Morgunblaðið - 25.08.1993, Síða 15

MORGUNBLAÐIÐ MIÐVIKUDAGUR 25. ÁGÚST 1993
15
Reikningar Hitaveitu Hveragerðis miðast við samþykktan rúmmetrafjölda á hverri byggingarlóð
Hefur greitt 80 þús.
fyrir heitt vatn í bíl-
skúr sem ekki er til
Selfossi.
„Ég hef undanfarin 7 ár borgað hitunarkostnað til Hitaveitu
Hveragerðis fyrir 49,6 fermetra bílskúr sem ekki er til nema á
samþykktri teikningu. Hlutur bílskúrsins í hitakostnaðinum er
28% eða um 955 krónur á mánuði og á 7 árum eru þetta um
80 þúsund krónur,“ segir Kara Jóhannesdóttir Lyngheiði 3 í
Hveragerði. Hún segist hafa reynt að fá það leiðrétt að hún
þurfi að greiða hitakostnað fyrir óbyggðan bílskúr. Svör hita-
veitunnar hafa verið á þann veg að samkvæmt reglugerð veitunn-
ar þá sé farið eftir samþykktum rúmmetrafjölda á lóðinni sem
gengið er út frá við útreikning minútulítra fyrir húsnæðið. „Og
þá gildir einu hvort búið er að byggja eða ekki,“ segir Kara.
Kara segist greiða fasteigna-
gjöld sem miðist við 435 rúm-
metra hús en við útreikning hit-
unarkostnaðar sé rúmmetrafjöld-
inn hátt í 600 rúmmetrar. „Þetta
stríðir gegn minni réttlætiskennd
og mig langar til að vita hovrt
þetta stenst lög. Ég vil gjarnan
borga fyrir það sem ég fæ og
ég vil ekki trúa því fyrr en í fulla
hnefana að ég eigi að borga hita
fyrir hús sem ekki er til,“ sagði
Kara.
Hún tók sem dæmi að sam-
kvæmt þessu þá ætti húsbyggj-
andi sem fengi lóð að byija að
greiða hitakostnað af grunnfleti
bygginganna um leið og teikn-
ingarnar væru samþykktar, þó
svo hann hefði ekki tekið fyrstu
skóflustunguna.
„Á meðan Hitaveitan í Hvera-
gerði styðst við þessa furðulegu
reglugerð, sem ég efast um að
standist landslög, verð ég að
borga 28% hærra hitunargjald
en ella vegna míns teiknaða bíl-
skúrs,“ sagði Kara og hún sagð-
ist oft hafa leitt hugann að því
hvað þeir væru margir í Hvera-
gerði sem ættu samþykkta teikn-
ingu af óbyggðum bflskúr. „Þetta
er ekkert annað en villa hjá hita-
veitunni og hana verður að leið-
rétta, það er engin sanngirni í
öðru,“ sagði Kara Jóhannesdóttir
í Hveragerði.
Greiðir eftir rúmmáli skv.
samþykktri stærð
„Þegar fólk tengist hitaveitunni
með hús sín þá er það að kaupa
hitarétt fyrir lóðina. Við ákvörð-
un gjalds er gengið út frá sam-
þykktri stærð húss og bílskúrs á
lóðinni. Fólk má síðan nota vatn-
ið að vild á lóðinni," sagði Guð-
mundur Baldursson hitaveitu-
stjóri í Hveragerði.
Guðmundur sagði að ekki væri
unnt að mæla orkuna sem 'átin
væri af hendi til húsanna vegna
úrfellinga í vatninu og þess vegna
væri gengið út frá því að nota
samþykkta stærð mannvirkja á
lóðinni sem grunn að því hversu
mikinn hitarétt lóðin hefði. Hann
sagði eina skilyrðið vera það að
vatnið sem færi frá húsinu væri
ekki yfir 45 stiga heitt. Hann
sagði þessa reglu hafa gilt um
árabil í Hveragerði.
Guðmundur sagði erfitt að
ganga út frá rúmmáli í fasteigna-
mati vegna þess að upplýsingar
þaðan skiluðu sér seint og oft
væri fólk búið að búa í húsunum
án þess að upplýsingar um stærð
þeirra kæmu fram frá fasteigna-
matinu. Hann sagði það hafa
verið rætt í veitustjórn hvort ekki
væri rétt að sleppa bílskúrunum
úr grunni útreikninganna og
setja þá inn í grunninn þegar
þeir hefðu risið. Á næsta veitu-
stjórnarfundi 7. september yrðu
samræmingarmál í hitaveitunni
rædd og þar yrði meðal annars
tekið á þessu máli, þar sem
óbyggðir bílskúrar kæmu inn í
útreikninga, vegna ýmissa fyrir-
spurna þar um.
Neyðarlending
Guðmundur sagði að aðferðin
sem notuð væri við útreikning á
hitakostnaði væri viss neyðar-
lending vegna eiginleika vatns-
ins. Það væri gífurlega dýrt að
gera breytingar á hitaveitunni
þannig að hægt væri að mæla
nákvæmlega orkunotkunina hjá
notendum. Sama regla væri not-
uð gagnvart gróðurhúsum. Þar
keyptu menn ákveðinn hitarétt
fyrir húsin eftir stærð þeirra en
réðu því síðan sjálfir hvað þeir
gerðu við vatnið. Hann sagði
visst óréttlæti vissulega koma
fram en hitaréttindin væru for-
réttindi í Hveragerði vegna mik-
iuorgunoiaoio/aigurour jonsson
„I bílskúrnum“
KARA Jóhannesdóttir á staðnum þar sem bílskúrinn er teiknaður
við hús hennar í Hveragerði. Undanfarin 7 ár hefur hún greitt
80 þúsund krónur fyrir upphitun bílskúrs sem ekki hefur verið
byggður.
illar orku á staðnum. Orkuverð
hefði ekki hækkað síðan 1989.
í reglugerð fyrir veitustofnanir
Hveragerðis segir um álestur og
uppgjör fyrir heitt vatn og jarð-
gufu:„Veitustofnun Hveragerðis
er heimilt, vegna vandkvæða við
orkumælingu heita vatnsins og
jarðgufunnar í Hveragerði, að
innheimta gjald fyrir heitt vatn
og jarðgufu í hlutfalli við sam-
þykkt rúmmál mannvirkja og
skal þá orkuþörf íbðúðar-, þjón-
ustu-, verslunar- og iðnaðarhúsa
áætlað 22 W/m3 en gróðurhúsa
67 W/m3. Reiknað er með 35
stiga mismun á hitastigi úti og
inni (toppálag) Gert skal ráð fyr-
ir að afl hvers mínútulítra (ML)
sé 2,790 W (kólnun um 40 stig
C).“
Vsk. af tímaritum
Lögmæti
skráningar til
tölvunefndar
RITARI Tölvunefndar leggur til
að nefndin kanni hvort yfirvöld-
um sé heimilt að skrá upplýs-
ingar um erlend timarit sem ber-
ast ahnenningi í pósti, vegna inn-
heimtu virðisaukaskatts. Tölvu-
nefnd kemur næst saman til
fundar 2. september.
Fjármálaráðuneytið hefur falið
Pósti og síma að annast innheimtu
virðisaukaskatts af erlendum tíma-
ritum sem berast í pósti til viðtak-
enda. Hefur verið ákveðið að póst-
hús haldi skrá yfir þau tímarit sem
berast einstaklingum í pósti og
verði blöðin ekki borin út til viðtak-
enda nema að þeir geti sýnt fram
á að þeir hafi goldið skattinn.
Jón Thors, ritari Tölvunefndar,
sagði að í reglugerð um innheimtu
virðisaukaskatts af erlendum tíma-
ritum í áskrift væri ekki kveðið á
um varðveislu og notkun þeirra
upplýsinga sem pósturinn þarf að
afla. Ástæða væri til að kanna hvort
þessi skráning stæðist lög um pers-
ónufrelsi.
Samkvæmt lögum hefur Tölvu-
nefnd eftirlit með framkvæmd laga
um skráningu og meðferð persónu-
upplýsinga. Nefndin veitir starfs-
leyfi, heimild eða samþykki til ein-
stakra athafna og verða úrskurðir
hennar ekki bomir undir aðrar
stjórnvaldsstofnanir. Nefndin getur
skipað aðilum að hætta skráningu
upplýsinga, bannað að gögn verði
látin öðrum í té eða farið fram á
að upplýsingar verði afmáðar eða
skrár eyðilagðar.
Einn vinsælastí áfangastaöur þeirra sem vilja gera
hagstæö innkaup, stærsta verslunarborg Skotlands.
Skemmtun og afþreying. Fjölmargir góðir
veitingastaðir. Öflugt tónlistar- og leikhúslíf.
Mjög góð listasöfn. Einstök náttúrufegurð
skosku hálandanna skammt undan.
Brottfarir á þriöjudögum og laugardögum.
Heimflug á laugardögum og þriójudögum.
fnt velur um J eða */ nœhir
Vegna mikillar eftir-
spurnar verður þraut-
reyndur íslenskur
fararstjóri, Anna
Þorgrímsdóttir,
farþegum Flugleiöa
til aöstoöar og
leiósagnar í Glasgow
strax frá og meö
18. sept. til 4. des.
á manninn í tvíbýli
í 3 ncetur og 4 daga á Marriott Hotel. *
í Glasgow bjóöum viö gistingu á
eftirtöldum gæöahótelum: Hospitality Inn,
Marriott, Stakis Grosvenor og Copthome.
Innifalið er flug, gisting, morgunverður og flugvallarskattar. Á tímabilinu 18. sept. til 4. des.
er innifalið í verði akstur til og frá flugvelli í Glasgow og íslensk ferarstjórn. Akstur þarf að
bóka sérstaklega. Börn, 2ja - 11 ára, fá 9.500 kr. í afslátt. Börn að 2ja ára aldri greiða 3.000 kr.
Enginn bókunaríýrirvari.
Forfallagjald, 1.200 kr., er ekki innifalið í verði. Forfallagjald er valfrjálst en Flugteiðir
hvetja farþega til að greiða það til að firra sig óþarfa áhættu.
*Verð miðast við gengi 6. ágúst 1993. LMSJ
Tilboö fyrir hópa:
2.000 kr. afsláttur
á mann ef í hópnum
eru 15 manns eða
fleiri. 40.000 kr.
spamaður fyrir
20 manna hóp.
Hafðu samband við söluskrifetofur okkar, umboðsmenn
um allt land, ferðaskrifetoíurnar eða í síma 690300
(svarað alla 7 daga vikunnar frá kl. 8 -18.)
FLUGLEIDIR
Traustur tslenskur ferðafélagi