu.
♦ -----------
■ GUÐSÞJÓNUSTA verður í
Glerárkirkju annað kvöld, sunnu-
dagskvöldið 27. júní kl. 21. Prestur
er séraHannes Órn Blandon.
fAkureyrarbær
auglýsir
tillögu að deiliskipulagi orlofshúsabyggðar norð-
an Kjarnaskógar.
í deiliskipulagstillögunni er gert ráð fyrir tveim
þyrpingum orlofshúsa, alls 38 húsum, norðan
við Kjarnalund, hús Náttúrulækningafélags Akur-
eyrar. í tillögunni felst minni háttar breyting á
aðalskipulagi Akureyrar, sem bæjarstjórn Akur-
eyrar hefur samþykkt.
Deiliskipulagstillagan, uppdrættir og greinar-
gerð, liggur frammi almenningi til sýnis á Skipu-
lagsdeild Akureyrarbæjar, Geislagötu 9, 3. hæð,
næstu 4 vikur frá birtingu þessarar auglýsingar,
þ.e. til mánudagsins 26. júlí 1993, þannig að
þeir sem þess óska, geti kynnt sér tillöguna og
gert við hana athugasemdir sbr. grein 4.4. í
skipulagsreglugerð. Þeir, sem telja sig verða fyr-
ir bótaskyldu tjóni vegna skipulagsgerðarinnar,
er bent á að gera athugasemdir innan tilgreinds
frests, ella teljast þeir samþykkir tillögunni.
Skipulagsstjóri Akureyrar.