Morgunblaðið - 22.01.1995, Blaðsíða 3
MORGUNBLAÐIÐ
SUNNUDAGUR 22. JANÚAR 1995 B 3
Ekki auóvelt aó skipta
um vinnustaó
Þeim hjónum ber saman um að
það hafi ekki verið mjög auðvelt
að skipta um vinnustað. Þótt þau
þekktu ýmsa samstarfsmenn á nýja
staðnum tók þau langan tíma að
aðlagast á nýja staðnum. „Ég er
mjög fegin að maður sér ekki fram-
tíðina, það finnst mér gífurlegur
kostur við lífið að vita ekki hvað
er bak við næsta horn,“ segir Helga
þegar ég spyr hvort þau hefðu skipt
hefðu þau vitað um ýmsa þá erfið-
leika sem mættu þeim á vissu tíma-
skeiði í starfinu í Þjóðleikhúsinu.
„Okkur finnst við hafa grætt sem
persónur á þeim erfiðleikum sem
mættu okkur. Við komum úr vernd-
uðum hóp og vorum skyndilega á
bersvæði. Það var athyglisverð
reynsla. En oft var líka gaman, við
fengum ýmjs mjög spennandi við-
fangsefni að fást við. Svo sem
Nótt ástmeyjanna, sem var afar
skemmtileg sýning,“ segir Helgi.
í fyrra léku þau hjón í Seiði
skugganna efir Lars Norén. „Þetta
var tímamótaverk á okkar ferli,“
segir Helga.„Þetta er mjög sterkt
verk, við fengum góðan tíma og
magnaður texti sem mæddi á okk-
ur, sérstaklega Helgu, það er eitt-
hvað það mesta sem ég hef vitað
af því tagi,“ segir Helgi. „Þá var
ég sammála sumu fólki sem finnst
konur tala of mikið, þessi Jcona
gerði það - og þeim mun meira
af því að maðurinn þagði gjarnan.
Þetta verk er um Eugéne O’Neill
og þriðju konu hans, hún var
gríðarlega góð í hausnum, ótrú-
lega,“ segir Helga. „Maður þurfti
að draga djúpt andann áður en
lagt var í þá sýningu," segir Helgi.
„Hvert skipti var það eins og fjall-
ganga,“ bætir Helga við.
- Er heimilislífið þá ekki ákaf-
lega friðsamlegt þegar svona mikið
gengur á á sviðinu? spyr ég.
„Jú, blessuð vertu, við erum eins
og englar þegar við komum heim,“
segir Helgi og kímir. „Þess vegna
finnst okkur það mikil viðbrigði það
sem við erum að gera í Fávitanum
núna. Einhverra hluta vegna hitt-
umst við aldrei á sviðinu þar.“
- Finnst ykkur það ekki leiðin-
legt, spyr ég.
„Nei, það er ekki nokkur ástæða
fyrir þá karaktera að hittast," seg-
ir Helga og hlær.
Ekki öllum gefió aó gela
stjórnaó
- Eruð þið sátt við hlutskipti
ykkar í dag? spyr ég þessu næst
vafningalaust.
„Já, það verð ég að segja,“ seg-
ir Helgi. „Það hefur margt gjör-
breyst til hins betra síðan Stefán
Baldursson tók við rekstri Þjóðleik-
hússins, það er ekki öllum gefið
að geta stjómað svo vel sé,“ segir
Helga. „Stefán fylgist mjög náið
með því sem er að gerast og þeir
sem við húsið vinna finna að þeirra
framlag skiptir máli. Þessi brenn-
andi áhugi hans skilar sér í öllu
sem gert er og fólkinu líður vel á
sínum vinnustað," segir Helgi.
- Hver er staða leikara í dag?
segi ég.
„Við erum BSRB-fólk og staða
þess er ekki merkileg, hvað laun
snertir," segir Helga. „Vegna þessa
skilja ekki allir hvernig maður get-
ur hangið í þessu. Maður ætlast
heldur ekki til þess. Ef fólk er að
hugsa um leiklist en vill þó alveg
eins fara í eitthvað annað þá ætti
það að gera það, maður verður
ekki ríkur af að verða leikari, ekki
einu sinni kvikmyndaleikari eins
og Helgi,“ segir Helga og lítur með
svolítið „íronisku" brosi til manns
síns. Augnaráðið sem hann sendir
konu sinni til baka segir mér örlít-
ið um hve náin og innileg þeirra
vinátta er.
Tal okkar beinist nú skamma
stund að kvikmyndaleik. „Mér hef-
ur fundist gríðarlega gaman að
leika í flestum þessum bíómyndum
sem ég hef leikið í,“ segir Helgi.
- Er ekkert leiðinlegt að leika
oftast einhverja skúrka, spyr ég.
Ljósmynd: Morgunblaðið/Sverrir
HELGA Bachmann og Helgi Skúlason í hlutverkum sinum
í Fávitanum sem Þjóðleikhúsið sýnir um þessar mundir.
„Nei. Það eru gömul sannindi
að skúrkahlutverkin eru gjaman
mest spennandi og eftirsóknarverð-
ust fyrir leikarana. Höfundarnir eru
alltaf í meiri vandræðum með góðu
mennina, þeir eru svo bundnir af
því að ekki megi kasta rýrð á þá.
Kvikmyndaleikur er ennþá meiri
ögrun á tækniplaninu, það hefur
alltaf heillað mig. Ég naut þess
áður fyrr að setja upp leikrit og
leika hjá öðrum til skiptis, þetta
skilar sér við kvikmyndaleik, maður
skynjar betur hreint tæknilega
hvað þarf og af hverju."
- Hefur þetta ekki haft í för
með sér talsverðan aðskilnað ykkar
hjóna? spyr ég.
„Alveg_ hæfilegan," svarar
Helga. „Ég var t.d. fegin að vera
ekki með í Noregi í 40 stiga gaddi.
Þá var ég í Jónshúsi í Kaupmanna-
höfn að gera nýja leikgerð að
Marmara Guðmundar Kambans.“
Þess má geta að Guðmundur Kam-
ban og móðir Helgu voru systkini.
„Þetta verk var barn síns tíma en
ég fækkaði karakterunum og stytti
verkið svo það væri aðgengilegra
fyrir leikhús í dag,“ segir Helga.
Staóa leikarans?
- En hvað um stöðu leikarans í
dag? spyr ég.
„Það er eðli starfsins að standa
í argaþrasi. Eigi að síður verður
að varðveita ákveðinn hreinleika til
þess að geta mætt til leiks aftur
og aftur með hreint léreft. Það má
ekki leyfa hinu neikvæða sem
mætir manni í starfinu að menga
hugann. Það verður að moka því
út. Hreinleikinn er mikilvægastur.
Það verður ekki eins hreint ef allt-
af þarf að mála ofan í,“ segir Helga.
„Það er best að ég tali um stöðu
Verðbréfasjóðir Skandia bjóða fjölbreyttar
leiðir til að ávaxta sparifé þitt
iqfir Skandia
Löggilt veröbréfafyrirtæki • Laugavegi 170 Sími • 561 97 00
Fjárfestingarfélagið Skandia hf er alfarið t eigu Skandia
HNMMMmimmmmiMmnmmmmi
J
iimmmimwi—wiiHiiHi
\Ierðbréfasjóðir Skandia eru góður kostur
fyrir þá sem vilja spara markvisst og
jjárfesta til lengri eða skemmri tima.
Þegar þú fjárfestir í verðbréfasjóðum
Skandia geturþú verið viss um að alltaf er
leitast við að ná hœstu ávöxtun
sem mögulegt er, án þess að mildl
áhœtta sé tekin með peningana þína.
Á árinu 1994 nam munávöxtun sjóða Skandia
alltað 11.1%.
Skandia býður upp á 5 sjóði sem hver
um sig er sniðinn að mismunandi
þörfum jjárfesta: Kjarabréf Tekjubréf
Markbréf, Skyndibréf og Fjölþjóðabréf.
Ráðgjafar Skandia eru ávallt reiðu-
búnir til að leiðbeina þér við val
á rétta verðbréfasjóðnum jýrir þig.
Tiyggðu þér góðar fréttir i blaðinu
á rnorgun og jjárfestu i verðbréfa-
sjóðum Skandia.
ER BESTA FRÉTT
BLAOSINS í DAG UM
PITT SPARIFÉ?