Morgunblaðið - 07.05.1999, Blaðsíða 78

•,* 78 FÖSTUDAGUR 7. MAÍ 1999
MORGUNBLAÐIÐ
Og þetta er ritgerðin Nei, hann er ekki fjárhund- Einhverjar fleiri
mín um hundinn minn, ur, af hveiju er hann með spurningar?
einhveijar spurningar. þetta prik?
BREF
TIL BLAÐSINS
Kringlunni 1 103 Reykjavík # Sími 569 1100 • Símbréf 569 1329
Faðir kvótans óhæfur
til að fjalla um
kvótann á Alþingi
Frá Pétii Haukssyni:
FJÖLSKYLDA Halldórs Ásgríms-
sonar á milljarða kvóta.
I yfirhe.vrslu Stöðvar tvö yfir
Halldóri Asgrímssyni, formanni
Framsóknarflokksins, í kvöld kom
fram að móðir Halldórs á þriðjung í
útgerðarfyrirtæki sem er skráð fyr-
ir kvóta að verðmæti allt að 9 millj-
örðum króna. Rétt er að geta þess
sú fjárhæð segir ekki til um hreina
eign því skuldir geta hvílt á fyrir-
tækinu.
Pá kom fram að móðir Halldórs
býr í óskiptu búi Asgríms Halldórs-
sonar, sem var kunnur útgerðar- og
athafnamaður á Höfn í Hornafirði.
Bróðir Halldórs, sem er skipstjóri á
Höfn, á einnig hlut í þessu fyrir-
tæki. Halldór Asgrímsson er nú ut-
anríkisráðherra en var sjávarút-
vegsráðherra í átta ár á síðasta ára-
tug á meðan núverandi fiskveiði-
stjórnunarkerfi var í mótun.
Halldór benti á í svari sínu að fyr-
irtæki þetta hefði munað tímana
tvenna og hefði frá upphafi haft það
að leiðarljósi halda veiðiheimildum í
byggðarlaginu og viðhalda og skapa
þar atvinnu.
Hvað finnst þér? Þetta er maður-
inn sem er faðir kvótakerfisins. Ef
þetta gerir menn ekki óhæfa til að
fjalla um kvótann, þá veit ég ekki
hvar við erum staddir, góðir lands-
menn.
PÉTUR HAUKSSON,
Móabarði 18B, Hafnarfirði.
Þakkarbréf til „Krímer
og Krímer“ frá Þóru
Kristínu Helgadóttur
Frá Póru Kristínu Helgadóttur:
MIG langar að koma á framfæri
þakklæti til fyrii-tækis sem heitir
„Krímer og Krímer". Þannig er mál
með vexti að ég var í saumaklúbbi
með vinkonum mínum. Aður en ég
kom þangað fór ég í bað sem ekki er
í frásögur færandi nema hvað ég
rann illilega til í baðkarinu og sneri
mig um ökkla þegar ég var að stíga
upp úr því.
Ein vinkona mín benti mér þá á
„Krímer og Krímer“ sem er fyrir-
tæki sem býður sérstaka meðferð á
baðkörum og sturtubotnum. Bað-
botninn verður stamur í bleytu.
Þetta er eins og maður standi í
þurru baðkarinu þótt það sé fullt af
vatni!
Ég hafði strax samband við „Krí-
mer og Krímer“. Þeir brugðust
skjótt við og meðhöndluðu baðkarið
mitt og þetta er ótrúlegt. Það sést
ekkert á botninum heldur hefur
orðið einhver breyting á yfirborði
hans. Ekkert mál er að þrífa
baðkarið á vanalegan hátt eftir
meðhöndlunina. Nú fer ég örugg í
baðkarið mitt og það sem meira er
ég get baðað litlu barnabörnin mín
án þess að setja bala ofan í karið.
Ég vil þakka starfsmönnum „Krí-
mer og Krímer“ fyrir lipurð og
elskulegheit, það verður gott að fá
þá aftur eftir 5 ár. Slysin gera ekki
boð á undan sér og flest slys verða á
heimilum okkar.
Það er mér ánægja að láta fylgja
hér með símanúmer og heimilisfang
„Krírner og Krímer" en það er 544-
4020 að Dalvegi 24, Kópavogi.
ÞÓRA KRISTÍN HELGADÓTTIR,
Nónhæð 3, Garðabæ.
Rafmagnseftirlitið og
iðnaðarráðherrann
Frá Sveinbirni Guðmundssyni:
ÉG FAGNA því að fram hefur kom-
ið að Vinstrihreyfingin - grænt
framboð vill beita sér fyrir endur-
bættu öryggiseftirliti á sviði eld-
varna og rafmagnsöryggis í landinu.
Fjöldamörg öryggisstörf hafa verið
lögð niður á sviði rafmagnseftirlits
af núverandi iðnaðarráðhen-a í kjöl-
far þess að Rafmagnseftirlit ríkisins
var lagt í rúst. Á þess vegum hafði
öryggi verið treyst á grundvelli
reglugerðar og með eftirliti um ára-
tuga skeið. Ástæða er til að spyrja
af marggefnu tilefni: Er lengiir
starfrækt háspennueftirlit á Is-
landi? Og hvert skyldi almenningur
nú eiga að leita vegna öryggis raf-
lagna á sínum eigin heimilum? Hér
verður að fara fram viðamikil og
hlutlaus könnun hið bráðasta.
SVEINBJÖRN GUÐMUNDSSON
rafvirkj ameistari.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.