Morgunblaðið - 24.07.1996, Blaðsíða 11

MORGUNBLAÐIÐ
MIÐVIKUDAGUR 24. JÚLÍ 1996 11
AKUREYRI
LANDIÐ
Morgunblaðið/Kristján
FRAMKVÆMDIR við byggingu nýs iþróttahúss í Reykjahlíð í Mývatnssveit eru vel á veg komnar
en stefnt er að því að taka húsið formlega í notkun í janúar á næsta ári. Iþróttahúsið er byggt
við sundlaugina og rétt við nýja grunnskólann og íþróttavöllinn.
Reykjahlíð í Mývatnssveit
Nýtt íþróttahús í notkun í janúar
NÝTT íþróttahús er risið við sund-
laugina í Reykjahlíð í Mývatns-
sveit. Framkvæmdir við bygging-
una hófust sl. vor en stefnt er að
því að taka íþróttahúsið formlega
í notkun í janúar á næsta ári.
Húsið er 736 fermetra stálgrindar-
hús en salurinn er 19x29 m.
Kostnaður um 60 milljónir
Að sögn Sigurðar Rúnars Ragn-
arssonar, sveitarstjóra Skútu-
staðahrepps, verður búningsað-
staðan í sundlauginni en þar er
tvöföld búningsaðstaða, ájarðhæð
fyrir laugina og í kjallara fyrir
íþróttavöllinn. „Með þessari við-
byggingu opnum við á milli og
þannig er hægt að nota hvort
tveggja, hvort heldur er fyrir sund-
laugina eina, íþróttahúsið eða völl-
inn.
Sigurður Rúnar segir að heildar-
kostnaður við íþróttahúsið verði í
kringum 60 milljónir króna með
búnaði. Framkvæmdin er greidd
af Skútustaðahreppi en þar sem
hér er um að ræða skólamannvirki
að hluta, greiðir Jöfnunarsjóður
sveitarfélaga um 18 milljónir króna
í framkvæmdinni. Sigurður Rúnar
segir jafnframt að góð afkoma
Kisiliðjunnar hafi mikil áhrif á
rekstur hreppsins. Hreppurinn fær
hlutdeild í þeim tekjuskatti sem
Kísiliðjan greiðir „og þeim tekjum
erum við nú að breyta í íþrótta-
hús.“
„Við förum þarna nýja leið og
ég held að ekki hafi áður verið
reist hér íþróttahús úr þessu efni.
Stálgrindin var keypt tilbúin frá
Butler í Bretlandi og komu burðar-
virkið og þakið einangrað og það
tók aðeins viku að reisa húsið og
setja þakið á. Stálgrindin verður
hins vegar sýnileg inni í húsinu.“
Góð aðstaða til skólahalds
og íþróttaiðkana
Fyrir nokkrum árum var ráðist
í byggingu grunnskóla í Reykjahlíð,
alls um 1250 fermetrar og.lauk
framkvæmdum árið 1993. Tíu árum
áður, eða árið 1983 var lokið bygg-
ingu 25 m útisundlaugar á svæð-
inu. Þá hefur verið sáð grasfræi i
knattspymuvöll staðarins og nú er
unnið við lokaáfanga íþróttahúss-
ins. Siguður Rúnar segir að með
þessari uppbyggingu séu Mývetn-
ingar búnir að byggja upp góða
aðstöðu til skólahalds og íþróttaiðk-
ana og að á næstu tveimur árum
verði unnið að því að ganga frá lóð
í kringum mannvirkin.
Morgunblaðið/Kristján
HALLDÓR Blöndal afhjúpar upplýsingaskilti um Jónas Hall-
grímsson í Jónasarlundi sl. sunnudag. Það voru Öxndælahreppur
og Vegagerðin sem stóðu straum af kostnaði við framkvæmdina.
Upplýsinga-
skilti um
Jónas Hall-
grímsson
afhjúpað
HALLDÓR Blöndal samgönguráð-
herra afhjúpaði upplýsingaskilti
um Jónas Hallgrímsson skáld, sl.
sunnudag að viðstöddu fjölmenni.
Skiltið er sett upp til minningar
um skáldið vegna 150 ára ártíðar
hans, sem reyndar var á síðasta
ári. Það er staðsett í Jónasarlundi
í Öxnadal, tijálundi sem helgaður
er minningu Jónasar.
Jónasarlundur er í landi Steins-
staða og hófst trjáplöntun þar árið
1951 fyrir forgöngu Oxndælinga
bæði brottfluttra og heimamanna.
Jónsararlundur þykir mjög falleg-
ur og er hann vinsæll áningastaður
ferðamanna. Þar eru borð og
bekkir og þá hefur þar nýlega
verið komið upp snyrtiaðstöðu.
Jónas Hallgrímsson fæddist að
Hrauni í Öxnadal 16. nóvember
1807 en fluttist næsta ár að Steins-
stöðum. Hann lést í Kaupmanna-
höfn 26. maí 1845, 37 ára að aldri
en gröf hans er á Þingvöllum. Á
upplýsingaskiltinu er stutt æviá-
grip um Jónas, bæði á íslensku og
ensku og auk þess eitt erindi úr
Dalvísu, einu af þekkustu ljóðum
skáldsins.
Ljóð skáldsins þýdd á ensku
Við athöfnina á sunnudag var
lesið úr verkum skáldsins, bæði á
íslensku og ensku. Bandarískur
háskólakennari, Richard Ringler
að nafni, vinnur að því að þýða
ljóð Jónasar á ensku og var hann
staddur í Jónasarlundi á sunnudag
og las þar þýðingu sína á Dalvísu.
Jónas verði verndari
Háskólans
Jónas Hallgrímsson var einnig
náttúrufræðingur og flutti Bjarni
E. Guðleifsson, á MöðruvöIIum er-
indi um náttúrufræðinginn Jónas.
„Auk þess að vera skáld og nátt-
úrufræðingur var hann rómantísk-
ur hugsjónamaður sem vildi lyfta
þjóð sinni upp úr hversdagsleikan-
um bæði veraldlega og andlega.
Hann var upphafsmaður nýrra
tíma og vakningarmaður í rann-
sóknum og bókmenntum og í
kvæðum sinum höfðaði hann bæði
til fegurðarinnar og fortíðarinn-
ar,“ sagði Bjarni i erindi sínu.
Bjarni sagði að Eyfirðingum
bæri skylda til að halda nafni Öxn-
dælingsins Jónasar Hallgrímsson-
ar á lofti. „Eg nota tækifærið og
nefni þijú atriði sem miða í þessa
átt. I fyrsta lagi ætti að stofna til
Fólksvangs Öxndæla, sem mætti
heita Jónasarfriðland, fólkvangs
er næði um Vatnsdalinn með
Hraundranganum og hólasvæðinu
umhverfis, þannig að þetta feg-
ursta svæði Eyjafjarðar verði að-
gengilegt almenningi. í öðru lagi
ætti Háskólinn á Akureyri að gera
skáldið og vísindamanninn Jónas
Hallgrímsson að dýrlingi eða
verndara sínum. í þriðja lagi ætti
sundlaugin á Þelamörk að nota
nafnið Jónasarlaug svo sem hún
heitir réttilega, enda gerði Jónas
Hallgrímsson þar jarðfræðiathug-
anir,“ sagði Bjarni og bætti við að
þó eyfirski sveitamaðurinn yrði
alltaf Öxndælingur væri hann að
hljóhi alþjóðlega viðurkenningu.
Flutningi Hreindýra
ráðs af Austurlandi
harðlega mótmælt
Vaðbrekku - Hreindýraráð og
umhverfisráðuneytið héldu fund
með hreindýraeftirlitsmönnum og
forsvarsmönnum sveitarfélaga á
Austurlandi í Golfskálanum á
Ekkjufelli í vikunni. Þar kom fram
hörð gagnrýni á flutning Hreindýr-
aráðs af Austurlandi norður í land.
Stjórnskipaðri nefnd hefur verið
falið að kanna hagkvæmni þess
að sameina Hreindýraráð, Nátt-
úrurannsóknastöð við Mývatn, og
Veiðistjóraembættið og setja undir
Náttúrufræðistofusetur á Akur-
eyri.
Fundarmenn bentu á að hreindýr
eru staðbundin á Austurlandi og
þekking á vistfræði hreindýra einn-
ig, því þar búa þeir er umgengist
hafa hreindýrin gegnum tíðina.
Fundurinn benti einnig á að það
samrýmist ekki starfsemi Náttúru-
fræðistofu að skipuleggja veiðar
hreindýra og hafa eftirlit með þeim
veiðum. Fundarmenn töldu af þess-
um ástæðum að Hreindýraráð ætti
hvergi annars staðar að vera stað-
sett en á Austurlandi, vegna þess
að með því væri hægt að halda
betri tengslum við fólkið á sVæðinu
sem þekkti vistfræði dýranna best.
Samþykkt var harðorð ályktun því
til staðfestingar.
Bæta má skipulag veiða
Fundarmenn ræddu einnig
skipulag veiðanna og töldu að þar
mætti gera bragabót á með því að
Hreindýraráð hefði skipulagið í
fastari skorðum en nú er. Bent var
á að tilkynningaskilda hreindýra-
eftirlitsmanna til starfsmanns
Hreindýraráðs, þegar haldið er til
veiða að morgni, ætti að vera ófrá-
víkjanleg svo starfsmaðurinn vissi
ætíð hve margir væru á veiðum
og hvar. Einnig voru ræddar leiðir
til að dreifa veiðinni á alla vikuna
en mest ásókn er í veiðarnar um
helgar og myndast þá oft örtröð á
veiðisvæðunum.
Hugmyndir hafa komið upp hjá
Hreindýraráði um að koma upp
eftirliti með hreindýraeftirlits-
mönnum, en eftir mjög jákvæðar
umræður á fundinum verður senni-
lega fallið frá þeirri hugmynd á
komandi veiðitímabili.
Morgunblaðið/Halldór Sveinbjörnsson
FRÁ brunastað við Dalbraut á þriðjudagsmorgun.
Eldur í gömlu húsi í Hnífsdal
Logandi kerti
kveikti í húsinu
ísafirði - Eldur kom upp í gömlu
fjárhúsi innarlega við Dalbraut í
Hnífsdal á fimmta tímanum á
þriðjudagsmorgun. Vel logaði í
byggingunni er slökkvilið ísafjarð-
arbæjar kom á vettvang og tók um
eina og hálfa klukkustund að ráða
niðurlögum eldsins.
Að sögn lögreglunnar á ísafirði
hefur húsið, sem er gömul timbur-
bygging, ekki verið notað sem fjár-
hús um árabil en í' því hafa verið
geymdir ýmsir munir í eigu ein-
staklinga. Við húsið höfðu ung börn
byggt sér kofa og verið þar að leik
undanfarna daga. Svo mun einnig
hafa verið á þriðjudagskvöld er
þijár ungar stúlkur fóru með tvö
kerti í kofann til að ylja tveimur
kettlingum sem þar voru. Munu
stúlkumar hafa kveikt á kertunum
og látið þau loga yfir nóttina til að
halda hita á vinum sínum og út frá
þeim mun eldurinn hafa kviknað
er leið á morguninn.
Óvíst er hversu mikið tjón varð á
þeim munum sem í húsinu voru.
Samkvæmt upplýsingum blaðsins
var hér um að ræða fyrsta brunann
sem orðið hefur á ísafírði á þessu ári.