Morgunblaðið - 11.06.1995, Blaðsíða 3

Morgunblaðið - 11.06.1995, Blaðsíða 3
MORGUNBLAÐIÐ SUNNUDAGUR11.JÚNÍ1995 B 8 skalann. Gallinn er að fólk er ekki vant því að fá svo mismunandi útsetningar og ég viðurkenni að það er kannski veikleiki hjá mér." Fáránlegt aö syngja á ensku á íslandi Á tónleikum Bjarkar í Laugardalshöll á síðasta ári vakti athygli viðstaddra að hún söng öll lögin á íslensku og lagði sitthvað á sig til þess, var til að mynda með textana skrifaða á blað sem límt var á sviðið svo hún gæti lesið þá ef á þurfti að halda. Hún seg- ist reyndar hafa samið þá upphaflega á ís- lensku og snúið síðan á ensku. „Þegar ég kom svo til íslands var ég búin að vera að syngja þá á ensku í heilt ár og ég kunni þá ekki á íslensku. Þess vegna var ég með text- ana á blaði á sviðinu af því að ég mundi þá ekki alla. Þannig var það líka á fyrstu fimm eða sex tónleikunum á ensku." . En aí hverju ekki að syngja þá á ensku? „Mér fannst bara fáránlegt að syngja á* ensku; það væri eins og að tala við ömmu mína á ensku," segir Björk ákveðin. Hún segir að reyndar komi það fyrir að hún semji sama textann ýmist á ensku eða íslensku og reyndar grípur hún víða til íslenskunnar. „Það er mjög langt síðan ég byrjaði á þessu, líklega þegar ég var að semja texta á aðra Sykurmolaplötuna. Þá samdi égtextanajafnt á ensku og íslensku; fékk kannski hugmynd á ensku sem passaði við takt og sneri henni á íslensku og öfugt." ísland og kynlíf í viðtölum sem birst hafa við Björk undan- farið bérst talið ævinlega að íslandi og hún segir að það sé tvennt sem hún sé aðallega spurð um, ísland og kynlíf. „Það halda allir að ég sé kynóð og það er alltaf það fyrsta sem þeir spyrja um og fá svo áfall þegar ég svara hreinskilnislega. Ég held ég hafi gengið fram af mörgum, þegar menn spyrja mig um kynlíf og ég svara bara eins og mér finnst og sem er eðlilegt fyrir mér: það kemur til dæmis á marga að heyra að heima á íslandi er jafn algengt að kona reyni við mann og maður við konu, en hérna er það bara á eina vegu. Heima er það líka enginn glæpur þó unglingar séu að draga sig saman og prófa sig eitthvað áfram, en hér er það stórmál." Björk segist hafa lært að gera sér ekki rellu yfir því þó orð hennar séu afflutt. „Það er eitthvað sem ég er búin að sætta mig við fyrir löngu. Blaðamenn munu aldrei sjá sömu hlið af mér og ég sé og það er ekkert við því að gera, ég gæti eytt ævinni í að reyna að leiðrétta þá en ég nenni því bara ekki. Viðtöl- in við mig hafa verið svona um það bil 90% það sem ég segi og restin tilbúningur eða lygi, sem er ekki svo slæmt. Síðan koma alltaf öðru hvoru viðtöl eins og birtist í Det- ails fyrir skemmstu, sem er hryllilegasta við- tal sem ég hef séð, helmingurinn lygi, en við því er heldur ekkert að gera. Ég get bara gert mitt eins vel og ég get og ef menn misskilja mig þá er það þeirra vandamál. Menn hér eru búnir að ákveða að mamma mín hafi verið hippi og eiturlyfja- neytandi og það er afskaplega erfitt fyrir mig að leiðrétta það og það er sama hvað ég reyni að lýsa því hvað frelsið í uppeldinu var mér mikilvægt, menn skilja það ekki. Þegar ég reyni að lýsa því fyrir þeim að ég hafi verið lyklabarn á Islandi, því mamma varð að vinna þá halda bara að ég hafi alið mig upp sjálf og étið gras." Á íslandl þá bara reddar maður sér Mikið af misskilningnum segir Björk eflaust stafa af því að breskir blaðamenn eigi erfitt með að skilja íslenskan hugsunar- hátt. „Það sem mér finnst ólíkast með íslend- ingum og Bretum er að á íslandi þá bara reddar maður sér; ef bíllinn þinn bilar þá bara gerir þú við hann, eða þú smíðar eigið hjónarúm, eða þú sérð um garðinn þinn. Fólk hér skilur það einfaldlega ekki og það að einhver fari út og veiði í matinn finnst mönnum bara brandari. Ég fer á lögfræðifundina og ég hjálpa til við að hanna umslagið og ég skrifa handritið með myndbandssmiðnum og ég fer sjálf og hitti hljóðfæraleikarana og ég stýri sjálf upp- tökum; mér finnst þetta bara svo sjálfsagt, en þetta þekkist ekki hér í landi. Það kemur hvað eftir annað fyrir þegar ég stend við hliðina á ritaranum mínum að einhver kemur til hennar og spyr hvort ég geti gert þetta eða hitt; það er eins og ég sé einhver rokk- auli á heróíni oghún sé ábyrg fyrir því að ég mæti í vinnu. Ég lærði það sem íslending- ur að vinna það sem þarf þar til verkið er búið, hvort sem það tekur átta tíma eða sex- tán. Þetta er eitthvað sem ég þarf ekki að segja þér eða ömmu minni eða afa, en blaða- mönnum hér finnst þetta voða skrýtið." Tónleikaferð í burðarliðnum Eins og getið er er framundan mikil tón- leikaferð Bjarkar um heiminn til að fylgja Post eftir. Debúttónleikarnir verða í Aber- deen í Skotlandi sjötta júlí og síðan heldur hún til írlands og leikur þar á fernum tónleik- um. í síðustu tónleikalotu hélt hún aðeins ferna tónleika í Bandaríkjunum, en hún seg- ir að að þessu sinni verði tónleikum skipt bróðurlega milli álfanna beggja vegna Atl- antsjiafs. „Ég vildi ekki halda fleiri tónleika í Banda- ríkjunum á sínum tíma því ég var ekki ánægð með hljómsveitina. Ekki það að mér hafi fundíst að Bandaríkin ættu betra skilið, held- ur er svo erfitt að ferðast um Bandaríkin, Ljósmynd/Björg Sveinsdóttir fjarlægðir eru svo miklar og mikið umstang. Ég vildi líka helst sleppa íslandi, því mér finnst erfiðast að spila þar, þar þekkja mann allir og ég vildi hafa það bestu tónleikana. Þess vegna hafði ég það síðustu tónleikana því þá var hljómsveitin orðin eins góð og hún gat orðið. Núna er þetta allt öðruvísi, nýja hljóm- sveitin er miklu nær því sem ég vil. Ég verð mánuð í Bandaríkjunum, þá mánuð í Evrópu, aftur mánuð vestan hafs og svo Ioks mánuð í Evrópu.JÞetta fer mjög eftir skólanum hjá Sindra. í skólafríinu fer hann með mér og síðan ætlar mamma að líta eftir honum, en hún verður í Lundúnum í haust. Svo tek ég tónleikafrí, en hef svo sem nóg fyrir stafni, og á næsta ári ætla ég að.fara um eins mikið af Asíu og ég get. Ég tók ást- fóstri við Asíu sem krakki, ég var alltaf köll- uð Kínverjinn í skóla," segir Björk og hlær. Elnn fyrlr alla og allir fyrlr elnn Björk hefur oft látið þau orð falla að það sem helst hafi hrifið hana við pönkið á sínum tíma hafi verið frelsið; það gerðu allir það sem þeir vildu og báru á því fulla ábyrgð. Hún hefur og sagt að það hafi sitt að segja um það að hún vilji hafa alla þræði í hendi sér. „Maður fattar það ekki fyrr en eftir 975 viðtöl, ókeypis tíu tíma á dag sálfræðiað- stoð," segir Björk og hlær, „hvað ég var brjálæðislega heppin að vera innan um þetta fólk og gera allt sjálf; hanna plaköt og hengja þau upp, skipuleggja tónleika og stilla upp og fara sjálf í mál við útgefanda sextán ára og vinna málið. Þetta vafðist aldrei fyrir neinum, þetta var bara sjálfsagt og ekki bara það að þú varst sjálfstæður, heldur voru allir alltaf til í að hjálpa þér. Ég ætlast til þess að fólk hjálpi mér til að vera ég sjálf og ég er líka fyrst til að hjálpa öðrum ef þeir vilja vera þeir sjálf- ir. Það er líka eitthvað sem maður lærði af að vera í Kuklinu og Sykurmolunum, einn fyrir alla og allir fyrir einn." Fullt af afætum Þó Björk vilji standa á eigin fótum og hafa hönd í bagga með öllu sem henni við- kemur, hefur hún vissulega þurft að ráða sér fólk til að verjast, eins og þegar tónlistarmað- urinn Lovejoy sakaði hana um að hafa stolið frá sér hugmyndum og krafðist hlutdeildar í söluhagnaði af Debut. „Það er allt fullt af afætum og maður verður bara að passa sig á að taka því ekki persónulega. Mér er sagt að Debut hafí gengið það vel að ég hefði átt að fá á mig að minnsta kosti sex manns sem ég hefði ekki einu sinni hitt sem færu í mál við mig fyrir að stela frá þeim hugmyndum, en ég fékk bara einn," segir hún og kímir. Hún segir að málið eigi að fara fyrir rétt eft- ir tvær vikur, en Lovejoy hafí alla tíð treyst á að hún myndi borga honum fyrir að láta sig í friði og hafi sagt það sjálfur. „Hann átti að skila skýrslum, rökstuðningi og fleiri gögnum fyrir löngu, en hann hefur engu skilað og getur ekki því þetta er bara bull. Hann ætl- aði sér að fá mig til að borga til að þetta færi ekki í blöðin, en mér er nákvæmlega sama hvað fer í blöðin og sagði honum að fara í rass og rófu." ? Björk segir að hluti vandans sé að atvinnu- og tekjulausir fái málskostnað sinn greiddan af ríkinu og sú regla sé mjög misnotuð. Lög- um sem kveða á um þetta eigi að breyta á næstunni, enda þýði þetta málavafstur að hún þurfi að greiða margar milljónir í málskostn- að, en Lovejoy hafi engu að tapa; þegar kröf- unni verði vísað frá beri breska ríkið brúsann af hans málskostnaði. „Þessi ellefu lög voru það eina sem ég átti í þessu landi og ég lít á þau sem börnin mín svo þegar einhver annar reynir að stela þeim getur hann farið til fjandans. Það er alsiða að borga til að losna við þetta vesen, en ég vil ganga svona langt til að vinna málið, þó það kosti mig milljónir eða milljónatugi, til að geta sýnt öðrum sem reyna þetta að ég er tilbúin til að fara alla leið." Ég á ötl lögln mín Samkvæmt umslagi Post á bahameyskt fyrirtæki, Björk Overseas, útgáfuréttinn á plötunni, en það fyrirtæki á Björk ein líkt og Bapsi Records, sem átti lögin á Debut. Hún leigir síðan öðrum fyrirtækjum útgáfuréttinn; Smekkleysu á íslandi, Electra í Norður-Amer- íku og Mother Records í öðrum löndum, en þessi tilhögun tryggir að enginn getur sagt henni fyrir verkum. „Ég á öll lögin mín og allt í kringum þau og það er annað sem fólk hér skilur ekki. Það nennir ekki að standa í þessu, það vill bara spila sitt lag og fara svo heim að sofa. Mér finnst að það sé eins og að eign- ast barn og labba svo í burtu og segja ég sé þig eftir tuttugu ár. Maður verður að mennta þau og fæða, tryggja þeim heilbrigðisþjónustu og kynna þau fyrir mannlegu eðli, sem er það erfiðasta, og ég sleppi ekki hendinni af lögun- um fyrr en þau eru komin út í búð." Tandurhrein samvlska Lánið er hverfult í tónlistarheiminum og Björk gengur ekki að því gruflandi að gæfan geti óforvarandis snúist henni í óhag. „Ef þetta er búið á morgun og ég fer heim að vinna í fiski, eða stofna tónlistarskóla á Sauðárkróki hef ég tandurhreina samvisku. Eg er bara í heimsókn í Bretlandi og ég veit ekki hvað þetta endist lengi, en ég vil geta labbað burt frá þessu þegar ég fer heim til íslands og sagt: ég gerði eins vel og ég gat; ég var ekki einhver hugleysingi sem boraði í nefið og var bara á fylleríi og lét aðra vinna fyrir sig." w EITIR SUMARSINS BEINT LEIGUFLUG TIL BILLUND DANMORK Kr 30.900* FLOGIÐ ALLA MIÐVIKUDAGA í SUMAR. Barnaafsláttur kr. 9.000 *Verð pr. mann, fluij oy flugvallaskattar. Flug og farfugla- heimili ÍBILLUND Ódýrt og þægilegt. Kr 30.640* Verö á mann miöaö við 2 fullorðna og 2 börn, 2ja-11 ára. Innifalið flug, gisting á farfuglaheimili í Billund í eina viku og öll flugvallagjöld. SUMARHÚS í DANMÖRKU RIBE Sumarleyfisparadís með ótal möguleika. 44.925 Kr. Staðgreiðsluverð á inann mlðað víð 2 fullorðna og 2 börn, 2ja-11 ára, f 2 vlkur f júlf-12. ágúst. Innllalio flug Ul Billund, íliiiö M, leto til og Irá (lugvelli erlendis og öll flugvallagjöld. KOLDING Glæsiíbúðir í miðjum bæ. Kr 46.370* Staðgreiðsluverð miðað við 4 f fbúð A4, 2 fullorðna og 2 börn 2ja-11 ára f 2 vikur f jíili. Innifallð flug til Blllund, ilníð, ferð til og frá flugvelli og öll flugvallagjöld. FLUG OG BÍLL BILLUND - ÖRSTUTT í LEGOLAND Kr. 32.750 'Staðgreiðsluverð miðað við 4 í bíl í A-flokki, 2 fuilorðnir og 2 börn, Zja-11 ára. Innifalið flug til Billund, bíll í A-flokki í2 vikur, ðtakmarkaður km. fjöldi og fiugvallagjöld. KAUPAMANNAHOFN Tívolí, Bakkinn - verðandi menningarborg Evrópu. Kr. 34.820 *Staðgreiðsluverð miðað við 4 í bíl í A-flokki, 2 fullorðna og 2 börn 2ja-11 ára. Innitalið flug til Kaupmannahafnar, bill i A-tlokki i 2 vikur, ótakmarkaður kmfjöldi og flugvallagjöld. FERÐASKRIFSTOFAN SIMI 565 2266

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.