Morgunblaðið - 28.01.1998, Qupperneq 43

MORGUNBLAÐIÐ
MIÐVIKUDAGUR 28. JANÚAR 1998 43
Tommi og Jenni
Ljóska
Ferdinand
Smáfólk
AND THEV 5AY NO TUIO
5N0WFLAKE5 ARE B/ÉR AUKE..
Og þá er sagt að engin tvö snjó-
korn séu eins ...
twat's ridkuloos.. iVe 5EEN FOUR ALREAPY TMI5 M0RNIN6 TMAT LUERE EXACTLY ALIKE... ^ of TMEY WERE EVEN V 1 TME 5AME COLOR j J i í 1
o 0 // ° O ° ° c j ? o t> o o
1
Það er fáránlegt... ég er búin Þau voru jafnvel eins á litinn!
að sjá fjögur núna í morgun
sema eru nákvæmlega eins.
BREF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
„Vegurinn á að vera
lokaður samkvæmt
almanakinu“
Frá Hallgrími Sveinssyni:
„KLETTSHÁLS er þungfær, Dynj-
andisheiði og Hrafnseyrarheiði
ófærar. Annars eru allar aðalleiðir
landsins færar.“
Þessa setningu og aðrar viðlíka
hafa landsmenn heyrt í flestum aðal-
fréttatímum Ríkisútvarpsins það
sem af er árinu 1998.
Miðað til veðurblíðuna sem ríkt
hefur á ísiandi í allan vetur og svo til
algjört snjóleysi vekur það þó furðu
margra, hvers vegna ekki má halda
ofangreindum leiðum opnum eins og
öðrum. í vestasta hluta ísafjarðar-
bæjar, á norðurströnd Amarfjarðar,
búa nú rúmlega tuttugu manns. Þeir
og forsvarsmenn bæjarins hafa ítrek-
að farið fram á mokstur á Hrafnseyr-
arheiði, en án árangurs. Yfirmaður
Vegagerðarinnar á Isafírði, Gísli Ei-
ríksson umdæmisverkfræðingur,
veitir það svar náðarsamlegast, að
Vegagerðin sé hætt að moka vestur
yfir heiðar, svokallaða Vesturleið, og
við það sitji.
Auðvitað hefur ofannefndur yfir-
maður og starfsmenn hans, sem
gegna því hlutverki að þjónusta veg-
farendur, sínar vinnureglur til að
fara eftir. Svar hans er þó nokkuð
merkilegt í ljósi þeirrar staðreynd-
ar, að hvorki er snjóbíla- né
vélsleðafæri í fjöllum hér vestra
vegna snjóleysis þegar þetta er
skrifað, og má segja að svo hafi ver-
ið í allan vetur. Það er því ekki óeðli-
legt að ýmsh' velta þvi nú fyrir sér,
hvort umræddar reglur séu ekki
orðnar eitthvað á eftir tímanum.
Ef áðurnefndir borgarar Isafjarð-
arbæjar ætla að hreyfa sig til ann-
arra hluta bæjarins verða þeir að
fara sjóleiðis eða gangandi yfii' heið-
ar og mundi kannski einhver segja
að þeir væru ekkert of góðir til þess,
eða halda sig heima við ella. Sama
má segja um þá sem vildu ferðast
hér milli héraða eða stytta sér leið í
flóabátinn Baldur, sem Vegagerðin
rekur með miklum halla. Spyrja má
hvort það myndi ekki lagfæra
rekstrarhalla skipsins eitthvað, ef
íbúum hér á miðhluta Vestfjarða
væri gert kleift að nota það þegar
náttúrulegar aðstæður leyfa, eins og
verið hefur undanfarið og einungis
örfáir skaflar loka leiðinni. Með því
móti fengjust hugsanlega til baka
þeir fjármunir sem færu í snjó-
moksturinn og allir væru ánægðir.
Mikið hefur verið bollalagt um
það á undanfórnum áratugum að
tengja norður- og suðurhluta Vest-
fjarða saman með heilsársvegi og
slá þar með tvær flugur í einu höggi:
Tengja saman byggðirnar og vinna
sig út úr fjórðungnum um leið. Sum-
ir hafa jafnvel tekið svo djúpt í ár-
inni að halda því fram, að hér sé um
að ræða mesta hagsmunamál Vest-
firðinga í bráð og lengd í byggða-
pólitík. í þessu efni hafa þó oft runn-
ið tvær grímur á marga, þegar svo
háttar til sem nú, að sjálf náttúran
hefur búið svo um hnútana, að ein-
ungis nokkrir smáskaflar, sem hún
hefur gleymt að þíða, hafa slitið
fjórðunginn í tvennt, samgöngulega
séð, á Dynjandis- og Hrafnseyrar-
heiðum. Þrátt fyrir margítrekaðar
beiðnir, þegar svo hefur staðið á
sem hér hefur verið lýst, hefur
Vegagerðin vitnað í almanakið og
sagt:
Vegurinn á að vera lokaður sam-
kvæmt okkar vinnulagi.
Löggjafarvaldið setur fram-
kvæmdavaldinu reglur til að vinna
eftir. Vegagerðin hér vestra vinnur í
nánu samráði við alþingismenn
Vestfirðinga, að sögn. En ef þing-
menn okkar eru það duglausir, að
geta ekki breytt margnefndri vinnu-
reglu Vegagerðarinnar til hagsbóta
fyrir umbjóðendur sína, er eitthvað
meira en lítið að og full ástæða fyrir
kjósendur hér á svæðinu til að íhuga
slíka frammistöðu kjörinna fulltrúa
sinna.
Það er enginn að tala um að verið
sé að moka snjó í vitlausu veðri eða
þegar allt er á kafi í fönn. Það er ver-
ið að fara fram á að menn nýti sér
náttúrulegar aðstæður, þegar ástæð-
ur leyfa. Hér vantar greinilega
sveigjanleika í staðnaðar vinnuregl-
ur opinberrar þjónustustofnunar.
HALLGRÍMUR SVEINSSON,
Hrafnseyri.
Heitt vatn í Mosfellsbæ
Frá Hafsteini Pálssyni:
MEIRIHLUTI Framsóknar og Al-
þýðubandalags í bæjarstjórn Mos-
fellsbæjar hefur í hyggju að selja
heitavatnsrétt-
indi í eigu bæjar-
félagsins til
Hitaveitu
Reykjavíkur á
spottprís. Þessar
viðræður hafa
víst verið í gangi
í tæplega tvö ár
en koma fyrst nú
til umfjöllunar í
bæjarstjórn. Fyrir rúmu ári voru
gerðar breytingar á stjómsýslunni
hjá Mosfellsbæ í anda þess sem var
gert í Reykjavík undir yfirskrift-
inni Valdið til fólksins. Mosfelling-
ar, er þetta það sem koma skal?
Greinilegt er að tómahljóð er í
bæjarkassanum og nauðsynlegt að
laga stöðuna fyrir kosningar. Það
skyldi þó ekki vera að meirihlutinn
treysti Tjarnarráðinu betur fyrir
því að fara með þessar eignir og
ávöxtun þeirra?
Eitt er að taka þátt í samstarfi,
annað að yfirfæra eignir án eðli-
legs endurgjalds. Það virðist sem
sumir stefni að því leynt og Ijóst
að komast í faðm stóru systur. Ef
þetta er stefnan, væri þá ekki
réttast að kynna hana fyrir öllum
Mosfellingum og tala um hlutina
undir réttum nöfnum? Er hug-
myndin ef til vill sú að fara ein-
hvers konar Kjalarnesleið inn í
Reykjavík?
HAFSTEINN PÁLSSON,
verkfræðingur.
Hafstcinn
Pálsson
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.