Morgunblaðið - 21.11.1993, Blaðsíða 25

Morgunblaðið - 21.11.1993, Blaðsíða 25
MORGUNBLAÐIÐ MINNINGAR SUNNUDAGUR 21 (3107 'OV . NÓVEMBER 1993 tepruskap og fordómum með heið- arlegri framkomu sinni. Þórður var af fyrstu kynslóð homma á íslandi sem sagði skilið við feluleik og tví- skinnung og kom út úr skápnum. Það þarf ómælt hugrekki til að þora að taka slíka áhættu. Það þarf gífurlegan styrk til þess að þora að bjóða ríkjandi hugmyndum byrginn á slíkan hátt. Enginn skyldi heldur ætla að það sé tekið út þján- ingalaust. Það þarf raunverulegan kjark og karlmennsku í eiginlegasta skilningi þéss orðs til að þora að standa augliti til auglitis gagnvart harkalegum viðbrögðum þeirra samborgara sem líta á samkyn- hneigð sem ögrun við hnökralausa tilvist sína. Mér er minnisstætt að á þeim tíma sem við Þórður vorum að kynnast, var hugtakið hommi svo mikið tabú að fæstir sögðu það upphátt án þess að blikna, ég þar með talin. En Þórður kenndi mér að yfirstíga þann tepruskap. Um leið og hann kenndi mér mikilvægi þess að bera virðingu fyrir tilfinn- ingum samkynhneigðra, kenndi hann mér að það sem máli skiptir í samskiptum okkar mannfólksins er hjartalagið, okkar innri maður. Ég er honum afar þakklát. Mér þykir líka afar vænt um að hafa átt þess kost að lóðsa Þórð um sögu- fræga staði hér í New York þegar hann ásamt Einari bróður sínum heimsótti borgina fyrir nokkrum árum. Við áttum saman frábærar stundir. Við sáumst ekki oft sfðustu árin enda miklar fjarlægðir milli okkar og bréfaskiptin orðin stopulli en var í byrjun. Við fylgdumst þó grannt hvort með öðru gegnum vini og vandamenn. Ég varð harmi slegin þegar ég fregnaði af veikindum Tóta sl. vor. Varnarlaus gagnvart ofurafli þessa grimma sjúkdóms sem hafði fangað hann var ekki margt sem mér fannst ég geta gert til að lina þján- ingu vinar míns utan biðja fyrir honum. En ég lét hann vita að ég elskaði hann eins og hann var og mundi alla tíð gera það. Það er engin þörf á að bíða með svo mikil- væg sannindi út fyrir gröf og dauða. Við víkjumst allt of oft undan því að segja hvort öðru hvað okkur þykir vænt hverju um annað. Það eru því miður algeng og dapurleg sannindi að kærleikurinn verður að feimnismáli sem ekki er hægt að tjá. Það er undir okkur komið hvort við þorum að koma út úr skápnum og ganga í berhögg við ríkjandi hefðir. Elsku Þórður minn, ég veit að þó að þú hafir kvatt þetta líf þá lifir andi þinn í öðrum og betri stað. Og fyrir okkur sem enn erum hér mun minning um yndislegan dreng lifa að eilífu. Hafðu hjartans þökk fyrir samfylgdina. Elskhuga og sambýlismanni, Vigni Jónssyni, föð- ur, móður, systkinum og öðrum aðstandendum og vinum sendi ég mínar innilegustu samúðarkveðjur. Megi guð blessa ykkur í sorginni. New York, 28. október 1993. Fríða Þórarinsdóttir. Fyrir hönd félagsmanna í Kynja- köttum, kattaræktarfélagi íslands, viljum við minnst Þórðar Þórissonar er lést 21. október síðastliðinn. í ársbyrjun 1989 flytja Þórður og sambýlismaður hans Vignir Jónsson tvo persneska^ ketti til landsins frá Danmörku. í tengslum við þennan innflutning fá þeir þá hugmynd að stofna kattaræktarfé- lag á íslandi, en slík félög er að finna víða erlendis. Þeir hrinda hug- mynd sinni í framkvæmd og í sam- starfi við nokkra áhugamenn um kattaræktun boða þeir til stofn- fundar 4. apríl sama ár. Á þessum fundi er Þórður kosinn fyrsti for- maður félagsins og gegndi þvl starfi næstu þrjú árin. Þennan tíma má með sanni segja að Þórður hafi ekki eingöngu sinnt starfi formanns heldur var hann allt í öllu innan félagsins. í byrjun var hann einn um að búa yfir ein- hverri þekkingu á kattarækt og mæddi því mikið á honum. Því að eins og gefur að skilja er í mörg horn að líta þegar koma á félagi sem þessu á legg. Hann sinnti þess- um störfum með sóma og var ávallt fús að miðla af þekkingu sinni og hvatti aðra félagsmenn til að leita sér þekkingar á kattarækt og um- hirðu katta. Á þessu fórnfúsa braut- ryðjendastarfi sem Þórður vann á félagið án efa eftir að byggja um ókomin ár og er það ómetanlegt veganesti fyrir okkur sem höfum heillast af þessu helsta áhugamáli hans sem var kattarækt og allt sem viðkemur köttum. Við viljum þakka Þórði fyrir að láta draum sinn um kattaræktarfé- lag íslands verða að veruleika og munum við ávallt minnast hans með söknuði og hrýju, enda höfum við ekki aðeins misst atorkusaman fé- laga heldur einnig góðan vin. Elsku Vignir, Karen, foreldrar og systkin, við vottum ykkur okkar innlegustu samúð. Fyrir hönd félagsmanna í Kynja- köttum, kattaræktarfélagi íslands, Marteinn Tryggvason. Við viljum með fáeinum orðum minnast ástkærs vinar okkar og félaga úr Dómkórnum, Þórðar Jó- hanns Þórissonar, sem lést nú í vetrarbyrjun. Lífssumar hans var í ætt við það íslenska, bjart og fal- legt en alltof stutt. Okkar fyrstu kynni af Tóta voru snemma hausts 1983 þegar hann kom á kóræfingu upp á kirkjuloftið í Dómkirkjunni. Við heyrðum strax að það var mikill fengur fyrir kór- inn að fá þennan glettna og skemmtilega strák í hópinn. Þar fengum við ekki aðeins að njóta mjúku og fallegu bassaraddarinnar, heldur einnig hlýjunnar, húmorsins og hlátursins sem var alltaf skammt undan. Það var sama hvort sungið var við messu á köldum vetrar- morgni, æfð erfið tónverk langt fram á kvöld, setið daglangt í rútum á kórferðalögum eða glaðst yfir vel unnu verki, alltaf var jafn gott og mannbætandi að vera í návist hans. Söngröddin var svo fögur að okkur hinum fannst viðvsyngja betur í samhljómi með honum og danshæfi- leikar bassasöngvarans heilluðu all- ar dömur Dómkórsins upp úr skón- um. Tóti gat látið hvaða stirðbusa sem er líða eins og ballerínu með sér í dansinn og enginn var eins umsetinn á dansgólfinu, kvöldið jafnan upppantað og jafnvel tvíbók- að. Hann var sannkallaður „sjar- mör" á sinn yfirlætislausa og nota- lega hátt, einstaklega góður dreng- ur og mikill vinur vina sinna. Því er hljóðnuð þýða raustin, hún, sem fegurst kvæðin kvað? Því er söngurinn þagnaður, hann, sem í ðmandi öldum lék við eyrun sem lóukvak, eða líkt og lækjarniður? Það er sárara en orð fá lýst að sjá á bak jafn yndislegum dreng í blóma lífsins en víst er að hann lif- ir áfram í hjörtum okkar sem vorum svo lánsöm að kynnast honum. Vigga, foreldrum og öðrum ástvin- um sendum við innilegar samúðar- kveðjur. Dómkórinn. t Elskuleg eiginkona mín, móðir okkar, tengdamóðir, amma og langamma, GUÐNÝ TORFADÓTTIR, Laufásvegi 59, Reykjavík, verður jarðsungin frá Fríkirkjunni í Reykjavík mánudaginn 22. nóvember kl. 13.30. Kristinn Vilhjálmsson, Jón P. Kristinsson, Anna Sigríður Kristinsdóttir Fredriksen, Finn R. Fredriksen, barnabörn og barnabarnabörn. t Þökkum innilega hlýhug og vináttu við andlát og útför, PÁLÍNU GUÐLAUGSDÓTTUR Ijósmóður, sem lést 1. nóvember síðastliðínn. Helgi Guðlaugsson, Helga Einarsdóttir, Helga Magnúsdóttir, Gyða Guðmundsdóttir, Jakob Friðriksson, Karl Torfi Esrason. t Alúðarþakkir sendum við öllum þeim, sem sýndu okkur samúð og hlýhug við andlát og útför föður okkar, tengdaföður, afa og langafa, pAls kr. pálssonar organista, Hrafnistu, Hafnarfirði. Hrafn Pálsson, Margrét Pálsdóttir, Guðrún Helga Pálsdóttir, Páll Kr. Pálsson, Júlíus Pálsson, Vilborg G. Kristjánsdóttir, Halldór Þór Halldórsson, Elsa María Ólaf sdóttir, Birna Arinbjarnardóttlr, barnabörn og barnabarnabörn. t Innilegar þakkir fyrir auðsýnda samúð og hlýhug viö andlát og útför móður okkar, tengdamóður, ömmu og langömmu, VALGERÐAR bogadóttur, Lönguhlfð17. Sérstakar þakkir eru fœrðar starfsfólki Elli- og hjúkrunarheimilisins Grundar. Ingigerður Eyjólf sdöttir, Vigdís Ester Eyjólfsdóttir, Ingimar G. Jónsson, Svanhildur Eyjólfsdóttir, Magnús Kristinsson, Pálmi S. Þórðarson, Þórey Jónsdóttir, barnabörn og barnabarnabörn. t Þökkum auðsýnda samúð og vináttu vegna fráfalls litla drengsins okkar, THEODÓRS THEODÓRSSON AR, Melási 3,. Garðabœ. Hanna Kristín Gunnarsdóttir, Theodór Erlingsson, Fjölskyldan Melási 3, Fjölskyldan Löngumýri 22b. t Þökkum af alhug auðsýnda samúð og vináttu við andlát og útför HLlNAR INGÓLFSDÓTTUR, Hlfðartúni 10, Mosfellsbæ. Auður Ár nadóttir, Svala Árnadóttir, Ingólf ur Árnason, Hlfn Árnadóttir, Einar Árnason, Páll Árnason, Hermann Þórðarson, Björn Kjartansson, Kristjana E. Friðþjófsdóttir, Ketill Oddsson, Betty Berjouhi Nikulásdóttir, Kristín Anna Einarsdóttir, barnabörn, barnabarnaböm og aðrir ættingjar. t Við þökkum öllum þeim, sem sýndu okkur samúð og hlýhug við andlát og útför föður okkar, tengdaföður, afa og langafa, ÁGÚSTS HINRIKSSONAR, prentara, Hagamel 20. i Einnig færum við starfsfólki Landakotsspítala þakkir fyrir hlýhug og góða umönnun. Inga Ágústsdóttir, Guðmundur B. Lýðsson, Lovísa Ágústsdóttir, Hermann Sigfússon, Sigrún Valgeirsdóttir, Kristín Valgeirsdóttir, Sólveig Valgeirsdóttir, fris Valgeirsdóttir, Elísa Ágústsdóttir, Unnar Már Garðarsson, Kara Elvarsdóttir, Ágúst Guðmundsson, Lýður Guðmundsson, Sigrún Guðmundsdóttir. b t Innilegar þakkir færum við öllum þeim, sem sýndu okkur samúð og vinarhug við fráfall eiginmanns míns, föður, son- ar, tengdasonar og bróður, EINARS ÞÓRS VILHJÁLMSSONAR. Jóhanna Magnea Björnsdóttir, Birna Karen, Vilhjálmur Andri, Þórey Eva, Einar Helgi. t Innilegar þakkir til allra, er sýndu okkur samúð og hlýhug við andlát og útför eiginmanns míns, föður okkar, tengda- föður, bróður og afa, RfKHARÐS GUÐJÓNSSONAR bifvélavirkja, Austurbergi 38, Reykjavfk. Vilborg Inga Kristjánsdóttir, Kristján Björn Ríkharðsson, Þórunn Björg Einarsdóttir, Guðjön Asbjörn Ríkharðsson, Ragnheiður Guðjónsdóttir og barnaböm. t Innilegar þakkir fyrir auðsýnda samúð og hlýhug við andlát og útför eiginkonu minnar, móður okkar, tendamóður, ömmu og langömmu, JAKOBfNU BJARNADÓTTUR, Litlu-Grund, áðurtilheimilis á Hringbraut 105. Páll Guðbjartsson, Guðbjartur Pálsson, Nfta Pálsson, Inga Valdfs Pálsdóttir, Jakobína Ingibergsdóttír, Ásta Brynja ingibergsdóttir, Kolbrún Ingibergsdóttir, Helena Pálsson, Kristfna Pálsson og barnabarnabörn.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.