Morgunblaðið - 19.07.1996, Síða 18
18 FÖSTUDAGUR 19. JÚLÍ 1996
MORGUNBLAÐIÐ
VERK á sýningu Ingu
Sólveigar.
Inga Sólveig
í Galleríi
Horninu
INGA Sólveig Friðjónsdóttir opnar
sýningu á handmáiuðum ljósmynd-
um í Galleríi Horninu, Hafnarstræti
15, laugardagir.n 20. júlí kl. 17.
Sýningin ber yfirskriftina „Steinar í
sterkum litum“, og vísar heitið ti!
viðfangsefnisins, steina í náttúru
Islands.
Inga Sólveig stundaði nám við San
Francisco Art Institute og útskrifað-
ist þaðan 1987. Síðan hefur hún
haldið fjórtán einkasýningar, bæði á
íslandi og erlendis, auk þátttöku í
samsýningum.
Sýning Ingu Sólveigar stendur til
miðvikudagsins 7. ágúst og verður
opin alla daga milli kl. 11 og 23.30.
Á milli kl. 12 og 18 er gengið inn
um sérinngang í galleríið, en annars
í gegnum veitingastaðinn Hornið.
Gluggasýning
í Listhúsi 39
GLUGGASÝNING í Listhúsi 39
Hafnarfírði, kynning á verkum eftir
Margréti Guðmundsdóttur, grafík-
listamann, stendur yfir í Listhúsi 39
Margrét lauk námi frá Grafík-
deild Myndlista- og handiðaskóla
íslands 1993 og hefur hún unnið
við myndlist og videolist síðan. Hún
hefur tekið þátt í fjölda samsýninga
og haldið einkasýningar.
í glugganum eru verk þau sem
unnin voru í sambandi við alþjóð-
lega grafíkmöppu.
Listhús 39 er að Strandgötu 39,
Hafnarfirði og er opið virka daga
frá kl. 10-18, laugardaga kl.
12-18 og sunnudaga kl. 14-18.
Einnig hefir verið opið á fimmtu-
dagskvöldum til kl. 21 eins og í
Hafnarborg, Listamiðstöð Hafnar-
fjarðar, nú á sumarmánuðum.
Olafur Arni Olafsson
LISTIR
Handverkssýning
Koltru-hópsins
HIN árlega handverkssýning Kol-
tru-hópsins fer fram næstkomandi
sunnudag, 21. júlí, á Núpi í Dýra-
firði og til sýnis verður margt hand-
verksmuna.
Nú í vikunni var opnuð málverka-
sýning, með myndum eftir Jón Her-
mannsson. Þetta eru vatnslitamynd-
ir af þekktum stöðum á Vestfjörðum
og eru allar myndirnar til sölu.
Samhliða handverkssýningunni
Jón
Hermannsson
verður kaffihlað-
borð og leikur
Rúnar Þórisson
undir á gítar.
Handverks-
sýningin er opin
frá kl. 14-18 en
málverkasýning-
in er hinsvegar
opin allan dag-
inn, í allt sumar.
Glerlist í
Hornstofu
í DAG verður opnuð sýning á gler-
list í Homstofunni, Laufásvegi 2.
Þar sýnir verk sín Sigríður Óskars-
dóttir glerlistakona. Sigríður
starfar sem handmenntakennari
en hefur unnið við glerlist undan-
farin ár. Hún hefur tekið þátt í
sýningum hér heima og á Norður-
löndunum.
Homstofan hefur verið nýtt
undanfarið til kynninga á hand-
verki og handverksfólki víðsvegar
af landinu vikutíma í senn. Er það
nýbreytni að bjóða upp á aðstöðu
þar sem handverksfólk getur setið
að störfum og sýnt og selt list sína.
Hornstofan er samvinnuverkefni
Heimilisiðnaðarfélags íslands og
Handverks reynsluverkefnis og
stendur til ágústloka.
Sýningunni lýkur 24. júlí og er
opin daglega kl. 13-18.
Verk á sýningu Sigríðar
Óskarsdóttur.
Morgunblaðið/ Asdís
INGVI Þór Kormáksson og John Soul, höfundar Watch
Out, sem hafnaði i öðru sæti í alþjóðlegri samkeppni laga-
smiða í Hastings á Englandi.
Annað sætið
í Hastings
LAG eftir Ingva Þór Kormáksson
og John Soul, sem eru liðsmenn í
hljómsveitinni J.J. Soul Band,
hlaut önnur verðlaun í alþjóðlegri
samkeppni Iagasmiða sem haldin
var í Hastings á Engiandi um
miðjan mánuðinn. Alls bárust um
200 lög í keppnina.
J.J. Soul Band gaf út geisladisk-
inn Hungry for News á síðasta ári
og hlaut hann lofsamlega dóma
hér á landi. Á disknum var að finna
lagið Watch Out sem þeir félagar,
Ingvi Þór og John, sendu í keppn-
ina í Hastings. John fór utan til
að þess að flytja lagið og hafði
hann það eftir dómnefndarmönn-
um að eftir úrslitakvöldið að erfið-
lega hefði gengið hjá dómnefnd-
inni að gera upp á milli sigurlags-
ins, Gone With the Wind, og Watch
Out og töldu þeir að tónlist J.J.
Soul Band ætti góðan hljómgrunn
í Bretlandi.
John segir að þessi ágæti árang-
ur í Hastings geti opnað margar
dyr fyrir þeim félögum sem laga-
smiðum í Bretlandi og víðar. Auk
þess hlutu þeir félagar peninga-
verðlaun. Samkeppnin fór fram í
aðaltónleikasalnum í Hastings sem
rúmar um 500 manns í sæti og
var salurinn þéttsetinn á úrslita-
kvöldið. John segir að fslendingar
eigi greinilega upp á pallborðið í
Englandi um þessar mundir. Gerð-
ur var góður rómur að því þegar
kynnirinn kynnti Watch Out sem
fyrsta lagið sem berst í þessa sam-
keppni frá íslandi. Fjölmiðlar á
staðnum tóku viðtöl við John, sem
hefur verið búsettur á íslandi í
ljölda ára og býr með íslenskri
konu.
Gunnar Dal með sína fyrstu myndlistarsýningu
Ný stefna í myndlist
Hveragerði. Morgunblaðið.
Morgunblaðið/Aldís
GUNNAR Dal segir að vaxtarbroddur heimslistarinnar
sé í Hveragerði.
Margrét Guðmundsóttir
grafík-listamaður.
Gjömingur
íporti
ÓLAFUR Árni Ólafsson mynd-
listarnemi verður með gjörning
í porti Nýlistasafnsins við Vatns-
stíg 3b í kvöld kl. 22. Ásamt Ól-
afi munu Freyr Eyjólfsson, Hlín
Gylfadóttir, Sigurður Ingvarsson
og Anna Júlía Friðbjörnsdóttir
taka þátt í gjörningnum.
----♦ ♦ ♦--
Jass á Jóm-
frúartorgi
JASSTÓNLEIKAR smurbrauðs-
veitingahússins Jómfrúarinnar
verða á Jómfrúartorginu, bakvið
Lækjargötu 4, kl. 16 á laugardag.
Verði veður válynd verða tónleik-
amir haldnir innandyra.
GUNNAR Dal hefur hingað til ver-
ið þekktur fyrir annað en afrek sin
á myndlistarsviðinu en nú kemur
hann öllum á óvart og hefur opnað
sýningu á myndverkum í Eden,
Hveragerði. Á sýningunni eru 14
verk máluð með olíu á striga og
eru þau öll til sölu.
Yfirskrift sýningarinnar er
„Borgarlist; ný stefna í myndlist".
Vísar heitið til þess að á sýning-
unni kehnur Gunnar Dal fram með
alveg nýjan, áður óþekktan, stíl sem
hann kýs að kalla „Borgarlist".
Fréttaritari Morgunblaðsins kom
við í Eden opnunardag sýningarinn-
ar og ræddi við Gunnar Dal og
Indriða G. Þorsteinsson sem átti
hugmyndina að nafni hins nýja stíls.
Þeir Indriði og Gunnar, ásamt fleiri
mætum mönnum, hafa undanfarin
ár ávallt mætt í morgunkaffí til
Braga í Eden. Þar fara fram miklar
umræður um landsins gagn og
nauðsynjar, en ekkert er þeim félög-
um óviðkomandi.
Það var yfir kaffibollunum einn
morguninn sem Indriði kom með
eftirfarandi skilgreiningu á „Borg-
arlist“. „Borgarlist" er afsprengi
natúral- og abstraktlistar. í „Borg-
arlist" renna þessar tvær iistastefn-
ur saman og mynda heild sem um
leið verður í viðráðanlegu og skilj-
anlegu formi. Borgarlist byggist á
grunnhugmyndinni um mikið þétt-
býli, mannmergð og nábýli."
Sama fyrirbærið
Gunnar Dal gefur lítið út á það
hversvegna hann hóf allt í einu að
mála. „Það þýðir lítið að spyija
hversvegna. Líf og list er sama fyr-
irbærið. Maður sem dáist að lífs-
undrinu reynir að túlka þessa að-
dáun sína hvort sem er í sögu, leik-
list, ljóði eða mynd.“
Gunnar Dal vill ekki skilgreina
myndverk sín eða Ijá þeim merk-
ingu. „Maðurinn sem fann upp
Kúbismann og þeir sem skilgreindu
hann, skildu aldrei hver annan.
Þegar listmálari gerist heimspek-
ingur og fer að mála til að koma
boðskap til heimsbyggðarinnar þá
er hann búinn að troða boðskap í
myndlist og þar með eyðileggja
hana. Oft eru listamenn að reyna
að skapa nýjan heim, nýjan mann.
í nútímanum búa jafn miklir hæfí-
leikar og á öðrum tímum en þeir
fá ekki notið sín vegna þess að
ráðamenn í skólum og gagnrýnend-
ur, hafa krafist þess að menn máli
eftir forskrift. Þar með er tilgangur-
inn orðinn óviðkomandi listinni. Á
þennan hátt tekst valdtekjumönn-
um að spilla góðum efnum. Frjálsi
sköpunarkrafturinn fær ekki notið
sín, en sköpunin verður alltaf að
fá að vera frjáls.“
Þegar Gunnar er spurður að því
hversvegna hann valdi einmitt
Hveragerði sem sinn fyrsta sýning-
arstað svarar hann því til að í sínum
huga sé vaxtarbroddur heimslistar-
innar einmitt í Hveragerði, þar sé
sköpuð fegurð hvern dag.
Gunnar hefur dvalið í Hveragerði
undanfarin 18 sumur og er því
nátengdur staðnum. Sumir íbúar
bæjarins líta á Gunar Dal sem hinn
eina sanna vorboða, því þegar hann
fer að sjást á gangi þá sé sumarið
á næsta leiti. í Hveragerði hefur
Gunnar ritað sín helstu verk og nú
málað þessar myndir.
Eins og áður sagði eru 14 mynd-
ir á sýningunni, af þeim falla 4
myndir undir hinn nýja stíl: „Borg-
arlist". Aðrar eru, eins og þeir fé-
lagar komust að orði, semífígúratív-
ar, eða tilheyra bláu períódunni.
Sýningin í Eden hófst þann 16.
júlí en henni lýkur þriðjudaginn 29.
júlí.