Morgunblaðið - 10.10.1999, Blaðsíða 31

MORGUNBLAÐIÐ
SUNNUDAGUR 10. OKTÓBER 1999 31
vildi fá hana þá yrði það að vera
strax; nú eða ekki. Hann hefði ekki
nokkurn áhuga eftir tvö eða þrjú ár.
Þannig er það líka ef tilboð kemur í
sextán ára strák; þá vantar hugsan-
lega mann í unglingaliðið og sú þörf
er ekki fyrir hendi síðar, þó svo
menn séu auðvitað alltaf að leita að
efnilegum leikmönnum. Og þetta
gildir ekki bara um unga stráka;
þegar erlent lið vantar leikmenn er
um að gera að uppfylla þá ósk. Ég
hefði getað sent nokkra leikmenn frá
KR út til reynslu í sumar í nokkra
daga, en félagið þvertók fyrir það.
Sumir voru varamenn hjá KR og
þetta tækifæri kemur ekki aftur.
Kannski fá þeir möguleika á að fara
til annarra liða en engan þessara
leikmanna get ég sent út til viðkom-
andi liða í dag. Ég skil sjónarmið
KR, því allt var gert til að ná ár-
angri, en vikan eftir að keppnistíma-
bilinu lýkur hér heima er eins og
hver önnur úti í heimi; þá er engin
sérstök kaupvika þar. Það verður
ekki bæði sleppt og haldið; ef félag
vill selja leikmann verður það að
vera tilbúið að hleypa viðkomandi út
í fjóra eða fimm daga á milli leikja.“
Hefurðu mikið upp úr því að vera
umboðsmaður knattspyrnumanna?
„Ég get sagt alveg eins og er að ég
er búinn að setja í þetta 5-6 milljónir
og er ekki búinn að fá það allt tii
baka. En ég er þó alveg rólegur; lög-
mennskan er mitt aðalstarf og það er
eins með þetta og hverja aðra við-
skiptahugmynd; ef hún er farin að
skila hagnaði eftir þrjú ár hefur hún
verið góð. Ég þarf að ferðast tals-
vert, það kostar gríðarlega mikið og
ef símareikningurinn er upp á 100
þúsund krónur á mánuði sjá allir að
mikill kostnaður er fljótur að koma.
Þetta segi ég þó alls ekki til að fólk
vorkenni mér, því ég veit að ef ég
kem tveimur til þremur leikmönnum
til erlendra félaga á ári, og þeir eiga
að eftir að standa sig, þá lítur dæmið
allt öðruvísi út. Og auðvitað ætla ég
mér ekki að tapa á þessu.“
Hvernig stóð á því að þú gerðist
umboðsmaður á sínum tíma?
„Ég hef alltaf fylgst mikið með
íþróttum og sem lögfræðingur var
ég búinn að lesa yfir samninga fyrir
nokki-a leikmenn sem voru að fara
út, áður en þetta hvarflaði að mér.
Ég hef unnið sem lögmaður í 15 ár
og sá að ég gat alveg gert svona
samninga eins og hver annar. Ég
forvitnaðist um þessi FIFA-réttindi
sem menn verða að hafa til að mega
aðstoða leikmenn og það varð úr að
ég dreif í að fá mér þau.“
Ævintýramenn?
Stöku sinnum heyrast fréttir utan
úr heimi sem gætu bent til þess að
umboðsmenn séu hálívarasamir ná-
ungar. Nýjasta dæmið er ummæli Sir
Alex Fergusons, knattspyrnustjóra
Evrópumeistara Manchester United,
um rússneskan umboðsmann sem
reyndi að múta honum og fleiri hafa
orðið uppvísir að því að múta.
„Ég held að í þessari starfsgrein
eins og öllum öðrum séu vafasamir
menn og gæti reyndar trúað að í
þessa grein hafi safnast eitthvað
meira af ævintýramönnum en ann-
ars staðar. En langflestir, og allir
þeir sem ég á samstarf við, eru
ágætismenn."
Síðustu árin hafa heyrst raddir
þess efnis að margir óttist að um-
boðsmenn séu orðnir of áhrifamiklir.
Að gífurleg hækkun iauna leikmanna
sé til dæmis runnin undan rifjum
þeirra. Hefurðu skynjað þetta?
„Já, ég verð auðvitað var við
ákveðna tortryggni gagnvart um-
boðsmönnum erlendis en menn eru
búnir að sætta sig við að þeir eru
orðnir hluti af leiknum í dag.
Til gamans get ég nefnt að fljót-
lega eftir að ég fékk FIFA-réttindin
las ég viðtal við Graham Taylor,
framkvæmdastjóra Watford og fyiT-
verandi þjálfara enska landsliðsins,
þar sem hann fór ekki fögrum orðum
um umboðsmenn. Ég sagði við kon-
una mína að þetta væri maðurinn
sem ég ætlaði að tala við fyrstan
allra. Ef ég næði að komast undir
skelina á honum hlyti mér að takast
það hjá flestum!"
Og það tókst!
„Já, og við höfum átt ljómandi
samstarf. Seinna las ég grein eftir
Alan Sugar, stjórnarformann
Tottenham, þar sem hann hallmælti
umboðsmönnum í bak og fyrir og
eftir það skrifaði ég honum og sendi
ljósrit af greininni með. Síðan hef ég
átt mjög gott samstarf við Totten-
ham, hef sent þangað nokkra leik-
menn til reynslu og vonandi verður
framhald á því.
Með því að þreifa svona á liðum og
leyfa þeim að þreifa á mér komast
forráðamenn þeirra að því að ég er
bara venjulegur gutti og ég held ég
hafi víða byggt upp traust, sem ég
vona að nýtist íslenskum leikmönn-
um í framtíðinni.“
Lykillinn að því að ná árangri í
þessu starfi er sem sagt að vera
heiðarlegur.
„Já; að þykjast ekki vera með ann-
an Ronaldo þegar venjulegur ieik-
maður á í hlut. Og samstarf mitt við
nokkur erlend lið er þannig, vegna
þess að ég hef aldrei misnotað traust
þeirra, að nóg er fyrir mig að segja
þeim að ég sé með leikmenn sem ég
vilji að þau kíki á. Þá er honum boðið
út. En auðvitað líta menn sama
manninn misjöfnum augum og sumir
vilja ekki einu sinni skoða menn sem
ég get boðið. Ég hef nokkrum sinn-
Af hverju ættum
við ekki að eiga at-
vinnumenn á Ítalíu
og Spáni? Þar eru
þónokkrir Danir og
Svíar og án þess að
ég sé að gera lítið
úr þeim þá eru
margir þeirra engar
sérstakar stjörnur.
um heyrt, síðast i síðustu viku frá
framkvæmdastjóra liðs í ensku 3.
deildinni, að bara Englendingar geti
spilað vörn! Þess vegna vildi hann
ekki skoða íslenskan varnarmenn.
Og við svona menn er auðvitað ekki
hægt að rífast!“
Hvernig eru íslenskir leikmenn
verðlagðir í dag? Hvað þyrfti erlent
lið að borga fyrir einhvern af bestu
leikmönnum Islandsmótsins í sumar?
„Það fer eftir því hvaðan liðið er.
Norðmenn hafa verið að borga frá
fimm og upp í þrettán til fjórtán
milljónir króna. Islensku liðin fá svo
meiri peninga þegar og ef viðkom-
andi leikmenn eru seldir áfram
seinna. Ensku liðin borga meira, þó
auðvitað reyni þau líka að fá leik-
menn eins ódýra og hægt er. En
verðið er að mjakast upp; ekki síst
vegna þess að landsliðið hefur náð
góðum árangri. Ekki er útilokað að
hefði leikmaður eins og Andri Sig-
þórsson ekki orðið fyrir slæmum
meiðslum í sumar - því hann var í
feiknaformi og getur nánast allt sem
fótboltamaður þarf að geta - gæti
hann selst fyrir háar fjárhæðir.
Margir hafa talað um Noreg sem
stökkpall til annarra landa, en af því
hefur því miður ekki orðið ennþá.
Vandamálið er að þegar samið er við
norsku liðin eru þau ófús að setja þak
í þann samning; að liðið geti ekki neit-
að tilboði í viðkomandi leikmann upp
á einhverja ákveðna upphæð síðar.“
Er þetta skemmtilegt starf?
„Ég hef alltaf reynt að hafa lög-
mennskuna eins skemmtilega og
hægt er. Auðvitað er ekki allt
skemmtilegt sem maður gerir, en ég
hef reynt að vera í mörgu því ég hef
gaman af fjölbreytileikanum. Og
þetta finnst mér líka skemmtilegt, já.
Mér finnst ég oft ekki vera í vinnunni
þegar ég er að starfa fyrir knatt-
spyrnumenn. Það er hins vegar farið
að taka mikinn tíma á þessum árs-
tíma - seinni hluta sumars og á
haustin - og konunni minni finnst ég
líka fara á of marga leiki á sumrin.
Hún hefur að vísu mjög gaman af fót-
bolta og það bjargar miklu. Og þegar
hún þarf að velja núna á milli þess að
sjá KR spila eða að sjá mig spila með
Old boys í Gróttu fer hún frekar að
horfa á KR. Ég veit ekki hvort það
segir meira um smekk hennar fyrir
knattspyrnu eða getu mína!“
Hraði
i ?,. « . - •
Öryggi
Þ>jónusta
Með
kveðju!
f'
Með öflugu dreifingakerfi og traustum starfsmönnum komum við
sendingu þinni til skila hratt og örugglega.
Islandspóstur hf. flytur um 80 milljónir sendinga af pósti á ári.
Hjá fyrirtækinu vinna um 1300 starfsmenn og það starfrækir 87 pósthús um land allt.
POSTURIN N
- ntecl kireðjus!