Morgunblaðið - 11.03.2000, Side 6

6 LAUGARDAGUR 11. MARS 2000
MORGUNBLAÐIÐ

FRÉTTIR
Framtíðaráform Hrafnistu á höfuðborgarsvæðinu
Vilja 10 hektara undir hjúkr-
unarheimili og leiguíbúðir
STJÓRN Hrafnistu og Sjómannadagsráðs. hefur
leitað til Reykjavíkurborgar og nú'' síðast til
Kópavogsbæjar með ósk um 10 hektai'a lóð undir
hjúkrunarheimili, leiguíbúðir aldraðra og þjón-
ustukjarna. Auk þess hefur verið leitað til bæjar-
yfirvalda í Hafnarfírði og Garðabæ um lóð undir
frekari famkvæmdir við Hrafnistu í Hafnarfirði.
Við Hrafnistu í Reykjavík standa fyrir dyrum
framkvæmdir við viðbyggingu nýrrar hjúkrunar-
deilda með 60 rýmum og sagði Guðmundur Hall-
varðsson, formaður Sjómannadagsráðs, að sam-
þykki borgaryfirvalda lægi fyrir að undangeng-
inni grenndarkynningu.
„Við bíðum hins vegar eftir framkvæmdar- og
rekstrarleyfi frá heilbrigðisráðuneytinu,“ sagði
hann. „Þetta er 5 hektara lóð og þegar þessum
síðasta áfanga er lokið teljum við fullbyggt í
Laugarásnum en síðustu byggingar voru raðhús,
íbúðarblokk við Kleppsveg og sundlaug ásamt
endurhæfingarstöð.
Við viljum halda því verki áfram sem fyrir-
rennarar okkar lögðu upp með og standa að enn
frekari uppbyggingu á heimilum fyrir aldraða,“
sagði Guðmundur. Að jafnaði eru milli 50 og 60%
heimilismanna á dvalarheimilum Hrafnistu í
Reykjavík og í Hafnarfirði sjómenn, sjómanns-
ekkjur og aðrir þeir sem tengjast stéttinni á einn
eða annan hátt og sagði Guðmundur að vistmenn
kæmu úr öllum byggðum landsins enda kæmi
meginhluti tekna til uppbyggingar Hrafnistu frá
Happdrætti DAS, með þátttöku allra lands-
manna.
Aftur rætt um lóð SVR
„Eftir vinnu að stefnumótun innan fyrirtækis-
ins var ákveðið að byggja og fjölga leiguíbúðum
fyrir aldraða," sagði Guðmundur. „Við fórum yfir
hver þörfin væri og niðurstaðan varð sú að eðli-
legt væri að leita til Reykjavíkurborgar um 10
hektara lóð. Við lögðum inn umsókn árið 1998 en
höfum ekki fengið nein svör ennþá. Við lýstum
ennfremur áhuga okkar á og sóttum um lóð
Strætisvagna Reykjavíkur við Kirkjusand og nú
, er aftur verið að ræða um þá lóð.“
í Hafnarfirði var sótt urn leyfi árið 1996 fyrir
; frekari uppbyggingu við Hrafnistu í Hafnarfirði.
Sagði Guðmundur að hugmyndin væri að byggja
' tvær blokkir með leiguíbúðum fyrir aldraða, sem
tengdust Hrafnistu í Hafnarfirði og að auki væri
möguleiki á 90 rúma hjúkrunarálmu. „Við teljum
og höfum bent á að með byggingu hjúkrunarálmu
við hjúkrunarheimili sem íyrir er muni kostnað-
urinn verða um 500 milljónir en slík bygging ein
og sér kostar um milljarð vegna nauðsynlegra
þjónustuþátta sem á vantar,“ sagði Guðmundur.
„Slík hagkvæmni á ekki uppi á pallborðið hjá
heilbrigðisráðuneytinu, að minnsta kosti ekki um
þessar mundir."
Jákvæðar undirtektir
Jafnframt var óskað eftir því við bæjaryfirvöld
í Garðabæ að lóð norðan Hrafnistu í Hafnarfirði
yrði skipulögð undir íbúðir fyrir aldraða. „Það má
segja að framvinda þessara mála hafi tekið held-
ur langan tíma eftir að við sóttum formlega um
frekari uppbyggingu, bæði í Hafnarfirði og í
Garðabæ,“ sagði Guðmundur. „Lóðamálin eru
ennþá í vinnslu hjá þessum sveitarfélögum og við
vitum ekkert hvert stefnir. En í allri þessari um-
ræðu og þeirri uppbyggingu sem er í Kópavogi þá
var ákveðið að tala einnig við bæjaryfirvöld þar
varðandi framtíðaruppbyggingu Hrafnistu. Þau
mál eru í skoðun en við höfum fengið kröftugar
og jákvæðar undirtektir formanns bæjarráðs."
Hugmyndin er að í áföngum verði hægt að
byggja þrjú hjúkrunarheimili með um 270 rúm-
um í tengslum við dagvistar- og þjónustukjarna,
endurhæfingarmiðstöð með sundlaug og fjórar til
fimm íbúðarblokkir með um 120-150 íbúðum.
Áætlaður kostnaður er um 3,5 milljarðar.
„Þessi hugmynd er til skoðunar samhliða hugs-
anlegum framkvæmdum í Reykjavík," sagði Guð-
mundur. „Við lítum svo á að borgaryfirvöld séu
enn að kanna okkar umsókn þó að ekkert hafi
heyrst frá þeim síðan 1998. En nú er sú stund
runnin upþ að við viljum hefjast handa.“
Samkvæmt framtíðarspám munu byggingar-
áform Sjómannadagsráðs fullnægja framtíðar-
þörfum fyrir hjúkrunarheimili og leiguíbúðir
aldraðra á höfuðborgarsvæðinu miðað við þann
framkvæmdahraða sem áætlun gerir ráð fyrir.
„Eg reikna með að leiguíbúðimar muni rísa fyrst
ásamt þjónustukjarna en hjúkrunarheimilin síð-
ar,“ sagði Guðmundur.
Brýn þörf
„í svari heilbrigðisráðherra við fyrirspurn á
Alþingi kom fram að í brýnni eða mjög brýnni
þörf fyrir hjúkrunarheimili eru 238 manns í
Reykjavík og á Reykjanesi og í brýnni eða mjög
brýnni þörf fyrir dvalarheimili eru 348 manns og
við sjáum að þörfin fer heldur vaxandi," sagði
hann. „Menn hafa lengi rætt um að þörfin sé mest
á hjúkrunarheimilum en við sjáum á þessum töl-
um að hún er ekki síður fyrir dvalarheimili. Þau
verða því augljóslega ekki aflögð enda þyrfti að
koma til verulega aukin þjónusta í heimahúsum
ef enginn kæmi inn á stofnanir fyrir aldraða
nema inn á hjúkrunarheimili.
Með okkar hæfa og góða starfsfólki er ekki
óeðlilegt að sveitarfélag horfi til þess að frjáls fé-
lagasamtök standi að rekstri slíkra heimila í stað
þess að gera það sjálf. Við teljum okkur eiga tals-
vert inni hjá borginni og nágrannasveitarfélögun-
um. Við teljum að í stað þess að byggja dvalar- og
hjúkrunarheimili mjög dreift á höfuðborgarsvæð-
inu sé bæði betra og hagkvæmara að byggja upp
kjarna með hjúkrunarheimili, leiguíbúðum og
annarri þjónustu og geta þannig veitt öflugri og
betri þjónustu. Með þessum áformum okkar er
nýtt og stórt skref stigið í framfaraátt og til móts
við breyttar áherslur og þarfir í þjónustu við
aldraða."
Jdn Steinar Gunn-
laugsson hrl.
„Jafnræðis-
reglan mis-
túlkuð út
og suður“
JÓN Steinar Gunnlaugsson hrl.,
sagði á fundi Lögfræðingafélags ís-
lands í vikunni að jafnræðisregla
stjórnarskrárinnar væri mistúlkuð
„út og suður,“ eins og hann orðaði
það. Sagði hann að í samfélaginu
væru uppi sjónarmið sem litu svo á
að fyrrgreind jafnræðisregla væri
orðin að eins konar opinni heimild
fyrir dómstóla til að gera það sem
þeim þóknaðist.
„Svo virðist sem með einhverri
afbökun á þessari reglu sé hægt að
beita henni á nánast hvað sem er
vegna þess að mannlífið er uppfullt
af alls konar mismunun milli
manna,“ sagði hann og hélt áfram.
„Það er eins og menn telji að með
65. gr. stjórnarskrárinnar sé búið
að lögleiða eins konar sósíalisma..."
Jón Steinar benti á að hann hefði
við breytingarnar á stjórnarskránni
fyrir fimm árum verið mikill stuðn-
ingsmaður þess að jafnræðisreglan
yrði sett inn í stjórnarskrána en að
nú væri hann hálfpartinn farinn að
sjá eftir því vegna þess að sér fynd-
ist hún vera mistúlkuð út og suður.
„Mér finnst vera einhver lausung á
ferðinni í íslenskri lögfræði þessa
dagana. Og ég verð að skjóta því
hér inn að um leið og þetta gerist
að menn halda svona skoðunum
fram og þeirra sér jafnvel merki í
dómum sem eru kveðnir upp og eru
byggðir á þessari jafnræðisreglu að
þá er það líka kennt hér við Há-
skóla íslands að dómstólar setji lög
til jafns við löggjafann."
1 máli sínu vitnaði Jón Steinar til
ónafngreinds lögmanns sem hefði
sagt á fundi Lögmannafélags Is-
lands að dómstólar ættu að vera
spegill almennings. „Það kann vel
að vera að það sé hægt að yppta
öxlum og brosa þegar ræðumaður á
fundi í Lögmannafélaginu stendur
upp og segir að dómstólar eigi að
vera spegill almennings. Maður
ypptir öxlum og fer svo út. En allt í
einu fattar maður að þetta er miklu
meira heldur en bara að einhver
sérvitur lögmaður sé að halda
þessu fram á einhverjum fundi.
Þetta er að verða einhver raun-
veruleiki sem við er að etja í ís-
lenskri lögfræði.“ Jón Steinar
beindi spjótum sínum síðan að
Vatneyrardómnum svokallaða og
sagði: „Það er auðvitað alveg deg-
inum ljósara að eftir hvaða lög-
fræðilegum mælikvarða sem er og
það er alveg sama hvaða pólitíska
skoðun við höfum að þá stenst 7.
gr. fiskveiðistjórnunarlaganna
stjórnarskrána."
Ingibjörg Sólrún Gísladóttir borgarstjóri um byggingu tónlistarhúss
Að hluta fjármagnað
með hagnaði af sölu
Landsvirkjunar
GERA má ráð fyrir að hluti hagn-
aðar af fyrirhugaðri sölu borgar-
innar á 45% hlut sínum í Lands-
virkjun muni renna til byggingar
tónlistarhúss. Þetta sagði Ingi-
björg Sólrún Gísladóttir, borgar-
stjóri, í hófi Sinfóníuhljómsveitar
Islands eftir afmælistónleika henn-
ar í Háskólabíói á fimmtudags-
kvöld.
Björn Bjarnason, menntamála-
ráðherra, sagði af sama tilefní að
markvisst hefði verið unnið að und-
irbúningi fyrir byggingu tónlistar-
húss í nefnd á vegum ríkis og borg-
ar og að með afmörkun lóðar sem
nýlega var gefin út væri kominn
grunnforsendann að framhaldinu. I
samtali við Morgunblaðið segir
Björn Bjamason menntamálaráð-
herra ánægjulegt að hafnarstjórn
Reykjavíkur skuli vera búin að
taka ákvörðun um lóð fyrir bygg-
ingu tónlistar- og ráðstefnuhúss og
hótels við Austurbakka Reykjavík-
urhafnar. „Mér sýnist þetta lofa
góðu um framhaldið að þessi nið-
urstaða hafi náðst í hafnarstjórn,“
segir ráðherra og kveður ekki síst
ánægjulegt að ákvörðunin hafi ver-
ið kynnt á fimmtíu ára afmæli Sin-
fóníuhljómsveitar Islands.
Fjárfesting í atvinnulífi
framtíðar
Ingibjörg Sólrún sagði í samtali
við Morgunblaðið að hún hefði allt-
af haldið því fram að fjárfesting í
tónlistar- og ráðstefnuhúsi væri
fjárfesting í atvinnulífi framtíðar-
innar. „Slíkt hús er ekki einvörð-
ungu mikilvægt fyrir menningarlíf-
ið heldur líka fyrir atvinnulífið,
einkum ferðaþjónustuna og allt
sem henni tengist. í mínum huga
er þetta álíka mikilvægt verkefni
nú og Reykjavíkurhöfn var á sínum
tíma og þess vegna þátttaka borg-
arinnar í Landsvirkjun á sínum
tíma.“
Borgarstjóri sagðist lengi hafa
talið eðlilegt að Reykjavíkurborg
drægi sig út úr Landsvirkjun. Það
gæti hún að hluta til gert með því
að leysa til sín eignir og að hluta til
með því að fá greitt út það sem hún
á. „Ég lít svo á að þá fjármuni eigi
að nýta til þess að fjárfesta í nýrri
grunngerð og nýjum atvinnutæki-
færum, þar með í tónlistar- og ráð-
stefnuhúsi. Þessir fjármunir gera
borgarbúum hins vegar ekki mikið
gagn meðan þeir liggja inni í
Landsvirkjun."
Enn er ósamið um það milli
borgar og ríkis hver hlutur hennar
í byggingu tónlistarhúss verður en
að sögn Ingibjargar Sólrúnar er
hún tilbúin að beita sér fyrir því að
borgin komi að fjármögnun þessa
verkefnis með ríkinu.
Ný vídd í þjóðlífið
Björn Bjarnason vildi ekki full-
yrða neitt um það hvort tónlistar-
húsið yrði komið í gagnið eftir
fimm ár eins og að er stefnt.
„Undirbúningur gengur vel og
engar óvæntar uppákomur hafa
orðið í samstarfi rfkis og borgar
hvað það varðar. Ég hef lagt höf-
uðáherslu á að málið sé vel undir-
búið því mikið er í húfi. Ég vona að
menn átti sig á því að það er ekki
bara verið að byggja þessi hús
heldur skapa alveg nýja vídd í
þjóðfélaginu, bæði fyrir borgarbúa
og aðra landsmenn, því þarna er
verið að skapa alveg nýjar forsend-
ur fyrir þjóðlíf okkar, menningarlíf
og atvinnulíf."