Morgunblaðið - 11.03.2000, Page 14

14 LAUGARDAGUR 11. MARS 2000
MORGUNBLAÐIÐ
HÖFUÐBORGARSVÆÐIÐ
Formaður Fram segir að fundist hafi gömul skjöl sem sýni að Safamýrarsvæðið sé í eigu félagsins
Þrýst á borg-
aryfírvöld
að ganga
frá samningi
Safamýri
FRAMARAR segjast hafa
fundið gömul plögg í skjala-
safni Reykjavíkurborgar sem
sanna að íþróttasvæði félags-
ins við Safamýri sé allt í
þeirra eigu, en eins og staðan
er í dag er ekki til neinn
formlegur lóðarsamningur á
milli Fram og borgarinnar
um svæðið. Þetta kom fram í
samtali Morgunblaðsins við
Svein Andra Sveinsson, for-
mann Fram, en hann sagði að
nú væri verið að þrýsta á
borgaryfirvöld um að ganga
formlega frá samningum um
lóðina og að þegar því lyki
mætt búast við því að skriður
kæmist á umræður um fram-
tíðaráform félagsins, en í því
sambandi hefur m.a. verið
rætt um samstarf við Fjölni í
Grafarvogi eða Þrótt í Laug-
ardal.
„Við höfum verið að rýna í
gömul plögg til þess að reyna
að átta okkur betur á okkar
stöðu, sagði Sveinn Andri.
„Það sem komið hefur upp úr
krafsinu er formleg lóðarút-
hlutun á svæðinu til okkar
frá árinu 1958.
Gunnar Thoroddsen (þá-
verandi borgarstjóri) stað-
festi síðan á 50 ára afmæli fé-
lagsins það sama ár að
borgarráð hefði úthlutað
Fram þessu svæði til eignar,
en það hefur hins vegar
aldrei verið gengið formlega
frá þessu.“
Enn óskipulagt borgar-
land samkvæmt þing-
lýsingarbókum
„Það að svæðið sé í okkar
eigu hefur aldrei verið neitt
vafamál í okkar huga,“ sagði
Sveinn Andri. „Aðrir hafa
hins vegar verið með ein-
hverjar efasemdir, en þeir
sem voru viðstaddir þegar
borgarstjóri gaf okkur lóð-
ina, muna það eins og það
hafi gerst í gær.“
í bréfinu, sem Fram var
sent hinn 8. mars árið 1958,
stóð: „Á fundi bæjarráðs í
gær var samþykkt að úthluta
Knattspyrnufélaginu Fram
landsvæði til íþróttaiðkana
og undir félagsheimili í
Kringlumýri beggja vegna
Miklubrautar, austan
Ki-inglumýi-arbrautar.
Mörk svæðisins ogskilmál-
ar fyrir úthlutuninni verða
ákveðnir um leið og gerður
verður skipulagsuppdráttur
af skipulagi svæðisins.
Þetta tilkynnnist yður hér
með.“
Sveinn Andri sagði að í
þinglýsingarbókum væri
þetta ennþá óskipulagt borg-
arland og þess vegna hefði
félagið verið að ganga á eftir
því við borgina að ganga frá
formhliðinni fljótlega.
50 ára lóðarleigu-
samningur
„Við höfum verið að þrýsta
á það í borgarkerfinu að það
verði gengið frá þessu,“ sagði
Sveinn Andri. „Ætli það væri
ekki einfaldast að gera lang-
tímalóðarleigusamninginn,
þar sem það er í raun bara
stigsmunur á milli eignarlóða
og þannig samninga. Við höf-
um fengið þau skilaboð frá
Ráðhúsinu að það sé ekkert
því til fyrirstöðu að gengið
verði frá 50 ára lóðarleigu-
samningi á næstunni."
Sveinn Andri sagði mikil-
vægt að ganga frá þessum
málum sem fyrst til þess að
félagið gæti verið með sín
mál á hreinu.
„í gegnum tíðina hefur
þetta verið þannig að þegar
við erum að þinglýsa eignar-
veðböndum og öðru slíku á
Lágmarksfíöldi kennsludaga
í grunnskólum
SAMFOK kvart-
ar við mennta-
málaráðuneytið
Reykjavík
ÓSKAR ísfeld Sigurðsson,
formaður SAMFOKS og
áheymarfulltrúi í Fræðslu-
ráði Reykjavíkur, segir að
SAMFOK muni á næstu dög-
um senda menntamálaráðu-
neytinu erindi vegna þess hve
illa Fræðsluráð hafi staðið sig
í að tryggja að nemendur
grunnskóla fái þá 170
kennsludaga sem þeim ber.
Óskar segir ekki ljóst á þessu
stigi hvort erindið verði í
formi kvörtunar eða kæru.
„Fræðsluráð á að sjá til
þess að farið verði eftir
grunnskólalögum en við telj-
um að það hafi ekki verið gert
varðandi fjölda kennsludaga.
Samkvæmt grunnskólalögun-
um á menntamálaráðuneytið
að hafa eftirlit með því að
þessi lög séu uppfyllt.“
Óskar segir þessa umræðu
hafa staðið lengi og ítrekar að
ekki megi gleymast að málið
snúist fyrst og fremst um
hagsmuni barnanna.
„Þetta mál á sér langan að-
draganda. Bæði ég og fyrr-
verandi áheymarfulltrúi for-
eldra í Fræðsluráði höfum
lengi, með fyrirspumum um
fjölda kennsludaga, verið að
reyna að vekja athygli á lág-
marksréttindum barnanna
okkar,“ segir Óskar.
Morgunblaðið/Ámi Sæberg
Sveinn Andri Sveinsson, formaður Fram, segir vel komatil greina að selja íþróttasvæðið.
svæðið okkar þá hefur alltaf
þurft uppáskrift frá borginni.
Þegar einhverjir hafa verið
með aðför að eignum félags-
ins þá hafa þeir alltaf beint
henni að borginni, þar sem
hún hefur alltaf verið skráð-
ur þinglýstur eigandi að
svæðinu."
Fullgilt mæliblað
gefið út 1973
Þó að í bréfinu, sem sent
var Fram í marsmánuði árið
1958, sé ritað að svæðið skuli
vera beggja vegna Kringlu-
mýrarbrautar eru ekki til
gögn um það hjá mælingar-
deild borgarverkfræðings.
Fullgilt mæliblað af svæðinu
var fyrst gefið út í desember
1973 og samkvæmt því er það
bara norðan megin Miklu-
brautar og eru um 34 þúsund
fermetrar skilgreindir sem
svæði Fram, en um 9 þúsund
fermetrar sem leikvöllur Álf-
tamýrarskóla.
Sveinn Andri sagði að
svæðið væri allt í eigu Fram
og að Álftamýrarskóli hefði
aðeins afnotarétt af malar-
vellinum. „Sumir halda því
fram að það sé öfugt, þ.e. að
skólaskrifstofurnar eigi völl-
inn og við hefðum afnotarétt-
inn, en ég held að það sé al-
veg á hreinu að allt þetta
svæði er okkar eign.“
Þó fullgilt mæliblað af
svæðinu hafi ekki verið gefið
út fyrr en 1973 bendir ýmis-
legt til þess að uppdráttur af
því hafi verið gerður fyrr, því
árið 1969 var samþykkt að
Fram mætti byggja Félags-
heimili á lóðinni og því er
Ijóst að á þeim tíma hefur
verið búið að afmarka félag-
inu ákveðið svæði. Blaðamað-
ur athugaði hvort til væru
frekari gögn um þetta hjá
borgarskipulagi, bygginga-
fulltrúa, borgarverkfræðingi
og skjalasafni Reykjavíkur-
borgar en ekkert fannst.
Ekki óhugsandi að
selja ef gott verð fæst
Knattspyrnufélagið Fram,
sem var stofnað árið 1908,
var fyrst með aðstöðu á Mel-
unum, en flutti í Skipholtið
árið 1947. Árið 1972 flutti það
síðan í Safamýrina og hefur
verið þar síðan. í Safamýr-
inni hefur félagið byggt sér
upp ágæta aðstöðu, en fé-
lagsheimilið var tekið í
notkun árið 1974 og árið 1994
var nýtt íþróttahús vígt.
Sveinn Andri sagði það alls
ekki óhugsandi að eftir að
búið væri að ganga formlega
frá einhvers konar samningi
við borgina myndi Fram selja
lóðina ef það myndi fá gott
verð fyrir hana og sagði hann
að Kringlan hefði t.d. sýnt
henni mikinn áhuga.
„Við seljum svæðið ekki
nema við séum búnir að festa
okkur annars staðar, en það
er svo sem ekkert ákveðið í
þessum málum. Við erum
ágætlega staddir eins og er
og okkur liggur ekkert á að
fara af svæðinu, en við erum
opnir fyrir öllu.
Sveinn Andri sagði að
óneitanlega væri svolítið
þröngt um félagið í Safamýr-
inni.
„Svæðið er lítið, en það
væri samt hægt að nýta það
miklu betur. Við höfum hins-
vegar ekki fengið neina fyrir-
greiðslu frá borginni varð-
andi þau plön sem við höfum
haft, eins og setja þarna
gervigrasvöll og stækka
grassvæðið. Borgin virðist
vera upptekin af einhverju
öðru en að skoða þetta þann-
ig að við erum farnir að líta í
kringum okkur og skoða
þann möguleika af alvöru að
selja svæðið.
Samstarf eða sameining
við Fjölni eða Þrótt
Við höfum verið í þreifing-
um við Fjölni síðastliðin tvö
ár þó svo að það hafi ekki
skilað sér enn sem komið er í
neinu áþreifanlegu. Þessar
viðræður hafa verið miklu
ítarlegri en viðræður Fjölnis
og Vals.
Sumum innan félagsins
finnst sameining eða sam-
starf við Þrótt vera meira
borðleggjandi en það hefur
ekki gerst neitt í þeim málum
og engar formlegar viðræður
átt sér stað. Ég er hins vegar
opinn fyrir öllu og skoða alla
möguleika."
Bæjaryfírvöld í Mosfellsbæ halda kynningarfund fyrir íbúa
Ibúum fjölgar
og byggðin
breiðist út
Mosfellsbær
BÆJARYFIRVÖLD í Mos-
fellsbæ héldu í fyrrakvöld
fund með nýjum íbúum bæj-
arins þar sem kynnt voru
skiplagsmál, hugmyndir um
framtíðarþróun bæjarins auk
þess sem farið var yfir helstu
atriði í sögu hans. Á döfinni
eru svo hverfafundir, þar
sem farið verður nánar ofan í
málefni hvers bæjarhluta og
segir Jóhann Sigurjónsson
bæjarstjóri fundi þessa hafi
mælst mjög vel fyrir meðal
íbúa.
Jóhann segir að sífellt
fleira fólk flytjist til Mosfells-
bæjar, í fyrra hafi íbúm fjölg-
að um 6,4%, sem sé mesta
fólksfjölgun sem varð í
nokkru bæjarfélagi. Því hafi
þótt ástæða til að halda fund
fyrir nýja íbúa til að kynna
hin ýmsu málefni bæjarins.
„Á fundinum var farið yfir
helstu atriði sögu bæjarins,
þá uppbyggingu sem hefur
orðið hér á undanförnum ár-
um og skipulagsmál. Svo var
einnig farið inn á fyrirséða
þróun til framtíðar," segir
Jóhann.
Hann bendir á að Mosfells-
bær og -sveit eigi sér merka
sögu og þar hafi verið ýmis
blómleg atvinnustarfsemi í
gegnum tíðina, meðal annars
hafi fyrsta tóvinnuhús lands-
ins verið reist við Álafoss árið
1896. Mosfellsbær hafi einnig
verið mikið landbúnaðarhér-
að og þar hafi alla tíð verið
mikil ylrækt. Atvinnulífið
hafi smám saman breyst og
þróast og segir hann ýmsa
áhugaverða atvinnustarfsemi
vera í bænum nú, meðal ann-
ars höfuðstöðvar flugfélags-
ins Atlanta.
Gert ráð fyrir að
íljúafjöldi tvöfaldist á
næstu tuttugu árum
Jóhann bendir á að bærinn
hafi byggst mjög hratt upp
og þar búi nú tæplega 5.900
manns. Uppbygging byggðar
hafi því einnig verið til um-
ræðu á fundinum.
„Verið er að vinna að
áframhaldandi uppbyggingu
hér á vestursvæðinu. Fyrir-
hugað er að úthluta 40 lóðum
á árinu og einnig er verið að
skipuleggja svæði þar sem
verða rúmlega 160 íbúðir.
Morgunblaðið/Ásdís
Ibúar Mosfellsbæjar á fundi um helstu málefni bæjarfé-
lagsins og framtíðarþröun. Á döfinni eru hverfafundir þar
sem farið verður nánar ofan í málefni hvers bæjarhluta.
Síðan er verið að skoða mið-
bæjarskipulag með tilliti til
þess hvort þétta megi byggð-
ina hér í miðbænum," segir
Jóhann.
Hann segir að með svæðis-
skipulaginu sem nú sé verið
að vinna fyrir höfuðborgar-
svæðið verði að horfa til þess
hver þróunin verði í Mosfells-
bæ á næstu tuttugu árum.
„Inni í þeim áætlunum er
gert ráð fyrir töluvert mikilli
áframhaldandi fjölgun hér,
jafnvel rúmlega tvöföldun á
íbúafjölda á næstu tuttugu
árum. Búist er við því að
íbúar í Mosfellsbæ verði þá á
bilinu 11 til 15 þúsund,“ segir
Jóhann.
Þá segir hann gert ráð fyr-
ir því að byggðin tengist
byggð Reykjavíkur í framtíð-
inni, en mikil umræða sé í
Mosfellsbænum um það
hvernig byggðin muni
þróast. Nú sé hún jaðar-
byggð með frekar lágreistum
húsum en það sé spurning
hvort núverandi einkenni
byggðarinnar haldist eða
hvort þau breytist þegar hún
breiðist út.
Jóhann segir að meirihluti
íbúa Mosfellsbæjar vinni
annars staðar á höfuðborgar-
svæðinu og að sífellt fleira
fólk frá Reykjavík fiytji
þangað. „Þetta er friðsælt
umhverfi og barnvænt og
ungt fólk með börn flytur
mikið hingað. Áður flutti
margt fólk utan af landi hing-
að, en nú sjáum við breytingu
á því og nú flytur hingað tölu-
vert af fólki frá Reykjavík og
annars staðar af höfuðborg-
arsvæðinu,“ segir Jóhann.