Morgunblaðið - 09.01.1994, Blaðsíða 12

12 B
MORGUNBLAÐIÐ SUNNUDAGUR 9. JANÚAR 1994
Friðrik Þór Friðriksson leikstjóri fylgist með æfingu á einu atriða myndarinnar. Á annan tug jap-
anskra aðstoðarmanna unnu að kvikmyndatökunum í Tókíó.
Masatoshi Nagose, aðalleikari Cold Fever, ræðir við Friðrik Þór
Friðriksson leiksljóra.
Fyrsti hluti Cold
Fever kvikmyndaður
r nn r -\ r r
i Tokyo
Halldór Gunnarsson
aðstoðartökumaður og Ari
Kristinsson
kvikmyndatökumaður bíða
átekta í Iestarstöðinni í
Shinjuku.
Friðrik Þór Friðriksson
leiðbeinir Suzuki, í einu
atriða Cold Fever. Suzuki,
sem er einn af þekktari
leikstjórum Japana af eldri
j kynslóðinni, leikur afa
aðalsöguhetju myndarinnar.
Texti og myndir Benedikt Stefánsson
FYRSTU atriði kvikmyndarinnar Cold Fever
sem leikstýrt er af Friðriki þór Friðrikssyni
voru tekin upp í Tókýó síðustu tvær vikur fyrir
jól. Aðalhlutverk myndarinnar er í höndum
japanska popptónlistarmannsins og
kvikmyndaleikarans Masatoshi Nagose. Hann
er einkum þekktur á Vesturlöndum fyrir leik
sinn í kvikmynd bandaríska leikstjórans Jim
Jarmush Mistery Train, sem sýnd var á
kvikmyndahátíð Listahátíðar í Reykjavík.
Cold Fever fjallar um ferð ungs
japansks manns til íslands til að
vitja jarðneskra leifa foreldra
sinna, sem farist hafa af slysför-
um við vísindastörf. Liðlega tíu
mínútna kafli gerist í Tókýó, en
meginhluti myndarinnar á Islandi
og verða þau atriði tekin upp í
janúar og febrúar.
Islenska kvikmyndasamsteyp-
an stendur að gerð myndarinnar
í samvinnu við bandaríska kvik-
myndaframleiðandann Jim Stark,
sem er höfundur handrits ásamt
Friðriki. Við tökurnar í Tókýó
unnu Ari Kristinsson kvikmynda-
tökumaður og Halldór Gunnars-
son aðstoðarkvikmyndatökumað-
ur. Þá kom við sögu á annan tug
tæknimanna og aðstoðarfólks á
vegum Nexus Network, sem er
japanskt framleiðslufyrirtæki með
skrifstofur í Tókýó og Bandaríkj-
unum.
Samstarf Friðriks Þórs og
Nagose hófst fyrir tveimur árum
þegar Friðrik gerði myndband við
eitt laga hans á íslandi. Þetta
myndband var útnefnt besta
myndband ársins 1992 í Japan. í
kjölfarið hafa margir japanskir
tónlistarmenn falast eftir að gera
myndbönd undir leikstjórn Frið-
riks á íslandi, en vegna anna við
gerð myndarinnar Bíódaga hefur
hann ekki getað orðið við þeim
óskum.
Vinna á undan áætlun
Vinnan í Tókýó sóttist vel og
var flesta daga á undan áætlun
Friðrik Þór
Friðriksson
vinnur að nýrri
mynd
að sögn Friðriks. Undirbúningur
var í höndum starfsfólks Nexus,
sem sá um að fínna tökustaði,
ráða leikara og aðstoðarfólk. At-
riði voru tekin upp innanhúss og
utan, þar á meðal á fiskmarkaðn-
um í Tsukiji, í Shinjuku lestarstöð-
inni sem er sú fjölfamasta í borg-
inni, á golfvelli á húsþaki í Ropp:
ongi og í grafreit í Aoyama. í
þessu kafla myndarinnar er aðeins
töluð japanska en íslenska hlutan-
um verður ýmist notuð íslenska
eða enska. Aðspurður sagði Frið-
rik að tungumálaerfiðleikar hefðu
engir verið við tökurnar. Handrit-
ið var þýtt á japönsku og veittu
japanskir aðstoðarmenn leikurum
leiðbeiningar þegar þess gerðist
þörf.
Þess er að vænta að myndin
verði frumsýnd um líkt leyti í
Tókýó og á Islandi, á útmánuðum
1994. Síðasta mynd Friðriks Þórs,
Börn náttúrunnar, verður tekin til
almennra sýninga í Tókýó í febr-
úar. Eftirvinnsla stendur nú yfir
á Bíódögum, sem tekin var í sum-
ar og er stefnt að frumsýningu
hennar í Reykjavík síðsumars.
Undrahundur í
neðansjávarköfun
r Hundi á Florída hefur verið kennt að kafa með öndunartækj-
j um og fyrirtæki í Hollywood hafa sýnt því áhuga að nota
' hann í kvikmyndum. Hundurinn nefnist Skuggi og kann vel
við að kæla sig í kafi að sögn eiganda hans, Dwane Folsom,
sem er hugvitsmaður frá Boynton Beach á Florída í Banda-
ríkjunum. „Stundum erum við saman í kafi í allt að hálf-
tíma,“ segir hann.
Til stóð að lóga Skugga ásamt
fimm öðrum flækingshundum, en
dýralækninum seinkaði í nokkra
klukkutíma og Folsom ákvað að
gefa Skugga líf. Stuttu síðar datt
honum í hug að kenna honum að
kafa, því að köfun er eitt helsta
áhugamál hans. Tæpu ári síðar
hafði Folsom búið til köfunar-
hjálm handa Skugga og tengt
hjálminn öndunartæki sínu. Síðan
hafa þeir synt öllum stundum
meðal fískanna í hafinu við
Florída og fréttin um kafarahund-
inn undraverða barst alla leið til
Hollywood.
Þar hefur kvikmyndaleikstjór-
inn Tony Romano látið i ljós
áhuga á því að gera kvikmynd
þar sem hann Skuggi verði látinn
sýna listir sínar og aúk þess hafa
margir skrifað Folsom og beðið
hann um að búa til köfunartæki
handa hundum sem þeir eiga.
Oft kemur fyrir þegar Folsom
er við köfunaræfmgar að Skuggi
reynir að stökkva út í laugina til
þess að taka þátt í leiknum. „Þeg-
ar heitt er í veðri stendur hann
oft á barminum og geltir,“ segir
Folsom sem er eigandi fyrirtækis
sem framleiðir loftræstitæki.
Hann á þá ósk heitasta að fólk
hrífist svo af snilld Skugga að Iífi
fleiri flækingshunda verði þyrmt..