Morgunblaðið - 11.03.2000, Qupperneq 66

66 LAUGARDAGUR 11. MARS 2000
MORGUNBLAÐIÐ
FRÉTTIR

ISCH Larbreck As Promised var valinn besti öldungur sýn-
ingarinnar, en hann er enskur Springer Spaniel. Eigandi
hans er Ásta Arnardóttir, en til vinstri á myndinni er Paula
H. Lehkonen, dómari frá Finnlandi.
Cavalier King Charles Spaniel-hundurinn Nettu Rósar-
Sandra var bestur í tegundarhópi 9. Eigandi er Halldóra
Friðriksdóttir og með henni á myndinni er Birgitta Svar-
stad, dómari frá Svíþjóð.
Ómar Ágúst Theodórsson, sem fæddur er 1987, var valinn
besti ungi sýnandinn í flokki 10-13 ára. Hann sýnir hundinn
Popey’s What’s Up Doc, sem er Shih Tzu-hundur. Með hon-
um á myndinni er Birgitta Svarstad, dómari frá Svíþjóð.
Steinunn Þóra Sigurðardóttir
var valin besti ungi sýnandi í
eldri flokki. Hún sýndi Tíbet
Spaniel-hundinn Bio Bios
Rambo Ferdinand. Með henni er
Birgitta Svarstad, dómari frá
Svíþjóð.
Glæsilegir hundar
keppa um
meistaragráður
ALÞJÓÐLEG hundasýning Hunda-
ræktarfélags Islands var haldin um
siðustu helgi. Um 270 hundar af 40
tegundum kepptu sin á milli.
Á alþjóðlegri sýningu þurfa
hundarnir að vera ættbókarfærðir
og af þeim gæðum að þeir geti
komið fram á sýningum hvar sem
er í heiminum. Sýningin gaf bæði
•j alþjóðleg og íslensk meistarastig.
Erlendis þurfa hundaeigendur
að fara á milli landa með hunda
sína til að fá alþjóðleg meistarastig,
en hér á landi er veitt undanþága
til að keppa að þessum fjórum stig-
um sem hundurinn þarf, enda erfitt
um vik að koma hundum aftur til
landsins fari þeir utan. Erlendir
dómarar dæma jafnan á alþjóðlegu
mótunum og núna komu tveir dóm-
arar frá Svíþjóð og Finnlandi.
Á sýningunni er keppt í hvolpa-
fiokki, ungliðaflokki, ung-
hundaflokki, opnum flokki 2 ára og
eldri, öldungaflokki 7 ára og eldri,
og síðan í meistarafiokki en það
eru hundar sem öðlast hafa
meistaranafnbót. Einnig kepptu
ungir sýnendur um nafnbótina
besti sýnandinn i fiokki eldri og
yngri.
Hundaræktarfélag íslands stend-
ur fyrir tveimur alþjóðlegum
hundasýningum árlega og einni
sýningu sem gefur íslensk
meistarastig. Fjöldi hunda hefur
verið svipaður á hverri sýningu
undanfarin ár.
Besti hvolpur sýningarinnar var Enya, en eigandi er Pétur Guðmunds-
son. Sigríður Sigurðardóttir sýndi hundinn og með henni á myndinni er
Birgitta Svarstad, dómari frá Svíþjóð.

Morgunblaðið/Jón Svavarsson
Besti hundur í tegundarhóp 8 var enskur Springer
Spaniel, Æsku Darri. Eigandi er
Elísabet Jóhannsdóttir.
ISCH Erró, Silki Terrier, var bestur í tegundarhóp
3. Eigandi er Anna Heiða Gunnlaugsdóttir.
Bestur í tegundarhópi 1 var Border Collie-hundur,
INT UCH ISCH Fenacre Blue Azil, en eigendur eru
Björn Ólafsson og Lára Birgisdóttir.
Anna Kristín Crtesegna með ISCH Classicway Cach
A Star, en hann er enskur Cocker Spaniel.
: