Morgunblaðið - 04.01.1996, Blaðsíða 1

80 SÍÐUR B/C/D/E
STOFNAÐ 1913
2. TBL. 84. ÁRG.
FIMMTUDAGUR 4. JANÚAR 1996 PRENTSMIÐJA MORGUNBLAÐSINS
Fjárlagadeila í
Bandaríkjunum
Stofnanir
lokaðar í
19 daga
Washington. Reuter.
BILL Clinton Bandaríkjaforseti
sakaði í gær repúblikana um að
reyna með kaldrifjuðum hætti að
knýja fram sigur í deilunni um fjár-
lög þessa árs. Bandaríska ríkiskerf-
ið hefur verið lokað að hluta í nítj-
án daga og um 280 þúsund ríkis-
starfsmenn setið
aðgerðalausir á
meðan.
„Þetta hefur
aldrei verið gert
áður. Þetta eru
engar náttúru-
hamfarir. Þetta
eru óeðlilegar
hamfarir sem
rekja má til kald-
rifjaðrar pólitískrar stefnumótun-
ar,“ sagði Clinton. Hann bætti við
að þessar lokanir flýttu ekki fyrir
viðræðum sínum við meirihluta
repúblikana á þingi heldur vörpuðu
einungis skugga á þær. Hann sagð-
ist þó enn vongóður um að árangur
myndi nást að lokum og sagðist
sjálfur reiðubúinn að leggja mikið
af mörkum til að svo yrði.
Fyrr um daginn hafði Mike
McCurry, talsmaður forsetans, sak-
að leiðtoga repúblikana í fulltrúa-
deild þingsins um að koma í veg
fyrir samkomulag þó svo að það
væri vilji meirihluta þingmanna.
Á þriðjudag samþykkti öldunga-
deild þingsins, þar sem repúblikan-
ar eru einnig í meirihluta, sam-
hljóða ályktun um að opna ríkis-
stofnanir á ný. Leiðtogar repúblik-
ana í fulltrúadeildinni, með Newt
Gingrich þingforseta í broddi fylk-
ingar, neita hins vegar að fallast á
málamiðlanir fyrr en tryggt sé að
fjárlög ársins 2002 verði hallalaus.
Clinton
Serbar neita að sleppa sextán múslimum sem þeir handtóku
Serbar líta á múslim-
ana sem stríðsfanga
Reuter
WILLIAM Perry, varnarmálaráðherra Bandaríkjanna, heilsar Sarajevo-búum. Perry er æðsti emb-
ættismaður Bandaríkjanna sem hefur heimsótt Bosníumenn eftir að stríðið skall á árið 1992.
íhuga að leiða
nokkra þeirra
fyrir rétt
Sarajevo. Reuter.
SERBAR buðu friðargæslusveitum
Atlantshafsbandalagsins (NATO) í
Bosníu birginn í gær og neituðu
að sleppa sextán múslimum sem
þeir tóku höndum í Ilidza, serbn-
eskri útborg Sarajevo. Talsmaður
Bandaríkjastjórnar sagði í gær að
Bandaríkjamenn litu málið mjög
alvarlegum augum og að málið
yrði tekið upp við Slobodan Mi-
losevic Serbíuforseta sem brot á
Dayton-samkomulaginu. Bosnískur
embættismaður sagði að serbnesk
yfirvöld í Ilidza hefðu neitað að
láta múslimana lausa, litu á þá sem
stríðsfanga og íhuguðu réttarhöld
yfir nokkrum þeirra. Þetta mál er
fyrsti raunverulegi prófsteinninn á
friðargæslu Atlantshafsbandalags-
ins í Bosníu sem hefur nú staðið í
tvær vikur.
Michael Walker, yfirmaður land-
hers NATO í Bosníu, ræddi málið
við Prstojevic Nedjeljko, borg-
arstjóra Ilidza. Haft var eftir bosn-
ískum embættismanni að Nedjeljko
hefði sagt að litið væri á múslim-
ana sem stríðsfanga, en þeirra á
meðal eru tvö börn undir sjö ára
aldri. Nokkrir þeirra kynnu að
verða sóttir til saka fyrir að aka í
herbúningum á svæði, sem bannað
væri að fara um, eða svartamark-
aðsbrask.
Múslimamir voru teknir höndum
þegar þeir óku inn á serbneskt yfir-
ráðasvæði og stjóm Bosníu sakar
Serba um að hafa rænt þeim til
að grafa undan friðarsamningun-
um, sem kveða á um ferðafrelsi.
Franska utanríkisráðuneytið til-
kynnti í gær að Serbar hefðu sleppt
þremur múslimanna en bosnískir
embættismenn sögðu það misskiln-
ing. Þeir hefðu hins vegar sleppt
þremur konum, sem hefðu villst
yfír á svæði Serba á þriðjudag og
tengdust ekki múslimunum sem
væru í haldi.
William Perry, varnarmálaráð-
herra Bandaríkjanna, kom í gær
til Sarajevo og er æðsti embættis-
maður Bandaríkjanna sem hefur
farið til Bosníu frá því stríðið skall
á árið 1992. Hann vildi gera sem
minnst úr máli múslimanna sextán
og kvaðst aðspurður ánægður með
samskipti yfirmanna friðargæslu-
sveitanna við leiðtoga múslima og
Serba.
Varnarmálaráðherrann sagði
hins vegar nauðsynlegt að alþjóðleg
lögreglusveit, sem öryggisráð Sam-
einuðu þjóðanna hefur ákveðið að
senda til Sarajevo, kæmi þangað
„eins fljótt og kostur er“. Hann
sagði að friðargæslulið NATO
myndi gera allt sem það gæti til
að leysa málið meðan beðið væri
eftir lögreglusveitunum en bætti
við að það væri ekki í verkahring
NATO að halda uppi löggæslu í
Bosníu.
Ashrawi í
kosninga-
baráttu
PALESTÍNSKA baráttukonan
Hanan Ashrawi, t.v., ræðir við
stuðningskonu sína í lok fundar
í borginni Ramallah í gær. Fyrir
fundinum stóðu konur sem
krefjast þess að hlutur kvenna
verði aukinn á framboðslistum
fyrir kosningar sem fram fara
á sjálfstjórnarsvæðum Palest-
ínumanna 20. janúar nk. Ashr-
awi er ein þeirra 700 manna sem
bjóða sig fram til setu í þjóðar-
ráði Palestínu, en 88 manns
munu eiga sæti í því. Kosninga-
baráttan hófst á þriðjudag og
er stuttur tími til stefnu, aðeins
rúmar tvær vikur.
■ Konan sem bauð/17
Reuter
Friðarviðræður Israela og Sýrlendinga
Deilan um Golan-
hæðir erfiðust
Jerúsalem. Reuter.
FULLTRÚAR ísraela sögðu í
gær, að horfur á friðarsamningum
við Sýrlendinga á þessu ári væru
ekki góðar nema þeir sýndu auk-
inn sveigjanleika í viðræðunum'
sem hófust að nýju skammt frá
Washington í gær, eftir nokkurra
daga hlé. Talsmenn Sýrlands-
stjórnar báru lof á Shimon Peres,
forsætisráðherra ísraels, í fyrra-
dag og hvöttu til, að ríkin semdu
með sér frið á árinu.
Yossi Beilin, ráðherra í ríkis-
stjóm ísraels, skoraði í gær á
stjórnina í Damaskus að sýna
sveigjanleika í viðræðunum um
landamæri ríkjanna og friðarskil-
mála almennt. Sagði hann í við-
tali við útvarp ísraelska hersins,
að litlar líkur væru á friðarsamn-
ingum á þessu ári ef þeir ættu
eingöngu að vera eftir forskrift
Sýrlendinga.
Leiðtogafundur hugsanlegur
Viðræður Israela og Sýrlend-
inga hófust aftur eftir hálfs árs
hlé i Maryland í Bandaríkjunum í
síðustu viku og eiga að standa í
þijá daga í þessari viku. Kvaðst
Beilin vona, að nú næðist sam-
komulag um það hvernig að fram-
haldinu yrði staðið og Uri Savir,
einn ísraelsku samningamann-
anna, sagði, að vildu Sýrlendingar
í einlægni sættast við ísraela,
mætti búast við fundi leiðtoga ríkj-
anna síðar á árinu.